اخت زوجي استعمرتني

[مشكلتي]

السلام عليكم

و الله مشكل كبير، كرهت حياتي

أنا متزوجة و اسكن مع زوجي و اولادي وحدنا

ام زوجي قبل موتها كانت تنتقل بين ابنائها و بناتها، عند كل واحد تبقى شهر او شهرين، و هذا امر طبيعي

يوجد اخت زوجي، عمرها 45 سنة، عاملة و راتبها جيد

تطلقت منذ شهور و هي بدون اولاد، بعد طللاقها كانت تنتقل بين اخوتها، و لكن منذ شهر بقيت عندنا، و الاكثر من هذا انها اشترت أثاث و تلفاز و وضعتهم في غرفة، و على حسب كلامها فهي تريد ان تبقى عندنا الى الابد
مع العلم انها مستحيل تعاود الزواج

زوجي ليس فرح و ليست مشكلة بالنسبة له، تبقى او لا تبقى كيفكيف
و لكن انا كرهت حياتي، ماهو الحل ساعدوني

انا افكر في الطلاق

[/زهرة عصفور الجنة/]

يا اختي واين تريدينها ان تذهب بعد طلاقها
خاصة ان كنت تعيشين في بيت الورثة
وحتى ان لم يكن بيت الورثة فهو بيت اخوها
ديري الخير اختي ولن تعلمي من اي باب سبرد عليكي
ليس هناك شيء مستحيل في هذه الدنيا
لا تنسي ابدا ان هذا الذي تتكلمين عنه هو اخوها
حتى وان كان لها اخوة اخرون
لم تبق عندكم حتى رأت راحة وجدتها عندكم لم تجدها عند البقية
نصبحتي اصبري وادعي الله ان يرزقها زوجا صالحا

[الفاتحة]

أختي حرام عليك وين رايحة تسكن أخت زوجك حطي نفسك في مكانها يا أخت هاذ الدنيا فانية ديري الخير على وجه ربي

[البلبلة]

حاولي تكسبيها بدل من انك تعاديها

خصوصا انك غير نتي وهي نساء في الدار

يعني مكان شكون تعمرها عليك

اجبديها ليك احسن

[~~ أغيلاس ~~]

هههههههه،

راهي في دار خوها،

و خوها راضي،

معندو مدخلك،

و ديري في بالك بلّي البنت الغير متزوجة خوها مسؤول عليها في النفقة و في كل شيء و يحاسب عليها يوم القيامة مثل ابنته،

هي ارتاحت عند خوها هذا و حبت تقعد معاه بالاك هو يعاملها مليح و لا اختو تحسن فيك الظن و دايراتك امرأة مليحة،

رانا في رمضان اسمحيلي بصح معندكش قلب، لو كان كنتي في مكانها ؟

اللهم إني صائم، راح تفطرينا،

لوكان جيت في مكان زوجك و تحلي فمك و الله ديراكت نبعثك لداركم و نخسر الدراهم اللي نخسر و نطلقك، كيفاش نحمل نبقى مع زوجة باردة قلب، اللي مترحمش خت زوجها غدوة مترحمش راجلها كي يمرض،

الايام دُوَل،

اللي مرفه يزلط،

و اللي بصحتو يمرض،

و العكس صحيح،

و ميدوم غير المولى على حالو،

و يا سعدو اللي خدم بيدونتو،

اللهم إنا نسألك العافية .

[bello angel]

ربي يعاونك اختي

[fadilasor]

طيب هاكي انتي قلتي نتطلق حاولي برك تروحي تقعدي شهر عند داركم ولا عند واحد من خاوتك اكيد راح تحسي روحك مقهورة ومظلومة والناس كارهة منك هكدا تحسي بنفس احساس المخلوقة لي راكي حابة تحاوزيها شغل انتي زوجك لقيتيه جا من العدم خافي ربي في الولية وين رايحة تروح وربي يهديك

[bello angel]

على الاول تجيك صعيييييييبة و مباعد توالفي عليها و تعود كي تخرج من دار تتوحشيها
بما انو الوضع مفروض عليك حاولي تتاقلمي معاااه و تشوفي الجوانب الايجابية و هكا تصيبي راحتك و تكبري في عين راجلك

ننصحك ماتربحيش العييب و لي فهمتو من حكايتك انك ماراكش متاكدة انها راح تسكن عندكم

[sonia00]

هههههههه،

راهي في دار خوها،

و خوها راضي،

معندو مدخلك،

و ديري في بالك بلّي البنت الغير متزوجة خوها مسؤول عليها في النفقة و في كل شيء و يحاسب عليها يوم القيامة مثل ابنته،

