نصيحتكم يا أخواتي والله راه نهبل

[ahlem-86]

السلام عليكم ورحمة الله وبركاته أهـنـئـكــم بـحـلــول شهــر رمـضــــان الـمــبــارك
أخواتي راني في أمس الحاجة لنصائحكم وأرائكم في شهر أوت عرسي أنا وزوجي على خلاف دائم أنا الضغط تاع العرس وراني نحوس على الخدمة وهو أيضا ضغط العرس عليه وزاد الهدرة بيناتنا غي شجار وصراع أمس أتفه حاجة تزعفو مني قتلو قاع الناس تعطيعا قوسطوها ومرتك تتمنكر فيها قال لي والله غي تندمي وندير فيك اللي مايندارش نعذبك ونكرهلك حياتك قتلو نبطلو قالي لالالا أنا خوفني بغيت نقول لوالديا وراني خايفا ندير المشاكل راني نقوم الليل وندعي ربي يرحم الوالدين واش ندير انصحوني كيفاش نتعامل معاه كرهت وصبري قليل تبدل بزاف
لكم مني جزيل الشكر الله يحفظكم.

[إيمان احمد]

اختي ما تعانديه باين بلي طان زعفان برك
لانو مستحيل يديك باش ايعدبك
و ربما مع القلق انتاع العرس و يمكن ما يقدر يتحكم في اعصا به و خاص احنا في رمضان ما تكبري القصة راهو مقلق و انت حاولي تهدري معاه في بالعقل و شوفي يعني ما تتشاجري معاه و راه يغير معاملتو سقسيه واش بيه ماشي هو يعارك و انت تزيدي تعاركيه مهما كان انت مرا و هو راجل
ر

ارجو من الاخوة الغير المتزوجين عدم التدخل في مثل هد الموااضيع لانها نحتاج الى خبرة ة في كيفية التعامل مع هته الامور

[" أبو عبود"]

صراحة مدام تجرأ قالك نعذبك ونديرلك لي ما يندارش علاش راكي لاصقة فيه؟ ما تزديش ترفدي عليه لمد اسوبع او اكثر اذا رجع وحللك وعرفت بلي قالها فقط بيه الزعاف كملي اذا ما رجعش ريحي روحك. علاش الانسان يكون ربي مسوع عليه يضيق على روحو؟ راكي رايحة تتزوجي باش ترتاحي مش باش تتعذبي.

[ahlem-86]

الف شكر لكن

[أمة الله17]

استخيري و توكلي على الله

[feuilleblanche17]

ما خاب من استخار
و زيدي خبري ماماك هي تدبر عليك

[ايمان نور الجزائر]

نتي استخيري واكثري الاستخارة
ثانيا يا اختي نقصي من جيهتك المشاكل والقلق لقيتي الراجل زعفان ومقلق علاش تعاندي فيه
خليه يفرغ واش في قلبو واضربي السكات ساعفي كيما يساعفقو لبنات
وسايري هادي الفترة ما تخلوش مشاكل الحياة تفسد حياتكم وجربيها مدة وشوفي
قبل اتخاذ اي قرارذ
وقبل ما تخبري والديك

[eBusiness]

المنذبة كبيرة والميت فار !!!
يا أختي سامحيني من خلال موضوعك يظهر أنك عندية وتردي الهدرة بزاف لهذا أنصحك أن تكون ذكية في تعاملك مع زوجك فهو الرجل وأنت المرأة
على كل حال لم يعجبني ايضا كلام الزوج ومع ذلك لا أظن أنه يقصد ما قاله !!!
بالتوفيق وإبتعدا عن النرفزة وعيشا حياة سعيدة إن شاء الله :)

[ام مهدي 03]

اختى هذا ضغط العرس لا اكثر ولا اقل
اطهلاى فيه وما ترديلوش الهدرة يحطك فوق راسو
وادا خليتى القصة بيناتكم وما حكيتيش لاهلك راح يحطك فى عينو
اختى مستحيل راجل يدى مرة باش يعذبها هو يرد على عنادك برك
ربى يهنيك

