تابع .. اريد الطلاق

[مشكلتي]

السلام عليكم
انا لي كتبت موضوع اريد الطلاق انا جامعية ومن عائلة غنية ومستوى عائلتي احسن من زوجي بالف مرة
و في الحقيقة انا لي مندمني اكثر كان هناك اكثر من راجل متقدملي لا اعرف لماذا قبلت به
تعاطفتو مع حالته وكان كثير يحبني هذا السبب قبولي
بصراحة عشت في بذخ وكل شيء متوفر
والان العكس فهمتم ليش صعب اتاقلم مع الوضع الجديد
انا تربيت في غرفة لوحدي وكل وحدة من اخواتي في غرفتها الخاصة
وهم عائلة كل البنات تنام مع بعض
الفرق بيني وبينه شاسع
انا لي عشت في الخير رحت للفقر
محتى اخوتي نسائهم فقراء وذهبو ا الى العز كل شيء متوفر كل شخص مباشرة الى فيلا
و تخرج وتعيش في مال بابا
انا كي طلبت من راجلي نروحو نعيشو ثم رفض وجاتو طياحة فهمتو وش مقلقني كيفاه نتاقلم مع وضع جديد

[biologie2001]

يا اختي اظن انك كنت على علم بوضعه الاجتماعي و انه لم يخدعك ...... ربي يهديك كاين اللي عايشين في البدخ و لكنهن يتمنين كلمة خب واحدة و لا يسمعنها

[فتـ حييةـاة]

مادام عندك الدراهم ديري الخلع وروحي لدراكم عيشي فالعز ورقدي في غرفة وحدك وخليه هو يشوف وحدة فقيرة كيما هو
,,,,,,,,,,,,,,تعجبك هاكا ؟؟؟؟

يااختي اصبري وديري عقلك في راسك السيد خطبك وانت وافقتي وكنت عارفة حالتو من نهار الاول لوكان ماخبركش ولا كذب عليك ثم عندك حق بصح علالك من اول يوم وزيد راكي تقولي يحبني والمراا واش خصها من هاذ الدنيا اكثر من راجل يحبها انا راجل يحبني نطيح عليه من السانكيام
,,,,,,,,,,,,,, وخواتاتو ماعندك ماراحلك فيهم اذا يرقدو في غرفة وحدة واش فيها اذا ماعندهمش الوسع يجي نهار وين يتزوجو ويروحو يرقدو في غرف مع ازواجهم مافيها والو,,,,,,,,,,,,,, وماتعمريش راسك بكناينكم اللي رزقك بزوج يحبك رزقهم بازواج اغنياء حتى حب زوجك ليك راه رزق
,,,,,,,, بنت الاصل تصبر مع راجلها فالسراء والضراء مايغروكش الدراهم الدنيا فانية وماتدي منها غير قطعة قماش اصبري وشكون قالك ماراحش يولي راجلك غني ماتحصي هاذي دنيا بين ليلة وضحاها قادر يرزقوربي
تقبل الله منا ومنكم صالح الاعمال وواسمحيلي اذا ماعجبكش ردي انتي اللي طلبتي عندك ردود بزاااااااف اقريها وخيري واش يخرج عليك

[mounia 85]

المال ماشي هو لي يدير قيمة للانسان بل تربيتو واخلاقو ونتيا اسمحيلي نقولك انسانة مادية وتشوفي للفقراء بنضرة استعلاء وحاسبة كي عشتي في العز راكي خير من اللي عاشو فقراء وزيد وينو المشكل كي خواتاتو يرقدوا مع بعضاهم معضم الجزايريين هكا والله كاينين بنات عاشوا في العز وتزوجوا رجال فقراء وعادي وتحصل في كل المجتمعات وكل الدول نتي تفكيرك طبقي وتستحقري الفقراء لا لشيء الا انو ربي خلقهم فقراء وربي خلقك في عائلة غنية وماتنسايش ....الغنا من عند ربي والفقر من عند ربي يعني كيما ربي اغنى باباك وعائلتك قادر يغني راجلك وعائلتو في ثانية ...اتقي ربي يا اختي بركاي من التكبر الفقر ماهوش عيب وباين راجلك ناس ملاح ونتي ماكيش عارفة قيمتو حتى نهار تديري واش في بالك وبلاك ربي يجيبلك واحد غني وماتعيشيش معاه كيما راجلك هدا وتندمي عليه وماتلقايهش

