انا تائهة

[tokio hotel]

سلااام جميعا ومن فضلكم لي يقرا هذا الموضوع يعاوني
انا تحصلت على شهادة البكالوريا واني نبحث عن تخصص يخليني نقرا على الديكور
كاين لي يقولولي لازم نقرا architecture ,ومن بعد ندير تخصص الديكور
يا خاوتي رانا في رمضان وتدو عليها اجر كبير عاونوني ولي عندو كاش معلومات عن تخصص الديكور يفيدني بيها وعندي مشكلة اخرى مانيش عارفة كيفاش نسجل في الجااامعة عانوني ربي يخليكم واجركم على ربي سبحانو

[اية الرحمان18]

انا معنديش فكرة لكن وان شاء الله تلقاي لى يعاونك

[●• نسمةة النجآح •●]

أحب الديكــور أيضــآ ..
لكن هل هو تخصص جيد ؟ وهل هو موجود في الجزائر ؟
وكم المعدل اللازم لوصول إليهه

[tokio hotel]

نفس السؤال ختي
انا جبتو قريب 11 وحنا هنا في بليدة يقبلوك نورمال archi ,وفي باب الزوار يقولو تاني مليحة مي مانيش عارفة الا كايت ديكور ولا ولا ما صتش شكون يعاوني

[●• نسمةة النجآح •●]

نفس السؤال ختي
انا جبتو قريب 11 وحنا هنا في بليدة يقبلوك نورمال archi ,وفي باب الزوار يقولو تاني مليحة مي مانيش عارفة الا كايت ديكور ولا ولا ما صتش شكون يعاوني

في البليدة ماهو أقصـى معدل لقبولها أرجوك ..
أنا قريبةة من هذه الولايةة

[tokio hotel]

والله ماني عارفة كاين 11 قبلوهم نورمال والله اعلم انا من بعد نسقسي ونجيبلك لخبر
مي المشكلة الا كاين ديكور ولا لالا ما فهمتش

[عابرة طريق]

السلام عليكم

نعم الهندسة المعمارية و العمران تتفرع في احدى سنواتها ومن بيتن التفرع هناك الديكور لكن ليست لدي معلومات اخرى لانني في بداية سنواتي

بخصوص معدلات القبول لا اعتقد انها وصلت 11 اقل معدل كان 12 شعبة علوم تجريبية

[tokio hotel]

ممكن تقوليلي واش من ولاية تدرسي فيها

[●• نسمةة النجآح •●]

لقد أعدتمم إلي الأمل ..
حلمي أن أدرسهـآ لأنني أحب التصميم والديكور ..
وهذا هو الإختصاص الوحيد الذي يعينني

[عابرة طريق]

ممكن تقوليلي واش من ولاية تدرسي فيها

في وهران اختي

[سارة1995]

انا ايضا ساختار هندسة معمارية
نعم لحب يدرس الديكور يقرا هندسة معمارية و مبعدها تتفرعوا

[tokio hotel]

لقد أعدتمم إلي الأمل ..
حلمي أن أدرسهـآ لأنني أحب التصميم والديكور ..
وهذا هو الإختصاص الوحيد الذي يعينني



وانا ضاع مني الامل .... مانيش متاكدة بلي يقبلوني
تمنيت نقراها مي الله غالب ما كتبش ربي

[●• نسمةة النجآح •●]

بدأ أملي ينخفض لما أدرجت الأخت المعدلآت ...
أنا تمنيت ولازم نقراها ولو أعيد البكالوريا ..
لأنني لم أجد شيئا يصلح لي غيرها ..
أحب التصميم والديكور والإبداع والرياضيات ..
ولا يوجد تخصص آخر يقبل هذه الميول غيرها ..

ربي يوفقكك اختي

[tokio hotel]

امين ونتي تاني الاخت ان شاء الله فيها خير

[❀ بَسْمَةْ أَمَلْ ❀]

يااختي كاين مدرسة الفنون الجميلة في العاصمة فيها تخصص ديكور

[ibrahim35]

عندي صديقي يدرس في مدرسة الايبوزار يدرسون الديكور -السنة الثانية او الثالثة وهي مدرسة سطيف--لااعرف اسمها الكامل
وهناك مدرسة عليا في الجزائر
و لكن يجب التسجيل فيهاباباك و كونكور خفيف على ما اظن
ملاحظة هذه المدارس لا توضع في قائمة عند تسجيلك في الجامعة

[ibrahim35]

لا تعيدي الباك لان معدلها ليس علي

[رجل الاحلام الحزين]

السلام عليكم
صحيح ، الهندسة المعمارية تشمل الديكور بكل انواعه

[رشة أمل]

rabi y36ok wch 7aba