تيراميسو الاخت فلة سااااااعدووني

[imbra]

السلام عليكم اخواتي :dj_17:


من فضلك الاخت فلة او اي عضوة جربيت تيراميسو فلة تقولي انا اليوم جربتوا والكريمة جاتني خفيفة :confused:ماشي ثقيلة ماعرفتش علاه ماعليش تفيدوني وعلاش ؟
شكراا

[دمعة جراح]

انا جربتو وجي تحفة
لوحيها في فريجيدتر لعودش تجمد

[asma biologiste]

يا اختي حتى انا جربتها و جاتني خفيفة بزااافةبصح كملت بيها انا تبالي لي بتي سويس لازم يكون ثقيل

[asma biologiste]

اختي لازم جبن ماشي بتي سويس هاداوين لاحظت

[touta2010]

اضن انك هبطتي بياض البيض يعني لما خلطتي الصفار وكرام شونتي والبياض خلطتيهم بطريقة خاطا لازم بشويش من الاسفل للاعلى
الاخت لقاتلك الجبن راهي غالطة الوصفة بالبيتي سويس

[touta2010]

ولا بلاك راكي غالطة الكريمة مشي لازم تكون ثقيلة بزاف متوسطة

[محبة الكتاب]

انا ثاني درتها للضياف جت تهبل تهبل وتحمرالوجه بالصح نسينا ماقلنالهومش يشرولنا البيتيسويس وطبعا من سابع المستحيلات تقولي لراجل صايم بعد مادخل للدار ارجع جيبلي البيتسويس راني نسيت نقولك اعليك وقتها راكي تجازفي بعمرك والعمر ماهوش لعبة فحطينا في بلاصتو الياغورت العادي وباش تروحلو الحموضية انتاعا زدنالا قطرات من السيرو الحلو المركز ( اللي ايزيدولا الماء البارد ويشربوه كيما العصير )
الله يجازيها عنا كل خير ويبارك فيها