ياخوتي قولولي شكون خير تكنولوجيا ولا علوم طبيعية

[عطور المعاني]

السلام عليكم ورحمة الله وبركاته


حبيت ندي معرفتكم ة في هادو زوج شكون خير العلوم طبيعية ولا تكنولوجيا شكون نديرها الاختيار اول

[قزيقزة]

يااختي انا راجل تخرج عليا تكنولوجيا خير وانا هي لي خيرتها

[قزيقزة]

جامعة باب زوار

[عطور المعاني]

زعما تكنولوجيا غي تاع دراري ولا كيفاه

[سارق الأحزان]

بيلوجيا فيها حفيظة بزااف تقريبا كالطب
تكنلوجيا يستصعبها بعض الطلبة الفيزياء والكيمياء و الرياضيات
لكنها تسهال في السنة الثانية

[linalou]

السلام عليكم ورحمة الله وبركاته


حبيت ندي معرفتكم ة في هادو زوج شكون خير العلوم طبيعية ولا تكنولوجيا
khayret biologie hiya 1 wtheknou hiya 2
bn courage

[عطور المعاني]

بيلوجيا فيها حفيظة بزااف تقريبا كالطب
تكنلوجيا يستصعبها بعض الطلبة الفيزياء والكيمياء و الرياضيات
لكنها تسهال في السنة الثانية

ودوكا كيفاه بيناتهم كيفاش ندير

[قزيقزة]

خيري التكنولوجيا يااختي على الاقل فيها بزاف تخصصات هندسة مدنية الكترونيك ميكانييك وووووو


بيولوجي مليحة لكن الخدمة فيها صعيبة ومفقودة

[raoufsb]

علوم...................

[raoufsb]

حسب اختقادي الاعلوم افضل والله اعلم

[Ambitious man]

انا انصحك بالعلوم الطبيعية
لان تكنولوجيا تخصصاتها تناسب الرجال اكثر
والله اعلم ... كم هو معدلك ؟؟

[سارق الأحزان]

ودوكا كيفاه بيناتهم كيفاش ندير

حسب ميولاتك ورغبااتك وربما يكون كما ذكر الاخوة ان البيلوجيا احسن للاناث

[ميهانيدار]

تكنولوجيا افضل بكثير من العلوم

[مُﭔﭥسـّمہ دائمًا ツ]

تكنولوجيا العام الاول جذع مشترك متقرايش بزاف مواد عندك رياضيات وفيزياء وكيمياء وزوج اخرين بلاك
المهم اذا تجتهدي تجيبي فيهم 10 واكثر مافيهاش الحفظ بزاف قاع وهذي حاجة مليحة
السنة الثانية ديري تخصص وفيها تخصصات بزاف شابة وعديدة واذا حابة تدري التخصص معين لازم تكوني خدمتي على الاقل مليح السنة اولى باش تضمني يمدولك واش حابة كاين هندسة مدنية وهندسة كهربائية والكترونيك وgénie chimique و génie pharmaceutique هاذو اللي نعرفهم وكاين بزاف على حد علمي

البيولجيا تعتمد على الحفظ بدرجة اولى و فيها تاني الرياضيات والفيزياء وصديقتي دات الباك ب 11 المعدل العام لي فات وراهي ماجورات في باب الزوار ب 15 ماشاء الله عليها لانها مجتهدة و الباك لم يكن معيار للمستوى ابدا اذن متقوليش انا منقدرش الارادة يا اختي ما كاش شئ اسمه صعب ..اومبعد كاين فيها تخصصات بزاف ايضا
انا اختى الكبرى خريجة بيولوجيا وهي من المتفوقين من باب الزوار ونقولك باللي الخدمة ماكاش 3 سنين من اللي تخرجت و راهي تستنا كل عام الكونكور تاع الدكتورا على خاطر هوما مايديروهش كل عام... هوما وواش حبوا !!
من ناحية الخدمة انا ننصحك تدري تكنولوجيا واذا ماركيش تحوسي على خدمة دري واش تحبي انتي الاثنين ملاح

[عطور المعاني]

ربي يحفضكم خوتي

[سارق الأحزان]

