مشكلتي معقدة

[مشكلتي]

السلام عليكم خاوتي حبيت نسقسيكم راني حاير وش ندير انا شاب اريد الاستقرار عمري 26 سنة خداام و الحالة مستورة و الحمد لله بصح ماشي حاجة agent de sécurité.عندي بنت خالتي تقرى مدسين عاجبتني بزااف و الله الصح الض شتيتها وتعلقت بيها وجذبني ليها تربيتها و تواضعها و اخلاقها بصح ماصرحتهاش خايف لاتكون تبغي كاشمة وااحد ولا ميقبلوش والديها يقولونا بنتنا قرات ويوامها واحد اوخر وزيد مزالت تقرا عندها 4 سنين في الجامعة برك.قولولي ندز يما تهدلر مع خاتي قبل ولا نهدر معا الطفلة وحدب و لا واش نديير اصلا

[sara 97]

دامها بنت خالتك اهدر معاها وخبرهاا ولو كان قبلت
رايحه تخبر هلاتها وتقنعهم اكيد وربي يوفقك

[~~نهال~~]

ايه اتكلم معاها هي اولا
و اذا قبلت
قول لامك

[عادل عبد الله]

السلام عليكم اخي الكريم مادمت تحبها أخبر الفتاة أنك تريد أن تتزوجها على سنة الله ورسوله ان قبلت اخبر والدتك كي تخطبها لك ن وان شاء الله تكون من مكتوبك .

[○•ميسون•○]

أهدر معاها ربما تتم الموافقة

و الله المستعان

[hamzagolf6]

تكلم مع الفتاة اولا

[راية الاسلام1]

السلاام عليكم
اخي من رايي ترسل امك احسن
مشكلتك معقدة حقا خااصة وان بنات هاته الايام حاشا اللي مايساهلوهاش متكبراات بزااف
ربي يجيبلك بنت لحلاال اللي تتهنى معاها

[Assouma 93]

ساهلة يا اخي قول ليماك تحكي مع خالتك و يشوفو راي البنت بالاول اذا كانت موافقة و من بعد ساهل الامر و ربي يتمملك بخير ان شاء الله

[nibou]

أنا من رايي أن تخبر والدتك و هي تخبر خالتك وخالتك تخبرها و هذا هو الأصح إن شاء الله و لكن قل لهم بان يبقى الأمر سرا بينكم فحتى و لو لم تكتبا لبعضكما لا يكون هناك إحراج،إذا فقط أنتم الأربعة من يعلم بالأمر

[doba]

ان شاء الله تكون من مكتوبك .

[mimi jiji]

انت احكي قبل مع طفلة اذا قبلت اللهم بارك اذا ماقبلتش تبقى لحكاية بيناتكم مادخلش فيهم مك ومها ومبعد اذا ماصراش مكتوب تولي بيناتهم حساسية

[قاصِرَةُ الطّرْف]

السلام عليكم
لا تخبرها مباشرة ..قل للوالدة و هي تتكلم مع البنت فإن كانت متخلقة فلا اعتقد انها ستترك لك مجال في التحدث معك في امور مثل هذه فتنسحب مباشرة حتى و ان كانت راضية بك

اخبر الوالدة تتكلم معها
و الله اعلم

[oosaisdo]

نصيحة : لا تتعلق بأي احد في هذه الدنيا الا الله حتى لا تنصدم

[أم آدم و دارين]

شوف يا خويا الرد نتاعي رايح يكون شوية قاسي.. لكن خوذ راي اللي يبكيك و ماتاخذش راي اللي يضحكك
التكافؤ العلمي و الإجتماعي راهو من أهم أسباب نجاح الزواج و نتوما على حساب كلامك ما كانش تكافؤ علمي بيناتكم
حتى لو كانت متواضعة كيما راك تقول و قبلت بزواجكم المشاكل رايحة تجي من بعد و انت اللي راح تعاني و تحس بالفرق
و هكذا يكون عندك مركب نقص من جيهتها هذا اللي يفتح باب مشاكل لها بداية و ما لها نهاية مهما كان كيما تعرف رانا في
un monde d'homme الراجل فيه لازم يكون خير من المراة نيفو عليها و يسلك خير منها باه ما تتجرحش كبرياؤه بينو وبين
نفسو و تسير الحياة طبيعية بينو و بين الزوجة اللي خيرها
هذا مجرد رأي و كلشي بمكاتيب ربي - الله يوفقك للي فيه الخير و ييسر طريقك

[إيمان احمد]

