الملتقى التشاوري لمتأهلات مسابقة رمضان الكبرى [الأرشيف] - الصفحة 4

أم ضياء عبد الرحيم

2014-07-17, 12:40

سلام
صباح الخير عليكم
ختيتي جيادة الاخت فيفي كانت ردت على هاد السال بصح ما شفيتش في اي قسم قالت فيه نصور كل طبق وحدو من بعد صورة اخرى لطاولة كلها
درك نحوسلك على الرد ونقولك وين راه بالضبط

صباح الخير ام حمزة ربي يعطيك ما تتمناي و يهنيك و يسعدك دنيا و اخرة

ام حمزة22

2014-07-17, 12:56

اجمعين حبيبتي جيادا
سامحيني ختيتي مالقيتش الصفحة ان شاء الله تدخل فيفي وتوضحلك
بالتوفيق ان شاء الله

أم ضياء عبد الرحيم

2014-07-17, 13:02

ان شاء الله ام حمزة الف شكر

أم ضياء عبد الرحيم

2014-07-17, 13:03

اختي فيفي هل من الممكن بسمة ادير المقبلة و انا ندير باقي الاطباق

عطرالذهب

2014-07-17, 13:30

جيادا راني كنت مشغولة مع الفواكه خدمتها وكملتها خرجتلي هايلة ضرك نحطلك الصور واعطيني رايك والعصير راهو قيد الانجاز منا لل5 نحطهولك

أم ضياء عبد الرحيم

2014-07-17, 13:42

وووووووواو لا كلاس عطور تحفة

عطرالذهب

2014-07-17, 13:47

اييييييييه فرحتيني كي عجباتك
كانش تعليقات قوليلي مازال ماكليناهاش ههههههههه بالصح بعد المغرب ماتحوسيش

fifiarch

2014-07-17, 13:57

دعاء اليوم التاسع عشر
أللّهُمَّ وَفِّر فيهِ حَظّي مِن بَرَكاتِهِ ، وَ سَهِّلْ سَبيلي إلى خيْراتِهِ ، وَ لا تَحْرِمْني قَبُولَ حَسَناتِهِ يا هادِياً إلى الحَقِّ المُبينِ .
مساااء الخير كيف الحال نتمنى تكونو ماشيين تمام مع الاعمال

تم اضافة تعليق الاخ عمر على التحدي الثاني

تجدونه في موضوع التحدي

على فكرة الاعمال ترسلنها لي هاذ المرة على غير العادة لانو موالفين ترسلو للاخت مياسم

fifiarch

2014-07-17, 13:59

عادي جيادا ممكن

اتعاونو مع بعض

أم ضياء عبد الرحيم

2014-07-17, 14:30

اييييييييه فرحتيني كي عجباتك
كانش تعليقات قوليلي مازال ماكليناهاش ههههههههه بالصح بعد المغرب ماتحوسيش

جا فوووووووووور عطر ما عندي ما نعلق انا نرشحو بدون منازع راني نستنا في العصير

عطرالذهب

2014-07-17, 14:46

يجبر بخاطرك جيادا
العصير راهو قريب يحضر

عطرالذهب

2014-07-17, 14:46

جيادا شفتي تعليق عمر

أم ضياء عبد الرحيم

2014-07-17, 16:02

شفت عطور مليح الحمد لله

أم ضياء عبد الرحيم

2014-07-17, 18:07

عطور راني عودت الفطور درت طبق رئيسي وحد اخر و سلاطة و بسمة دارت المقبلة من ورى الفطور نحطلك الصور

عطرالذهب

2014-07-17, 18:48

جيادا يعطيك الصحة وربي يخلف عليك الله غالب اسمحيلي شقيتك بالصح من اجل مصلحة الفريق
مالا راكي تطيبي وتدعي عليا ههههههههه

عطرالذهب

2014-07-17, 21:47

صح فطوركم لبنات

أم ضياء عبد الرحيم

2014-07-17, 22:16

صح فطورك عطور لا ما عودتش لفطور على سبب الصور البارح صورت كل حاجة وحدها لكن شفنا بلي ناقصين حوايج و الطبق الرئيسي ما عجبنيش على بيها عاودت

سمراء الدنيا

2014-07-17, 22:18

السلام عليكم وصح فطوركم
إن شاء الله تكونو في الموعد .... و تبعثو أعمالكم قبل الوقت المحدد
بالتوفيق للجميع

ام حمزة22

2014-07-17, 22:44

صح فطوركم
بالتزفيق ان شاء الله

Maria dadi

2014-07-17, 23:06

لبنات صح فطوركم وبالتوفيق انشاء الله عطورة واشراه ابنك وجيادا
ربي يعينك اخت

نهال13

2014-07-17, 23:17

صح فطوركم لبنات وشراكم دخلت نثقكم بالتوفيق ان شاء الله في هد التحدى

بنت الطيب

2014-07-18, 13:19

صباح الخير يا أحلى صحبة جمعة مباركة وبالتوفيييييييييييييييييييييق لكن متشوقة نشوف ابداعاتكن

fifiarch

2014-07-18, 14:20

دعاء اليوم العشرين

أللّهُمَّ افْتَحْ لي فيهِ أبوابَ الجِنان ، وَ أغلِقْ عَنَّي فيهِ أبوابَ النِّيرانِ ، وَ وَفِّقْني فيهِ لِتِلاوَةِالقُرانِ يامُنْزِلَ السَّكينَةِ في قُلُوبِ المؤمنين .