تكنولوجيا العام الاول جذع مشترك متقرايش بزاف مواد عندك رياضيات وفيزياء وكيمياء وزوج اخرين بلاك
المهم اذا تجتهدي تجيبي فيهم 10 واكثر مافيهاش الحفظ بزاف قاع وهذي حاجة مليحة
السنة الثانية ديري تخصص وفيها تخصصات بزاف شابة وعديدة واذا حابة تدري التخصص معين لازم تكوني خدمتي على الاقل مليح السنة اولى باش تضمني يمدولك واش حابة كاين هندسة مدنية وهندسة كهربائية والكترونيك وgénie chimique و génie pharmaceutique هاذو اللي نعرفهم وكاين بزاف على حد علمي

البيولجيا تعتمد على الحفظ بدرجة اولى و فيها تاني الرياضيات والفيزياء وصديقتي دات الباك ب 11 المعدل العام لي فات وراهي ماجورات في باب الزوار ب 15 ماشاء الله عليها لانها مجتهدة و الباك لم يكن معيار للمستوى ابدا اذن متقوليش انا منقدرش الارادة يا اختي ما كاش شئ اسمه صعب ..اومبعد كاين فيها تخصصات بزاف ايضا
انا اختى الكبرى خريجة بيولوجيا وهي من المتفوقين من باب الزوار ونقولك باللي الخدمة ماكاش 3 سنين من اللي تخرجت و راهي تستنا كل عام الكونكور تاع الدكتورا على خاطر هوما مايديروهش كل عام... هوما وواش حبوا !!
من ناحية الخدمة انا ننصحك تدري تكنولوجيا واذا ماركيش تحوسي على خدمة دري واش تحبي انتي الاثنين ملاح

ولا حتى الجامعة مقياس مستو
عذرا هناك تخصصات تعتمد الحفظ واخرى الفهم
الباكلوريا كانت تشملهم الاثنين

[عطور المعاني]

اخي سارق واش رايك في لغة فرنسية وهادوما زوج اللي قلتهم

[مُﭔﭥسـّمہ دائمًا ツ]

اتفق معك يا اخي ^^
لكن صديقتي التي اتحدث عنها كانت الاولى كل مشوارها الدراسي وفي عام الباك حدث لها مشكل كان سبب في انها تتحصل على نقطة لا تعبر ابدا عن مستواها واختارت تخصص لم يكن ابدا من طموحاتها وهذا الذي اكدته نتائجها في الجامعة بعد حين ..
الاخت متخوفة من الدراسة ونيتي من هذا المثال للتحفيز لا غير .
سلام

[mimi-sk]

هي تسأل عن علوم طبيعية و ليس بيولوجيا

علوم طبيعية تتحدث عن النبات و الري و كل ما يرتبط بهم

[yassefe]

اولا مكانش تخصص ساهل في الجامعة
انا افضل تكنلوجيا stعلي العلوم وهي ليست تخصص للدكور فقط اعرف بنات كتير داروها
لاكن تكنلوجيا فيها تعب بزاف لازم تجتهدي في العام الاول تم ساهلة مبعد
وفي الاخير يكون قرارك انتي وحدك قرار العقل والقلب.....

[عطور المعاني]

والله ماقدرت ندي راي لروحي لخطراكش ماكنتش حابة ولا تخصص من هادو راني غير عافسة علا قلبي ونشوف والله حرت شكون نديرو اول علوم ولا تكنولوجيا ولا فرونسي

[مُﭔﭥسـّمہ دائمًا ツ]

هي تسأل عن علوم طبيعية و ليس بيولوجيا

علوم طبيعية تتحدث عن النبات و الري و كل ما يرتبط بهم

علوم طبيعة وحياة هي بيولوجيا يا اختي.

اختي عطور المعاني استخيري الله وان شاء الله فيها خير .

[عطور المعاني]

علوم طبيعة وحياة هي بيولوجيا يا اختي.

اختي عطور المعاني استخيري الله وان شاء الله فيها خير .

والله ياختي استاخرت ومابانلي والوا

[@ أبو الليث @]

السلام عليكم ورحمة الله وبركاته


حبيت ندي معرفتكم ة في هادو زوج شكون خير العلوم طبيعية ولا تكنولوجيا شكون نديرها الاختيار اول

تكنو صعيبة على العلوم

و كلشي بالقوسطو يعني واش تحب تقرا

[dark-night]

ana baghiya ndirh tecno mais khayffa psk ghalouli s3iba bazzaf mais biologie mafihach lkhdma mouch mli7a ghalouli