ارجاع الخطيب

[مشكلتي]

السلام عليكم رمضان مبارك لاأريد الاطالة عليكم
مشكلتي خطيبي ابتعد عني مع انو 3 سنوات مع بعض يوم يكون معاي وكل ما يجي رمضان يكرهني
مايحبش يتكلم معي حتى ميساج مايردش عليه
سقسيت وحدة قالتلي ديريلو سحر يولي مايرقدش من التخمام فيك كن مستحيل نديرها مع العلم اني قلتلو ارقي قالي مانيش مهبول ومانيش نسحور
نتمنى تمدولي دعاء لارجاع الحبيب او الخطيب مجرب خاصة انو رمضان ربي يستجيب وبار الله فيكم ارجوكم اعطوني دعاؤ فقط أدعوه ليرجع لي ويكون مجرب وادعولي في هده الايام المباركة

[/زهرة عصفور الجنة/]

اختك ما انصحك به هو ان تقرأي حول حدود العلاقة بين الخاطب والمخطوبة

[zahra1995]

الناس الكل عندها مشاكل ربي يهنيكم

[كلمات مبعثرة]

ربما هدا خطيبك حاب يصوم رمضان ايمانا واحتسابا؟؟؟؟؟؟؟؟

[naamane3]

من ترك شيئا لله عوضه الله خيرا منه
او كما قال رسول الله صلى الله عليه وسلم

[souha1992]

okhti nafss mochkil 3andi ana 4ans m3ah wkol ramdhan aprè ramdhan b 1 mois bah yarja3 yehki m3aya wmarate b 3 moi ........... rabi kader li fih khir

[samara lara]

ربي يهديكم ما لقيت ما نقوووول :( :(

سورتوو هاديك " الوحدة " اللي قاتلك ديريلو السحر استغفر الله

[zahra1995]

أختي لو كلنت عندي أدعية كنت اعطيتهالك الله غالب الناس الكل فالممشاكل

[~~نهال~~]

أختي لعل بغا رمضان يصومو ايمانا و احتسابا كما قال الاعضاء
ماتبدايش تحكي قصتك للطالع و النازل
كيفاه تحكي لوحدا و تنصحك بالسحر؟ رمضان رمضان و هوما و العياذ بالله
ادعي ربي و ماديرونجيهش بزاف لا يتقلق منك

[sara 97]

تجنبي السحر واياكي والاستماع لكلام ناس
فقط بالدعاء لربك سيفرجها عليك

[الزمان 03]

أنصحك لوجه الله هذه التي تنصحك بالسحر بأن تبتعدي عليها فلا خير فمن يأمر بمثل هذه الامور

[knives66]

ادعي برك وربي يفرج

ورقية شوفي مع اهلوا طبعا شعب جزائري موسوس

[الناصر لدين الله]

بكل بساطة أكثري من الدعاء بأن يجمع الله بينكما في الحلال إن كان في ذلك خير لكما

[oumhana]

ربي يهدينا والله ملقيت منقول كما قالو الأعضاء خطيبك حاب يصوم إحتسابا لله وربي يثبت ويهدي.

[لمسة L]

ربي يهديــــــــــــــــــــــك

[mounaminou]

نقوللك حاجة و ماتزعفيش منني ......صحاباتك اللي راهم ينصحو فيك بدون مستوى ....يعني راكي في وسط يا لاطيف .....لالا و حابة تتزوجي .:confused:......يا ختي لاكان حابة تعيشي هانية مع زوجك بعدي علا رفيقات السوء و اللا يسحروه و يطلقوك ....مادامهم سحارات راهم يبداو بيك يا المهبولة .....مالا اعرفي تسيري .....و ارتقي بالتفكير تاعك :mad:....طول تخممو بللي الراجل مسحور .....

يا ختي تهنيتي من خطيبك في رمضان روحي قرايلك القران راهو رمضان شهر و يفوت

[هدية الرحمن]

الله يهديك أختي راك غير توسوسي في روحك ، خطيبك مسكين حاب يصوم رمضان ايمانا



واحتسابا ، أنا في بلاصتك نفرح عندي خطيب تكون أولويته الأولى طاعة ربي سبحان .


