المدرسة الوطنية للسياحة و الفندقة

[asma764]

السلام عليكم
اريد أن أسأل عن المدرسة الوطنية للسياحة و الفندقة . هل هي متاحة و كم معدل قبولها و كيف أسجل فيها ..؟؟

[سآجدْ للهْ]

كونكور + لازم تكون قاوي في الثقافة العامة

[Ambitious man]

هذي حتما تكون بالمعريفة
وزيد لا انصح بها
راح تولي تسيربي الخمر ....ألخ
ربي يهدينا

[asma764]

كونكور + لازم تكون قاوي في الثقافة العامة



أوكي أخي ; لكن كيف أسجل فيها و هي ماكانش فالاختيارات وماكانش في دليل الطالب ; كيفاه نسجل فالكونكور ؟؟؟

[Ambitious man]

أوكي أخي ; لكن كيف أسجل فيها و هي ماكانش فالاختيارات وماكانش في دليل الطالب ; كيفاه نسجل فالكونكور ؟؟؟
اخيتي ممكن نسألك سؤالين ؟
تقدري تستغناي على حجابك ؟
تقدري توزعي الخمر عادي ؟

[algeriano2009]

التسجيل يكون بعد الاعلان عن المسابقة في الجرائد و الدراسة في احدا فنادق العاصمة الكبرى لا أذكر تحديدا لكن أظن فندق الأوراسي.

الحجاب ممنوع و اتقان اللغات الاجنبية لا مفر منه.

[سآجدْ للهْ]

على الارجح لا اعل بوجود توزيع الخمر..ولكن بما ان فيها فاندق الخمسة نجوم مالا فيها فيها

[asma764]

يا خاوتي واشبيكم تهدرو على الخمر و الحجاب ؟؟؟ سقسيتكم كيفاه نسجلو برك ماقلتش لازم بلا حجاب وفيها الخمر ولا نون !!

[asma764]

كونكور + لازم تكون قاوي في الثقافة العامة

التسجيل يكون بعد الاعلان عن المسابقة في الجرائد و الدراسة في احدا فنادق العاصمة الكبرى لا أذكر تحديدا لكن أظن فندق الأوراسي.

الحجاب ممنوع و اتقان اللغات الاجنبية لا مفر منه.




أخي متى يعلن عن المسابقة في الجرائد أرجوك ؟

[Ambitious man]

على الارجح لا اعل بوجود توزيع الخمر..ولكن بما ان فيها فاندق الخمسة نجوم مالا فيها فيها
حبيبي عندي صديقي درس الفندقة ولا يخلو فندق فخم من الخمور .. هذا بشهادته هو

يا خاوتي واشبيكم تهدرو على الخمر و الحجاب ؟؟؟ سقسيتكم كيفاه نسجلو برك ماقلتش لازم بلا حجاب وفيها الخمر ولا نون !!
اسمعي بنيتي انا شخصيا نصحتك حتى لا تضيعي اخرتك
اما ان كان لا يهمك ان كان رزقك حلالا او حراما ... فهذا شانك
فقد قال صلى الله عليه وسلم 'ان لم تستح فاصنع ما شئت"
وربي يوفق الجميع ان شاء الله
واسف لاني قدمت نصائح لك

[algeriano2009]

يعلن عنها دائما بعد نتائج الباكالوربا أو في بداية شهر أوت هــذا هو المعمول به.

[asma764]

يعلن عنها دائما بعد نتائج الباكالوربا أو في بداية شهر أوت هــذا هو المعمول به.



وهل أسجل في أي جامعة أخرى لأن التسجيلات الأولية قد بدأت ثم أقوم بالتحويل ؟؟

[algeriano2009]

وهل أسجل في أي جامعة أخرى لأن التسجيلات الأولية قد بدأت ثم أقوم بالتحويل ؟؟

نعم. سجلي في الجامعة عادي و حين يعلن عن المسابقة تشاركين فيها بشكل عادي.

[الوجہ البَشوش]

اختي لا خمر ولا اي شيء
ابحثي عن صفحتهم الرسمية عل النت
و ستعرفين تخصصات بعد الانهاء

+ الحجاب عادي
اعرف 2 هناك يلبسونه

+ المعدل +12

[زكرياء ابن الجزائر]

يا ودي نورمال كيفاش هذا معنتها تقرى باش تخدم نادلة ؟....؟؟ ياودي تكوني اطار ف الادارة

[asma764]

نعم. سجلي في الجامعة عادي و حين يعلن عن المسابقة تشاركين فيها بشكل عادي.


