ضباط الصف الإشارة وضباط الصف دفاع الجوي عن الإقليم

[" سرحات "]

سلام عليكم
ياجماع ربي يعيشكم ها قولولي راه قريب يكمل اجل دفع الملفات راني نهدر وحدي واحد ماحب يعطيلي الصحيح

وين ندفع ملف نتــــــــــاع الإشارة ؟ راني حاب ندخل سرجان ربي يعيشكم
وين ندفع ملف نتاع الدفاع الجوي عن الاقليم هل صحيح في البرواقية
انــــــــا راني راسب في البكالوريـــــــا بمعدل 9.34
يقبولني ولا لا
وراني قريت الشرووط
http://1.bp.blogspot.com/-lgeKp-QdyBw/U7loJ-ZTsXI/AAAAAAAAN-A/XEy9g6d_LIc/s1600/16.JPG

[blibli_09]

الاشارة تدفع في تيارت اذا مانيش غالط و تقدر تدخلها لانو كتبو بلي تثبت انك مسجل في الباك

[" سرحات "]

خويـ راني قريت في الدليل " إستثنائين ؟ ماذا يعني هذاا
في قوات الدفاع الجوي عن الاقليم

[skyrim]

خويا الأحد طلع لتيارت ودفع فيها وان شا ءالله راك مقبوول

[" سرحات "]

اهلا خويـ لعزيز خوك جاب الباك ولا لا ؟ قبل
وش دا معاه دوسي قبل
وزيد وين جات مدرسة إشارة نتاع تيارت قبل
نقدر نروحلهـ انا ولا لا

[esseed]

يا صحاب الموضوع من البارح و انت ملخبط اقراء جيدا دليل التجنيد الاشارة يضعون ملف التجنيد في التيارت و ايضا في ورقلة و لا راك حب تعرف واش فيه الملف اتصل بوزارة الدفاع هما يفهموك كولش

[" سرحات "]

اهلا اخي تقدر تعطيلي الملف الاولي وشكراا لك
بخصوص الحرس الجمهوري صحيح بلا ؟ باك
ربي يعيشك اخي
نهار الاحد راني طالع لتيارت

[خذيري سفيان 2012]

الاشارات كاين عندك تيارت ولا تقرت لزوج نتاع اشارة
+
تقرت راهي مفتوح وراهم يمدو في الاستدعاء

[بلقاسم بلال]

السلام عليكم
انا دفعت البارح
تدي
1صورة
1كشف النقاط تاع الباك ماتكونش مدي 8/20 المعدل
شهادة مدرسية
1صورة طبق الاصل على بطاقة التعريف
ظرف بريدي حجم كبير
1شهادة ميلاد
طلب خطي فيه العنوان ورقم الهاتف
واتكل على الله
بصح لازم تكون علوم تجريبية ولا تقني

[بلقاسم بلال]

راهم يدفعو في البرواقية جاية على الدخلة اونفاس للحبس

[بلقاسم بلال]

قولي وين تسكن

[" سرحات "]

انا من عين وسارة اخي الكريم ولاية الجلفة
وين ندفع انصحني ربي يجازيك
للعلم معدلي 9.34 شعبة تقني رياضي : ميكانيك

[" سرحات "]

خويـ وين تنصحني ندفع الملف وين تيارت ولا البرواقية

[بلقاسم بلال]

خويا مانكدبش عليك وين تروح كاين المعرفة
بسح على حساب رايي البرواقية قريبة ليك خير

[" سرحات "]

صح شوف انا عندي وليد عمتي يخدم { مقدم } في الامن العسكري ومانيش حاب نقوله يقول لي لالا علبـالي
لهاذا رايح نشوف انا ونزهر والله غير تلفتلي قع وين ندفع
لانني كي قريت في البرواقية قالك إستثنائي للراسبين ؟؟؟
وزيد اخي العزيز انت لقيت الغلاشي بزاااااااف ولا لا

[بلقاسم بلال]

مالقيتش بزاف واحد
غير لحقت دفعت قالولو نهارات ونعيطولك تدي الكونفوكاسيو

[بلقاسم بلال]

اتوكل على الله ودفع فيهم في زوج
غدو البرواقية وغير غدوة لتيارت باش ماتتلفلكش و ربي يوفقك

[" سرحات "]

يعني اخي مقلبتش قع ؟
غير تحط الدوسي برك لوكان نبعث واحد بلاصتي ؟؟

[" سرحات "]

خويـا بلقاسم ياودي ربي يجازك
تقدر برك تقول لي وين جات الكزيرن بالضبط وشكرا لك انا من عين وسارة

[بلقاسم بلال]

كي تلحق للبرواقية في لاجونس سقسي عليها ولا على الحبس جايين قدام بعضاهم
هي جاية كيما الدخلة كي تعود جاي من بني سليمان يعني من البويرة

[" سرحات "]

بلقاسم ربي يجازيك اخي الكريم
وانت قتلي لقيت برك واحد يعني انت دفع في البرواقية ماشي في تيارت راهي تخلطت عليـ الامور

[بلقاسم بلال]

انا راني متاكد من البرواقية على خاطر انا حطيت البارح

[" سرحات "]

بلقاسم اخرى سؤال وهو ؟
على اي ساعة رحتلهم انت وش رايك نرووح نهار الإثنين انا ولا الاحد لانني لا ملك صورة نسخ الطبق لـ بطاقة التعريف نسيتهــــا

[hafide92]

تيارت تفتح يوم الاحد الجاي الي بعد غدوا

[milano175]

chof khoya trance ('ichara)jaya tyaret w lyom rahom ydef3o 3ela heseb ma sem3et wila mekache roh ll khenchela