الرياضيات للادبيين

[nassima18]

السلام عليكم
صح فطوركم
وش رايكم نديرو لمة اللي بغا يقرى الرياضيات نتعاونو فيما بيناتنا
واللي عندو اي سؤال او مشكل يطرحوووووووووو
عندنا الدوال اللي عليها اكبر نقطة و المتتاليات والموافقات والاحتمالات

[hadi halna]

ان شاء الله نبداو على بركة الله بالرغم من اني ديت الباك هدا العام مي معليش نحب نعاودو ونقراو كيف كيف ان شاء الله

[mari mimia asma]

صحا فطورك ربي يخيلك موضوع رائع كيما انا راني طافية في الدوال وش تنصحيني ندير وادا قدرتي تطلعينا الدروس وربي يحفظك

[عز مولاي منقور]

هنا لمتنا بإذن الله
http://cutt.us/Nex2

[سرور]

نعم اكيد انا واحدة حاب نفهم الدوال ومتتاليات

[سرور]

نرجو من مشرف ثبت موضوع باه لي يعرف يقدر ساعدنا

[nassima18]

صح فطوركم ايا نبداو على بركة الله بالدوال ادا حبيتو انا نقول الدوال اولا ونتموما ادا توافقوني باسم الله

[عز مولاي منقور]

آش رايكم نكونوا بنفس ترتيب المقرر البداية بالقسمة الإقليدية والموافقات
اللي موافق يدير شكراً بإذن الله سأشرح لكم شرح وافي لكن يجب ان نتفق على وقت نلتقي فيه أو آلية عمل كان توضع الإستفسارات وبعدها كلها نجيب عنها وحدة وحدة

[nassima18]

آش رايكم نكونوا بنفس ترتيب المقرر البداية بالقسمة الإقليدية والموافقات
اللي موافق يدير شكراً بإذن الله سأشرح لكم شرح وافي لكن يجب ان نتفق على وقت نلتقي فيه أو آلية عمل كان توضع الإستفسارات وبعدها كلها نجيب عنها وحدة وحدة
ا انا تبانلي نبداو بالدوال احسن لانو هي اللي تدي عليها اكبر نقطة وثانيا هي الاصعب على الموافقات

[nassima18]

نبداو بالدوال درجة 2
http://im68.gulfup.com/wW0mKm.jpg (http://www.gulfup.com/?aS3d92)
http://im68.gulfup.com/cIQHWA.jpg (http://www.gulfup.com/?OyL4wC)

http://im68.gulfup.com/wmqjdb.jpg (http://www.gulfup.com/?ixOYwx)

[nassima18]

http://im68.gulfup.com/rdhR0P.jpg (http://www.gulfup.com/?c0d4mh)

[عز مولاي منقور]

ا انا تبانلي نبداو بالدوال احسن لانو هي اللي تدي عليها اكبر نقطة وثانيا هي الاصعب على الموافقات
هيا نتفاهموا الأول على طريقة المراجعة ونديروا فهرسة ونبداو بالدوال عادي يالله وينكم جماعة

[nassima18]

رانا هنا
شوفو جماعة الباك وييييييييييييييييين
اولا الدوال درجة ثانية
ثانيا الدوال درجة ثالثة
ثالثا الدوال التناظرية دالة كسرية
فالدوال نحسبو قبل النهايات لانو المجال يعطوهلنا من عندهم
ثم الدالة المشتقة
ثم جدول التغيرات
ثم نقاط التقاطع مع محور الفواصل والتراتيب
نقطة الانعطاف
معادلة المماس
المستقيمات المقاربة
هادا شا كاين فالدوال على ما اتدكر

[سرور]

وي اختي راكي قدقد ممكن تشرحلنا شوي

[nassima18]

اوكي
النهايات تحسبي عند -مالا نهاية وعند+مالانهاية

[أم احمد3]

لا على الترتيب أفضل...القسمة الاقليدية ثم الموافقات وهكذا....لكن كل واحد يحط طريقة سهلة إلى يعتمدها في الفهم نحفظ القاون ولا واش..ثانيا دائما الأسئلة المتوقعة في كل درس...كيف مثلا احسب الحد العام ..هناك طريقة...استدلال بالتراجع فيه طريقة كيف نتمكن من فهم السؤال .الإجابة عليه
انا هنا متابعة ركزوا على الشرح....الشرح



انا هنا متابعة فقط. دايما

[" اكرام "]

اين هوا قسم مخصص للمراجعة رياضيات بالنسبة للادبين

[كودنيم]

الرياضيات مادة تحتاج للفهم و التركيز مع حل التمارين

[bachirdjaloul]

ما شاء الله على الفكرة .................. نبدأ معا مع بداية الدراسة

[السراب الاخير]

سلام عليكم
يعطيك الصحة فكرة مليحة خاصة ادبيين منعرفوش بزاف المات و زيد تهبط فالباك لوكان مندوش فيها مليح
انا المتتاليات والدوال والاحتمال يجوني ملاح مبصح الموافقات مفهمتش ماذابينا نفهفهموا بعضنا
يعطيك الصحة

[amineda]

السلام عليكم و رحمة الله و براكته اخوتي
الريضيات مادة مهمة في البكلوريا و ارجوا ان تقومو بوضع مخطط مراجعة لها لانها سبب في رسوب العديد من المترشحين للبكلوريا
المهم انا هنا في المساعدة اتفقوا على ترتيب معين للدروس و انا اقوم بوضعها و افسر لكم كل شيء
و ارجوا ان تجدو وقت لحل التمارين التي اعطيه بعد كل درس و شكرا اريد تصويت على ترتيب الدروس
1/ موافقة / متتاليات/ دوال
2 متتاليات / دوال / مواقفة
3/ دوال /موافقة / متتاليات
4/متتاليات / موافقة / دوال

[mzeizm mima]

merci bcp
merci bcp
merci bcp