الى كل طالب جامعي عندو خبرة يعاوني على وجه ربي

[kami asr]

السلام و عليكم

مبروك على كل أعضاء المنتدى اللي نجحوا في شهادة البكالوريا واللي ما توفقوش فيها نقولهم كل عطلة فيها خير, وربي يديرلنا غير الحاجة المليحة
أنا وفقني ربي ونجحت ولكن المعدل مامشي هو اللي كنت متمنياتو بصح الله غالب هذا واش كتب ربي سبحانو .... عليها حبين نعاود الباك العام الجاي بصح راني حايرة كيفاش ندير مع الجامعة :
1/ نقرى فيها و نجوز الباك ديالي ( وهاذي صعيبة عليا )
2/ نبلوكي العام ونبقى مركزة على الباك ( قالولي ما هيش مليحة لوكان تبلوكي العام )
صراحة وليت نغير من اللي ما نجحوش فالباك على خاطر يقدرو يعاودوه وهوما مريحين من التخمام تاع الجامعة

أرجوكم ساعدوني وربي يجبر بخاطركم ويرضى عليكم و يرضي عليكم الوالدين

[DTInfo]

لي بلوكاو العام طفرت فيهم كتر في حالة معدل غير مرضي لا قدر الله
اما لي مابلوكاوش راهم في الفايدة
يعني كل عام تزيديه في الجامعة في فايدتك bac +1 / +2
بالنسبة للإختصاصات كاين اشاعات ياسر اما انا ننصحك استناي يفتح السيت تاع االتعليم العالي غدوة وشوفي الإختيارات كاملة
كاين هاد الفيديو عاونني https://www.youtube.com/watch?v=Hpb_GonKCbs
في دليل الطالب و مراحل التسجيل الأولية و نظرة عامة
بالتوفيق

[kami asr]

صحيت خويا ربي يهنيك ...... راك نحيتلي 50% من الصعوبة فالإختيار ....... بصح صعيبة شويا نقرى في الجامعة ونقرى للباك في عام واحد لا لا ؟؟

[مينة علاق]

نفس المشكلة و الله انا لله وانا اليه راجعون صل صلاة الاستخارة

[DTInfo]

علاه صعيبة؟
ماش شرط تتألقي في الجامعة
just passé l'anné على الأقل
زيد ديري تخصص يعجبك ايلا شتى تع معدل 10
ديري موسيقى وعاودي الباك

[bahayou]

Moi j'ai un ami qui a eu son BAC avec 14, il voulait faire la médecine mais sa moyenne ne lui a pas permis, donc il s'est inscrit à l'école supérieure vétérinaire. et il a bloqué l'année pour refaire son BAC en tant que candidat libre et il s'est concentré sur ce dernier et finalement grâce à Dieu il l'a eu avec 15 et il a fait Médecine et il était satisfait et parmi les premiers dans ce domaine. Donc mon conseil à toi, si tu as la volonté de le refaire pour obtenir la spécialité que tu veux il vaut mieux bloquer l'année. ce n'est que mon point de vue.

[B.nour]

اقري في الجامعة وعاودي الباك خير ما تضيعيش عام الجامعة هكاك لانك ميشك ضامنة الباك حاولي تنظم وقتك بينتهم وربي يوفقك انشاء الله

[سارة1995]

انا تاني راني كيفك حايرة اسكو نعاود ولا لا

[samir_94]

السلام عليكم انا نفس المشكل واجهته العام الماضي فقد تحصلت على 13 و هذا المعدل لم يكن يلبي طموحاتي لذا قررت ان اعيد البكالوريا و في نفس الوقت اتابع الدراسة في الجامعة و بعد الدخول الجامعي كان عليا صغط شديد فانا لم ادرس اي شيء في الفترة الممتدة من ظهور النتائج الى غاية الدخول الجامعي و بدات بمزاولة الدراسة في الجامعة و بعد مرور حوالي 4 اسابيع بدات الدروس تكتظ و كان لابد من مراجعتها و محاولة الفهم الجيد لها خاصة و انها كانت بالفرنسية و هذا ما يستغرق مدة زمنية معتبرة و في نفس الوفت ار دت الحصول على البكالوريا بمعدل جيد و هذا ايصا يتطلب وقت كبير لذا و بعد تفكير طويل و مشاورة الاهل قررت تجميد السنة الدراسية و اتفرغ للبكالوريا فضيعت حوالي شهر في انتظار وقت تقديم ملفات التجميد ....المهم درست للبكالوريا بجد و الحمد لله تحصلت عليها بمعدل 15 علما انه لم يتم قبول طلبي لتجميد السنة الدراسية ولكن كنت اتخذت القرار و لا مجال للتراجع ان ادرس للبكالوريا لوحدها ... المهم ليس صحيح الذي يقول بان كل من جمد السنة الدراسية قد ندم او فشل في بلوغ هدفه سبيل النجاح هو الاجتهاد اذا اجنهدت ستنالين و اذا لم تجتهدي فبطبيعة الحال ستفشلين فانا صراحة تعبت و قدمت مجهود اكبر من المرة الاولى و الحمد لله نجحت و للاسف لدي اصدقاء قاموا بتجميد السنة الدراسية و تراخوا و لم يجتهدوا جيدا فكانت النتيجة ان معدالاتهم انخفضت مقارنة بالمرة الاولى ......المهم القرار في الاخير قرارك و ايصا حسب امكانياتك و اي استفسار انا هنا saha ftourkoum .

