تكاليف الزواج في ولايتك ( مجدد )

[omar-fadel]

مرحبا والسلام عليكم
كل واحد يحسبلنا تكاليف الزواج في الولاية نتاعو
مهر حنة شرط عرس خاتم الخطوبة
الموضوع مهم جدا جدا لأنه الشغل الشاغل للرجل الجزائري لأن الأمر المادي هو العائق والمفتاح الأكبر للزواج في الجزائر
ننتظر تفاعلكم مع الموضوع سواء مجربين أو على أبواب الزواج
يعني بقداه ستقاملاك الزواج

[ندرومة49]

كاين 20 مليون كل شيئ بالمسيلة ++ تكاليق تحضير البيت15 مليون والله بقرة وبنتها

[إيمان احمد]

سقسي يماك و الا اختك تشوفلك شحال في منطقتكم احسن

[biologie2001]

كاين مناطق اهل العروسة يشرطوا و بهدا التكاليف تطلع بزاف و كاين مناطق العكس مكانش شروط و يجيب اللي يقدر عليه

[jouja*]

أقل حاجة باه تقيم عرس 70 مليون وعرس ماكان ماكان

[LOUNIS HOUAS]

ههههههههههههه 30 مليون فيزا + خاتم تزوج بأكرانية و لا سويدية و معليش الروسيات و خليكم من الجنس هذا حاشة المتربيات و بنات الفاميليا

[الاستاذة رجاء]

70 او 80 مليون

[فاطمة الزهراء.]

علاش 70مليون؟؟يشري في بقرة؟؟؟؟
سبحان الله
شوف نحكيلك على ولايتنا الجلفة
احنا عندنا الجلفاويين تاع الصح مايشرطوش المهر يقولك بنتي نبغيلها الهنا برك
نحكيلك على بنات عمي اللي تزوجوا
- وحدة من بنات عمي عطاولها مهرها 5 ملاين فيها كل شي + جابلها خاتم نهار العرس فقط والان عايشين ماشاء الله

وبنت عمي اخرى عطاولها شرط 10ملاين +خاتم الخطوبة +فاليزة الخطوبة(فيها ملابس وماكياج وعطور)+ كبش ومصروفو

اوكي؟؟مع العلم انو مانشرطوووش المهر العريس اللي قادر عليها يمدهالها وخلاص
بصح مش لدرجة مايمد والو
لأنه العروسة المهر اللي يمدوهلها غادي يرجع غير للراجل تشريهلو فراش وجهاز للدار

المهم ربي يفرج على شبابنا

[امينة النايلية]

علاش 70مليون؟؟يشري في بقرة؟؟؟؟
سبحان الله
شوف نحكيلك على ولايتنا الجلفة
احنا عندنا الجلفاويين تاع الصح مايشرطوش المهر يقولك بنتي نبغيلها الهنا برك
نحكيلك على بنات عمي اللي تزوجوا
- وحدة من بنات عمي عطاولها مهرها 5 ملاين فيها كل شي + جابلها خاتم نهار العرس فقط والان عايشين ماشاء الله

وبنت عمي اخرى عطاولها شرط 10ملاين +خاتم الخطوبة +فاليزة الخطوبة(فيها ملابس وماكياج وعطور)+ كبش ومصروفو

اوكي؟؟مع العلم انو مانشرطوووش المهر العريس اللي قادر عليها يمدهالها وخلاص
بصح مش لدرجة مايمد والو
لأنه العروسة المهر اللي يمدوهلها غادي يرجع غير للراجل تشريهلو فراش وجهاز للدار

المهم ربي يفرج على شبابنا

صحا فطوركم
و ماتنسايش تحسبي حق توجاد الدار شومبرا كوشي... وبالاك يبني وزيديلها حق العرس

[la floule]

يا اخي حنا في عوايدنا نشرطو لهنا لطفلة هدا مكان
او مالين لعريس لازم يكونو فاهمين شوية ما يحقروش لعروسة

[عصـــام]

تكاليف الزواج مصيبة في الجزائر ، تخيلوا يا إخوان :

خـاتم الشوفة + عطر .....= 15000 دج
خاتم الخطوبـة ...= 3 ملايين
المهـر + خاتم الزواج + لباس وعطر ....أمور إضافية < فاليزا > = 16 مليون
الشومبرا + لباس الزواج + تأثيت البيت وإعداده = 20 مليون
الشاة + الحلويات ... = 5 ملايين


45 مليون تكاليف الزواج إذا كان الزواج مقتصرا على التواضع فقط . لكن يبقى الضحية البنت أكثر من الرجل في تأخير الزواج ، ربي يسهل ويكون في عون الجميع .