جمعة مباركة للجميع

souheila dz

2014-07-18, 15:14

جمعة مباركة و رمضان كريم بالتوفيق لبنات

أم ضياء عبد الرحيم

2014-07-18, 15:59

عطور ادخلي راه حطتلك بسمة التدبيرة تاع الفاكهة

أم ضياء عبد الرحيم

2014-07-18, 16:17

عطور راني بعثت طبخ و اعمال فينة و تدبيرة الفاكهة

أم ضياء عبد الرحيم

2014-07-18, 16:38

عطور راني زدت بعثت الخياطة و طبق الفاكهة و العصير

Simassim

2014-07-18, 17:13

ربي يوفقكم البنات ان شاء الله تكونوا الأوائل

عطرالذهب

2014-07-18, 21:17

صح فطوركم لبنات

أم ضياء عبد الرحيم

2014-07-18, 22:14

صح فطور عطور

عطرالذهب

2014-07-18, 22:18

الله يسلمك جيادا
ارتحتي شوي

أم ضياء عبد الرحيم

2014-07-18, 22:26

و الله ياعطور راني عيانة لكن الحمد لله
راني نشوف في اهلنا في غزة و الله يقطعوا القلب العبد يكره رحوحو كي يلقى نفسو عاجز عن فعل اي شيء
هنا في فرنسا زعما دراو مبادرة ان كل الجالية المسلمة تقاطع المنتجات الفرنسية لمدة معينة لتعبر عن رفضها عن سكوت الحكومة الفرنسية لمايجري في غزة

حسبنا الله و نعم الوكيل

عطرالذهب

2014-07-18, 22:32

كي نحبو نحتجو نحتجو على لعرب قبل فرنسا والله غير شيء يحزن صح

fifiarch

2014-07-18, 22:41

مساء الخير وصح فطوركم

تم اضافة تقييم الاخت المشرفة اكرام ملاك بالموضوع المخصص للتحدي الثاني

في انتظار طرح اعمالكن بالتحدي الثالث بعد قليل وذلك بالموضوع المثبت بقسم التدابير

نتمنى التوفيق للجميع

واكيد الفائز بالتحدي الثاني تعرفوه مع الاعلان عن اعمالكن بقسم التدابير

عطرالذهب

2014-07-18, 23:58

مبروك المرتبة الثانية لعقوبة للفينال نختموها بالمرتبة الاولى ان شاءالله

سمراء الدنيا

2014-07-19, 00:02

السلام عليكم و صح فطوركم يا الشاطرات
تم وضع الاعمال و كلكم معزومين للسهرة في قسم التدابير المنزلية
مرحبا بالجميع

ام حمزة22

2014-07-19, 00:48

سلام لبنات
صح فطوركم
مبروك المرتبة 2 اعمالكم ما شاء الله بارك الله فيكن
بالتوفيق. في التحدي القادم

fatma1977

2014-07-19, 01:44

صح فطوركم البنات إن شاء الله تكونو لاباس مع رمضان واش أحوالك عطر مبروك المرتبة2 بالتوفيق فى التحدى الاخير
جيادا زعمة أنتم فى فرنسا راكم حاسين وعملتو مبادرة وحنا ما نددوش فى صلاة الجمعة والله وكأن الواقع فى غزة لا يعنيهم ربى يصبرهم وينصرهم على العدو الغشم الاسرائيلى لا يسعنا إلا الدعاء فى هذه المواقف فى الماضى القريب أعدم أخى فى العراق بسبب ذهابه ليجاهد مع إخوانه فى العراق أيام الغزو الامريكى ولا أقول إلا الله يتقبله شهيد ويرزقه الجنة مع إخوانه العراقيين الذين أعدمو معه
الكلام فى هذ المقام لا يسع صفحات وصفحات حسبنا الله ونعم الوكيل

fatma1977

2014-07-19, 01:46

مبروك المرتبة الثانية بالتوفيق فى الاعمال الاخرى أعمالكن روعة خاصة تحدى الطبخ مميزين صح سحوركم

بسمة الرمال

2014-07-19, 08:30

اتي واي واي - بعد عناء كبير قدرت ندخل ' بصح من الموبايل ماش الميكرو - مزال عندي المشكل
يا خاوتي شفولنا حل ربي يستركم ...

مبروك علينا المرتبة الثانية , انشاءالله نكملوها الاولى

أم ضياء عبد الرحيم

2014-07-19, 09:21

صباح الخير

أم ضياء عبد الرحيم

2014-07-19, 09:47

اختي فيفي علابلي الضغط عليك بزاف لكن كون تحطولنا التحدي الاخير ربي يحفظك

fifiarch

2014-07-19, 12:03

مساء الخير

نتمنى تكونو كامل بخير

اكيد والفنا بعض طيلة هاذ الايام الرمضانية المباركة

لكن كيما يقولو كل حلو له نهاية

ونحن على مشارف نهاية مسابقتنا الرمضانية

تم طرح التحدي الاخير بقسم الطبخ هاذ المرة

اطلعن عليه وبالتوفيق للجميع

جوهرة رمضان**التحدي الرابع والاخير** (http://www.djelfa.info/vb/showthread.php?p=3991266251#post3991266251)

عطرالذهب

2014-07-19, 15:17

مساءالخير
واش رايكم لبنات في التحدي والله كنت متوقعاتو

أم ضياء عبد الرحيم

2014-07-19, 15:36

عطور واش تحكمي في التحدي

أم ضياء عبد الرحيم

2014-07-19, 15:37

عطور حبيت نحكي معاك نحتاجك

أم ضياء عبد الرحيم

2014-07-19, 15:45

عطور نروح نريح شوية و نرجع نتلاقاو لعشية ان شاء الله باه نتفاهموا

souheila dz

2014-07-19, 16:38

سلام لبنات بارك الله فيكم وبالتوفيق في التحدي الاخير

fifiarch

2014-07-19, 17:30

دعاء اليوم الحادي والعشرين

أللّهُمَّ اجْعَلْ لي فيهِ إلى مَرضاتكَ دَليلاً ، و لاتَجعَلْ لِلشَّيْطانِ فيهِ عَلَيَّ سَبيلاً ، وَ اجْعَلِ الجَنَّةَ لي مَنْزِلاً وَمَقيلاً ، يا قاضِيَ حَوائج الطالبينَ .

لا افهم مشكلة الاخت بسمة
هل المنتدى اصلا لا يفتح معها

ام عضويتها المعطلة

أم ضياء عبد الرحيم

2014-07-19, 18:37

سهيلة يعطيك الصحة اختي
اختي فيفي شكرا على التحدي بارك الله فيك بالنسبة لبسمة قالت عندها مشكل في دخول المنتدى حاولت من قداه من ميكرو و راحت حتى عند اختها لكن المنتدى عندها ميتفتحش خلاص

fifiarch

2014-07-19, 22:31

مساء الخير وصح فطوركم

يعني اذا حاولت من عند عدة اشخاص

هل العضوية نتاعها لي ماتمشيش ولا المنتدى ككل

لانو لو العضوية شيء ولو المنتدى ككل هناك مشكلة لانو مستحيل المنتدى مايمشيش من عدة كمبيوترات

صاحب الامل

2014-07-19, 23:39

صح فطوركم جميعا

*****

فيما يخص الاخت بسمة اذا المشكل انها لا تستطيع دخول المنتدى من جميع الاجهزة المتواجدة في البيت ( لابتوب...جوال...تابلت..الخ)