هي ارتاحت عند خوها هذا و حبت تقعد معاه بالاك هو يعاملها مليح و لا اختو تحسن فيك الظن و دايراتك امرأة مليحة،

رانا في رمضان اسمحيلي بصح معندكش قلب، لو كان كنتي في مكانها ؟

اللهم إني صائم، راح تفطرينا،

لوكان جيت في مكان زوجك و تحلي فمك و الله ديراكت نبعثك لداركم و نخسر الدراهم اللي نخسر و نطلقك، كيفاش نحمل نبقى مع زوجة باردة قلب، اللي مترحمش خت زوجها غدوة مترحمش راجلها كي يمرض،

الايام دُوَل،

اللي مرفه يزلط،

و اللي بصحتو يمرض،

و العكس صحيح،

و ميدوم غير المولى على حالو،

و يا سعدو اللي خدم بيدونتو،

اللهم إنا نسألك العافية .


يعطيك الصحة،،،،،،

[yara media]

ختي واش راح اديري راكي حابة تطلقي من راجلك بسبتها
بعيد الشر بلاك تولي كيما هي راهي طلقت و قعدت من دار لدار
لوكان تولي كيما هي
اختي اقعدي وصبري
ان الله مع الصابرين

[knives66]

2 كلمات و تسمع انا كرهت انا نطلق

خلاص طلقي ورتاحي

واش راح دير تسكن وحدها تروح عند ناس

واش راح دير واش نوع لقلوب لعندكم يالطيف الله يسترنا من

نساء هذا زمان

[sali-sali]

السلام عليكم

ولما تطلقي وين رايح تروحي عندباباك ولا خوك ؟؟

+ حطي روحك في مكانها

يا اختي و اذا ماعندها وين تروح .. تحبيها تسكن وحدها ولا تهمل برا
عادي مافيها والو اكسبيها احسن ليك

ربي يهديك
في هذي راكي غالطة

[دعاء المحبوبة]

هههههههه،

راهي في دار خوها،

و خوها راضي،

معندو مدخلك،

و ديري في بالك بلّي البنت الغير متزوجة خوها مسؤول عليها في النفقة و في كل شيء و يحاسب عليها يوم القيامة مثل ابنته،

هي ارتاحت عند خوها هذا و حبت تقعد معاه بالاك هو يعاملها مليح و لا اختو تحسن فيك الظن و دايراتك امرأة مليحة،

رانا في رمضان اسمحيلي بصح معندكش قلب، لو كان كنتي في مكانها ؟

اللهم إني صائم، راح تفطرينا،

لوكان جيت في مكان زوجك و تحلي فمك و الله ديراكت نبعثك لداركم و نخسر الدراهم اللي نخسر و نطلقك، كيفاش نحمل نبقى مع زوجة باردة قلب، اللي مترحمش خت زوجها غدوة مترحمش راجلها كي يمرض،

الايام دُوَل،

اللي مرفه يزلط،

و اللي بصحتو يمرض،

و العكس صحيح،

و ميدوم غير المولى على حالو،

و يا سعدو اللي خدم بيدونتو،

اللهم إنا نسألك العافية .
بارك الله فيك ونعم الرأي.

[إيمان احمد]

اختي حرااااااااااااااااااااااااااااااام عليك وين راكي حابتها تروح تهمل في الزنق و تجيبلكم العار حراام عليك و الله راهي مطلقة و يتيمة ما عندها وين تروح و انت على هد السبة راكي حابة تتطلق اسمحيلي عقلك صغير

[دعاء المحبوبة]

*بما أنك تفكرين في الطلاق، الحل هو أن تبحث أخت زوجك السابق عن امرأة صالحة لأخيها ، بما أنها عاملة يجب عليها ان تعينه ماديا لأن عنده أبناء وجب عليه أن ينفق عليهم.
*أنت يا صاحبة المشكلة ربي يفرج عليك وما طحيش في زوجة أخ مثل صاحبة المشكلة.
(نصيحة: اصبري اصبري اصبري.... والله المستعان)

[إيمان احمد]

هههههههه،

راهي في دار خوها،

و خوها راضي،

معندو مدخلك،

و ديري في بالك بلّي البنت الغير متزوجة خوها مسؤول عليها في النفقة و في كل شيء و يحاسب عليها يوم القيامة مثل ابنته،