المهم من اللخر علابالي باللي مدام راكي تخمي هكا و راكي تشوفي باللي راكي خير من راجلك وحاقرتيه وتشوفي باللي الفقر عيب
واحد منا ماراح يقدر يقنعك ويبدلك انتي راكي مقتنعة برايك و شايفة روحك عندك الحق ..والله لوكان جيتي تحبي راجلك ماتهتميش خلاص بمستواه المادي بصح انتي باينة باللي مابقيتيش تحبيه علاخاطر المرا لي تحب راجلها مستحيل تقول جاوني خير عليه وانا ما قبلتش بيهم والله هادي الهدرة حرام و غلط في حق راجلها .....وصدقيني يا اختي نظن واحد ماراح يعطيك الحق من الاعضاء على خاطر تخمامك غالط
الحمد لله انا تربيت فقيرة ومانيش نشوف في روحي اقل مستوى من الاغنياء المهم الاخلاق والقيمة والكرامة ولوكان ربي يعطيني ويغنيني مستحيل نولي نخمم كيما انتي ونحط روحي خير من لعباد برك لاني غنية والناس فقراء
اسمحيلي قسيت عليك بصح غاضتني طريقة احتقارك للفقر والفقراء
ربي ينورلك طريقك ويهديك مهما قلت تبقاي انتي هي المسؤولة الاولى على حياتك وديري اللي يساعدك
صحا رمضانك وسامحيني على هدا الرد

[zahra1995]

rabi yahdik a3tini wahad yhabni w n3ich m3ah fi gitoun ya daaaaaaaaba 7amdi rabi wd3i rabi yfaraj 3lik draham tlgayhem w li ki rajlek makanch khamemi mlih w khaliha 3la rabi ya la3ziza w rabi yhanikoum

[بسمة الشلفية]

المال لايجلب السعادة

[الزمان 03]

لو كان رجلك جاء سكير ويضربك نقولك خرجت فيك دعاوي الرجل السابقين لخطوبك ورفضتيهم لكن مدام جاء ناس ملح نظن هو لدعوة تخرج فيك تدفع ثمن الأولين وهذا الاخير، مشكلة كثير من النساء أنها تحتاج لرجل يقهرها بكل ظلم لتطلب القليل من حقوق الحياة الضرورية ليس الكماليات ، أما أن يكون الرجل يحترم تلك المراة فالويل له ثم الويل من كل أنوع المشاكل وقلة الاحترام التي سيتمتع بها

[rma]

للينفخ في اللبن يشتاقه
*اللبن حسن معاملة زوجة لك*

[فارس وجواد]

السلام عليكم :
أختي مادامك شايفة روحك على زوجك و على أخواته البنات ,
و مادامك ما شاء الله عندكم البذخ و المال ,
سهل جدا اطلبي الخلع منه .
لكن خوفي عليك أختي ,
يأتي عليك يوما و تندمين على هذا الرجل ,
و تصبحين تتمنين نصف رجل يسترك ,
لعلمك المال يفعل الكثير و لكن لا يشتري الرجال ,
و أنت أنعم الله عليك برجل بسيط و الظاهر انه يحبك و يقدرك ,
و لكنك لم تحسي بهذه النعمة و لم تريها ,
بل رحتي تقارنين نفسك بأخواته و لا أدري في الواقع ربما تتكبرين عليهم ,
و السبب في رأيي أن الوالدين لم يعرفا كيف يحضرونك جيدا للزواج ,
و أن الفتاة لابد أن تعيش في بيت والديها كضيفة فقط ,
لا ان تتشبع البذخ ثم لما ياتي سن الزواج يظهر المشكل ,
و هو لابد من زوج غني و عايش و إلا فتلك الفتاة غير صالحة للزواج ,
أو لا تستطيع التأقلم مع الوضع الجديد .
شخصيا لو كنت مكان ذلك الزوج ,
و الله لن أزيد يوما مع إمرأة متشبعة بالمال و الترف حتى اعمى بصيرتها .
انا أتعجب من هذا الزوج كيف إستطاع في الإستمرار في هكذا زواج و هكذا حياة ....