[boughaba mohamed]

حسب خبرتي المتواضعة بهذا الخصوص فإذا أردتي ان تحسني من معدلك وتعرفين انه بإمكانك فإن احسن شيء هو تجميد السنة الجامعية والتفرغ للبكالوريا أما اذا ركزتي على اإثنين فلن يتحسن معدلك على الغالب

[kami asr]

حسب خبرتي المتواضعة بهذا الخصوص فإذا أردتي ان تحسني من معدلك وتعرفين انه بإمكانك فإن احسن شيء هو تجميد السنة الجامعية والتفرغ للبكالوريا أما اذا ركزتي على اإثنين فلن يتحسن معدلك على الغالب

على الأغلب عندك الحق على خاطر من المحال باش نقرى من جيهتيين و نوفق مابيناتهم

وأنا راني متأكدة أني قادرة على تقديم أحسن ما لدي في بكالوريا السنة المقبلة

[kami asr]

السلام عليكم انا نفس المشكل واجهته العام الماضي فقد تحصلت على 13 و هذا المعدل لم يكن يلبي طموحاتي لذا قررت ان اعيد البكالوريا و في نفس الوقت اتابع الدراسة في الجامعة و بعد الدخول الجامعي كان عليا صغط شديد فانا لم ادرس اي شيء في الفترة الممتدة من ظهور النتائج الى غاية الدخول الجامعي و بدات بمزاولة الدراسة في الجامعة و بعد مرور حوالي 4 اسابيع بدات الدروس تكتظ و كان لابد من مراجعتها و محاولة الفهم الجيد لها خاصة و انها كانت بالفرنسية و هذا ما يستغرق مدة زمنية معتبرة و في نفس الوفت ار دت الحصول على البكالوريا بمعدل جيد و هذا ايصا يتطلب وقت كبير لذا و بعد تفكير طويل و مشاورة الاهل قررت تجميد السنة الدراسية و اتفرغ للبكالوريا فضيعت حوالي شهر في انتظار وقت تقديم ملفات التجميد ....المهم درست للبكالوريا بجد و الحمد لله تحصلت عليها بمعدل 15 علما انه لم يتم قبول طلبي لتجميد السنة الدراسية ولكن كنت اتخذت القرار و لا مجال للتراجع ان ادرس للبكالوريا لوحدها ... المهم ليس صحيح الذي يقول بان كل من جمد السنة الدراسية قد ندم او فشل في بلوغ هدفه سبيل النجاح هو الاجتهاد اذا اجنهدت ستنالين و اذا لم تجتهدي فبطبيعة الحال ستفشلين فانا صراحة تعبت و قدمت مجهود اكبر من المرة الاولى و الحمد لله نجحت و للاسف لدي اصدقاء قاموا بتجميد السنة الدراسية و تراخوا و لم يجتهدوا جيدا فكانت النتيجة ان معدالاتهم انخفضت مقارنة بالمرة الاولى ......المهم القرار في الاخير قرارك و ايصا حسب امكانياتك و اي استفسار انا هنا saha ftourkoum .