شكرا جزيلا أخي

[hadjer hadjora]

لالا ما كانش منها المكان محترم و ادا كمت تلبسي الحجاب عادي ما تناحيهش


التسجيل الاولي بالايماي ثم تبعتيلهم الدوسي تاعك و لا ادا كمن قريبة من الفندق الاوراسي خديه انت بيدك عندهم

و يستقبلوك نورمال

و ادا قبلوك يبعتولك convocation باش جوزي الكونكور


الكونكور فيه مات و ثقافة عامة

[hadjer hadjora]

علاش نادلة يصبح عندك ديبلوم السياحة و تقدري تفتحي اجونس تاع السفر او حتي ما تخدميش بيه تكريه

يعني ايدخلك الدراهم وانت قاعدة في دارك

[asma764]

اختي لا خمر ولا اي شيء
ابحثي عن صفحتهم الرسمية عل النت
و ستعرفين تخصصات بعد الانهاء

+ الحجاب عادي
اعرف 2 هناك يلبسونه

+ المعدل +12


نعم أختي انا محجبة ومعدلي 12.38 فارجو منك أن تعطيني أية طريقة لاتصل باللي تعرفيهم هناك عندي بزاف أسئلة لازم نعرفها قبل . فايسوك أو أي شيء .. وشكراا

[hadjer hadjora]

العام اللي فات كان +12 هاد العام ماعلاباليش

[asma764]

لالا ما كانش منها المكان محترم و ادا كمت تلبسي الحجاب عادي ما تناحيهش


التسجيل الاولي بالايماي ثم تبعتيلهم الدوسي تاعك و لا ادا كمن قريبة من الفندق الاوراسي خديه انت بيدك عندهم

و يستقبلوك نورمال

و ادا قبلوك يبعتولك convocation باش جوزي الكونكور


الكونكور فيه مات و ثقافة عامة

آكي تشوفي آختي أنا أصلا حابة سياحة ماش فندقة باه نحل آجونس سياحية
آني ديجا بعثتلهم اليوم فالسيت تعهم الرسمي ولكن لا أعيش فالجزائر العاصمة فهم من الأفضل أن أذهب اليهم الآن أم حتى يديرو اعلان مسابقة الدخول فالجرائد في أوت ؟؟

[وفاء التبسية]

متاكدين انو يعطوكم تسريح بفتح اجونس ولا لا و مستقبلها مضمون

[asma764]

والله الضامن ربي الاخت وفاء

[Ambitious man]

متاكدين انو يعطوكم تسريح بفتح اجونس ولا لا و مستقبلها مضمون
يا اخيتي ليس كل ما يقال صحيح
ونتحدى اي واحد من لي راهم يقولولها ديريها وكامل والحجاب معليش وكامل يجيبولنا واحد درس فيها ...
على كل حال ربي يهدينا

[وفاء التبسية]

يا اخيتي ليس كل ما يقال صحيح
ونتحدى اي واحد من لي راهم يقولولها ديريها وكامل والحجاب معليش وكامل يجيبولنا واحد درس فيها ...
على كل حال ربي يهدينا

يعني يمنع فيها الحجاب انا اصل ما عنديش اي معلومة عليها و مانيش فاهمة واش اصل الدراسة فيها و واش تخرج اما الا تمنع الحجاباو الخدمة فيها مشبوهة انا مش راح نفكر فيها اصل انا فقط استفسر لا غير

[Ambitious man]

يعني يمنع فيها الحجاب انا اصل ما عنديش اي معلومة عليها و مانيش فاهمة واش اصل الدراسة فيها و واش تخرج اما الا تمنع الحجاباو الخدمة فيها مشبوهة انا مش راح نفكر فيها اصل انا فقط استفسر لا غير


اسمعي اخيتي
انا الحجاب ليس لدي خبر مؤكد ... لكن التكوين سيكون في الفنادق الفاخمة ، وفندق فخم في الجزائر يخليك تتكوني على حسابو بالحجاب ؟ ان هذا لعجب عجاب
انا وش نقدر نأكدلك انو عندي صديق قديم تكون فيها وفي فندق الاوراسي تحديدا ، وقال لي بشحمة لسانه انه اثناء التكوين ستوزع الخمور وترى كل انواعها ..
المهم مكان مليء بالمنكرات
والله اعلم
انا كنصيحة اخوية ... ابتعدي عنها ، والاخرين كل واحد يدبر راسو
ربي يوفقك اخيتي

[

[وفاء التبسية]