[knives66]

بداية موفق اختي تكملي هكذا تطلقي في سبتمبر

[belle charrmante]

just ykhawaf fik bark raki marto en plus raki ta3arfih balak yahdar bark w anti adra nas b3akliyto samtih w asokti w ki tokalki matahdrich wla abkay sakta mabkalkch bzf rabi yhanik okhti

[سالــي]

والله غي تندمي وندير فيك اللي مايندارش نعذبك ونكرهلك حياتك

لا حول ولا قوة الا بالله هادي قاع ماشي هدره تنهدر

رايحه تتزوجي ولا رايحه ترمي روحك في جهنم و تتعذبي ضغط ماشي غير عليه ناس بكري تقول : انا نقولك سيدي ونتا عرف قدري

و سمحيلي مي يقدر يديرها و اسفه على هادي الهدره

[بلسم غرام2018]

ما خاب من استخار

[dalal 28]

سؤالي لك كيفاه كان تعامله معك من قبل اذا كانت عقليته مليحة من قبل والان برك تبدل انا نقلك بلي توتر قبل العرس وعقبيها وهنا وظفي ذكاءك واعرفي كيفاه تتعاملي معاه ماترجعبش الهدرة بزاف ونقصي حتى كلامك في الهاتف لانه يسبب مشاكل بزاف وفي رايي ماكان لاه تكبري المشاكل تبانلي حاجة عادية والله اعلم ربي ينور دربك ويفرح قلبك

[eBusiness]

والله غي تندمي وندير فيك اللي مايندارش نعذبك ونكرهلك حياتك

لا حول ولا قوة الا بالله هادي قاع ماشي هدره تنهدر

رايحه تتزوجي ولا رايحه ترمي روحك في جهنم و تتعذبي ضغط ماشي غير عليه ناس بكري تقول : انا نقولك سيدي ونتا عرف قدري

و سمحيلي مي يقدر يديرها و اسفه على هادي الهدره معنديش الخبره في الزواج مي عندي الخبره في الرجال

يا سلام :confused: تقدري تنورينا وتقولي لنا كيف أصبحت لك خبرة في الرجال دون أن تتزوجي؟؟؟ :confused::confused::confused:

[المتيقنة بالله سارة]

يا سلام :confused: تقدري تنورينا وتقولي لنا كيف أصبحت لك خبرة في الرجال دون أن تتزوجي؟؟؟ :confused::confused::confused:


هههههههههه فيها لقيتني نخمم ، أنا ل حيرني كي شفت فتوقيعها باك 2016 :confused::confused: منعرف كم عمر اختنا سالي

[إيمان احمد]

والله غي تندمي وندير فيك اللي مايندارش نعذبك ونكرهلك حياتك

لا حول ولا قوة الا بالله هادي قاع ماشي هدره تنهدر

رايحه تتزوجي ولا رايحه ترمي روحك في جهنم و تتعذبي ضغط ماشي غير عليه ناس بكري تقول : انا نقولك سيدي ونتا عرف قدري

و سمحيلي مي يقدر يديرها و اسفه على هادي الهدره معنديش الخبره في الزواج مي عندي الخبره في الرجال

الله اكبر انا كي كنت انجوز الباك كنت تبكي كي ما نلحق حلقة انتاع ماروكو ههه و انت عندك خيرة مع الرجال ربي يهديك

[eBusiness]

هههههههههه فيها لقيتني نخمم ، أنا ل حيرني كي شفت فتوقيعها باك 2016 :confused::confused: منعرف كم عمر اختنا سالي

ويبقى السؤال الذي يطرح نفسه :1:

[كلنا راحلون]

ارجو من الاخوة الغير المتزوجين عدم التدخل في مثل هد الموااضيع لانها نحتاج الى خبرة ة في كيفية التعامل مع هته الامور


علم عين مضمومة

[hanadi21]

enti tani nagsi hadra m3ah

[ahlem-86]

الف شكر بارك الله فيكن

[راية الاسلام1]