هي ارتاحت عند خوها هذا و حبت تقعد معاه بالاك هو يعاملها مليح و لا اختو تحسن فيك الظن و دايراتك امرأة مليحة،

رانا في رمضان اسمحيلي بصح معندكش قلب، لو كان كنتي في مكانها ؟

اللهم إني صائم، راح تفطرينا،

لوكان جيت في مكان زوجك و تحلي فمك و الله ديراكت نبعثك لداركم و نخسر الدراهم اللي نخسر و نطلقك، كيفاش نحمل نبقى مع زوجة باردة قلب، اللي مترحمش خت زوجها غدوة مترحمش راجلها كي يمرض،

الايام دُوَل،

اللي مرفه يزلط،

و اللي بصحتو يمرض،

و العكس صحيح،

و ميدوم غير المولى على حالو،

و يا سعدو اللي خدم بيدونتو،

اللهم إنا نسألك العافية .

100%100 مع كلامك يعطيك الصح

[dalal batna]

هي مادام اشترت تلفاز واغراض يعني رايحة تقعد في دار خوها وهذا الشي من حقها الطبيعي .اختي اعتبريها أختك وتعايشي معها ومع الوقت رايحة توالفيها،وصدقيني كل ما تكوني مليحة معها رايحة تربحي راحة البال والعكس اذا حاولتي تقسي عليها رايحة تخلقي مشاكل بينك وبين راجلك. كوني رؤوفة بها يعني ما يكفيهاش انها تطلقت وفوق هذا ما عندهاش اولاد يعني ليس لديها من تسند ضهرها عليه الا اخوها الذي التجأت اليه وصدقيني يجي نهار تلقايها وقت الشدة،هذي دنيا دوارة ،حاولي تراجعي نفسك ورح تتاكدي انك مخطأة

[امينة النايلية]

والله طاحت دمعتي
قولي راكي تتمسخري برك . عندها كامل هاذو الهموم و مابردش قلبك يتيمة وبلا ولاد ومطلقة
وزدتي قلتي مستحيل تتزوج علاه شفتيهالها فلمنام حابة تكملي عليها وتنحيلها السترة .
ماكيش خايفة تخرج فيك هاذ الدنيا دوارة اذا مش اليوم غدوة

[ايمان نور الجزائر]

الدنيا صعيبة يوم ليك ويوم عليك
نتيا دايرة في بالك بللي راهي داتلك حقك وسكنت دارك
لكن الصح راهي دارها دار خوها دارها قبل ما تكون دارك
من واجب اخوها يتهلى فيهااا وياويها ويوفرلها واش تحتاج
صفي نيتك وارحمي البنت راهي يتيمة
واذا ما رفدهاش خوها شكون بيها

[thawizat10]

لا حول ولا قوة إلا بالله
ما هذه الردود الواحد يكون نورمال تزيدولو
لوكان حتى راكوم فاهمين معليش
الأخت متضايقة لأن أخت زوجها بإمكانها تروح عند الإخوة الأخرين و هكذا يتعاونوا فيها و تبقى معززة مكرمة ما يملوا منها ما تمل منهم
لكنها لا تقعد غير عندها
هذا ما ضايقها و مراهيش حابة تحاوزها ولا أي شيء مما تقولون
لكن أختي بلاك يهديها ربي وتروح عند الإخوة الأخرين
و إلا لا وسعي خاطرك و اصبري
كفاش راكي حابة تخربي بيتك وتخلي زوجك وأولادك على جالها
أمبعد أختي إلا روحتي و خليتي ولادك وراجلك ودارك وين راكي رايحة عند الوالدين ميدوموش و لا عند زوجة الأخ راكي جربت شعورك يعني مطمعيش تقبل بيك مرت خوك
أنا نقول ربي يهديها و يهديك
مهما حدث تزعفي تقنطي بصح أمبعد تولي توالفي
إياك والطلاق
ديري فيها الخير و ربي يعوضك و يفرج عليك إن شاء الله

[@ أبو الليث @]

أنا حاب نعرف اذا تطلقت لا قدر الله

تروحي عند خوك و لا وين؟

[تراتيـل صبــح]

