عاونوني راني مرضت و تحطمت

[السيدة اسيا]

السلام عليكم

سادخل في الموضوع بدون مقدمات انا يا اخواني كنت تلميذة جد مجتهدة توقعت معدل 16 في الباكالوريا لكنني فوجئت ب13.17 انه اسوء من كل كوابيسي ...مازالت لحد الان منهارة نفسيا الله لا يشوفكم في حالتي...... خممت نعاودو ليبر العام الجاي بصح شكون يضمنلي بلي نجيبو افضل و انا صراحة لا يمكنني تحمل انتكاسة اخرى ..... بالمختصر المفيد لجئت اليكم بعدما اغلقت كل الابواب في وجهي ارجوكم ان تساعدوني في التوجيه لان ليس لدي خبرة و لا شخص الجا اليه فانا اكبر اخوتي ........فقط في الجامعات التي بالجزائر العاصمة لانني لا استطيع ان اسكن الاقامة الجامعية....حطو روحكم في بلاصتي و خيرولي ارجوكم و ربي يجازيكم ببركة شهره العظيم

اليكم الاختيارات المتاحة مع العلم انني كنت اريد صيدلة لكن....الحمد لله على كل حال

https://sphotos-a-fra.xx.fbcdn.net/hphotos-xpa1/t1.0-9/10502144_1421354358153482_6976503189877922377_n.jp g

https://fbcdn-sphotos-f-a.akamaihd.net/hphotos-ak-xfp1/t1.0-9/10521963_1421352924820292_6097158541395747520_n.jp g

https://sphotos-a-fra.xx.fbcdn.net/hphotos-xpa1/t1.0-9/10540815_1421353058153612_3134867192721999295_n.jp g

https://sphotos-a-fra.xx.fbcdn.net/hphotos-xpa1/l/t1.0-9/10525881_1421353308153587_8061735501285001552_n.jp g



ربي يوفقكم و يجازيكم

[قزيقزة]

مدارولكش رياضيات واعلام الي انا جبت 11.77 وداروهالي

[badrawi]

الحل الوحيد عليك بعلوم التمريض ....و الله هو المستعان

[sebagh]

الحل هو الشبه الطبي ثم تجديد الثقة بالله وعاودي الباك بكل عزيمة فلا تياسي أختي أنا جبت الباك الأول 12.17ثم عاودته جبت 13.5 وما غاديش نياس ونعاوده
حتى يتحقق الحلم ان شاء الله تعالى -والله يعلم وانتم لاتعلمون-

[bill02]

يا اختي و الله معدلك جيد وزيدي علابالك الباك نتاع العام هذا واعر شوية و 13 راكي ملييييييييييحة الان واش نقولك ديري مدرسة عليا نتاع علوم طبيعية بالقبة و لا بوزريعة و لا اختاري حاجة و خلاص مربي يحاسبك تعذبي في نفسك بالتخمام و تزيدي علاروحك

و اذا ما قريتيش بهذا الباك و عاودتيه بالمراسلة و الله غير تندمي و الله غير تندمي المعدل نتاعك الناس تشوفو في المنام يا اختي من فضلك انتبهي الله يخليييييييييك رانا هنا كاش ما تريدي
لالا اختي ما عليهش و الله معدلك جيد صدقيني

[islambazita]

رانا كيفكيف في كلش شوفي واش درت انا
http://im50.gulfup.com/TnHn4r.png

[assoum23]

mi wella paramedical mli7a aussi keyn li na3refhom jebou 15 de moyenne fel bac w derou paramedical psq lkhedma madmouna w 9raya 3 ans brk w ida nti 7aba pharmacie twakli 3la rabi w 3awdi l bac libre bs7 diri 7aja mli7a w bloque l3am sa7 bn courage okhtii w matzidich 3la ro7k betakhmem eda maktoub

[123boutheina]

ماهو الا خير ي نسيرين اختي

شوفي ي الحبيبه العبرة موش بالمعدل ضركا العبر انك اذا اخترتي تخصص تحسني فيه
وتكملي حتى الدكتوراه وخلي موالين 17 تاره يهدروا معاك

نجيو للتخصصات لو كنت في مكانك

1- عندك علوم المادة مليحه وننصحك بها كاختيار اول
علاه ماشي مقصوده بزاف وفرصه التفوق والابداع فيها مضمونه
الدراسه بالنسبه لك تكون باذن الله ساهله وممكن حتى تكوني الاولى ع الدفعه وتستفادي من البعثات

العام الاول فيها جذع مشترك
العام الثاني اما تخصص فيزياء او كمياء
العام الثالث تظهر تخصصات بالمادة المختاره ( معنديش معلومات كافيه لكن ابحثي وبربي تلقاي الي يعجبك )

2- مبعد عندك علوم الطبيعه والحياه كاختيار ثاني
3- هندسه معماريه وعمران
4- تكنولوجيا
5.6.7.8.9.10 -مدارس عليا ( لانها تتطلب معدل عالي وممكن ميعطوهالكش )

شبه طبي بالنسبه لي نموووت ومنديرهش وانتي وميولك ي نسرين

[أم احمد3]

كاين طبيب بيطري
علم الاجتماع..........

[السيدة اسيا]

باااااارك الله فيكم و الله ما ننساهالكم يا اخوتي و راح ناخد كامل ملاحظاتكم بعين الاعتبار و ربي يوفقكم و يوفقني

[XBEY]

1- علوم المادة ...تخصص الاحسن اللي يناسب قدراتك :1:
وقادر يوصلك لبعيد...
اقراي عليه شوي http://univ.ency-education.com/sciences-matiere.html
وماتخلعكش معدلات تاع التخصصات الاخرى

درته انا شخصيا الخيار الثاني في الرغبات....