فيجب عليها تغيير ip لانو المشكل من عندها

صاحب الامل

2014-07-20, 00:09

برنامج سهـــــــــرات رمضـــــــــــــــان

http://www.djelfa.info/vb/images/statusicon/wol_error.gifإضغط هنا لمشاهدة الصورة كاملةhttp://xm.tl/a1000824

fifiarch

2014-07-20, 12:57

دعاء اليوم الثاني و العشرين

أللّهُمَّ افْتَحْ لي فيهِ أبوابَ فَضْلِكَ ، وَ أنزِل عَلَيَّ فيهِ بَرَكاتِكَ ، وَ وَفِّقْني فيهِ لِمُوجِباتِ مَرضاتِكَ ، وَ أسْكِنِّي فيهِ بُحْبُوحاتِ جَنّاتَكَ ، يا مَجيبَ دَعوَةِ المُضْطَرِّينَ .

صاحب الامل

2014-07-20, 13:10

http://xm.tl/a1000824

الليلة تنطلق سهرات رمضان في اسبوعه الاخير عبر منتدى الاسرة والمجتمع

والبداية ستكون من قسم الخياطة والتفصيل

الليلة

ان شاء الله تستمتعوا معنا

وخلال السهرة هناك العاب في انتظاركم

ومن بينها

***********
البوقالات ( تختار رقم من الارقام الموجودة وتشوف حظك)

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://xm.tl/a1000877

*********
02 * لعبة الالوان ( تختار لون من الالوان ونحطولك جزء من الصورة ويجب عليكم التعرف عليها)

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://xm.tl/a1000875

************
03* مع لعبة الالغاز ( كذلك نختار رقم من الارقام الموجودة في الدائرة ويطلعلك لغز)

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://xm.tl/a1000874

***********
واخيرا
لعبة الفليكسي
اربح 100 دج فليكسي من خلال الاجابة على 10 اسئلة
كل سؤال قيمته 10 دج...وعليك تجميع 100 دج لربح الفليكسي

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://xm.tl/a1000876
**********
واكيد ينتظركم خلال السهرة جوائز منوعة

كونوا في الموعد

وعيشوا معنا

احلــــــــــــــــى ليالـــــــــــــــي رمـــــــــضان

**********

الدعوة للجميع

http://xm.tl/a1000825

ام حمزة22

2014-07-21, 10:03

سلام لبنات واس راكم
طولتو الغيبة ان شاء الله المانع خير
بالتوفيق

عطرالذهب

2014-07-21, 10:22

صباح الخير والنور عليكم
ام حمزة الله لا يغيبك كان عندي ظروف واليوم الحمد لله
شكرا على السؤال

fifiarch

2014-07-21, 13:57

دعاءاليوم الثالث و العشرين

أللّهُمَّ اغْسِلني فيهِ مِنَ الذُّنُوبِ ، وَطَهِّرْني فيهِ مِنَ العُيُوبِ ، وَ امْتَحِنْ قَلبي فيهِ بِتَقْوى القُلُوبِ ،يامُقيلَ عَثَراتِ المُذنبين .

اتاسف لغيابي البارحة

نتمنى تكونو سهرتو مليح
ماشاء الله مع الاخ عمر زهالكم الجو

ان شاء الله نحاول جهدي نكون معاكم الليلة

صاحب الامل

2014-07-21, 16:04

هذا المساء
تستمر سهرات ليالي رضمان عبر منتدى الاسرة والمجتمع
من خلال قسم الاعمال الفنية

كونوا في الموعد

23.30

عطرالذهب

2014-07-22, 12:03

صباح الخييييييييييير

ام حمزة22

2014-07-22, 12:43

صباح الخير عطور كيف الحال
عطور جيادا ما بانتش غير الخير

fifiarch

2014-07-22, 14:19

دعاء اليوم الرابع و العشرين

أللّهُمَّ إنِّي أسألُكَ فيهِ مايُرضيكَ ، وَ أعُوذُ بِكَ مِمّا يُؤذيكَ ،وَ أسألُكَ التَّوفيقَ فيهِ لِأَنْ اُطيعَكَ وَلا أعْصِيَكَ ، يا جواد السّائلينَ .

السهرة الرمضانية الثالثة ستكون الليلة ان شاء الله ابتداءا من الساعة 23.00

بقسم الطبخ

مع fifiarch

كونوا في الموعد ونتمنالكم وقت ممتع ومفيد ان شاء الله

أم ضياء عبد الرحيم

2014-07-22, 18:33

مساء الخير عليكم ان شاء الله تكونوا بخير
بصحتكم السهرات انا للاسف ما نقدرش نسهر لهذاك الوقت عند الميكرو
ام حمزة شكرا ليك على السؤال ربي يحفظك عندي شوية ظروف
صح فطوركم و سحوركم و صح سهرتكم

OM AYA

2014-07-22, 22:45

سلاااام صح فطوركم

fifiarch

2014-07-22, 23:01

مساااااااء الخير للجميع

صح فطوركم

وينكم اظهروا نبداو سهرتنا على بركة الله

ام كوكو

2014-07-22, 23:23

صح فطوركم البنات

ام كوكو

2014-07-22, 23:24

فيفي حسبت روحي انا الاخيرة

fifiarch

2014-07-22, 23:26

اهلين ام كوكو الظاهر انو انت الاولى

هههههه

البنات ماظهروش

وقيل نباتو ندورو غير انا وياك

souheila dz

2014-07-22, 23:27

سلام صاحا فطوركم

fifiarch

2014-07-22, 23:32

اهلين سهيلة صح فطورك في انتظار التحاق البقية

souheila dz

2014-07-22, 23:37

اهلين فيفي و ام كوكو
واينوما البات مازالو؟ و الاخ عمر ما زال ما جاش؟

fifiarch

2014-07-22, 23:39

سهيلة السهرة معاي الليلة الاخ عمر ماكاش

نزيدو نستناو البنات شوي ولا نبداو

souheila dz

2014-07-22, 23:41

خلي نزيدو نسناو البنات شوي

fifiarch

2014-07-22, 23:42

اذن نبدا سهرتنا على بركة الله

وان شاء الله يلتحقو بينا بقية البنات

واش رايكم هيا سهيلة وام كوكو سجلو حضور

ام حمزة22

2014-07-22, 23:42

سلام
صح فطوركم

fifiarch

2014-07-22, 23:43

اهلين ام حمزة يالله على بركة الله نبدا

souheila dz

2014-07-22, 23:44

بسم الله نبداو

fifiarch

2014-07-22, 23:45

بما انو نحن في العشر الاواخر من شهر رمضان

نتمنى صوم مقبول وعمل ماجور للجميع

ونتمنى انكون من المدركين لليلة القدر

لذا هذا دعاء ليلة القدر نتمنى ترددوه دايما عسى انو تكون ساعة اجابة

https://fbcdn-sphotos-g-a.akamaihd.net/hphotos-ak-prn1/64704_538592266208264_1551715516_n.jpg