و اعملي بنصيحة الأخت mounaminou

[نورسين.داية]

السلام عليكم

عزيزتي هذا الإنسان لو كانت تربطكما علاقة جدية .....يجب ان تعيدي التفكير فيه ....................فمابالك .................؟؟؟

و كنصيحة إدعي بهذا الذعاء : اللهم إصرفه عني و إصرفني عنه و قدر لي الخير حيث كان ثم أرضني به

وفقكي الله

[بلسم غرام2018]

ربي يهدييييييييييييييييييييييييييي

[مواطنة جزائرية]

لا حول ولا قوة الا بالله


أنا زوجي ماشي خطيبي و طلبت منو نتوقفو من الحديث في رمضان و نتفرغو للدعاء و قراءة القرءان و القيام فهي فرصة لا تعوض و لاحقين على الحكايات واح تكرهو منها


ننصحك تفرغي لرمضان لجني الاجر العظيم

ربي يجمع بينكما على خير و يبارك لكما في هذا الزواج

[imi02i]

السلام عليكم ورحمة الله وبركاته
درء المفسدة أولى من جلب المصلحة، فلربما يقطع علاقته بك في رمضان كي ﻻ يقع فيما يبطل صيامة وكي يكون صيامه صحيحا..
أما إن كان غير ذلك وترين بأنه بدأ يستعمل معك أساليب يحاول بها الإبتعاد عند فإياك أن تبقي مصرة على إرضاءه ... وكما يقول المثل سقسي مجرب ومتقسيش طبيب
لا تأخذك العاطفة بعيدا لأن الزواج ليس حب ومتعة فقط ...
إذهبي إلى المحكمة واسمعي وانظري بأم عينك تلك القصص التي بدأت بحكايات عشق وغرام ﻻ متناهية ... وما إن صدمت بالواقع حتى بدا ما لم يكن متوقعا
لا تتصلي به وﻻ تحاولي معرفة السبب دعيه يفعل ما برأيه وأنت بدورك تستطيعين أن تدرسي تصرفاته
كلمة أخرى. . ليست أي مشكلة سببها عين أو سحر
والله المستعان على فتيات يجررنك إلى مافيه كفر وكبيرة والعياذ بالله
وهنا لم تعد مشكلتك واحدة مادمت في وسط رفيقات سوء فعليك أن تتجنبيهن
ربي يوفقك لما فيه الخير والصﻻح

[بنت الإسلام]

اختي عادي جدا كاين اللي كي يجي رمضان ما يحبش يخصرو يقولك نديرو لربي وخلاص.. مالغري كان يتكلم معاك عادي من قن قبل بانتلي عادي جدا

[zaho.....dima]

السلام عليكم رمضان مبارك لاأريد الاطالة عليكم
مشكلتي خطيبي ابتعد عني مع انو 3 سنوات مع بعض يوم يكون معاي وكل ما يجي رمضان يكرهني
مايحبش يتكلم معي حتى ميساج مايردش عليه
سقسيت وحدة قالتلي ديريلو سحر يولي مايرقدش من التخمام فيك كن مستحيل نديرها مع العلم اني قلتلو ارقي قالي مانيش مهبول ومانيش نسحور
نتمنى تمدولي دعاء لارجاع الحبيب او الخطيب مجرب خاصة انو رمضان ربي يستجيب وبار الله فيكم ارجوكم اعطوني دعاؤ فقط أدعوه ليرجع لي ويكون مجرب وادعولي في هده الايام المباركة

و الله رانا كيف يف يا الحبيبة عيييييييت نفهم ن عندو واش كاين نعيط نعيط والوووووووووووووو ما يردليش على الرسائل و الله عيت

[zaho.....dima]

لا حول ولا قوة الا بالله


أنا زوجي ماشي خطيبي و طلبت منو نتوقفو من الحديث في رمضان و نتفرغو للدعاء و قراءة القرءان و القيام فهي فرصة لا تعوض و لاحقين على الحكايات واح تكرهو منها


ننصحك تفرغي لرمضان لجني الاجر العظيم

ربي يجمع بينكما على خير و يبارك لكما في هذا الزواج

كلمات جوهرية أختاه عافاك و شافك و بارك الله لك و لزوجك و زادكما إيمانا