أرجوكم ساعدوني

[مشكلتي]

سلام عليكم
حابة نحكيكم مشكلة كبيرة وكبيرة بزاف ومعقدة بزاف وهي في الاصل مشكلة لأختي بصح قلقتني بزاف وانا مرانيش غايا
أختي صغيرة عمرها دركا 25 سنة متزوجة عندها 5 سنين من راجل متحبوش تزوجته برك لأنه حابة تكون قريبة من حبيبها لهو أخ زوجها كانو على علاقة بصح هو خلاها وتزوج وحدة أخرىو أختي تزوجت من راجلها . وانا مكنتش نعرف بلي هي تزوجته برك حتى تكون قريبة من حبيبها لانها قلتلي بلي تحبه خدعتنا كامل .

ووكي تزوجته عاشت مع العيلة وهما في دراهم ممنوع راجل يسكن وحده كي يتزوج لانه أ مهم متحبش تحب تشوف العيلة مجتمعة في دار واحدة وهنا وين بدات المشاكل وشوي شوي ولا حبيبها القديم يغير منها على راجلها واختي كانت تفرح كي تشوفه يغير وهكذا حتى ارتكبت أكبر غلطة في حياتها خانت راجلها مع خوه و أنا كي عرفت بهذا شي حلفتها متزيدش تعود وهي بدات تبكي وتحلف بلي أخر مرة و أنا صدقتها كي الجايحة
وكملت في القصة لخمس سنين وحتى درك وين عرفت بلي كانت تخون في راجلها لمدة خمس سنوات ماشي برك هذاك اليوم بل لخمس سنوات والمشكل الاكبر انه عندها زوج ولاد وهما من حبيبها سابق وراجلها يربي فيهم كي الجايح و أختي مراهيش حابة تقطع علاقتها به وقلتها بلي راح نفضحك لراجلك بصح هي تعرف بلي مستحيل نفضحها وهي مراحش تخليه و أنا ماعندي ماندير نعرف غير نهدد. هكذا قلتلي

أرجوكم ساعدوني أ نا ضميري راه يعذبني لانه عرفت بلي خانته كي كانت عروسة جديدة وسكتت وسترتها بصح واش درت هكذا نشوف في روحي بلي انا شريكتهم ثالثة انا خايفة بزاف واش ندير
انا علبالي بلي منقدرش نفضحها لانه امي راح تموت وبابا راح يموت وراجلها راح يموت وبلاك راح يقتلها وولادها راح يضيعو كل هذو خممت فيهم

[فارس وجواد]

لا حول و لا قوة إلا بالله .
و لماذا أحيانا نلوم السماء أنها أصبحت لا تمطر ,
كيف لا يحرمنا الله المطر , و أفعال البشر وصلت إلى هكذا كوارث .
الله عز و جل لما أقر حد الزنا الرجم حتى الموت , لم يخطئ " حاشى لله أن يخطئ سبحانه " ,
بل لأنه لا شيء يكفر عن فعل شنيع مثل هذا إلا الموت .
الآن هؤلاء الأولاد أولاد من , أبوهم أم عمهم .
غاب العقل عن كليهما و أصبحا مثل الحيوانين الغريزة الحيوانية التي تتحكم فيهما ,
لا العقل الذي يميز البشر عن سائر الخلق .
كيف لا و أختك تزوجت من أجل حبيبها ,
و حبيبها هتك عرض أخوه الذي من المفروض هو الذي يحميه .
كلاهما ملام , و لكن في رأيي أن ذلك الحيوان هو الملام الأكبر , فلو أنه تزوجها ,
أو وضعها عند حدها منذ البداية, لما وصلت الأمور إلى ما هي عليه , ولكنه أصبح يغار ,
على من , على زوجة أخيه , و من من , من أخيه ...
صدق عليه الصلاة و السلام حينما قال : " الحمو الموت " .
فهذه قضية يا أختي قضية موت و قطع رقاب و تخريب عائلات .
شخصيا أعجز عن إبداء رأي أو إعطاء حل , في هكذا مشكل ,
لأنها ببساطة قضية حياة أو موت .
" ربنا لا تؤاخذنا بما فعل السفهاء منا " .

[wafwaf8471]

ya latif hadi carita machi mochkila sa9si imam ydabir alik wach diri

[naamane3]

لا اله الا الله لا اله الا الله لا اله الا الله
اللهم لا تعذبنا بما فعل السفهاء منا
اللهم باعد بيننا وبينهم كما باعدت بين السماء والارض
والله لم اجد ما اقول
اكثري من الدعاء بالهداية والصلاح
ولا تملي من النصح مرة ومرتان والف مرة
ولا تفضحيهما لان فيها ارواح
والله المستعان

[ali-81s]

أنضحك بعدم التدخل ، أتركي الأمر على ما هو عليه حتى يكشف الله الامر للزوج

[مراد سابقا6]

شوفي يا أختي

في

مثل هذه الأمور التي تصل للقتل وخراب البيوت

لا تتدخلي مطلقا

في هذه القضية

وأتركي أحتك للأيام

فهمي ستفضح عاجلا أم أجلا

وبعدها ستكون الكارثة

وهي آتية لا ريب

لكن لا تكوني أنت السبب

وأغلقي فمك وأتركي كل شيء للأيام

[sara 97]

مسكين الاب اللي يربي اطفال ماهمش ليه
والله غير طفرت لفيه خيانه من مرتو وخووه وعيل ماهومش ليه :confused:

ربي يصبرك نقولك حاجه بلاك تخبري حد راكي ديري حاجه مليحه
باسكو راح تجيهم صدمه قويه خاصه راجلها

واختك لو كان عندها ذرة رحمه
نصحيها بقسووه كبير
عطيها كلام قووي بزااف

مثلا

نتي عاار علينا ,,, راكي رخصتينا بززاف .. رايحه تقتلي امي لي رباتك من صغرك .. وبابا اللي دا حياتو كامل يشريلك ويوكلك
حابه تشوفي مامي ميته حداك وتتهناي .. تقتليها بيدك .. عاجبتك حياتك هكا مترضيش ربي
بدل منكي عايشه فسعاده راكي كل يووم خايفه تقربي من ربي
تخيلي ربي يسخطط عليك .. ربي فوقك لو غضب عليك يدمرك .. راه يسناك توبي ونت ...