fifiarch

2014-07-22, 23:46

اللهم انك عفو تحب العفو فاعف عني

رددوا معي

souheila dz

2014-07-22, 23:47

اللهم انك عفو تحب العفو فاعف عني

ام حمزة22

2014-07-22, 23:47

شكرا فيفي ربي يحفضك بارك الله فيك

ام حمزة22

2014-07-22, 23:49

اللهم انك عفو تحب العفو فاعف عني

fifiarch

2014-07-22, 23:50

بعد الدعاء وحتى تكون ليلتنا مباركة وكل ليالينا كذلك ان شاء الله

لنقرا سورة الملك لما فيها من اجر ولنجعلها عادة في كل ليالينا
http://i1.ytimg.com/vi/QtXz7xoDunA/hqdefault.jpg

souheila dz

2014-07-22, 23:52

ان شاء الله

fifiarch

2014-07-22, 23:57

والان نبداو العابنا واش رايكم

ام حمزة22

2014-07-22, 23:59

على بركة الله

fifiarch

2014-07-23, 00:00

اول شيء نبداو مع البوقالات

لبنات اعقدوا وانويو وكل وحدة تقوللنا الشهر نتاع ميلادها

ونحطولها البوقالة

ام حمزة22

2014-07-23, 00:01

افريل،،،،،،،،،
04

fifiarch

2014-07-23, 00:03

بسم الله نبداو

وهاذا فال شهر افريل

شهرك ام حمزة

https://fbcdn-sphotos-b-a.akamaihd.net/hphotos-ak-frc3/1012429_534689009940912_310022158_n.jpg

souheila dz

2014-07-23, 00:04

انا تاني افريل كيف كيف

ام حمزة22

2014-07-23, 00:04

انا نويتها عليك فيفي

fifiarch

2014-07-23, 00:07

الله يخليك ام حمزة

تسمى حتى سهيلة افريل

وام كوكو وينها غابت

طب لانو غير انا لي ندورو نحطلكم بوقالة شهر اكتوبر شهري شوفوا فالي

https://fbcdn-sphotos-e-a.akamaihd.net/hphotos-ak-ash4/374445_534699806606499_1411767826_n.jpg

fifiarch

2014-07-23, 00:07

هيا هيا وينهم بقية البنات ولا خلاص كملنا البوقالات

souheila dz

2014-07-23, 00:08

فال مليـــــــح فيفي

ام حمزة22

2014-07-23, 00:08

فال شباب فيفي ان شاء الله قضيتك مفرية

souheila dz

2014-07-23, 00:09

نقدر ندير فال نع بنتي؟ في سبتمبر

fifiarch

2014-07-23, 00:09

ان شاء الله
ههههه

fifiarch

2014-07-23, 00:10

اكيد سهيلة هاذا فال بنتك الزينة

https://fbcdn-sphotos-g-a.akamaihd.net/hphotos-ak-ash3/944561_534697956606684_1145064877_n.jpg

souheila dz

2014-07-23, 00:11

يعطيك الصحة فيفي

fifiarch

2014-07-23, 00:12

الله يسلمك سهيلة

واحنا ضرك ننتقلوا للعبة التالية واش رايكم

souheila dz

2014-07-23, 00:14

رانا نسناو
خسارة البنات ما جاوش السهرة سامطة بلا بيهم

ام حمزة22

2014-07-23, 00:14

تفضلي فيفي

fifiarch

2014-07-23, 00:16

ايه والله معاك حق سهيلة السهرة سامطة واحنا وحدنا

معليش ننتقلو للعبة الاخرى وهي انكم تعرفوا الصورة لمن

يعني انا نحطلكم صور ونحط لمحة على الشخصية وانتم تتعرفوا عليها

fifiarch

2014-07-23, 00:18

http://upload.wikimedia.org/wikipedia/ar/thumb/6/63/2_6674_1_11.jpg/261px-2_6674_1_11.jpg

احد الاعلام المؤسسين لجمعية العلماء المسلمين الجزائريين

فريولة ابتسام

2014-07-23, 00:19

البشير الابراهيمي

ام حمزة22

2014-07-23, 00:20

انا ما نعرفوش بنني قالتلي طيب العقبي

souheila dz

2014-07-23, 00:20

البشير الابراهيمي

ام حمزة22

2014-07-23, 00:21

عسلتمتك فريولة نورتينا بوجودك

fifiarch

2014-07-23, 00:21

اهليييين فريولة

حلوووو يعطيك الصحة

انه فعلا شيخنا الكبير رحمه الله البشير الابراهيمي

fifiarch

2014-07-23, 00:22

http://almydan.tv/wp-*******/uploads/2014/03/ahmed_yassen.jpg
http://habermerkezi.files.wordpress.com/2009/01/seyh-ahmet-yasin-2-3.jpg
مؤسس حركة المقاومة الاسلامية في فلسطين المعرفة اختصارا بحماس

souheila dz

2014-07-23, 00:23

اهلا فريولة مرحبا بيك

فريولة ابتسام

2014-07-23, 00:24

أحمد ياسين (http://ar.wikipedia.org/wiki/%D8%A3%D8%AD%D9%85%D8%AF_%D9%8A%D8%A7%D8%B3%D9%8A% D9%86)

souheila dz

2014-07-23, 00:24

خالد مشعل ,,,,

fifiarch

2014-07-23, 00:25

حلو فريولة النقطة الثانية

هههه بنات غلبتكم فريولة

souheila dz

2014-07-23, 00:25

لالا احمد ياسين

ام حمزة22

2014-07-23, 00:27

ما شاء الله عليك فريولة بصحتك

fifiarch

2014-07-23, 00:28

http://upload.wikimedia.org/wikipedia/commons/thumb/b/bb/Hassan_al-Banna.jpg/220px-Hassan_al-Banna.jpg