[السي محمد]

30تكفيني إن شاء الله

[فاطمة الزهراء.]

صحا فطوركم
و ماتنسايش تحسبي حق توجاد الدار شومبرا كوشي... وبالاك يبني وزيديلها حق العرس

الله يسلمك حنونة
انا جاوبت برك على المهر اللي يديه للعروسة قالك الجزائرية تكاليفها بزاف مش كامل المناطق كيفكيف
اما الدار والشومبرا وحق العرس اللي يديروا هو عندو هذيك يحسبها روحو ماتدخلش في تكاليف العروسة كيما راهم يحكوا

[LOUNIS HOUAS]

الآن اقل شيئ يفوق 60 مليون
المهر 12مليون -18 مليون
2 خاتم + ويزات 7 مليون
الحلاقة + الحمام 2 مليون
غرفة النوم 9-20 مليون
خرفان العروسة 6-8 مليون
لباس العريس 2-5 ملايين
العشاء عند العريس 20-50 مليون حسب القدرة
الحلويات و ........... امور اخرى 5-10 ملايين
و في الأخير متنساش 20 مليون حق الطلاق في الشتاء القادم وشكرا لخاطر الجيل هذا الصلاق كثرمن الزواج عافانا ربي

والحاجة المليحة مونديال روسيا على الأبواب و بدون فيزا لازم التريث شوية ممكن زوجة روسية مسلمة

[oosaisdo]

تجربتي انا : المهر 15 مليون + خاتم 18+ جهاز 4 ملاين وهذا قبل العرس
*العرس : 10 ملايين مواشي (نعاج) + 2 ملايين مواد غذائية + 1.5 اشياء اخرى + 3ملايين لأهل العروس
بعد العرس : مليون لعزم اهل العروس
المجموع : حوالي 41 مليون


قبل الزواج تجهيز الغرفة حوالى 30 مليون

[سفيان01]

حقيقة المهور غالية في بعض الولايات....ايضا تكاليف الزواج الاخرى اصبحت تعيق الزواج بالنسبة لمجتمعنا وهذا مرده للعادات البالية والتي لاتنم بصلة لديننا الاسلامي....حاليا عمري 35 سنة ولم اتزوج بعد بسبب التكاليف الباهظة للزواج من مهر للعروس والبيت ولوازم البيت وتكاليف حفل الزفاف وووو.....ناهيكم عن الاختيار فالمرأة المتدينة اصبحت عملة نادرة في ايامانا هذه اللهم اغننا بحلالك عن حرامك حلالا طيبا ترضاه...الحمد لله على كل حال

[نجاة85]

اعتقد ان الرجل يكلف اكثر من المراة

[yaso2121]

السلام عليكم و رحمة الله تعالى و بركاته
هذه اول مشاركة لي
شكرا لك على الموضوع
احنا في ولاية المسيلة بلدية ملوزة عندنا المهر 2 ملاين و الجهاز 4 ملاين و التحزام 1مليون و خاتم الفيونصاي وسلسلة للعرس على حساب مقدور العريس كيما بنت عمي شراها 2 ملاين و4

[احساس2009]

حنا ما يفوتش 20 مليون و لكن تبقى على العريس على حساب احوالو المادية
و لكن من جهتي نحب برك لهنا

[snowiman]

عرسي كلف اهل زوجي 15 مليون فيهم كلش ذهب مصروف مهر كلش
جابولي خاتم واحد

[minay.timida]

hna hna lazemlou 200 mlyoun w la ktar bsah lazem nas ynahiw ba3d lbida3 w t3anid wlah bzaf 3la la3ris w la3rosa

[الجزائر هنا]

هنا في ولاية قالمة يشرطوا بالاضافة للمهر و أشياء العروسة, مقيـــاس ذهـــــب !!! أرواح نتا و زوج.