أختي تقبلي كلامي بصدر رحب:
1/ قلتِ أخت زوجي استعمرتني
حين قرأت العنوان جاء في بالي شيء وحين قرأت الموضوع وجدت شيءآخر
كنتث أظنها تستعمل ملابسكِ وتأخذ أموالكِ وتنهب كل ما هو ملكك
لكن ظهر أنها سكنت عندكِ
سؤال: هل تملكين البيت الذي تسكنين ؟ هل هو ملكك أو ملك زوجك؟
إن كان ملكك فاطرديها فالمستعمر يُطرد!
2/ قلتِ هي تتنقل بين اخوتها واستقرت عندكم واشترت أثاث
هذا مؤشر جيد أنها شعرت بالراحة عندكم فلو شعرت بالراحة عند أحد أخوة زوجكِ لما بقيت عندك،
لا ألمح هنا أن تسيئي معاملتها، اياكِ، لكن فكري من تكون؟ وكيف هي حالتها؟
والدنيا تدور كالدولاب ومن لا يرحم غيره لا يطمع في رحمة الله.
3/ قلتِ أن أم زوجك كانت تفعل نفس الشيء والظاهر الأمر لم يقلقكِ
فهل تستقبلين الأم ولا تستقبلين الأخت؟ من قبل الأم أكيد يقبل الأخت اذا كانت في حالتها
4/ قلتِ هي مطلقة وليس لها أولاد
هل تريدينها أن تشتري منزل وتسكن بمفردها؟
هل هذا معقول برأيك؟
فكري
الطلاق ليس الحل
والسبب واهٍ جداً
تخيلي لو انك تسكنين مع أهل زوجك؟ نفس الشيء برأيي
موفقة.

[حـــــــــــــــــوِيتَة]

اصبري عليها
لو كانت اختك مكانها كيف تتصرفين ؟

[الناصر لدين الله]

هي لم تقل أنه يرمي أخته في الشارع
هي تبحث عن حقها في الاستقلالية فقط
لحل هذه المشكلة يجب أن نفكر في كلا الطرفين

[حـــــــــــــــــوِيتَة]

هي لم تقل أنه يرمي أخته في الشارع
هي تبحث عن حقها في الاستقلالية فقط
لحل هذه المشكلة يجب أن نفكر في كلا الطرفين



وهل ترى من المنطق طلب الطلاق ؟

الى هذه الدرجة انعدم الصبر

[bello angel]

يا خاوتي واش بيكم ?????,,
الاخت حكات لي في قلبها واش هادو الردووود
لعبتووووها كامل ملائكة و قلوبكم ما فيهاش نقطة سوداااء?,,
ربي يهديكم اللي عندو وجهة نظر يطرحها باحترااااااااااااام

تعلمو تتحاورو و بعد ردو

[عائشة 88]

يا اختي الله يسامحك وعلاه واش دارتلك المخلوقه يمالا لوكان كانت اوالدتو عايشة تعملي معاها نفس الموقف انا نقولك كما تدين تدان والدنيا دوارة نصيحة ديريها كي اختك وكوني معاها في محنتها بنت الاصل والله ماتخمم كيما انتي ممكن ربي بعثهالك تكون خير انيس ليك تعاونك واخوها هو لي يقرر مش انتي....

[نسيم الهوى21]

يا اختي نصيحتي ليك صلي الاستخارة وادعي ربي ادا فيها خير في دينك ومعاشك وعاقبة امرك ربي ان شاء الله يسهلك امورك مالي تكوني ماتحمليهاش تولي تحبيها وربي يحنن قلوبكم على بعض وادا العكس والله اديرلك ربي مخرج من حيث لا تحتسبين

[رحمة من المولى]

هههههههه،

راهي في دار خوها،

و خوها راضي،

معندو مدخلك،

و ديري في بالك بلّي البنت الغير متزوجة خوها مسؤول عليها في النفقة و في كل شيء و يحاسب عليها يوم القيامة مثل ابنته،

هي ارتاحت عند خوها هذا و حبت تقعد معاه بالاك هو يعاملها مليح و لا اختو تحسن فيك الظن و دايراتك امرأة مليحة،

رانا في رمضان اسمحيلي بصح معندكش قلب، لو كان كنتي في مكانها ؟

اللهم إني صائم، راح تفطرينا،

لوكان جيت في مكان زوجك و تحلي فمك و الله ديراكت نبعثك لداركم و نخسر الدراهم اللي نخسر و نطلقك، كيفاش نحمل نبقى مع زوجة باردة قلب، اللي مترحمش خت زوجها غدوة مترحمش راجلها كي يمرض،

الايام دُوَل،

اللي مرفه يزلط،

و اللي بصحتو يمرض،

و العكس صحيح،

و ميدوم غير المولى على حالو،

و يا سعدو اللي خدم بيدونتو،

اللهم إنا نسألك العافية .



ها الرجااااااااااااااااااااااااااااااااااااااااااال