شوف يا خويا الرد نتاعي رايح يكون شوية قاسي.. لكن خوذ راي اللي يبكيك و ماتاخذش راي اللي يضحكك
التكافؤ العلمي و الإجتماعي راهو من أهم أسباب نجاح الزواج و نتوما على حساب كلامك ما كانش تكافؤ علمي بيناتكم
حتى لو كانت متواضعة كيما راك تقول و قبلت بزواجكم المشاكل رايحة تجي من بعد و انت اللي راح تعاني و تحس بالفرق
و هكذا يكون عندك مركب نقص من جيهتها هذا اللي يفتح باب مشاكل لها بداية و ما لها نهاية مهما كان كيما تعرف رانا في
un monde d'homme الراجل فيه لازم يكون خير من المراة نيفو عليها و يسلك خير منها باه ما تتجرحش كبرياؤه بينو وبين
نفسو و تسير الحياة طبيعية بينو و بين الزوجة اللي خيرها
هذا مجرد رأي و كلشي بمكاتيب ربي - الله يوفقك للي فيه الخير و ييسر طريقك

و اله كنت راه انجاوبو نفس جوابك مي خفت نجرحو لان الفرق يبان بعد الزواج

[semsouma93]

السلام عليكم اخي انصحك بان تسال الفتاة اولا هكدا لكي لا ينتشر الامر ويوقع فيها احراج وربي يسهللك ان شاء الله اما الاخوة الدين قالو بانه يتطلب وجود تكافؤ اجتماعي فهدا ليس شرطفالدنيا عقليات متلا انا طالبة سنة تالتة طب والله نقبل لاشتي واحد موش قاري المهم متخلق ومربي

[لحن الحياة.]

ماهيش شرط القراية ...........شبعنا من القرايين المتخلفين حاشا البعض لي مايستاهلوش
اتكل على ربي وقول لأمك او من الأحسن اختك تكلمها في الموضوع على انفراد و اذا قبلت بها و نعمت واذا ما قبلتش تموت بيناتكم الحكاية و ما يكونش فيه احراج

[رجل الخفاء]

في ما يخص الجانب الإجتماعي هناك حالات وين الرجل يكون اقل مستوى من زوجته وعايشين هانين وهناك العكس لكن يا أخي المشكل أنا أراه من زاوية أخرى، لم يعجبني تعلقك بها عن بعد وأنت لا تعرف مشاعرها إتجاهك، يعني هذا حب من جانب واحد وقد يدمرك أكثر من أن يسعدك لهذا أكره أن يكون الرجل ضعيفا أمام المرأة ويتعلق بها لدرجة أنه يصبح أعمى وحتى وإن قبلت بك لا ينبغي لك أن تظهر لها حبك الكبير لها لأنها قد تركب براقا وتطير فيه في العلالي ولن تضع رجلها على الارض خصوصا وهي أحسن منك مستوى تعليمي!!! يا أخي إفرض نفسك ولو كنت ميتا فما بالك أنت عامل وراجل ما يخصك والو

أنصحك أولا أن لا تظهر لها تعلقك بها وصارحها في الموضوع وقلها أنك وجدت فيها الأخلاق الحميدة وتريدها في الحلال وبالله عليك لا تنفجر أمامها متوسلا ودها وقربها وكلمها من موقع قوة ولا تنقص من قيمتك هي طبيبة وأنت عامل حراسة الرجل أقوم من المرأة والطبيبة إمرأة كسائر النساء فسيدتنا عائشة رضي الله عنها لم تكن طبيبة ومع ذلك هي سيدة نساء الكون

أطلبها للزواج دون أن تظهر لها تعلقك بها وكن رجلا في كلامك فربما هي أيضا تكون معجبة بك وتنتظر منك التحرك فنبارك لكما زواجكما وربما يكون لديها عشيق فتكون على الأقل عرفت أنها ليس لك وتكف عن حبك الأحمق لها (سامحني على هذه الكلمة لكني أعتبره حبا أحمق في وقتنا هذا)

باختصار أطلبها في الحلال دون أن تنقص من شأنك ولتكن طبيبة أو حتى رئيسة دولة، أليست إمرأة كسائر النساء؟؟؟ أظن أنها عليها ولها تماما ما على نساء الكون، هي تحمل في بطنها كسائر النساء!!! ولهذا أنظر إليها كإمرأة لا أكثر ولا أقل وقيمة المرأة تكمن في عفافها وطيبتها ورقة قلبها وأنوتثها ليس في ديبلومها

ندعو الله أن تكون من نصيبك يا رجل :)