10 اختياراتي ...............هل هي صائبة

[bouchera-lili]

شوفو الاختيارات تاعي
كامل مدارس عليا
علوم دقيقة في التانوي
فرنسية في التانوي
انجليزية في الثانوي
علوم دقيقة في المتوسط
فرنسية في المتوسط
انجليزية في المتوسط
تاريخ وجغرافيا في الثانوي
تاريخ وجغرافيا في المتوسط
ادب عربي في الثانوي
ادب عربي في المتوسط

وبارك الله فيكم شوفولي اسكو ملاح ولا لا وباه تقدرو تنصحوني انا قالولي بلي علاوم دقيقة صعيبة بزاااااااااااااااااااااااف
وواش رايكم في مدرسة عليا وشبه طبي
وجزاكم الله خيرا ما عندي غير انتوما تعاونوني :mh31::mh31::sdf::sdf::sdf:

[براءة سامية]

mlah les choix ntaw3ek 3oloum da9i9a mliha 9ratha khti w rahi t9arri dorka mais lazmek ghur te9ray matbojich hak w hak ,,,,3andi brk remarqu 3lah madertich ba3d choix lewal 3oloum da9i9a f lycéé et ba3dha les langue surtt pck raki scientifique mach lettr

[براءة سامية]

uh we chhal moyn nta3eek pck madariis 3olya rahom b 14 et 15

[aymane2530]

اولا كم معدلك

[nassif]

املاح اختي ماتعيريش الى عيرتي ديري في الاخير الدرسة العليا للاساتذة ابتدائي

[bouchera-lili]

مالا مايقبلونيش انا عندي 13.08

[XicaWapa]

انا عندي 13.80 و مستحيل يقبلوني .. مدارس عليا لازم .. 14 .15 و حتى 16 للانجليزية والفرنسية .. لاكان شعبة علوم :(

[nassif]

لالا على الاقل ايمدولك متوسط ولا ابتدائي الة اطلع المدل القبول ماتخافيش

[براءة سامية]

nn matedri balak sna yahbat mohim nti diri 5 choix madaris 3olya nt3 lycé et cem w 5 choix khrun en cas maymeddoulkch madariis 3olya

[وفاء التبسية]

اختي وين طاحولك المدارس العليا لانو معدل القبول يختلف من مدرسة لمدرسة و اي شعبة انت

[براءة سامية]

nchlh ymadouhalk bn chanceeeeeeeeee

[&&المتوكلة على الله]

____________

[bouchera-lili]

انا شعبة علوم وطاحولي في قسنطينة

[bouchera-lili]

حابة نسقسيكم واذا ما ممدوليش خلاص رغباتي واش يمدولي مالا

[bouchera-lili]

واش رايكم نبدل 2 الاخيرين وندير هم تاع ابتدائي ولا على الاقل وحدة

[براءة سامية]

lzm diri ihtiyatatek w tkhayri 3 choix ykouno mach madaris 3olya pck ida mameddoulk ay haja dertuha rahi ydirouk ay haja te9rayha

[وفاء التبسية]

في قسنطينة انت و زهرك معدلاتها خيالية اكثر حتى من المدسين و الفارماسي كيما قالولك زيدي معلم ابتدائي و علوم مادة و رياضيات و اعلام الي في الاخير

[bouchera-lili]

مالا اختي انصحيني بكاش اقتراح نديرو الثالث وجزاك الله خيرا

[اخت الرجل]

لا يمدهوملك مي علوم تجريبي من ضنش بصح رياضيات ممكن خصوصا علوم دقيقة

[فارغ شغل]

اختيارات مليحة اختي الكريمة
لانه سلك الاسانذة حاليا هي لتاكل الخبر والخدمة مضمونة
بصح كام لازم تخلي خيراين ولا3 احتياط من غير تاع الاساتذة
وذلك فى حال ارتقع المعدل للدخول اليهم اموان تولي توجهتي وفقة الرغبة تاعك فى كل الاحوال
والله اعلم

[bouchera-lili]

مالا بواش راح نكمل 3 اختيارات ...................ما فهمتش ربي يعيشكم .............راني في الانتظار بويسك ما عنديش الوقت غدوة لازم نزرب نسجل وبارك اله فيكم راني عندي غير انتوما تقدرو تفهموني

[وفاء التبسية]

اختي ديري معلم ابتدائي عربية و فرنسيه و رياضيات و اعلام الي

[فارغ شغل]

