تسجيل الدخول

مشاهدة النسخة كاملة : ارجوكم ارجوكم في امس الحاجة لكم ...

XicaWapa
2014-07-08, 00:39
السلام عليكم
عندي سؤال .. طالبة شعبة علوم تجريبية .. وبعدما تحطمت بمعدل فاجئني و صدمني و ضاع حلم الصيدلة و التخصصات العلمية .. .. انا جبت معدل 13.80 -معدل كارثي و للاسف لظروف خاصة .. المهم الحمد الله ، لم اقتنع بعد لكن ما باليد حيلة .. انا حابا مدرسة عليا للاساتذة .. لكن في قسنطينة خاصة لازمك 16 للانجليزية .. و انا من نجباء في الانجليزية .. متمكنة فيها والحمد الله .. لكن اظن لا امل لي في المدرسة العليا .. انا بعد المدارس العليا حطيت في الاختيارات "اداب ولغة انجليزية .. واش لازمني باه نقدر نقري في الثانوي ولا المتوسط ... اي واحد عندو معلومة ولا خبرة يقولي .. ارجوكم في امس الحاجة ل معرفة هدا .

شكرا مسبقا
وفاء التبسية
2014-07-08, 00:45
قسنطينه معدلاتها عالية بصح سكيكدة هابدة بصح ما فيهاش انجليزية فيها علوم دقيقة و علوم طبيعية برك الا خرجتلك سكيكدة دير فيها
XicaWapa
2014-07-08, 01:21
شكرا على الرد اختي ..
nassif
2014-07-08, 01:37
ديري كامل الرغبات العشرة مدرسة عليا للاساتذة الي مدوهالك في الاختيارات
XicaWapa
2014-07-08, 17:27
up upp

شكرا .. لكن مانيش حابا ندير مدرسة عليا 'تاريخ و جغرافيا ، ولا تعليم ابتدائي.. و لا لغة عربية
انا حابا يا انجليزية يا علوم طبيعية .. و لا تخصص اداب و لغة انجليزية في الجامعة ..
قابضة على الجمر
2014-07-08, 17:35
اذا درت اداب و لفة ةانجليزية تقدري تشاركي في مسابقات توظيف اساتذة المتوسط بعد لاليسونس و التعليم الثانوي بعد الماستر لكن اذا فتحوا هذه المسابقات في عامك لانو كل عام و كيفاه
XicaWapa
2014-07-09, 00:09
شكرا اختي........يعني مشكل..
Wiem4
2014-07-09, 00:52
واش قصدك 16 مافهمتش
بسكو انا رايحة ندير قسنطينة و عطاولي انجليزية في الاختيرات
ملكة الامتياز
2014-07-09, 00:55
نعم معدلاتها جد عالية مفهمتش علاه...المهم تاع الأغواط مدرسة عليا وأظن تاع القبة تجي هابطة معدلاتها
XicaWapa
2014-07-09, 15:32
وئام قداه جبتي معدلك ؟؟
عام لي فات .. انجليزية في قسنطينة معدل 16 و فرنسية 15 فاصة كبيرة ..يعني انا ب 13.80 من سابع المستحيلات يقبلوني :( بالرغم من انو ديت 17.5 في انجليزية باكالوريا .. لكن هوما يشوفو بالمعدل العام و طلب .. وزيد الاولوية لشعبة لغات و اداب وفلسفة ..
XicaWapa
2014-07-10, 15:49
up up up ...