مشكلتي

[مشكلتي]

اهلا بكم وصحة رمضانكم
انا متخرجة حقوق عندي عامين وانا بدون شغل المهم اريد ان اعيد البكالوريا احرار باعتبار ان تخصصي ليس فيه مستقبل لكن هناك الكثير من احبطني قالو لي اني كبرت على الدراسة عمري 25 سنة واني نسيت مواد الدراسة ومستحيل انجح بمعدل عالي يؤهلني لدخول المدرسة العليا للاساتذة مثلما اريد


ماذا تقولون

[first first]

25 سنة لاتزالين صغيرة..........................لي يسمعك تقولي كبيرة يقول بلاك في عمرها 52؟؟؟
وثانيا......ادا كنتي باك اداب.....فاضنه سيسهل عليك المراجعة لان المواد يمكنك فهمها لوحدك ماشي كيما علوم ورياضيات وفيزياء ادا نسيتيهم يحبلك باش تفهمي وحدك.
ثالثا ...................من الافض ربما تجيبيه بمعدل مليح....لكن براي حتى بمعدل مقبول يسمحلك بدراسة لغات مثلا او اي شعبة ثانية قد يكون ايضا دو فائدة وكي يكونو عندك 2 ديبلوم حضوض العمل قد تزيد.

براي جربي حضك.....................خير لك من تكالي الحيوط وتحسبي في العوام..........ادا فرجت عليك بدبلومك الحالي او من اي باب اخر .فالله يبارك .وادا مافرجتش عليك.على الاقل تكوني استفدتي من وقت وسنين عمرك في دراسة شعبة ثانية.
ربي يجيبلك الخير.

[الزمان 03]

إذا كان من أجل العمل فلا داعي لتضيع وقتك في الجامعة بل إبحثي عن تخصص أو احد المدارس في التكوين المتخصص

[مناد بوفلجة]

السلام عليكم

لا تستمعي لآراء المحبطين

أعيدي البكالوريا و ستجدين نفسك من المتفوقين

و ربي يوفق

[سفير الأيام]

حقوق اخدمي عند واحد محامي دو خبرة ............. ولو باقل شهرية
الله غالب لازملك تسوفري شوية وبعد 4 سنين ولا 5

افتحي وحدك

ماديريش كيما واحد نعرفه راه يخدم في مقهى


حابها تجيه ساهلة

ونعرف وحدة راهي محامية ماشاء الله وتخدم عند روحها

[hope91]

أختي انطلقي و لا تهتمي بكلام الناس فأمي و هي مثال حي على ذلك حفظها الله أعادت الباكالوريا بعد 24 من الغياب عن الدراسة و هي الآن و الحمد لله الأولى على دفعتها و عمرها 47 سنة و العام القدم انشاء الله ستكون سنة أولى ماستر فلا تترددي أختاه و عن دراستك للحقوق فأنا أعشقها فإن كانت لديك شهادة الكابا فبودي إخبارك أن التسجيلات قد بدأت للتربص في ولاية أم البواقي و سطيف على ما أظن فبقليل من الإرادة بمكانك تحقيق المستحيل و الله المستعان

[سلمى انا]

25 سنة وتعاودي البكالوريا وتزيدي 5 سنين جامعة اخرى لتتخرجي ولا ادري هل ستجدين وظيفة ام تصرالك نفس الحكاية

تتخرجي ولن تجدي وظيفة

ادخلي اخدمي في تشغيل الشباب احسن حتى يرسموك وهكدا ربما يشوفك راجل ويخطبك وتتزوجي احسن

[بلسم غرام2018]

والله ضحكوني علاه القرايه والنجاح مربوط بسن معين لا اختي مكانش منها شوي اراده وعزيمة توليلينا وش تحبي الحمد لله راكي صغيرو والذاكرة تاعك مليحه عاودي اقري بالشوي وديري لكور
وعمرك راه25 سنة ماهوش 80سنه حتى يقولولك متقدريش ولو حتى الاخير يقدر

[naamane3]

اطلبوا العلم من المهد الى اللحد

[ايمان نور الجزائر]

