احتاج مساعدتكم........

[Emily Rose-richi]

هده السنة اجتزت امتحان شهادة البكالوريا ولم يحالفني الحظ مع العلم اني حضرت نفسي جيدا وكنت متاكدة بلي نجيب
ولكن لما شفت نقاطي لم اصدق وحقيقة هي ليست نقاطي درت دروس الدعم في جميع المواد ولكن يا للاسف فكرت في الطعن ولكن اهلي ماهمش حابين
الحل الوحيد اني اعيد السنة ولكن راني متخوفة بزاف ومانيش متقبلتها خلاص وقالولي تاني بلي منقدرش نعاود عندي 8.65 مع العلم هادي اول مرة لي نعاود فيها هل هادا صحيح
وحسبي الله ونعم الوكيل في الاساتدة لي هلكونا في التصيح ولي مدو لي ماقراش خلاص
افيدوني ارجوكم واعطوني طريقة نقدر بيها نتفوق اكثر في عام 2015 :sdf:

[**خليصة **]

اي شعبه انتي

[maissaa missou]

السلاام عليكم اختي
انا في باالي تقدري تعااودي
بااسكو مااراكيش معااودة بزااف
وربي يوفقك في حياااتك حبوبة

[مريم الورد]

اختي ربي يعينك كل تاخيرة فيها خير

عاودي العام ماراك خاسرة والو كاين الي ربح الباك ومن بعد ما ربح والو من الجامعة غير الشقا

الا نتي شعبة العلوم التجريبية مستعدة نساعدك في أي حاجة تحتاجيها والله راح نكون لكي سند وبادن الله تنجحي

وترجعي فرحانة العام الجاي ة تكتبيلنا رد بلي نتي نجحتي

[Emily Rose-richi]

شعبة علوم تجريبية

اريد طرق تجعلني اتفوق في المواد العلمية اكثر وكيفية المراجعة
وشكرا لكم

[Emily Rose-richi]

اختي ربي يعينك كل تاخيرة فيها خير

عاودي العام ماراك خاسرة والو كاين الي ربح الباك ومن بعد ما ربح والو من الجامعة غير الشقا

الا نتي شعبة العلوم التجريبية مستعدة نساعدك في أي حاجة تحتاجيها والله راح نكون لكي سند وبادن الله تنجحي

وترجعي فرحانة العام الجاي ة تكتبيلنا رد بلي نتي نجحتي



ان شاء الله يارب
شكرا لك

[RIMOMA]

bn je pense ykhalook t3awdii y9oloo hakak m3a lawal brk omba3d ydakhlook 3adi (hna tan daroo hakak fe lycée dyali)

انصحك ما دام انتي حتعاودي (وان شاء الله تجيبيه) باعادة الدروس مع حل التمارين في هذه العطلة (لا تقولي ارتاح فان نيل العلى بالاجتهاد لا بالراحة و ان راحة بعد راحة تعب و راحة بعد تعب راحة)
بالنسبة للمواد العلمية حلي وش تقدري من التمارين و قدما تحلي قولي قليل

مثلا طريقتي انا وضعت في كل فصل كراس (نحل فيه تمارين كل المواد) ص 299 بحيث نقسم الصفحة على 2 وفي نفس الوقت نسيي نظم و بالوقت المحدد لكل تمرين(مثلا تمرين دوال نسيي ناطيلو 30د برك) و بلاك تنجحلك هذي الطريقة (انا تحصلت في النهاية على معدل 14 لم يرضني لكن عسى فيه خير)

و في النهاية نقولك بالتوفيق ختي ا شاء الله واذا احتجتي اي شيء فنحن هنا في الخدمة.

[Emily Rose-richi]

bn je pense ykhalook t3awdii y9oloo hakak m3a lawal brk omba3d ydakhlook 3adi (hna tan daroo hakak fe lycée dyali)

انصحك ما دام انتي حتعاودي (وان شاء الله تجيبيه) باعادة الدروس مع حل التمارين في هذه العطلة (لا تقولي ارتاح فان نيل العلى بالاجتهاد لا بالراحة و ان راحة بعد راحة تعب و راحة بعد تعب راحة)
بالنسبة للمواد العلمية حلي وش تقدري من التمارين و قدما تحلي قولي قليل

مثلا طريقتي انا وضعت في كل فصل كراس (نحل فيه تمارين كل المواد) ص 299 بحيث نقسم الصفحة على 2 وفي نفس الوقت نسيي نظم و بالوقت المحدد لكل تمرين(مثلا تمرين دوال نسيي ناطيلو 30د برك) و بلاك تنجحلك هذي الطريقة (انا تحصلت في النهاية على معدل 14 لم يرضني لكن عسى فيه خير)

و في النهاية نقولك بالتوفيق ختي ا شاء الله واذا احتجتي اي شيء فنحن هنا في الخدمة.

بارك الله فيك ان شاء الله ساتبع هده الطريقة
هاد العام بادن الله قررت ندير دروس الدعم في الرياضيات والفزياء فقط
لانو كي درت دروس الدعم في جميع المواد ماتحصلتش على الباك قلت ندرس وحدي خير صح ولا

[RIMOMA]

صح ^_^
انا درت في الفيزياء والرياضيات و العلوم .
ديري برنامج اسبوعي كل يوم اقراي على الاكثر مادتين (مادة علمية و الاخرى ادبية) و بالتوفيق لك

[Emily Rose-richi]

[quote=rimoma;3991156462]صح ^_^
انا درت في الفيزياء والرياضيات و العلوم .
ديري برنامج اسبوعي كل يوم اقراي على الاكثر مادتين (مادة علمية و الاخرى ادبية) و بالتوفيق لك[/quote


شكرااااااااااااا لك

[fifi tery]

