امي و خطيبي

[مشكلتي]

انا في حكم المخطوبة( يعني شوفة و تفاهم بين الرجال و النساء) و قريبا سوف نعمل الفاتحة و الخطبة وامي تلح علي ان يحضر لي خطيبي في الخطبة خاتم دهب بالاضافة الى اسوارة ذهب و لكن خطيبي يقول لي انه لا يملك حقها فما الذي افعله
امي قالت لي انها لن تعمل الفيونصاي حتى يحضر لي ما طلبت وهي تفول ان الجميع يعمل هكذا و هو مصر على رايه و انا جد قلقلة لاني في موقف محرج خاصة ان خطيبي من النوع العصبي ارهقني كثيرا
اريدكم ان تساعدونني و لو بدعواتكم
جزاكم الله خيرا

[~~نهال~~]

انا مانعرفش امور اللي في فاتحة و هكذا
اذا صح كاينة منها قوليلو و لو خاتم و اذا ماهيش واجبة
ماكان لاه تشقيه
مادام ماعندوش الله غالب ماعندوش منين رح يجيبلها
يروح للمنجم

[عادل عبد الله]

السلام عليكم ربي يفرج عليك ان شاء الله .

[دعاء المحبوبة]

بدل الذهب يشتريهم فضة مصبوغة بالذهب.
(الذهب راح يولي مرض عند بعض الناس، وهو ليس اكثر من معدن )
ربي يسهل لك أختي

[mounia 85]

ماشي شرط مقياس ...المقياس غالي بزاف يمكن يجيبلك مناقش في بلاصتو ولا سلسلة قصيرة

[ayaamira666]

ربي يفرج عليك اختي
اكثري من الاستغفار

[سرور2]

ربي يفرج عليك اختي وقولي لامك مدها ذهب مجابها ذهب الدنيا هاذي فيها لهنا وخلاص الخاتم لازم باه تباني انك مخطوبة وغيروعلاه

[راية الاسلام1]

السلاام عليكم
يا أختى هذه مجرد كمظاهر وتجيبلك غير العين والهم والدار مايعمرهاش الذهب انتي المهم تلقاي الزوج الصالح
ربي يهديها امك المفروض هي اللي تنبهك
اربي يباركلك في زواجك ويهنيك

[naamane3]

واش يا ماما راح تذبحي الراجل من اول مرة
اخبري امك ان ايسرهن مهرا اكثرهن بركة
كما قال رسول الله صلى الله عليه وسلم

[منئ الجزائر]

]ربي يرج عليك يسر امورك

[Assouma 93]

الله يفرج عليك حبيبة

[maryouma46]

مع البداية تقوليلو جيبلي ذهب وتشرطي عليه لالا ماشي هكذا
الأصح تحاوري مع أمك وتفهميها راهي غالطة في الأمر هذا
لأنو رايح يجيبلك الذهب على حسب مقدوره وراكي تعرفي الغلاء تاع الذهب
ربي يهنيك أختي

[@ أبو الليث @]

أيسرهن مهرا أكثرهن بركة

[bellaluna]

أخرجي من هذه المشكلة و إن كان لأمّك كلام فلتوجهه لأمّه أو والدك يوجهه لوالده.

[بلسم غرام2018]

ربي يفرج عليك اختي
اكثري من الاستغفار

[الناصر لدين الله]

تفاهمي معاه ولو بالحيلة يعني ما تكلفي خطيبك وما تزعفي يماك

[tebci]

صقسي باباك على الامر هذا وراح يجي معاك

والا نقلّك قولي لباباك يعاونك بمبلغ تقترضيه منّو باه تعاونيه انتيّا واشري معاه واش طلبت امّك بلا ما تقوليلها ويبقى سر بيناتكم وهو من مباعد تتفاهمي معاه يرجعهولك

وانتهت المشكله

الله غالب امّك من اللي يشوفو للناس للاسف

[لمسة L]

ربي يفرج عليك اختي

[mounaminou]

المشكل تاعك ماش الدهب في حد داتو ....المشكل هو اللي مابيقدرش يجيب خاتم بسيط جدا في الفاتحة في وقتنا هدا
....رايح يقدر يفتح دار و يعيشك عيشة كريمة اولا ......;):confused::confused::confused:

شوفي ختي هو خطيبك و نتي ادرا بيه و علابالك لاكان موضف بسيط جدا راهو قادر يجيب اي خاتم خفيف المهم خير من والو باقي الدهب عادي تتنازلي عليه لانو صح حق المقياس و المناقش يجس غالي مي الخاتم :confused::confused::confused::confused:

.....هو علابالو من الاول بللي اي واحد يروح يخطب يدي معاه خاتم دهب ...راهم كاين لخواتم ملاح مايعديوش مليون و نص ...المهم خاتم ..... ااما ادا كان معدوم خلاص و ماعندوش حق خاتم صغير ...هنا نضن بللي راهو فقير بزااااااااافففف ....و لازم توقفي مع روحك و خممي مليح لاكان قادرة على العيشة مع الفقر رببي يسهللك ان شاء الله لانو منطقيا هدا كيفاه رايح يحل دار و يعيشك ؟؟؟؟ رايحا تحرمي روحك من امور بزاف ....