[حبة ملفاي]

المدارس العليا للأساتذة بوزريعة

تكنولوجيا باب الزوار
علوم الطبيعة و الحياة قسم تحضيري مدمج
علوم المادة باب الزوار
اظن افضل الخيارات المتاحة في الجزائر

[lafouz7]

السلام عليكم و رحمة الله تعالى و بركاته


نصيحة مني ادا كنت متاكدة من نفسك عليك بالاعادة حرة

و لا يوجد انتكاسة و لا اي شيء فقط لكل حصان كبوة

+


تخصص الصيدلة ليس بالسهل على الاطلاق عليكي بالمثابرة

[Cadena]

اختاري حسب ميولاتك ورؤيتك الشخصية

بالنسبة لي أنصحك ب رياضيات-إعلام آلي جامعة هواري بومدين هي متاحة لك ولي إن شاء الله، وبالله المستعان.

[* طالبة الرضى*]

السلام عليكم و رحمة الله
أختي استهدى بالله العزيز الكريم
فكل مؤمن مصاب في ماله و صحته و علمه و لعل اكبر شيئ يحوز في أنفسنا فشل و تحطم للآمال بعد عقد للعزم و احلام
أختي صديقيني مررت بنفص حالتك السنة الماضية و لك ان تقولي تحصلت على نفس معدلك 13.51 بعدما كنت الاولى في دفعتي و المتفوقة في دراسة
و لكن قدر الله و ما شاء فعل لأنه في النهاية لا الدموع ترجع لك معدلا ممتازا و الفشل سيذهب عنك الغم و الحزن بل بالعكس لابد أن تقفي مججا
و كما قال الإخوة معدلك ليس بالبسيط و كم من شخص تمنى فقط لو حاج فرحة النجاح و لو بمدل10 تماما

أنصحك أختي بأن تعيد ترتيب رغباتك فمعدلك يؤهلك لأحسن مما اخترته
أنا درست رياضيات و غعلام آلي في جامعة باتنة و هو حقا تخصص فريد من نوعه يعني بالنسبة لي رائع خاصة اذا كنتي من محبي الرياضيات و المعلوماتية
و لك أيضا أن تدروسيها في باب الزوار
إضافة الى علوم المادة الذي ذكرها الإخوة
و تخصصات فريدة في جامعة باب الزوار
إضافة الى المدارس العليا بالقبة و بوزريعة على ما أظن لعام لي فات مدوها لجماعة دزاير بمعل 13 مانعرف شحال الفاصلة مي احنا معدلات كبار قسمطينة ماقدرتش نلحق عليهم اطلعي على معدلات القبول و شوفيهم
و زيدي خممي مليح و رتبي خياراتك مليح فمعدلك يؤهلك لتخصصات ملاح و الصح في الجامعة لأنو المتفوق ثما عندوا مستقبل باهر

فيما يخص اعادة البكالوريا حرة هي نوعا ما اعرة مع الدراسة في الجامعة لكن مع قليل من التحضير ليس مستحيل

انا غي درست الشهر الأخير السنة و شويا حضيرات بسيطة جبت 13.91

و الله ولي التوفيق
و في النهاية ديري واش يتماشى مع ميولاتك و استخيري الله عز و جل لأنو الخير فيما اختاره الله
موفقة

[protection-H]

السلام عليكم
أنا إجتزت باك 2014 ب معدل 13 و حبيت نعاودو 2015

بصح راهم يقولوا بلي لي يجيب باك 2014 و يسجل بيه يعني يقرا في الجامعة. و يعاود يجوز باك حر 2015 و يجيب هذا الباك ماعندوش الحق يستعملوا حتى بعد 5 سنين
هل هاذه المعلومات صحيحة وإن كانت صحيحة يعني خلات علينا.

[nassif]

يا اختي ديري المدارس العليا للاساتذة القبة وبوزريعة الرغبات العشرة دريهم مدرسة عليا ماعاد الموسيقى مادريهاش بلاكي دري كاش تخصص اخر من غير المدرسة العليا هذه نصيحة متي لكي كاخت بالتوفيق انا ام ناصيف

[السيدة اسيا]

شكرااا جزيلا و بارك الله فيكم جميعا و الله رأيكم يهمني كثيرا و حسيتو بمعاناتي ربي يفرحكم اخوتي
انا درت الخيار الاول التاني و الثالث مدرسة عليا للأساتذة ممبعد مدرسة تحضيرية للعلوم الطبيعية ثم علوم طبيعية ثم تكنولوجية ......

[nassif]

هذي سير ايمدولك مالاختيارات الاخيرة او انت شوفيلاانا قتلك راي

[benayoun]

يا اختي نتي راكي كيفي جبت الباك العام الماضي والصدمة مازالت حتى الان درت علوم بيطرية في قسنطينة وبلوكيت العام لاسباب صحية ولكن نظن من عند ربي باه نبدل التتخصص حسب رأيي ادا كنتي من محبي مادة العلوم ومتفوقة فيها عليك بالاختيار على اساسها والمدرسة العليا للاساتذة هي أحسن خيار ومن جهتي انا راني رايحة نبدل للسبه طبي حسب ما نصحوني ونجرب والحياة هادي تحديات ولازم نكونو قد التحدي وربي معاك

[hana 94]

السلام عليكم انا حصلت على 13.86بكيت بصح الحمد لله
و بغيت نسقسي علي العلوم الطبيعة و الحياة هل هي سهلة و اظنها خياري الاول و هل عملها في المخابر

[prince hako]

ana dite 11,12 w a3tawli 72 chois bs7 dite 19 fi math w a3tawli math informatique