ضعي جدول مناسب لك تعتدمينه في المراجعة

[ch fadila]

هده السنة اجتزت امتحان شهادة البكالوريا ولم يحالفني الحظ مع العلم اني حضرت نفسي جيدا وكنت متاكدة بلي نجيب
ولكن لما شفت نقاطي لم اصدق وحقيقة هي ليست نقاطي درت دروس الدعم في جميع المواد ولكن يا للاسف فكرت في الطعن ولكن اهلي ماهمش حابين
الحل الوحيد اني اعيد السنة ولكن راني متخوفة بزاف ومانيش متقبلتها خلاص وقالولي تاني بلي منقدرش نعاود عندي 8.65 مع العلم هادي اول مرة لي نعاود فيها هل هادا صحيح
وحسبي الله ونعم الوكيل في الاساتدة لي هلكونا في التصيح ولي مدو لي ماقراش خلاص
افيدوني ارجوكم واعطوني طريقة نقدر بيها نتفوق اكثر في عام 2015 :sdf:


السلام عليكم
شوفي اختي رضاي بلي كتبهلك ربي سبحانه " وعسى ان تكرهو شيئا وهو خير لكم "
انا صرالي كيفك وخسرت الباك بنقاط لي كان يقراهم يقولي والله متستاهلي تعاودي و بمعدل كان قريب من 10انا كنت شادة غير في هاذ الاية وعاودت باكي والحمد لله ربحته في عامي الثاني وبمعدل ماشاء الله ونصيحتي ليك :
اول حاجة من حقك تاعودي الباك ومكاش لي يسالك حتى لو كان جبتيه 4 المعدل
ثاني حاجة ريحي شوي وكي تبداو تقراو عندما يكون عندك مادة معينة مثل الفيزياء حلي التمارين نتاع الدرس لي عندك غدوى يعني كل درس سبقيه بتمارين نتاوعو نهار قبل بلا ماتشوفي في cahier نتاعك وبلا شفت روحك ماعرفتيش بداي تفهمي كيفاه حلوه بهاذ الطريقة منين جابو هاذ الحساب علاه في هاذ التمرين حليناه بطريقة وفي التمرين الثاني ماستعملناش نفس الطريقة بداي بشوي وعمرك ماتقولي هذا صاعب نحلو وهذا ساهل مانحلوش كلهم كيف كيف ديري confiance في روحك وبلاك تنغري نوصيك تواضعي ويلا جاوك حود وقالولك مناش فاهمين هذا وانتي كنت فاهمة فهميهم ديريها مليح في بالك كيماتعاوني واحد محتاج ليوم غدوى في الباك يلا حصلتي ربي يعاونك ( صراتلي مرة وكتب ربي في الباك كان ظرف صرالي ماريفيزيتش comptabilité ربي مانسانيش الحمد لله تحصلت على اعلى نقطة)
واخيرا ماتقرايش مادة على مادة كلهم كيف كيف كيما تريفيزي الرياضيات رفيزي الفرنسية والفلسفة ماتخيريش مادة على مادة انا هذي هي الطريقة الي اعتمدتها والحمد لله
ربي معاك اختي وربي يسهل وان شاء الله تكوني من الناجحين العام الجاي سلااااااام

[Emily Rose-richi]

السلام عليكم
شوفي اختي رضاي بلي كتبهلك ربي سبحانه " وعسى ان تكرهو شيئا وهو خير لكم "
انا صرالي كيفك وخسرت الباك بنقاط لي كان يقراهم يقولي والله متستاهلي تعاودي و بمعدل كان قريب من 10انا كنت شادة غير في هاذ الاية وعاودت باكي والحمد لله ربحته في عامي الثاني وبمعدل ماشاء الله ونصيحتي ليك :
اول حاجة من حقك تاعودي الباك ومكاش لي يسالك حتى لو كان جبتيه 4 المعدل
ثاني حاجة ريحي شوي وكي تبداو تقراو عندما يكون عندك مادة معينة مثل الفيزياء حلي التمارين نتاع الدرس لي عندك غدوى يعني كل درس سبقيه بتمارين نتاوعو نهار قبل بلا ماتشوفي في cahier نتاعك وبلا شفت روحك ماعرفتيش بداي تفهمي كيفاه حلوه بهاذ الطريقة منين جابو هاذ الحساب علاه في هاذ التمرين حليناه بطريقة وفي التمرين الثاني ماستعملناش نفس الطريقة بداي بشوي وعمرك ماتقولي هذا صاعب نحلو وهذا ساهل مانحلوش كلهم كيف كيف ديري confiance في روحك وبلاك تنغري نوصيك تواضعي ويلا جاوك حود وقالولك مناش فاهمين هذا وانتي كنت فاهمة فهميهم ديريها مليح في بالك كيماتعاوني واحد محتاج ليوم غدوى في الباك يلا حصلتي ربي يعاونك ( صراتلي مرة وكتب ربي في الباك كان ظرف صرالي ماريفيزيتش comptabilité ربي مانسانيش الحمد لله تحصلت على اعلى نقطة)
واخيرا ماتقرايش مادة على مادة كلهم كيف كيف كيما تريفيزي الرياضيات رفيزي الفرنسية والفلسفة ماتخيريش مادة على مادة انا هذي هي الطريقة الي اعتمدتها والحمد لله
ربي معاك اختي وربي يسهل وان شاء الله تكوني من الناجحين العام الجاي سلااااااام




انا تاني والله كون عطاوني حقي في بعض المواد كون لحقت 11 .حسبي الله ونعم الوكيل فيهم
ان شاء الله يقدرني ربي في باك 2015 لكي احصل على معدل جيد
وشكرا لك وبارك الله فيك