السلاام عليكم ورحمة الله وبركاا ته
أختي أعذريني ولكن الخطأ خطؤك
ربما ضغط الزواج والعمل أثر عليك وأصبحت ترفعين صوته عليك
أكيد هو مع الغضب قالك الهدرة هاديك
أختي هذا زوجك عامليه بلطف وخلي الاحتراام بيناتكم مهما حدث
وعلميه أدب الحوار يعني لا حاجة لرفع الاصوات ولمثل هذه التهديدات
وزيدي استخيري وادعي ربي يفرج عليك
أنا من رايي راهو غير رمضاان حاكم عليكم في زوج :1: :1:

[knives66]

يا سلام :confused: تقدري تنورينا وتقولي لنا كيف أصبحت لك خبرة في الرجال دون أن تتزوجي؟؟؟ :confused::confused::confused:


الله اكبر انا كي كنت انجوز الباك كنت تبكي كي ما نلحق حلقة انتاع ماروكو ههه و انت عندك خيرة مع الرجال ربي يهديك

قالت عندها خبرة في رجال مايروحش عقلكم لبعيد

انا عندي خبرة في نساء ولم تكن لي علاقة مع اي فتاة

فلا تفسروا كل شيئ على هواكم

[سالــي]

يا سلام :confused: تقدري تنورينا وتقولي لنا كيف أصبحت لك خبرة في الرجال دون أن تتزوجي؟؟؟ :confused::confused::confused:

ربي يهدي ماخلق.. لهادي الدرجه طيحتو بيا.. اذا تزوجت تكون لي الخبره في راجل واحد راح ناخد واحد ماشي رجال الدنيا..اما ضرك الدنيا تعلم لي يحب يتعلم.. ماعندي حتى علاقه ياناقصين النيه..في ميزكم ماطرحوتوش بلي عندي اب عندي اخوه .. اقارب .. ناس تشوقهم عينك.. هاذا كاف باه تكون عندي الخبره انا بخصوص لي قال لي كنت قدك كنت نتفرج ماروكو.. ماتتقلقش مازال عقلي يطير مين نشوف سبونج بوب .. عايشه لاج تاعي .. ربي يهديكم هادا مانقول العود لي تحقره يعميك .. نعرف ناس بصغرهم يخلعوك بنضاجتهم و ناس كبار بما فيه الكفاية و يشوكوك بسداجتهم
قالت عندها خبرة في رجال مايروحش عقلكم لبعيد

انا عندي خبرة في نساء ولم تكن لي علاقة مع اي فتاة

فلا تفسروا كل شيئ على هواكم

ربي يحفظك ياخويا .. ناس معقده واش راح ديرلهم

[راضية بالقضاءو القدر]

السلام عليكم على ما اظن ان هذا كله من ضغوطات العرس فقط حاولي التقليل من كلام الهاتف الا في وقت الحاجة انا في رايي لوكان جا صح رايح يعذبك ما يهدرلكش هاذي لهدرا و ربي يزينلك عقوبتك يصلح بيناتكم

[مريم العدراء]

من اجل هذا انا ضد الكلام مع الخطيب او الزوج قبل الدخلة والعرس في الهاتف الا للضرورة مشي كل يوم يحكيلها حياتو وهي نفس شيئ انا مثلا عملت عقد القران المدني ومانحكيش معاه في الهاتف وهذا كان شرط من شروطي بالرغم من انه ابن خالتي
الهاتف هو سبب المشاكل ربي يكون معاك

[hope of life]

الزواج راهو صفقة العمر...يا خاسرة يارابحة......مادامك على البر زيدي صلي الاستخارة وتوسلي للربي من قلبك اذا شاف ربي بلي شر ليك والله غير يهنيك منو ولو بقى للعرس نهار......واذا شاف فيه الخير والله غير تتكركري ليه بسيف عليك وفي الاخيرترضاي...زيدي استخيري ما تلعبيش بعمرك وحياتك وانتظري امر الرحمان........وتفادي العبارات الاستفزازية كيتعودي تهدري معاه باش ماتكونيش انت الظالمة