[snowiman]

هنا في ولاية قالمة يشرطوا بالاضافة للمهر و أشياء العروسة, مقيـــاس ذهـــــب !!! أرواح نتا و زوج.




المقياس وحدو قيمة عرسي :o

[الجزائر هنا]

المشكل لا يتوقف في مقياس ذهب و فقط بل أصبح تنافس فيمن تحصل على أجمل و أغلى مقياس من قريناتها. نشريلها واحد ب 20 مليون تقولي لا لا وش بيك بنت عمي زوجها شراه ب 40 مليون !! جيبلي مثله أو أكثر منه و الا كل واحد يروح في طريقه!! سبحان الله العظيم.

[NAZIH_28]

هههههههه يا خاوتي انا نستنى مع الوقت و تشوف كيفاه الطفلة تجي تخطبني :)

[براءة سامية]

تكآآليف جد متوآآضعة...هههههه

[fr95]

في عنابة على الاقل 100 مليون و شوف ربي

[sarl02]

ولايات الشرق الجزائري هي الرائدة في البراكاج والبروفيتاج تقول راهم راهم عايشين فالعصر الحجري ..جهل ما بعده جهل...كان هاته البنت اشراها وراح اعاودلها البيع ...واش هذا يا صاحبي....بعدها تاتي ولايات الغرب الاقصى الجزائري وعلى راسها تلمسان ...ثاني الراجل عندهم الدم يشربوهلو .....ولكن في المقابل نجد الامر مقبول ومعقول في ولايات الوسط وكل حسب قدراته لكن بدون شرط او قيد كما هو الحال عندنا والحمد لله .

[mohazi]

علاش 70مليون؟؟يشري في بقرة؟؟؟؟
سبحان الله
شوف نحكيلك على ولايتنا الجلفة
احنا عندنا الجلفاويين تاع الصح مايشرطوش المهر يقولك بنتي نبغيلها الهنا برك
نحكيلك على بنات عمي اللي تزوجوا
- وحدة من بنات عمي عطاولها مهرها 5 ملاين فيها كل شي + جابلها خاتم نهار العرس فقط والان عايشين ماشاء الله

وبنت عمي اخرى عطاولها شرط 10ملاين +خاتم الخطوبة +فاليزة الخطوبة(فيها ملابس وماكياج وعطور)+ كبش ومصروفو

اوكي؟؟مع العلم انو مانشرطوووش المهر العريس اللي قادر عليها يمدهالها وخلاص
بصح مش لدرجة مايمد والو
لأنه العروسة المهر اللي يمدوهلها غادي يرجع غير للراجل تشريهلو فراش وجهاز للدار

المهم ربي يفرج على شبابنا

كاين حوايج راكي ماحسبتيهمش شوف الطفلة برك تديلك 25 مليون نقولوا فيها كلش + تجهيز غرفة العريس ابسط شيئ 20 مليون + اقامة العرس من 20 مليون وطلع

[مناع]

25 وارفد دي مقيومة

[مناع]

25 قاطع مقطوع ,,,, هههههههه والله ألف اصفر فوقها منزيدكش

[مناع]

مشكوووو ر على الموضووووووووووع

[yassminadz]

مشكووو ر على الموضوووووع

[salem1985]

حنا في الصحراء كانت قبل الحمد لله ام الان ولاو يشرطو المهر راه وصل من15 الى 30 مليون بلا الذهب 25 مليون ولازم دار وحدك وفي العرس تعزم الناس اكثر من 1000 واحد في الحنة والعقد واسبوع كامل فطور عشاء المهم كي يكمل العرس تخدم 10 سنوات باش ترد الدين ومن بعد تجي الطفلة وتشبعك تقلاش انا ما نحبش كذا ولازم نروح للدار كل شهرين ووالدي يتوحشوني انا كرهت الزواج غير كي لقيت التكالف كبيرة انا حاب عرسي ما يفوتش 30 مليون 20 مليون للعروسة و10 للعزيم وخلاص وراني نسقسي كاش منطقة ما يشرطوش نروح نخطب عندهم وخلاص لغالب الزوالي واش رايح يدير في زمان الماديات يحياو القبايل المهر 2 ملاين ما يفوتش

[omar-fadel]

