سؤال محيرني

[نصال06]

سؤال محيرني على الديول ................................درتهم اليوم في السنيوة تاع النحاس جاوني شابين درتهم بالدقيق المتوسط و درت بيهم البوراك بصح حاجة محيرتني جاوني يابسين شوية وشنو هو المشكل هل يزيدولهم الفرينة مع الدقيق ولا واشنو هو الحل راني فرحت بروحي في الشكل كي نجح بصح الذوق يابسين شوية راهي ليسطوما تاعي توجع فيا حتى دوكا ساعدوني pliiiiiiiiiiiiiiiiz

[ام كوكو]

صح فطورك اختي الديول يتعملو بالفرينة خير و راكي تعرفي الفرق بين خبز البولونجي تاع الفرينة و خبز الدار نتاع السميد نتمنى فهمتيني و عرفتي علاه جاو يابسين

[رهف2]

السلام عليكم
طريقة الافضل باه يصلحو انك ديري الفرينة برك ولا تخلطي مثلا 2 كيسان دقيق مع كاس فرينة
مرة جربت اختي تاع الفرينة برك وكان الخليط جاري جاو 444 بصح صراحة ماطيبناهمش جربنا برك
وعندك الحق تاع الدقيق يجيو يابسين على ليتباعو psq ما يشربوش الزيت

اذا حبيتي عندي وصفة نقلتها من المنتدى نعطيهالك mais انا مزلت مجربتهاش بصح تبان هايلة

صح سحورك اختي

[lady marie]

ياليت وصفة نافعه
لاني مرة جربتهم على مااتذكر
كاس فرينة وزوج مغارف سميد جاوني ملاح فالشكل
لكن كي طيبتهم جاو يقرمشوووو

[رهف2]

اختي هاذي هي الطريقة لنقلتها من المنتدى للاخت الصوامعية وجزاها الله ألف شكر هي دارتو بالصور ويبان هايل بصح مزلت مجربتهاش واذا جربتيها رجعلي الخبر اوكي
المقادير:
- 2 كيسان سميد متوسط.
- 1 كاس فرينة.
- مغرف كبيرة لحظة.
- 3 مغارف كبار زيت.
- مغرف صغيرة ملح.
- 3 كيسان ماء وشوية حسب كثافة العجينة.

طريقة التحضير:

في صحن عريض نحط كامل المقادير مع بعض نخلطهم بالفوي مليح مليح نخلو العجينة نتاعنا تريح حوالي ساعة او أكثر بمعنى قد ما تريح جي مليحة ثم نطيبوها كيما تعرفو كامل فالمقلة بالبانسوعلى البخار أو على النار مباشرة

[natacabell]

ما تحيري ما تقولي الحال بعيد كاين الأخت الهام جرباتو و اعطت نصائح جد مفيدة لكن معنديش الرابط! كي نحوس عليه نجيبو لاختي و نتمنى جربيهم و يخرجولك كيما يحب خاطرك

[نصال06]

يا أم كوثر.............. يا اللي عندكم الخبرة في الديول النجدة راني عاودت جربت الديول و هذ المرة درتهم دقيق و فرينة وكي نقلي البوراك يجيني يابس................. عاونوني يسجيكم

[zinna]

بالاك في نوعية السميد