مـــــــــــســــــاعدة عــــــاجلة

[protection-H]

السلام عليكم
أنا إجتزت باك 2014 ب معدل 13 و حبيت نعاودو 2015

بصح راهم يقولوا بلي لي يجيب باك 2014 و يسجل بيه يعني يقرا في الجامعة. و يعاود يجوز باك حر 2015 و يجيب هذا الباك ماعندوش الحق يستعملوا حتى بعد 5 سنين
هل هاذه المعلومات صحيحة وإن كانت صحيحة يعني خلات علينا.

[need help]

اولا كلشي مبروك ..2-نو مكانش منها حسب علمي ...وتا زيد سقسي الناس المختصة فهاد المجال

[الجزائرية 2010]

شوفي تقدري تبلوكي عامك تاع الجامعة تاع 2014
طبعا الا ديتي باك 2015
وتسجلي عادي بالباك الجديد تاعك
والا حبيتي كملي قرايتك بالباك 2014

وكي تكملي ترجعي تقراي بالباك2015
ماشكيتش الا كاين منها هادي بعد 5 سنين

[lefrada]

السلام عليكم
يااخي منين جبت هده الاشاعة راهم يكدبو عليك
انا مثلك جبت الباك ب 13 وراني معولة نعاودو
وانشاء الله الامور تسير على خير

[nassima18]

لالا مكاش منها

[طالبة علم شرعي]

معلومة غير صحيحة
كل سنة يقولون هكذا لكن تستطيع الاعادة عادي ...

[oran31]

السلام عليكم...

الظاهر أخي أن الذي زودك بهذه المعلومة قد أخطأ أو أنك لم تفهم جيدا مقصوده، لذلك سأشرح لك المقصود:
أولا مبروك عليك الشهادة و إن شاء الله موفق في حياتك بإذن الله تعالى..
يمكن لك التسجيل بشهادتك بشكل عادي، و هنا يوجد خياران: إما أن تدرس عامك الأول في الجامعة و تحضر في نفس الوقت لبكالوريا العام المقبل، أو كما قال أحد الأعضاء "تبلوكي" العام مما يسمح لك بالإهتمام الكلي لشهادة البكالوريا 2015 و هذا ما أنصحك به و إذا لا سمح الله لم توفق في الحصول على البكالوريا أو المعدل المرجو في العام التالي، يمكنك أن "ديبلوكي" العام و تكمل في الجامعة. و كأن شيئا لم يحدث. و أما إن حصلت على شهادة البكالوريا 2015 فيمكنك التسجيل بها بدون مشكل.
في ما يخص التسجيل في بكالوريا 2015، تسجل كمترشح حر.
نعود إلى النقطة المبهمة التي تخص الـ 5 سنوات:
فرضا، يوجد حائز على شهادة البكالوريا سنة 2014، و قد سجل بالجامعة في أحد التخصصات و تخرج حائزا على شهادة الليسانس سنة 2017 مثلا أي بعد ثلاث سنوات. بعد تاريخ الحصول على الشهادة الجامعية بـ 5 سنوات أي سنة 2022، يحق له باسترجاع شهادة البكالوريا 2014 الخاصة به و إعادة التسجيل بها في الجامعة و بالتالي لن يكون مضطرا إلى إعادة إجتياز البكالوريا.

أرجو أن أكون قد وفقت في إيصال الرسالة و أي إستفسار أنا موجود و السلام عليكم... و رمضان مبارك للجميع...