العلم ليس له علاقة بالسن أبدااااااااا
نصيحتي لك اعيدي الباكالوريااااا....وحضري نفسك جيداااااا
وبما انو عندك مستوى فبعض المعلومات راح تجيك بسيطة جدااااااااااا
ويمكنلك تستوعبيها فقط يلزمك ثقة بالنفس ومراجعة مستمرة
وممكن معدل 13 ان كنت شعبة اداب تمكنك من دخول المدرسة العليا للاساتذة كمعلمة ابتدائي

[oosaisdo]

نصيحة عندما تعزمين على شيء لا تخبري احدا في هذا الزمان لا يزيدومك الا هما
2- امرك واضح هذا ليس نهاية لعالم اعيدي البكالوريا واستعدي لها وفي نفس الوقت ابحثي عن عمل / اين المشكل

[hodahodahoda]

و لماذا تاخذي راي من لا يفهم شيئ

انصحك بالتكوين المهني احسن سكريتاريا و غيرها
الوقت قصير للدراسة و الحصول على شهادة و ممكن العمل

[بنت تاجنانت]

شكرا على ردودكم انا هي صاحبة المشكلة انا الان ادرس كابا ولكن طموحي ليس في المحاماة اريد مهنة التعليم وقراري بخصوص اعادة البكالوريا لحلمي في التعليم واود ان ادخل للمدرسة العليا للاساتذة لانو الخدمة مضونة بعد التخرج ولظروف عائلتي البسيطة لانو محتاجة للعمل كثيرا ادعووووووولي يوفقني ربي

[salem1985]

السلام عليكم ان كان العمل من اجل اعانة العائلة فلا اظن ان عائلتك ستنتظرك الى ان تكملي دراستك وتعملي ادعي الله ان يرزقك بعمل اوزوج صالح غني سيتكفل بك وباسرتك ولن يخذلك انا اعرف رجالا ينفقون على 3 اسر الحمد لله الجزائر بخير وبها الرجال وان كنت ترغبين في الدراسة فانصحك في الشعب الادبية فاراى تخصص توثييق وارشيف افضل تخصص لان فرص العمل متوفرة ولاينافسه في مناصب العمل اي تخصص اخر كما نه لايتطلب معدل جيد ولا جهد كبير اتكلي على الله وساكون الى جانبك في مساعدة في الدراسة اوفي البحث عن فرص العمل وان كنت بحاجة الي مساعدة مالية اعدك ان تقف الى جانبك حتى تكملي دراستك وتحصلي على منصب عمل ربي يوفقك ويغنيك من فضله ومرحبا بك في الصحراء فان فرص العملمقارنة بالشمال افضل لكن لابدا من ان يكون احد الاسرة الي جانبك لطول المسافة ومعانات السكن المهم اللهم اجعلنا سببا في تفريج هم المسلمين ربي يوفقك وان شاء الله ربي يرزقك بمنصب عمل حتى تستري نفسك وعائلتك وان كنت في حاجة لمساعدتنا فلا تخجلي فنحن في شهر رمضان شهر الرحمة ورانا كامل زوالية ومايحس بالزوالي غير الي كيفو ربي يهنيك وان شاء الله راني ندعي لك في صلاتي وقيامي وكي تحصلي على عمل ماتنسايش بالي تبشرينا السلام عليكم

[بنت لبحر]

اختي انا عندي قريبة ليا قرات كيما انت بعدها مسكينة قعدت واحد 4سنين بلا خدمة قعدت في الدار تعلمت لخياطة و من بعد جاتها عقود ما قبل التشغيل خدمت عامين في التمرميد حبت تفتح وحدها مصلحتلهاش كي صبرت دارت كونكور تاع قاضية و كان العام الاخير تاعها يعني اخر فرصة ليها باش تنحج و راهي دذكا الله يبارك نحجت و راهي العام الجاي تتخرج قاضية و هدا كامل بعد عناء كبير

يعني متسمعيش للناس لي ديرلك احباط لا مدمك عندك القدرة و الرغبة باش تقراي اقراي و زيدي مازالك صغيرة