حنا في الصحراء كانت قبل الحمد لله ام الان ولاو يشرطو المهر راه وصل من15 الى 30 مليون بلا الذهب 25 مليون ولازم دار وحدك وفي العرس تعزم الناس اكثر من 1000 واحد في الحنة والعقد واسبوع كامل فطور عشاء المهم كي يكمل العرس تخدم 10 سنوات باش ترد الدين ومن بعد تجي الطفلة وتشبعك تقلاش انا ما نحبش كذا ولازم نروح للدار كل شهرين ووالدي يتوحشوني انا كرهت الزواج غير كي لقيت التكالف كبيرة انا حاب عرسي ما يفوتش 30 مليون 20 مليون للعروسة و10 للعزيم وخلاص وراني نسقسي كاش منطقة ما يشرطوش نروح نخطب عندهم وخلاص لغالب الزوالي واش رايح يدير في زمان الماديات يحياو القبايل المهر 2 ملاين ما يفوتش

والله كلام جميل
والله غير كرهنا التشراط نتاع البنات كرهنا الزواج كرهنا الدار كرهنا كلش غير من الماديات هادو

هكذا أي واحد رايح يخمم ما يزوجش خير

[salah0407]

ربي يجيب الخير

[نواار]

من 50 الى 100 مليون اما غربا فلا داع للحديث فالكل يفكر في الرهبنة

[mouhaned]

في بعض نواحي تيارت 30 مليون

[medvet]

عين الدفلىز
المهر 15 لسن اكبر من25
10 لسن أكبر من 30 و 20 لفتاة صغيرة
1 خاتم للفاتحة
العرس حوالي 15 مليون ل 500 شخص
غرفة النوم 10 -20 مليون

تصرف أكثر غبينة تنقص يقولوا حقرها و أنت خير

[yousra13]

ya yèèmma loukan tchoufo ftlm 20 mohr sans Or
w bla manziid hwayaj lokhriin
!!

[manothebest]

في الجلفة كل وحدة كيفاه
كيما ختي 10 ملايين فيها كلش ماعدا المصروف تاع الفاتحة{ وحتى المصروف نعجة واحدة+ مصروفهافقط }
++ مادرناش عرس يعني خففنا عليه
فاتحة بركـ وداها وغدا عندهم~

[mouhaned]

wawwwwwwwwwwwwwwwwwwwwwwwwwwwwwwwwwwwwwwwwwwwwwwww

[زرابة]

والله المهر شي خاتم وبارور والعرس علا حساب العريس حنا الحمد الله بصح مانغبنوش الناس مهم السترة

[asma.asouma]

نحن في قسنطينة
نبداو بالخطبة.... خاتم الخطوبة 5 ملايين او اكثر زايد القاطوا اللي يجيبوه ( بياسمونطي) هي تاني تدير ب 3 ملاين وزايد النوار اللي يجيبوه ب 7 مية الف.... شفت الخطبة وحدها سقامت كتر من 10 ملاين هذا كاينين اللي يزيدوا يجيبوا حاجة ذهب اخرى

نرجعوا للشرط 15 مليون زايد الصوف وهذا كاينين اللي يطلبوا كتر...

وكاينة الجرية اللي يجيبولها فيها واش تطلب كاينة اللي تطلب بارور والبارور تغلى وتسوى وبلا تاني مايجيبولها من ملابس وعطور

واخيرا العرس ومصاريف العرس وهذا غذاء وهذه قهوة العرس وحدوا في هاذيك الليلة يسوى ويغلى

بلا مانهدروا على الاعياد واش يجيبولها في كل عيد قبل ما تدخل

والله يفرج على كل الشباب والشابات آمين يارب العالمين

[NACIROV18]

الزواج مشروع فاشل
شغل راح تشري طفلة

[salem1985]

انا كل واحد ومقدورو المهم كاينمن 20 الى 70 المهر والجوايج الاخرى كل واحد وقفازتو انا الي ترضى باقل من 15 مليون تقول لي نجي نخطبها الى تفاهمنا وخلاص المهم راني زوالي نا نقدرش فوق 15 مليون والباقي عندي دار وعمل اي السلام

[salem1985]

والله المهر شي خاتم وبارور والعرس علا حساب العريس حنا الحمد الله بصح مانغبنوش الناس مهم السترة
وين اختي بلاك نجي تخطب من عندكم