وبكي بززااف خليها تحسس شويه بكي وقوليلها ياامي لو ماتت واش ندير

صدقيني لو عندها ضمير لو عندها ذرة رحمه راح تتاثر وتندم
اكيد رايحه تتاثر

[sali-sali]

هدي ماهيش مرا كامل

تخيلت روحي نقر في قصة فقط

لا تصدق .. كيييييييييييييييف هدا الشي ومع شكون تخون راجلها

انصحيها .. و لوعرضتي هدا الامر على اكبر المشايخ ... لكان جواب منهم الدعاء والنصيحة ... لانولو فضحت ستكون كارثة كبيرة

ربي يهديها هيا و اخوه الخائن

[Dj BoBo]

لا حول و لا قوة إلا بالله
لا حول و لا قوة إلا بالله
لا حول و لا قوة إلا بالله
لا حول و لا قوة إلا بالله
لا حول و لا قوة إلا بالله
لا حول و لا قوة إلا بالله
لا حول و لا قوة إلا بالله

[ايمان نور الجزائر]

ياااااااااااااااااااااااااااا يماااااااااااااااااااااااااااااا واش رانا نسمعو
يا ربي الطف بينا واغفر لنا يا رب
ختي اجبدي روحك من الحكاية ر اح يجي نهار وين تنكشف
واللي مقدرها ربي تكون
على الاغلب تكون نهاية مأساوية

[*نسيبة*]

الله يهدي عباده

عجزت عن الكلام

[*نسيبة*]

الله يهدي عباده

عجزت عن الكلام

[~~نهال~~]

ختي بكل الصراحة قولي لراجلها حتى لو اختك
راكي هكا تساهمي في الاثم
هكا يولي ربي في ولاد خوه سما عمهم هو باباهم و باباهم هو عمهم
و تخيلي كبر ابنها و بغا يخطب بنت عمو ؟ وش ديري؟
قوليلو و لو بأي طريقة
و شكون هذا الزوج ربي يعينو
مممممم حاولي ماتدخليش روحك بطريقة مباشرة لا يحصلوا فيك
المهم ادعي ربي يفرج
اسمحيلي مالقيتش وش نقول
تشوكيت

[عادل عبد الله]

أستغفر الله العظيم وأتوب إليه
ان شاء الله ربي هو اللي يفرج هذا المشكل الكبير
لا حول ولاقوة إلا بالله العظيم

[نريمان المسيلية]

عجزت عن الكلام
ها هو ذا قلمي ينتحر امام قصتك
غريبة اهكذا نحن نعيش
ويحك .... ويحك
فقط سؤال : الا تشعر بالذنب عندما تنظر في عيناي زوجها
الا تنظر لاولادها الذين هم في الحقيقة اولاد غير شرعيين
والا تنظر لله الواحد الاحد
لي شك كبير انها لا تعرف الله ابدا وان ليس لها ذرة يقين بالله
وضميرها قد انتحر من فعلها المشين حقا
اختاه انت لا تفعلي شيئا سوى ان تلزمي صمتك انسي القصة ودعيها على الله اولا و
على الايام ثانيا
لانها عاجلا ام آجلا ستكشف حقيقتهما
وسيظهر الحق
ان لم يكن في الدنيا فحتما سيكون في الاخرة اليما
يومها لن ينفع الندم اختك
كان الله بعونك
والشيء الوحيد الذي افطر قلبي هو زوجها آآآه ادمعت عيناي لك يا اخاه
لا حول ولا قوة الا بالله
هدانا الله وهداكم

[نورسين.داية]

السلام عليكم

شخصيا لو كنت مكانك ....إذا كانت قريبتي لا تستحق الأسرة التي وهبها الله لها فلن أرضى لأناس صدقوا النية معها أن يبقوا ضحية لتصرفاتها الطائشة التي سوف تحاسب عليها يوم القيامة بإدن الله عز وجل
بالتالي سوف اخبر الوالدة من اجل طلاقها ...و إخراجها من تلك الأسرة .........................لا إله إلا الله محمد رسول الله ..................
الحمد لله الذي عافانا و فضلنا على كثير من خلقه .....................يا رب اللطف و الهداية يا رب

[hamzagolf6]

لا حول و لا قوة إلا بالله
لا حول و لا قوة إلا بالله
لا حول و لا قوة إلا بالله
لا حول و لا قوة إلا بالله
لا حول و لا قوة إلا بالله
لا حول و لا قوة إلا بالله
لا حول و لا قوة إلا بالله

[راية الاسلام1]

لا حول ولاا قوة الا بالله
والله مالقيت مانكتب
ربي يسترنا وهب لنا الزوج الصااالح ويعافينا من مثل هذه المظااهر
والله كااااارثة

[عبد الله 22]

كارثة ستكتشف عاجلا أما أجلا وستحرق الاخضر و اليابس حاولي معها لعل يهديها لأن في الاخير المشكلة وقعت لكن حاول على الاقل أن توقيف هذا التصرفات حفاظ على ما تبقى من إختلاط في النسب على أن تكوني بشكل من الاشكال بعيد عنها لأن في الاخير ستتدمر العديد من العائلات لهذه المأساة