اسمعي اخيتي
انا الحجاب ليس لدي خبر مؤكد ... لكن التكوين سيكون في الفنادق الفاخمة ، وفندق فخم في الجزائر يخليك تتكوني على حسابو بالحجاب ؟ ان هذا لعجب عجاب
انا وش نقدر نأكدلك انو عندي صديق قديم تكون فيها وفي فندق الاوراسي تحديدا ، وقال لي بشحمة لسانه انه اثناء التكوين ستوزع الخمور وترى كل انواعها ..
المهم مكان مليء بالمنكرات
والله اعلم
انا كنصيحة اخوية ... ابتعدي عنها ، والاخرين كل واحد يدبر راسو
ربي يوفقك اخيتي

[
شكرا بارك الله فيك هي ما دام داخلة فيها فنادق يعني الخمر لازم يكوم داخل فيها على العموم انا حددت اختياراتي و اخترت المدارس العليا و ما اردته فقط
مجرد اخذ معلومة لا غير لانو هاذ التخصص ما سمعتش بيه و ربي يوفقك و شكرا على النصيحة و نشاله توصل للغير

[asma764]

أخي Ambitious man لم تعط أية معلومة مفيدة من الصباح وانت غير تهدر على المنكرات كيما سميتها انت و تقول الله يهيدينا كشغول حنا شايفنا كفار جهال ما نعرفو والو , ماعليهش اسيدي نمشي معاك فالخط , زعمة في بالك كون انت ما قتليش باللي مالازمش نحي حجابي على جالتها كنت انا رايحة نحيه ؟ في بالك مدرسة وطنية بقيمتها رايحين يجيبو الطلاب يوزعو الخمر ؟ خلصو العمال كامل ولا خلات الدنيا ؟؟ واش الذكاء و المنطق الرائع هادا اللي عندك ؟
من فضلك اذا عندك حاجة مليحة تفيدنا بيها تفضل واذا رايح تبقى تهدر على الخمر و المنكرات مشكور مانيش حابة نعرف و نقولك حاجة كل واحد يبقى يفكر غير فالحاجة اللي ناقصتو و الحديث قياس

[وفاء التبسية]

أخي ambitious man لم تعط أية معلومة مفيدة من الصباح وانت غير تهدر على المنكرات كيما سميتها انت و تقول الله يهيدينا كشغول حنا شايفنا كفار جهال ما نعرفو والو , ماعليهش اسيدي نمشي معاك فالخط , زعمة في بالك كون انت ما قتليش باللي مالازمش نحي حجابي على جالتها كنت انا رايحة نحيه ؟ في بالك مدرسة وطنية بقيمتها رايحين يجيبو الطلاب يوزعو الخمر ؟ خلصو العمال كامل ولا خلات الدنيا ؟؟ واش الذكاء و المنطق الرائع هادا اللي عندك ؟
من فضلك اذا عندك حاجة مليحة تفيدنا بيها تفضل واذا رايح تبقى تهدر على الخمر و المنكرات مشكور مانيش حابة نعرف و نقولك حاجة كل واحد يبقى يفكر غير فالحاجة اللي ناقصتو و الحديث قياس

اختي هي مجرد نصيحة قدمهالك وعلاش هاد الانفعال و اصلا هو قجمهالك على اساس واش شاف صاحبو و انت لازم تشوفي اجابياتها و سلبياها و تتقبلي الي يشكرلك فيها و الي ما يشكرلكش فيها و تخرجي بمعلومة و كيما قال ما تقبليش كل ما يقال حتى تشوفي بعينك و زيدي سقسي عليها بالاك واش قالك صح

[Ambitious man]

أخي ambitious man لم تعط أية معلومة مفيدة من الصباح وانت غير تهدر على المنكرات كيما سميتها انت و تقول الله يهيدينا كشغول حنا شايفنا كفار جهال ما نعرفو والو , ماعليهش اسيدي نمشي معاك فالخط , زعمة في بالك كون انت ما قتليش باللي مالازمش نحي حجابي على جالتها كنت انا رايحة نحيه ؟ في بالك مدرسة وطنية بقيمتها رايحين يجيبو الطلاب يوزعو الخمر ؟ خلصو العمال كامل ولا خلات الدنيا ؟؟ واش الذكاء و المنطق الرائع هادا اللي عندك ؟
من فضلك اذا عندك حاجة مليحة تفيدنا بيها تفضل واذا رايح تبقى تهدر على الخمر و المنكرات مشكور مانيش حابة نعرف و نقولك حاجة كل واحد يبقى يفكر غير فالحاجة اللي ناقصتو و الحديث قياس