متصوف اسس جماعة الاخوان المسلمين في مصر

souheila dz

2014-07-23, 00:30

حسن البنى ,,,,,,,,

fifiarch

2014-07-23, 00:30

هيا بنااااات قريب يخلاص الوقت

souheila dz

2014-07-23, 00:31

فيفي اني جاوبت

fifiarch

2014-07-23, 00:31

يا سلام عليك سهيلة

وووووووووونقطة

ام حمزة22

2014-07-23, 00:31

فيفي علاه راكي تصعبي انا جوزت الباك فى 1988 نسيت كلش

فريولة ابتسام

2014-07-23, 00:32

حسن البنا (http://www.google.dz/url?sa=i&rct=j&q=&esrc=s&source=images&cd=&cad=rja&uact=8&docid=MstGi_ntYzvvlM&tbnid=pnYsYGkDBqbksM:&ved=0CAMQjhw&url=http%3A%2F%2Farz.wikipedia.org%2Fwiki%2F%25D8% 25AD%25D8%25B3%25D9%2586_%25D8%25A7%25D9%2584%25D8 %25A8%25D9%2586%25D8%25A7&ei=Y_TOU9H3GIPD0QXkmIG4Dw&bvm=bv.71667212,d.d2k&psig=AFQjCNHoNDQyhaKGPHTiQy02J1iJnNb5Ug&ust=1406158301575501)............

fifiarch

2014-07-23, 00:32

http://www.djazair50.dz/local/cache-vignettes/L500xH322/arton4924-fc578.jpg

من اكثر الشخصيات الثورية اثارة للجدل في التاريخ الجزائري

souheila dz

2014-07-23, 00:33

مصالي الحاج ,,,,,,,,

fifiarch

2014-07-23, 00:33

هههه ام حمزة راني نجيب في المعروفين ونسهل خلاااص

fifiarch

2014-07-23, 00:34

تمااااام سهيلة ونقطة اخرى ليك

فريولة ابتسام

2014-07-23, 00:34

مصلي الحاج

fifiarch

2014-07-23, 00:37

http://upload.wikimedia.org/wikipedia/commons/thumb/8/89/Muhammad_Ali_NYWTS.jpg/230px-Muhammad_Ali_NYWTS.jpg

رياضي امريكي مسلم

souheila dz

2014-07-23, 00:37

محمد علي كاسيوس كلاي ,,,

فريولة ابتسام

2014-07-23, 00:38

محمد علي كلاي

OM AYA

2014-07-23, 00:39

اللهم انك عفو تحب العفو فاعف عني

http://i1.ytimg.com/vi/QtXz7xoDunA/hqdefault.jpg
الحمد لله قريتها

fifiarch

2014-07-23, 00:39

تمااااام سهيلة ونقطة اخرى

يعني انت 03 نقاط واختنا فريولة نقطتين

والليلة تفوز معنا سهيلة في فقرة لنتعرف على صاحب الصورة

ننتقلو للعبة لي بعد

من انا؟؟؟

souheila dz

2014-07-23, 00:41

الحمد لله اليوم الانترنت مليحة علا هادي قدرت نربح

مرحبا ام اية

fifiarch

2014-07-23, 00:41

الان مع فقرة من انا؟

نبدا في كل مرة نحط جملة ممكن تقربكم باه تعرفوا الشخصية

مستعدين

fifiarch

2014-07-23, 00:42

هو صحابي جليل

هاه عرفتوه؟؟؟؟

عطرالذهب

2014-07-23, 00:42

مرحبا بيكم عندنا واسمحولي والله هذا وين نحيت يديا من المقروض

OM AYA

2014-07-23, 00:42

اصبروا عليا صح فطوركم

وينها سطوووف و بقية لجماعة

اعطوني بوقالتي شهر 11

OM AYA

2014-07-23, 00:43

ابو بكر الصديق

souheila dz

2014-07-23, 00:43

ابو بكر الصديق ؟

fifiarch

2014-07-23, 00:44

معليش ام اية نحطلك بوقالتك وبعد نرجعو لفقرة من انا

وهاذا زهرك

https://fbcdn-sphotos-c-a.akamaihd.net/hphotos-ak-ash3/558464_534701073273039_158285337_n.jpg

وعطر قوليلنا واش من شهر انت

fifiarch

2014-07-23, 00:45

لا ليس ابو بكر الصديق

نزيد نقربلكم شوي

هو كان من اول المسلمين واسلم على يد ابي بكر الصديق

souheila dz

2014-07-23, 00:46

عمر بن الخطاب ,,,,,,,

OM AYA

2014-07-23, 00:46

امممممممممممم هاديك انا
نويتها على روحي ربي يبعد عليا العين احممم

souheila dz

2014-07-23, 00:47

عثمان بن عفان,,,,,,

فريولة ابتسام

2014-07-23, 00:48

عبد الله بن عثمان بن عامر بن عمرو بن كعب بن سعد القرشي التميمي

OM AYA

2014-07-23, 00:48

عثمان بن عفان

fifiarch

2014-07-23, 00:48

ليس عمر بن الخطاب رضي الله عنه

هيا نزيد نقربلكم شوي

هو من نسب الرسول صلى الله عليه وسلم يلتقيان في الجد فهر

fifiarch

2014-07-23, 00:49

ليس عثمان بن عفان رضي الله عنه

souheila dz

2014-07-23, 00:50

علي ابن ابي طالب

fifiarch

2014-07-23, 00:51

نزيد نقربلكم شوي

ولد قبل الهجرة ب 42 سنة

OM AYA

2014-07-23, 00:51

أمين الامة ابو عبيدة عامر بن الجراح

souheila dz

2014-07-23, 00:52

ابو عبيدة عامر ابن الجراح

fifiarch

2014-07-23, 00:53

ماشاء الله عليك ام اية

فعلا هو امين الامة ابو عبيدة بن الجراح رضي الله عنه

OM AYA

2014-07-23, 00:54

اووووو وتفعلها ام اية وتسدد في المرمى

عطرالذهب

2014-07-23, 00:55

والله ماعرفته بصراحة

fifiarch

2014-07-23, 00:56

ابو عبيدة ابن الجراح

ولد سنة 42 قبل الهجرة..يجتمع في النسب هو والنبي صلى الله عليه وسلم في فهر....كان احد السباقين للاسلام على يد ابي بكر الصديق