[عذراء الجبل18]

ربي يهديييييييييك ااختي نتي راهي عامياتك المظاهر الله غالب
ماوش المال هو كلش المهم كي يكون راجلك يحتارمك ومقدرك هذا هو الصح الدنيا دوارة منا على عام بالاك تطلع بيه ويولي اغنى الاغنياء كوني فحلة واوقفي معاه واخطيك ختي من هذا التفكير بالاك صح مستواك جامعي وعالي بصح مشكلتك هاذي تبين العكس وبالاك هو اللي لازم يندم

[رجوت عفوك]

"" انا كي طلبت من راجلي نروحو نعيشو ثم رفض وجاتو طياحة """ ... زوجك باين راجل ووليد فاميلية متفرطيش فيه لان امثالو راهم يعدو على اصابع اليد

و الشبعة تاع الصح هي القناعة ماشي الفيلات و الدراهم و غير من وسخ الدنيا ... ودير مليح في بالك بالي ربي هو اللي يرزق كيما رزق

والديك يقدر يرزق راجلك و يولي اغنى الاغنياء ( واذا عاود الزواج عليك في هاذ الحالة ماتلومي غير روحك )..

[بلسم غرام2018]

حبيبتي لن ازيد اي كلمة على ما قاله من سبقوني من اخواني في الردود
المال ميشريش الرجال
وراح تندمي تندمي اشد ندم

[* الحلم سكر *]

سبحان الله !
اختي تزوجت رجل قالوا عليه عائلة والدي الغنية ''بالنسبة ليه'' ضحكوا عليها نهار الخطبة و قالوا ليها ،هذا راح يوكلك الخبر و الماء ؟ ابتسمت و كملت و قالت الحمد الله من غرفة راهي بنات دارها و دارت سيارة و أولادها ما شاء الله رباية و قراية و نظام

الفرق هي كانت مقتنعة بيه كشخص ؟؟

ان شاء الله فهمتيني و للحديث بقية

لي عودة باذن الله الله غالب ماصبرتش رديت و أنا مشغولة .......

[ام محمد أدم]

غرتي من زوجات اخوتك لانهم جاو من الفقر للغنا
و حقرتي اخوات راجلك لانهم عايشين فالفقر
و ماحملتيش راجلك لانو فقير
ربي يهديك

[كلمات مبعثرة]

