معرفتش وش من فرماج نشري سآعدوني

[nadjet boumaraf]

السلام عليكم حبيباتي اليوم درت نهار لقضيان الدار شريت كل مستلزمات لكن لم أشتري الى الجبن (فرماج) اللي نستعملوا في قراتان و..ممكن تساعدوني اخواتي بصوره للفرماج الذي تستعملونه باه نشري كيفكم ارجوكن

[MINA-NINA16]

تقدري ديري شيدار بزاف مليح للغراتان ولا الغرويار انا نستعملو غير هو يجيني ذوقو خفيف على الفروماج روج اما للبوراك والمحشي كاين البربار هايل رمضان مبارك

[ام ظافر]

اختي قوليلو يعطيك الشيدار ميزان خير من المرحي وانتي رابيه فوق الاكل الكيلو يعمل عندنا 90الف وهو الي يعملوه للبيتزا والسباقيتي بزاف لانو يذوب ويتعلك فوق الاكل
القرويار طعمتومميزة ولاذعة مليح للحشو والا للقراتان والسلطات يتمشى مع الاكل الي فيه البيشامال بزاف الكيلو 120الف
كاين الكمومبارت مليح للسلاطة والاوردافر
وكاين الاجبان البيضاء مليحة في البوراك والقراتان والحشو تاع المعجنات وووووووومثل لافاش كيري وتارتينو وووووو
كاين كيري المربعات نحسو يصلح اكثر شيء للحلويات والطلي
هذو الاخيرين ثمنهم معقول شو
وكاين جبن مليح للناس الي عندهم الكوليسترول والدهون في جسمهم مثل ناس الحمية مصنوع من حليب الماعز والكيلو ب200الف ولكن صحي
وكاين بزاف انواع
عن نفسي شريت رطل شيدارب45 الف ونص رطل قرويارب30الف وعلبتين لافاش كيري بورسيون وعلبة طويلة مستطيلة لوشاف تاع لافاش كيري ب40الف

[_lydia]

نصيحة فقط الشيدار ماشي مليح للاكل راه كاين فرماج تاع البتزا بالميزان يدير 40الف للكيلو
حبيبتي تخدم في مصنع للاجبان (مختبر) قاتلي الشيدار هو المادة الي نخدمو بيه الفرماج ويجي على شكل سائل,, يعني لوكان ماشي الشيدار منقدروش نخدمو باقي الجبن
و قالتلي راهم رايحين ينحيوه من السوق يسوق غير للمصانع
اسمحولي معلومة نعرفها لازم نخبر بيها
رمضان مبارك

[ام ظافر]

نصيحة فقط الشيدار ماشي مليح للاكل راه كاين فرماج تاع البتزا بالميزان يدير 40الف للكيلو
حبيبتي تخدم في مصنع للاجبان (مختبر) قاتلي الشيدار هو المادة الي نخدمو بيه الفرماج ويجي على شكل سائل,, يعني لوكان ماشي الشيدار منقدروش نخدمو باقي الجبن
و قالتلي راهم رايحين ينحيوه من السوق يسوق غير للمصانع
اسمحولي معلومة نعرفها لازم نخبر بيها
رمضان مبارك

لوكان تميلدنا اسمو او صورتو اختي لانو البيتزا ما تكونش مليحة غير بالجبن الذايب الي يتمغط فوقها
وانتي قلتي الكيلو ب40 الف هذا مقدور عليه ارحم من تاع 90 الف

[تينا ماريا]

سلام بالنسبة للبيتزا الأصل تاع الجبن تاعها هوا الموتزاريلا. يستعملوه قاع الشركات المشهورة كما بيتزا هوت و دومينوس،،،،الخ
و يزيدو يرشو فوقها جبن البارمزان اممممم انا هدا هوا اللي نموت عليه الباستا و البيتزا بدون بارمزان ما يجوش ملاح

اما بالنسبة للشيدار أهنأ يديرونا بيه البرغر سوغتو

[تينا ماريا]

و في النهاية كلشي أذواق انا راني متغربة و منين نسكن كاين عشرات الأنواع تاع الجبن الا اني ميتة بالسخفة على تاع الجزاءر خاصة باربار و الجبن الأحمر

[saida4O]

احتي انا نستعمل قريار ولا شاف هايل يزيد البنة للماكلة و صحا رمضانك اعاده الله علينا باليمن والبركة

[kahlouche41]

كاين فرماج سبيسيال للغراتان و البيتزا يجي في امبلاج كيما تاع الكشير و لكن ما يتكلش نيء يتحط فقط فوق الغراتان و البيتزا يذووووب و يجي اممممممممممممممممممممممممممممم ب130 دج

[ام ظافر]

كاين فرماج سبيسيال للغراتان و البيتزا يجي في امبلاج كيما تاع الكشير و لكن ما يتكلش نيء يتحط فقط فوق الغراتان و البيتزا يذووووب و يجي اممممممممممممممممممممممممممممم ب130 دج

اخي اذا قصدك الابيض تاع بلاط هذاك مجرباتو وما يذوبش يتعمل مرابي يمد نظرة جميلة للبيتزا ولكن الطعم لالالالالالالالالا
اما اذا قصدك نوع اخر يذوب اعطينا اسمو من فضلك

[/زهرة عصفور الجنة/]

السلام عليكم
ورمضانكم مبارك
هذه الاجبان التي تحكون عنها واثمانها رخيصة
لا انصحكم باستعمالها
فهي غير صحية والله أعلم من ماذا صنعت
حتى الشيدار ومدرح في بلادنا
شخصيا استعمل للغراتان البروريار
والجبن الابيض خالي الدسم البتي سويس والبربار

[nadjet boumaraf]

شكرا لكن على المعلومات القيمه وصح رمضانكم كامل تصوموه بالصحه إن شاء الله