رضي الله عنه...ولقبه صلى الله عليه وسلم بامين الامة.....لاقى اباه في صف المشركين بغزوة بدر فنازله وقتله

OM AYA

2014-07-23, 00:56

الحق الحق غير قالت صحابي كنت راح نكتب ابو عبيدة عالزهر هههه

عطرالذهب

2014-07-23, 00:57

مازال مادخلتش في اللعبة مليح لاني ماحضرتش في السهرات السابقة

OM AYA

2014-07-23, 00:58

عطووورة ما تبدايش ديري في السبايب ههه انا اول سهرية ليا و سجلت هدف ههه

فريولة ابتسام

2014-07-23, 00:59

على سلامتك ام اية صح فطوركم البنات

OM AYA

2014-07-23, 01:01

شكرااا فريولتي كاشما خدمتي ولا كي حالتي جيت نجمع بلا ما طيبت والو للمسابقة ههه

عطرالذهب

2014-07-23, 01:02

ههههههه ام ايه اصبري نصحصحلك وتشوفي راهو مازال كلشي يبانلي مقروض حتى اسمك قريتو ام مقروض ايه مقروض

فريولة ابتسام

2014-07-23, 01:03

راهي في طور الانجاز ام اية هههههههههه

OM AYA

2014-07-23, 01:04

يعطيك الصحة معليش المهم خبيلي سهمي
فريولةة ةشاطرة وانا الفنيانة ههه

OM AYA

2014-07-23, 01:06

راه صبع يكتب وصبع ياكتياليزي ههه راه يبس مسكين

OM AYA

2014-07-23, 01:06

وين غطستي فيفي ارواحي لهون

عطرالذهب

2014-07-23, 01:07

نخبيلك راني دايرة حساب لحباب كامل

OM AYA

2014-07-23, 01:07

يعطيك الصحة عطورتي

souheila dz

2014-07-23, 01:09

واين راحت فيفي ؟

OM AYA

2014-07-23, 01:09

يا جماعة تبسة اجروا شوفووا الطفلة عدش داخت ولا

OM AYA

2014-07-23, 01:10

لاعودش دقدقوا عليها راحت فتح

عطرالذهب

2014-07-23, 01:11

اسم الله على فيفي راهي جاتك عطورة بنت مدينتك بعيد الشر راهي مش دايخة راهي توجدلكم في الاسئلة

OM AYA

2014-07-23, 01:13

خيار الناس مالا راكم مدينة وحدةالله يبارك بلاك فاميلتك ما عندكمش ارشيتاكت في فاميلتكم ههه

عطرالذهب

2014-07-23, 01:17

الله يسلمك ام ايه وانت ثاني هدرتك تشبهلنا ياسر حيبتك من هنا
كاينة الارشيتاكت بالصح اسمها سوسو هههههههه

OM AYA

2014-07-23, 01:19

ايوا ضرك نبداو لونكيط هههه نشوفو سوسو ولا فوفو ولا فيفي ههه

OM AYA

2014-07-23, 01:20

انا زريعتي سطايفية ونابتة في العاصمة هههه

عطرالذهب

2014-07-23, 01:21

لبنات مازال ماضيفتكمش ماحبيتش نحطلكم من عند عمكم قوقل قلت نحطلكم من داري وبماانو ملينا من الزلابية وقلب اللوز جبتلكم قاطو العيد اللي تاكلوه بصحتكم والباقي ادوه للاولاد نحنا عندنا هك لازم الضيف يدي معاه للبراكة
http://im66.gulfup.com/kNlJxA.jpghttp://im66.gulfup.com/NBweng.jpghttp://im66.gulfup.com/rKJu45.jpg

عطرالذهب

2014-07-23, 01:23

مدو ايديكم

OM AYA

2014-07-23, 01:23

امممم الله يبارك كون نكمل عندكم ندير لحناك هههه

OM AYA

2014-07-23, 01:24

انا كليت شوكولا برك ههه

souheila dz

2014-07-23, 01:24

يعطيك الصحة عطوووور
ممممم باينين بنان

OM AYA

2014-07-23, 01:25

وش رايكم الى حين ظهور الهلال تقولولي اسماء الصحابة المبشرين بالجنة فقط وش شفيتو بلا كوبيااااج هههه راني نعس

souheila dz

2014-07-23, 01:27

هههههه ام اية بلا كوبياج ما نقدرش نجاوبك

souheila dz

2014-07-23, 01:28

البنات انا نروح عييت و فيفي ما جاتش، و غدوا نخدم
نخليكم، صحا سحوركم

عطرالذهب

2014-07-23, 01:31

عثمان بن عفان والزبير بن العوام وطلحة بن عبيد الله وسعد بن ابي وقاص

OM AYA

2014-07-23, 01:32

عطووورة عندك ربعة من عشرة

OM AYA

2014-07-23, 01:33

سهيلة بوووون نوي ربي يعاونك

عطرالذهب

2014-07-23, 01:33

ايه ام ايه لاني صادقة كتبت اللي نعرفهم

OM AYA

2014-07-23, 01:34

ابو بكر
عمر
عثمان بن عفان
علي بن ابي طالب
طلحة
الزبير
ابو عبيدة
سعد
السعيد
عبد الرحمان بن عوف

احسبوا عودش كشمن نسيت

عطرالذهب

2014-07-23, 01:36

ام ايه عشرة على عشرة بالصح متاكدة مانقلتيش

OM AYA

2014-07-23, 01:37

ايه علابالي عطووورة راكي صادقة بصح كيفاش نسيتي ربعة معروفين بزااااف وحافظينهم بصح معليش عندك بونيس ×2 يعني8

OM AYA

2014-07-23, 01:41

هاذو كنت نحفظ فيهم ونعاود خاصة بعد ما شفت روبورتاج في لا تي لي سقساو الناس برا
اعطينا 10لاعبين معروفين في العالم
اعطينا10فنانين معروفين في العالم

الاجابات كلها صحيحة
كي سالهم
اعطينا 10 صحابة الرسول المبشرين بالجنة

عادو

اا ااااا اااا.,؟؟؟؟؟؟؟

عطرالذهب

2014-07-23, 01:43

ام ايه راني حسبتك تتكلمي على اللي اسلمو علىيد سيدنا ابو بكر على هاذي ما ذكرتش الخلفاء الراشدين

