كيف اساعد بنتي على التكلم

[aminabil]

السلام عليكم و صح فطوركم جميعا حبيت نحكيلكم على بنتي عندها عام و نصف وما تقولي حتى كللمة من غير "هاتي" اذا لاخبت حاجة و كلمة شيشة اذا جاعت و كلمة ماما كانت تقةلها و مبعد حبستها مع انني نظل نهدر معاها ونعلم فيها و كامل الاطفال اللي في سنها بداو يتكلموا غير هيا .اللي عندها تجربة تقولي بال ما نلجا لOrhtophoniste الرجاء منكم اجابتي و شكرا

[نجاة85]

بنتك فيها لفال انا ابنتي تقول هاك ماتزيدش فوقها ولكن تفهم غير بالعياط

[aminabil]

شكرا لكي اختي نجاة على الاجابة انا بنتي تفهم كل شي لكن ما تهدرش يعني كي نكونو قاعدين و نقولها وين راه بابا تشوف فيه كي نقولها وين راهي ماما تشوف فيا يعني تعرف الاسماء نتاعنا لكن مازال ما تقولهم و ننتظر المزيد من اراء الاخولت من فظلكن

[Simassim]

اختي عام ونص مازالت صغيرة ماتقارنيش نمو تابعها مع الأطفال الآخرين كل واحد ونمو تاعه كاين اللي تمشى عل ٩ شهور وكائن عام باش يقدر يوقف

بالنسبة للكلام انت تكلمي معاها وسمي لها الأشياء هي رآها تخزن الكلمات نهار اللي تنطق راه تخلعك بالقاموس اللي يكون في رأسها

اذا كنتي مقلقة خطيها في الروضة مع الصغار والنشاطات اللي تتعلم

التلفزيون تاني تأثيره سلبي لازم تختاري واش رآها تتفرج
أإنا انظن مازال ما تديها orthophiniste كاين اللي يهدر حتى عامين ونص مي ادا كنت مقلقة عليها ديها يشوفها انت راكي تراقبها وتعريف تصرفاتها

هاد اللي عندي وان شاء الله يفيدوك البقية
صح فطورك

[& هبة الرحمن &]

السلام عليكم و صح فطوركم جميعا حبيت نحكيلكم على بنتي عندها عام و نصف وما تقولي حتى كللمة من غير "هاتي" اذا لاخبت حاجة و كلمة شيشة اذا جاعت و كلمة ماما كانت تقةلها و مبعد حبستها مع انني نظل نهدر معاها ونعلم فيها و كامل الاطفال اللي في سنها بداو يتكلموا غير هيا .اللي عندها تجربة تقولي بال ما نلجا لorhtophoniste الرجاء منكم اجابتي و شكرا

وعليكم السلام ورحمة الله وبركاته
اختي ابنتك ما زالها صغيرة وما دام انها تفهم كل شيء فلا خوف عليها باذن الله ، حاولي تسميلها الاشياء اذا طلبت منك شيء واستغلي وقتك معها اثناء طهي الاكل اثناء الحمام واللعب كلميها كل حين فبذلك يزيد رصيدها اللغوي ويجي النهار للتكلم فهي تخزن ومن بعد تستعمل كل الكلمات الي خزنتها
هذا مشكل الطفل الاول دائما خصوصا اذا كانت الام قليلة الكلام وقليلة الخبرة مع الاطفال ، حاولي تخليها تحتك بالصغار في سنها فهي تتعلم منهم اكثر مما تتعلم من الكبار،
اختي هذه النصائح طبقتها على ابني كان عنده ثلاث سنوان وينطق بعض الكلمات فقط واكبر خطأ عملته معه هو مشاهدة التلفاز كان يتفرج لساعات طوال مما ادى الى ضعف تركيزه وتلعثمه في الكلام فحذاري من ترك الطفل يتفرج لمدة طويلة
ربي يحفظلك بنتك ويجعلها ذرية صالحةوصحا فطوركم
والسلام عليكم ورحمة الله وبركاته

[aminabil]

صح فطوركم حبيت نقولكم شكرا على الاجوبة

[& هبة الرحمن &]

صح فطوركم حبيت نقولكم شكرا على الاجوبة

لاشكر على واجب وان كانت نفس نصائح الاخت الي ردت قبلي ههه هذا وين قريته ردها لا باس في الاعادة افادة
اختي نصحتك بما نصحنا به orthophoniste
ان شاء الله لا باس على بنتك

[ام خليل §]

شكرااااااااااااااااااااا

[ام ياسمين10]

اختى بنتك مازالها صغيرة انا ابنى ديتو للارتفونيست فى سن 3سنوات وكان ميفهمش مليح اذا بنتك تفهم لاباس عليها