إلى كل مبدعات منتديات الجلفة [الأرشيف] - منتديات الجلفة لكل الجزائريين و العرب

imi mimi

2014-07-09, 17:30

السلام عليكم
رمضان كريم
أريد منكم وصفات حلويات التالة :
1- تكون بالشوفان " كويكر "
2- و أخرى بالشكولاطة
3- وصفات قاطو تكون مثلا محشية بحشو ثم تغلف بالشكولاطة و

و ياريت تكون مجربة أو طريقة تحظيرها بالصور و شكرا

صح فطوركم

samah bc

2014-07-14, 21:09

جربي هذا القاطو انا عجبني بزاف
المقادير:
250غ مرقرين،3بيض،3م ك عسل،2علب بيمو مرحي غبرة،1خميرة،2 م كاكاو،فرينة
الكريمة:
125غ زبدة،4 م ك فوندون،م ك كاكاو،م ك نيسكافي مذوبة في م ك ماء ساخن
للتزيين:
شكولة،رقائق اللوز،حلوى التوت
الطريقة:
نخلط المرقرين مع البيض جيدا ثم نضيف العسل ونحرك ثم البيمو والكاكاو والخميرة ونضيف الفرينة حتى نتحصل على عجينة مثل عجينة الصابلي نحلها بالحلال وبواسطة طابع دائري نقطع دوائر ندخلهم للفرن يطيبو وبعدها نخليهم يبردو
من جهة نحضر الكريمة نسخن الفوندون غير شوية فوق النار ونضيفو على كمية الزبدة ونخلط جيدا بالخلاط الكهربائي ثم نضيف الكاكاو والنيسكافيه
نلصق كل زوج حبات حلوى بالكريمة ونغطسها من فوق في الشكولة لي نكون ذوبتها على حمام مائي مع شوية حليب بعد ما تذوب ننزعها من النار ونضيف القليل فقط من الزبدة ونحرك وقبل ما تنشف نزينها بحلوى التوت ورقائق اللوز ونقدمها في ليكيسات وهذا شكلها
شوفي الصورة في الرابط