مشكور أخي على الإفادة

أساس التفوق الإجتهاد وأنا راني ناوية

نضاعف المجهودات أكثر من هذه السنة

و بالإضافة كاينة ختي تاني تجوز الباك العام الجاي

و نقرراو كيف كيف هههه

[kami asr]

علاه صعيبة؟
ماش شرط تتألقي في الجامعة
just passé l'anné على الأقل
زيد ديري تخصص يعجبك ايلا شتى تع معدل 10
ديري موسيقى وعاودي الباك

والله غير عجبتني الفكرة

نتاع تخصص موسيقى

لأنها مفيهاش تعب بزاف

كيما باقي التخصصات

بارك الله فيك

[الجواهر]

اخناري في الجامعة تخصص لا يتطلب جهد كبير مثل اللغة الفرنسية و ستضربين عصفورين بحجر واحد
تحسنين اللغة الفرنسية و تنالين علامة كبيرة في الباك و مايروحش عليك العام
و الله اعلم
صح فطورك

[kami asr]

حسب خبرتي المتواضعة بهذا الخصوص فإذا أردتي ان تحسني من معدلك وتعرفين انه بإمكانك فإن احسن شيء هو تجميد السنة الجامعية والتفرغ للبكالوريا أما اذا ركزتي على اإثنين فلن يتحسن معدلك على الغالب

صحيح لازم نسمح في حاجة

ونضاعف الجهد العام الجاي

اذا كتب الله

[kami asr]

اخناري في الجامعة تخصص لا يتطلب جهد كبير مثل اللغة الفرنسية و ستضربين عصفورين بحجر واحد
تحسنين اللغة الفرنسية و تنالين علامة كبيرة في الباك و مايروحش عليك العام
و الله اعلم
صح فطورك

يا أختي ربي يخلييك والله

العظيم غير فكرة فالصواب

حتى أنا راني حابة ندير

طب الأسنان ولا صيدلة

ربي يهنيك ويعطيك واش تتمناي

[Ambitious man]

السلام عليكم ورحمة الله وبركاته
قدر الله وماشاء فعل في حصولك على المعدل الذي لم يتناسب وطموحاتك
اما عن استفسارك فالذي ارى به والله اعلم انه من الاحسن والافضل تجميد السنة الجامعية ...
والتفرغ للدراسة للبكالوريا لتحصلين عليها بمعدل يمكنك من تحقيق احلامك
فان سجلت للجامعة فصدقيني مهما كنت منظمة فستصعب عليك الامور مهما كان اختصاصك
اما عن اختصاص موسيقى ، فانا لا انصحك به لانك ستخسرين علاقتك بربك فالنبي صلى الله عليه وسلم قال "ليكونن اقوام من امتي يستحلون الحر والحرير والخمر والمعازف" لذا فلا تخسري لا دينك ولا دنياك رجاءا (نصيحة اخوية وليست فتوى)
في الاخير احسن خيار هو الذي تختارينه بعد ان تصلي صلاة الاستخارة ... فيرجى ان تصليها بقلب خاشع وستشعرين بالراحة ان شاء الله
واخيرا فان يضيع عام من حياتك من اجل بكالوريا جيدة جدا خير من ان لا يضيع عام من اجل بكالوريا لا تختلف عن سابقتها والله اعلم
نسال الله لك التوفيق والسداد

[kami asr]

السلام عليكم ورحمة الله وبركاته
قدر الله وماشاء فعل في حصولك على المعدل الذي لم يتناسب وطموحاتك
اما عن استفسارك فالذي ارى به والله اعلم انه من الاحسن والافضل تجميد السنة الجامعية ...
والتفرغ للدراسة للبكالوريا لتحصلين عليها بمعدل يمكنك من تحقيق احلامك
فان سجلت للجامعة فصدقيني مهما كنت منظمة فستصعب عليك الامور مهما كان اختصاصك
اما عن اختصاص موسيقى ، فانا لا انصحك به لانك ستخسرين علاقتك بربك فالنبي صلى الله عليه وسلم قال "ليكونن اقوام من امتي يستحلون الحر والحرير والخمر والمعازف" لذا فلا تخسري لا دينك ولا دنياك رجاءا (نصيحة اخوية وليست فتوى)
في الاخير احسن خيار هو الذي تختارينه بعد ان تصلي صلاة الاستخارة ... فيرجى ان تصليها بقلب خاشع وستشعرين بالراحة ان شاء الله
واخيرا فان يضيع عام من حياتك من اجل بكالوريا جيدة جدا خير من ان لا يضيع عام من اجل بكالوريا لا تختلف عن سابقتها والله اعلم
نسال الله لك التوفيق والسداد


بوركت أخي ومشكور جداا

على النصيحة جعلها الله في ميزان حسناتك

و وفقك في حياتك و سدد خطاك

[اواب الى الله]

نصيحة مني ادرسي أي تخصص سهل للغاية وركزي أكثر على البكالوريا لإكل شهادة من الجامعة وان كانت غير محبذة عند البعض افضل من لا شيئ وهكذا ان لم تنجحي في البكالوريا لا قدر الله ستكون الخسارة أقل والله أعلم