OM AYA

2014-07-23, 01:44

وعجبتني وحدة جاوبت قاتلو ابراهيم .. عيسى .عطاتلو اسماء الرسل وحتى هوما مش حافظتهم بسيف لا تفكرت زوج
مع الاخر قاتلو بوقلتني السخانة علابيها نساتهم

عطرالذهب

2014-07-23, 01:45

والله عندك الحق كي تسالي اي واحد على اغنية او فنان او مسلسل يجيبلك كلش وكي تساليه على حاجة في الدين يبقى غير يوكوك

فريولة ابتسام

2014-07-23, 01:47

لبنات السلام عليكم

عطرالذهب

2014-07-23, 01:49

وعليكم السلام فريال نورتينا وماتتصوريش قداش تعجبني خياطتك راكي 4444444444444

OM AYA

2014-07-23, 01:50

وعليكم السلاااام فريولة بصح هاذي نتاع فراق ولا لقاء

OM AYA

2014-07-23, 01:52

فيفي طولت نظن يماها تقلقت منها كوباتلها النت هههه

OM AYA

2014-07-23, 01:55

انا رقبتي راهي توجع و فيفي راحت تسحر سوغ راحتلها النت

انا نقوللكم بوووووون نوي وصح سحوركم والى الملتفى

سلاااام

fifiarch

2014-07-23, 01:56

هههههههه ام اية جبتي بيا السهرة الليلة

انا اسفة اتقطعتلي الانترنت

من قبيل وانا نحاول

مزية سهرنا شوي

انا من 23.00 نستنا فيكم

ولعبنا مع ام حمزة وسهيلة وفريولة وكملت معاكم

حبيتا تكون بطابع ديني وبعدها نضحكو شوي

الطابع الديني كملناه وصلت للضحك اتكوباتلي

اتاسف

انا اليوم ما ريحتش خلاص من الخدمة لخدمة الدار للفطور

نعتذر ونقلك تصبحو بالف خير وصح سحوركم مضطرة في الغد ننوض بكري

تحياتي للجميع

OM AYA

2014-07-23, 01:58

معليش فيفي باااارك الله فيك و السهرية اكيد ممتعة وربي يخليك ديما متالقة

سلاااااام

عطرالذهب

2014-07-23, 01:59

شكرا فيفي على هذه السهرة الممتعة رغم اني لحقت في الاخير
اسال الله لنا جميعا العتق من النار
صح سحوركم وليلة هنيئة وماتنسوش تدعو لاهل غزة بالنصر

صاحب الامل

2014-07-23, 14:24

مساء النور للجميع
وتستمر سهرات رمضان
في يومها
الرابع
والليلة السهرة عبر قسم الكروشي
على الساعة 23.30
كونوا في الموعد

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://xm.tl/a1000824

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://xm.tl/a1000825

fifiarch

2014-07-23, 15:33

دعاء اليوم الخامس و العشرين

أللّهُمَّ اجْعَلني فيهِ مُحِبّاً لِأوْليائكَ ، وَ مُعادِياً لِأعْدائِكَ ، مُسْتَنّاً بِسُنَّةِ خاتمِ أنبيائكَ ،يا عاصمَ قٌلٌوب النَّبيّينَ .

كيف التحضيرات لاخر تحدي

تمنياتي بالتوفيق

أم ضياء عبد الرحيم

2014-07-24, 10:31

صباح الخير ان شاء الله تكونوا بخير انا غبت عنكم عندي ظروف من ما منعني من المشاركة في هذا التحدى الاخير
عطر و بسمة الي قاعدين يخدموا ربي يعينهم

ام حمزة22

2014-07-24, 12:42

سلام
جيادا لازم تبقاي مع فريفك حتى ولو ما شاركتيش بالاعمال شاركي بحضورك انت خدمتي لي عليك ربي يوفق بسمة وعطور

أم ضياء عبد الرحيم

2014-07-24, 17:22

شكرا ليك ام حمزة ربي يجازيك كل خير

malek nour hane

2014-07-24, 18:13

السلام عليكم و رحمة الله و بركاته
اتمنى لكم التوفيق في التحدي الاخير...كنتن دائما متالقات و اعمالكن كانت في قمة الروعة
صح فطوركم.

ام كوكو

2014-07-24, 19:24

اللهم بلغنا ليلة القدر المباركة
http://im60.gulfup.com/XDwTeJ.jpg

fifiarch

2014-07-24, 22:14

دعاء اليوم السادس و العشرين

أللّهُمَّ اجْعَلْ سَعْيي فيهِ مَشكوراً ، وَ ذَنبي فيهِ مَغفُوراً ، وَعَمَلي فيهِ مَقبُولاً ، وَ عَيْبي فيهِ مَستوراً يا أسمَعَ السّامعينَ .

بالتوفيق لبنات لانو غدا ان شاء الله اخر اجل

اللهم انك عفو تحب العفو فاعف عنا

ادعوا هاذا الدعاء لعلها تكون ساعة استجابة

صاحب الامل

2014-07-24, 23:43

السهرة اليوم في قسم التدابير المنزلية

http://www.djelfa.info/vb/showthread...post3991316928 (http://www.djelfa.info/vb/showthread.php?p=3991316928#post3991316928)

ام حمزة22

2014-07-25, 10:17

سلام لبنات يومكن سعيد
موفقييييييييييييييين

sandy belle

2014-07-25, 14:27

السلام عليكم ورحمة الله وبركاته
انا كذلك انسحبت من التحدي الاخير واقدم اعتذاري
عندي ظروف طارئة
موفقون ان شاء الله

souheila dz

2014-07-25, 16:30

جمعة مباركة بنات ان شاء الله تكونوا بخير
بالتوفيق في التحدي الأخير

أم ضياء عبد الرحيم

2014-07-25, 22:42

صح فطوركم
عطور ان شاء الله تكوني بخير ادخلي طمنيني عليك

أم ضياء عبد الرحيم

2014-07-25, 22:48

دعاء اليوم السادس و العشرين

أللّهُمَّ اجْعَلْ سَعْيي فيهِ مَشكوراً ، وَ ذَنبي فيهِ مَغفُوراً ، وَعَمَلي فيهِ مَقبُولاً ، وَ عَيْبي فيهِ مَستوراً يا أسمَعَ السّامعينَ .