شكرا بنيتي الصغيرة على ادبك في الكلام ... اغبطك على هذا الادب بكل صراحة (طبعا اذا اضفت لها الخط الاعلى في مادة الجبر )
اما بعد انا تكلمت مع الاخت وفاء ولم اكلمك انت
وقول الله يهدينا ما يقال للكفار ، يقال لاي شخص ، ويا ريت لوكان لقيت واحد بظهر الغيب يدعيلي ربي يهديني
على كل حال مازال الوقت جاي وينضج تفكيرك
موفقة بحول الله اخيتي
واختاريها ان اردت والعام المقبل اخبرينا بتجربتك ...
لكن اقولها لك امام الملأ ، لن تعرفي متى المسابقة ابدا ... وان غدا لناظره لقريب

[biba190003901f666d3e]

wchbih hada l akhh rah yahder 3la cherab wlmonkarat nta jamais bet fi hotel!!! win cheftha hadi yserbiwlek cherab nass karyin 5ans fi ecole superieure !!!!!!!!!!!!!!vraiment hayertni kach wahed yroh yakra 5ans beh yakhdem serveure asma 3ejboni rododek donne moi ton fac stp

[Ambitious man]

wchbih hada l akhh rah yahder 3la cherab wlmonkarat nta jamais bet fi hotel!!! Win cheftha hadi yserbiwlek cherab nass karyin 5ans fi ecole superieure !!!!!!!!!!!!!!vraiment hayertni kach wahed yroh yakra 5ans beh yakhdem serveure asma 3ejboni rododek donne moi ton fac stp

شكرا اخيتي
نسألك سؤال برك ...
كم مدة التكوين ؟ واين ؟
ممكن تجيبيني لو سمحت ؟؟

[biba190003901f666d3e]

5ans fi hotel awrassi mata3refhach mm pas wrak tahderr!!!!

[asma764]

wchbih hada l akhh rah yahder 3la cherab wlmonkarat nta jamais bet fi hotel!!! Win cheftha hadi yserbiwlek cherab nass karyin 5ans fi ecole superieure !!!!!!!!!!!!!!vraiment hayertni kach wahed yroh yakra 5ans beh yakhdem serveure asma 3ejboni rododek donne moi ton fac stp



آكي تشوفي ختي هههههههه و اكيد جامي بات في فندق خخخخخخخخخخخ قالك المنكرات -_- رايحة نقطع شعري على التفكير المتأخر هادا
ولا بالاك كان حابها وما قبلوهش سع نقم على المجتمع وقال نلعب ولا نحرم خخخخ

و أوكي اعطيني اسمك فالفايس درك ناجوتيك

[Ambitious man]

5ans fi hotel awrassi mata3refhach mm pas wrak tahderr!!!!

ما نعرفش ممبا وراني نهدر ؟؟؟
الظاهر مع انك قريتي عند خفيف بصح عقلك لم يراوح الطفولة على ما اظن
هل تسمين الفندق ecole supérieure ???
انظري جيدا الى ردك السابق
على كل حال دخلت للاوراسي من قبل ولا لا ؟؟؟
فيه خمور ولا لا ؟؟؟ هل تعلمين ماذا يدرسون في الفندق طوال هته الخمس سنين ولا لا ؟؟

[malik031]

يا جماعة إتقوا الله في أنفسكم
الحجاب مسموح + التخصص جيد جدا و لكن العيب الوحيد أنوا الدراسة صعبة شويا لازملها جهد
و نتحدى كل واحد يقول كدا و كدا المدرسة جد محترمة

[Ambitious man]

يا جماعة إتقوا الله في أنفسكم
الحجاب مسموح + التخصص جيد جدا و لكن العيب الوحيد أنوا الدراسة صعبة شويا لازملها جهد
و نتحدى كل واحد يقول كدا و كدا المدرسة جد محترمة

بارك الله فيك حبيبي
اين تقع المدرسة هته ؟ داخل فندق الاوراسي ؟؟

[asma764]

يا جماعة إتقوا الله في أنفسكم
الحجاب مسموح + التخصص جيد جدا و لكن العيب الوحيد أنوا الدراسة صعبة شويا لازملها جهد
و نتحدى كل واحد يقول كدا و كدا المدرسة جد محترمة


أخي من فضلك اذا تعرف اي طلاب هناك أرجو أن تعطيني أي وسيلة لاتصل بهم .. شكراا

[asma764]

biba190003901f666d3e أرجوكي اختي لا تحاوريه ولا تردي عليه

[الوجہ البَشوش]

هذا هو الرابط اختي
http://www.enst-algerie.com/