نحاول نبسطلك الفكرة فى حال مثلا ارتفع معدل الدخول للمدارس هذوا لي خيرتيهم
يعني رغبة ما يعطوهالك كيفاش رايحين يدرو على حسب معرفتي يوجهوك هم اتوماتيكيا
لهذا انا لو كنت مكانك
نخلي 9 خيارات كمدارس للاساتذة وخيار الاخير نشوف كاش تخصص مليح من التخصصات لي عطوهملك نديرو ثم
والله اعلم طبعاانتي لك الراي الاخير
وزيدي شوفي مع االاخوة يفيدوك

[bouchera-lili]

رياضيات واعلام الي ما نعرف والو فيها
علابالك اختي..اخي بلي انا طموحي اني ندير طب مي الله غالب واش بكيت ودوكا اقتنعت بمدرسة عليا وفرات ما حبيتش خلاص ندير كشما حاجة بخلافها ...........
ما فهمتش ساعديني ربي يحفظك

[bouchera-lili]

ساعدوني وجزاكم الله خيرا مابقاليش الوقت بزاااف

[rafif.ra]

khti hadou li hatitihom rahom dima f 14 - 15 -16...bon ma ngoulekch khti badli completement mais au moins 3 wla 4 lakhrin badlihom b hwayej khrin li ihtimal kthar ytihoulek w ya3jbouk w dirihom..beh meme koun ma ya3tiwekch li lfoug tihi fi ltaht tkouni nti li khayartihom 3an kana3a...
choufi kayen chibh tibi - 3ouloum char3ia mliha twali oustadha - kayen math informatique - optique - architecture ..lazem tbadli khti au moins 3 lakhrin
b tawfik nchalah

[bouchera-lili]

بارك اله فيك اختي مي الشبه طبي امبعد ورا التسجيلات الجامعية وعلوم اسلامية لازم تحفظ القران والاحاديث ولازم طبق بالفعل مي المجتمع ما يخليكش حنا دوكا نشوفو في اساتذة تاع الشريعة و......................... ربي يسترنا حاشا البعض

[nassif]

خليهم كيما راهم في الاخير ديري عربية استاذمدرسة ابتدائية بلاكي ديري حاجة وحدوخرة بالتوفيق

[bouchera-lili]

خليهم كيما راهم في الاخير ديري عربية استاذمدرسة ابتدائية بلاكي ديري حاجة وحدوخرة بالتوفيق

شكرا لك وبالاك تكون لي فرصة في شبه طبي

[وفاء التبسية]

اختي مالا ديري علوم المادة او بيولوجي والله ما كاين ما يصلح هو احسن تخصص في الجامعة رياضيات و اعلام الي و رام راحو ما يفهمو والو و رام يجيبو في العوام راو كلش على ربي و جهدك انت كي تحطي راسك لقرايا و الله تجيبيها نورمال و هذا على تجربة انا كنت مبلوكيا في الرياضيات و دار الزمان و اخترت شعبة الرياضبات الي كنت المعدل ما نجيبش فيها اصل و وليت ممتازة فيها و اي تمرين نشوفو نحلو بسرعة و هذا لاني قريتها يعني ما تقوليش اني ما نقدرتش انك اليما كيش حابة كي تقولي روحك تقدري و الله تقدري

[bouchera-lili]

ان شاء الله
صح واش قلتيه وراو عجبني كلامك ربي يعيشك ويصونك

[nassif]

بالتوفيييييييييييييييييق

[بريق الأمل14]

بالتووفيق ربي يجيبلك الخير~||

[أزهــار الربيــع]

حسب المعدل أنصحك أن تضعي اختيارين 9 و 10 على الأقل ليس مدارس عليا
حتى تتجنبي أن يضعوك في اختيار خارج 10 اختياراتك فهذا يحصل كثيرا أحيانا حتى لأصحاب المعدل 14
وبالتوفيق

[May-nour]

13.08 صعيب شوية يمدولك المدارس العليا للاساتدة الا معلم فرنسية ابتدلئي في بوزريعة بالاك لانو معدلاتها من 13 لكن الفاصلة طالعة شوية .......انا راني نشوف ميقبلولكش كامل هاد الاختيارات 10 نتي زيدي خممي مليح وسقسي على تخصصات اخرى
وادا تقدري تسجلي في جامعة ممبعد ديري تحويل خارجي للمدرسة العليا للاساتدة الفبة للاني نقرا فيها وكاين لي قبلولهم التحويل الخارجي بمعدلات 12 و 13 مي مي مي سقسي قبل ادا كاين التحويل الخارجي هاد العام والا لا