وانا اقرا الموضوع كنت اظن بان الفرق بينك وبينه انه مخلوق من طين وانتي مخلوقة من دهب
علاش قبلتي بيه كي مستواك نتي في السما وهو الحضيض؟؟؟
كنتي من الاول تقعدي في دار باباك يتكفل بيك باباك ...سبحان الله سامحيني لكن موضوع تافه وسبب تافه للطلاق
انتي الان ترين نفسك احسن منه وبانك اصبحتي فقيرة صح؟
مادا عنك بعد ان تحصلي على لقب المطلقة؟؟؟ هل ستصبحين احسن منه ومن اخواته؟؟؟
هو يستطيع ان ياتي باخرى وغنية وتحترم ظروفه وتحمد الله على ماكتبه لها اما انتي من سيتزوجك وانتي مطلقة؟؟؟
هل تنتظرين فارس الاحلام رجل المال والاعمال ان يتقدم لخطبة مطلقة؟؟؟؟؟؟؟؟؟؟
اعتدر منك على قسوة كلامي لكنها الحقيقة التي لم تفكري فيها ....قيمة الانسان في اخلاقه ودينه وتربيته وليس في جيبه انتي في الاخير لم تموتي من الجوع بل قدم لك كل ما في استطاعته ولايكلف الله نفسا الا وسعها...
ورفضه ان يسكن في دار باباك ان دل على شيء انما يدل على انه راجل لايباع ولايشترى ولايهان لا بفيلا ولا بسيارة
عليك احترام زوجك وان ترضي بما اختاره الله لك وتحمدي الله على هاد العيشة لانك ادا كنتي كارهة حياتك ومعيشتك الان بعد الطلاق ستكرهيها اكثر.
الله هو من يرزق ...قادر ان يغني زوجك اصبري واخطيك من الغيرة ...
العيب ماشي كي خواتاتو يباتو في بيت وحده العيب كي تقبلي بيه اومبعد تعايريه والعيب كي تولي مطلقة في دار باباك واش راح تقولي للناس طلقتو كي فقير؟؟؟ شكون راح يامنك؟؟؟ ومرا لي تطلق زوجها على فقره شكون الراجل لي راح يحترمها ويديها لدارو ؟؟؟؟
ولا تشوفي بزاف المسلسلات؟
.

[بيلسان الجنان]

انا اتقاسم الغرفة مع اخواتي البنات
ونهار تكون عندنا مناسبة و يجونا ضياف نرقد في الكوزينة ههههههههههه سير حكماتك الخلعة

ربي يهديك لي كنت راح نقولو قالوه لي قبلي

كي يكون وليد فاميليا يحبني وشاريني وزيد رفض يعيش معايا في عز بابا باسكو راجل والله يالوكان نطلب معاه عند باب الجامع تجيني كي العسل

[ندى الصبح]

أختي ربي يهديك
الله يبتليك بالفقر ليرى ان كنت ستصبرين وتحتسبين او ستجزعين فتخسرين في الدارين!!! ربما انت غنيه وعشت في بذخ ولكن هذا ليس سببا وجيها لتطلبي ابطلاق
كان الاولى بك ان تفكري في الامر قبل الزواج لكن الان لا يمكنك التراجع خاصه وهو يعاملك كملكه!!! تذكري قول الرسول صلى الله عليه وسلم ( أيما امرأه سألت زوجها طلاقا من غير بأس فحرام عليها رائحه الجنه)
ولتعلمي ان الله اذا احب عبدا ابتلاه ، فربما يمتحن الله ايمانك وصبرك فما انت فاعله؟؟؟؟
انا اعتقد ان مشكلتك ليست الفقر وانما تغير الظروف فجأة عليك فمن بيت الاهل الى بيت الزوج والمسؤوليات الجديده وتغير المكان والاشخاص
كل هذا يجعلك مكتئبه وتتمنين العوده الى حاله الاستقرار التي كنت تعيشينها
اغتنمي شهر رمضان وتضرعي لله ان يمنحك السكينه والطمأنينه وان يفتح على زوجك ابواب الرزق فهو القادر على كل شيء
بالتوفيييق

[~~نهال~~]

راجلك عندو كرامة و حاية يعيشك بعرق جبينو
كون تروحي ثما و تتشاجري معاه قادر تجرحيه تقوليلو كون مش انا و انا و انا و هذا امر يجرح
الفقر ماهوش عيب واانتي قلتي
ماتعودتش يعني لازم و رح تتعودي باذن الله
و جامي تقارني و تنظري لحال غيرك و تقارنيها بنفسك لانو الرزق مقسم من عند ربي و كل واحد رزقو و وواحد مايخذ رزق غيرو
و الشخص يحبك
اياك تخليه
او اذا تخليه قادر يتزوج مرة اخرى و تندمي انك ضيعتيه
راحة بال اهم من اي مال

[الناصر لدين الله]

اعتقد أن الردود كانت شافية ووافية وكافية لأن تتخذي قرارك
وفقك الله

[oumhana]

مــــــــوه ملقيت ما نـــقــــــــــــول