بالتوفيق لبنات لانو غدا ان شاء الله اخر اجل

اللهم انك عفو تحب العفو فاعف عنا

ادعوا هاذا الدعاء لعلها تكون ساعة استجابة
شكرا فيفي ربي يجازيك كل خير
سلام لبنات يومكن سعيد
موفقييييييييييييييين
شكرا ليك ام حمزة بالتوفيق ليكم ثاني
السلام عليكم ورحمة الله وبركاته
انا كذلك انسحبت من التحدي الاخير واقدم اعتذاري
عندي ظروف طارئة
موفقون ان شاء الله
ان شاء الله تكوني بخير سانديبال
جمعة مباركة بنات ان شاء الله تكونوا بخير
بالتوفيق في التحدي الأخير

شكرا ليك سهيلة و ليكم ثاني

صاحب الامل

2014-07-26, 00:20

مساء النور للجميع

وصح فطوركم

****

لكل بداية نهاية

واكيد بعد مشوار دام قرابة شهر اليوم نسدل الستار على اكبر مسابقة في منتدى الاسرة والمجتمع

مسابقة عشناها بحلوها ومرها

اجتهدتم

ابدعتم

واهم حاجة لمتكم

اللمة الرائعة والجو العائلي الذي لم يغادرنا طيلة فترة المسابقة

نشكر كل الاقسام المشاركة معنا

نشكر كل المشرفين الذين سهروا على نجاح هاته المسابقة

نشكر كل الاعضاء اللي تابعونا

*****

واكيد كلمة اخيرة

كلكن فائزات
لانكن بالمختصر مبدعات

**************

fifiarch

2014-07-26, 01:24

دعاء اليوم السابع و العشرين
أللّهُمَّ ارْزُقني فيهِ فَضْلَ لَيلَةِ القَدرِ ، وَ صَيِّرْ اُمُوري فيهِ مِنَ العُسرِ إلى اليُسرِ ، وَ اقبَلْ مَعاذيري وَ حُطَّ عَنِّي الذَّنب وَ الوِزْرَ ، يا رَؤُوفاً بِعِبادِهِ الصّالحينَ .

نتمنى تكونو كامل بخير

انا مشغولة جدا على بيها مادخلتش

fifiarch

2014-07-26, 22:02

دعاء اليوم الثامن و العشرين

أللّهُمَّ وَفِّرْ حَظِّي فيهِ مِنَ النَّوافِلِ ، وَ أكْرِمني فيهِ بِإحضارِ المَسائِلِ ، وَ قَرِّبْ فيهِ وَسيلَتي إليكَ مِنْ بَيْنِ الوَسائِلِ ، يا مَن لا يَشْغَلُهُ إلحاحُ المُلِحِّينَ .

انا مشغولة قليلا لذا قليلة التواجد

لي عودة ان شاء الله اول مانكمل

صح فطوووركم

fifiarch

2014-07-27, 14:03

دعاء اليوم التاسع و العشرين

أللّهُمَّ غَشِّني فيهِ بالرَّحْمَةِ ، وَ ارْزُقني فيهِ التَّوفيقَ وَ العِصْمَةَ ، وَ طَهِّر قَلبي مِن غياهِبِ التُّهمَةِ ، يارَحيماً بِعبادِهِ المُؤمنينَ .

مساء الخير وكيف الحال

قريبا ان شاء الله توضع النتائج

ترقبوا مع الاخ عمر ان شاء الله وسيوافيكم بالتطورات

صاحب الامل

2014-07-27, 15:44

الموضوع الخاص باعمال التحدي الرابع

عبر قسم الخياطة والتفصيل

http://www.djelfa.info/vb/showthread...post3991345510 (http://www.djelfa.info/vb/showthread.php?p=3991345510#post3991345510)

ام كوكو

2014-07-27, 21:37

http://im66.gulfup.com/O6M5CB.jpg

ام حمزة22

2014-07-27, 22:49

عيدكم مبارك
كل عام وتنتم بخير تفبل تلله منا ومنكم

عطرالذهب

2014-07-28, 11:00

صباح الخير وصح عيدكم لبنات تعيدو وتزيدو بالخير ولهنا وكل عام وانتن بالف خير

fifiarch

2014-07-28, 11:10

http://www.mayyar.com/album/data/media/73/___Eid_MubaraK____by_SaliM89.jpg

souheila dz

2014-07-28, 12:41

عيدكم مبارك كل عام وانتم بخير

صاحب الامل

2014-07-29, 16:56

لقد تم اضافة تعليق fifi arch

في الموضوع الخاص باعمال التحدي الرابع

عبر قسم الخياطة والتفصيل

http://www.djelfa.info/vb/showthread...post3991345510 (http://www.djelfa.info/vb/showthread.php?p=3991345510#post3991345510)

fifiarch

2014-08-03, 00:48

مساء الخير

وتحياتي لكل المشتركات معنا في مسابقة رمضان

جوهرة رمضان

كنتن مبدعات ومتالقات...شفنا اعمال ما شاء الله

وروح جماعية اكثر من رائعة

كسبنا صداقات وعدينا اوقات في القمة

لعقوبة للعام الجاي ان شاء الله

اشكر جميع المشتركات معنا ونقلهم مثلتو اقسامكن افضل تمثيل

******

تحياتي لكل زملائي المشرفين والمشرفات

كان العمل معكم ممتاز

ولعقوبة لاعمال اخرى ان شاء الله

وهكذا نسدل الستار

وهنا موضوع التتويجات

**جوهرة رمضان** التتويجـــــــــــــــــــــــــــات
(http://www.djelfa.info/vb/showthread.php?p=3991399592#post3991399592)

souheila dz

2014-08-03, 15:27

عيد سعيد الف مبرووووك المرتبة التالتة حقا تستاهلو وعقبال المرتبة الاولى في المستقبل ان شاء الله

نهال13

2014-08-03, 19:54

صح عيدكم لبنات ومبروك عليكم المرتبة الثالثة ان شا الله المرتبة الاولى في المسابقات اجاية

أم ضياء عبد الرحيم

2014-08-04, 12:31

عيد سعيد الف مبرووووك المرتبة التالتة حقا تستاهلو وعقبال المرتبة الاولى في المستقبل ان شاء الله
شكرا ليك سهيلة و مبروك ليكم و ان شاء الله نجتمعوا العام القادم
صح عيدكم لبنات ومبروك عليكم المرتبة الثالثة ان شا الله المرتبة الاولى في المسابقات اجاية

شكرا نهال و مبروك ليكم و اكبر فوز هو صداقتنا و محبتنا في الله و نتمنى العام الجاي نجتمعوا في مسابقة اخرى