. زوجي سرقني 2

[مشكلتي]

السلام عليكم
راني بديت في
حكايتي ليكم
انا اليوم مانيش قادرة نشوف في وجه الزوج نتاعي وقزت نروح لدارنا والله حاسة روحي راح نهبل ماني قتدرة نشوف فيه كرهت دارهم وكرهت الجو نتاغهم حتى سلفي لكبير وعاد مايهدرش كعايا لا شافني في بلاصة مايجيش ليها ولا راجلي لي عاد ماهوش حامل كلمة مني كي يشوفني نبكي يقولإ آه هاذي الحاجة لي راكي تبكي عليها ماهوش حاس بيا وليت ما نرقد ما ناكل خايفة غير ندي الروح لي راهي في كرشي .واليوم رايحة لدار بابا بالاك يحس بعيابي

[mounia 85]

ربي يكون في عونك يا اختي ....واش هاد الناس لي مايخافوش ربي ربي يكون في عونك

[naamane3]

رمضان خير وقت للدعاء والتضرع
ادعى وتضرعي وابكي عسى الله ان يصلح امورك

[بشرى1991]

الله معاك اختي

[وديع 09]

اللهم ااصلح و الطف بها
وهد زوجها و رده للحق ردا جميلا
ادعو الله في رمضان و اصبري

[Assouma 93]

يا اختي ها قد اتت اجمل ثلاثين يوما في السنة و فيها تفتح ابواب الاستجابة فأنصحك ان تدعي الله بقلب خاشع على و هسى يفرج همك و ربي يكون غي عونك حبيبة

[اغادير]

أحتي تمسكي في ربي ,,,,,,,,,,,,,, وحسبنا الله ونعم الوكيل

الراجل والزمان ما فيهم أماااااااااااااااان

[عبدالله شاكر]

الله يكون بعونك اختي....حاولي تجلسي معه وتفهمي منو السبب....او حاولي تعالجي المشكلة بطريقة غير مباشرة

[الزمان 03]

هذه التصرفات نتاع أنصاف الرجال من جعلت المراة لا تثق بسهولة بمن يتقدم لها يأختي حاولي ان تأخذي وقت أكبر لتفكير لأن بصرحة العمل الذي قام بها دانئ لكن السؤال الذي يجب ان تجيب عليه هل يمكن إصلاح هذا الزوج والتوقف عن هذا العمل ؟ أما هل يمكن ان تعيشي مع هذا الرجل رغم هذه التصرفات ؟ لأن الزوج هذفه الاستقرار والسكينة أم الطلاق فهوليس حل لمشكلة بل غلق مشكة لزوجين بدون حل ، بالتوفيق والله المعين لما فيه الخير

[dalal 28]

ربي يفرج عليك ويكون في عونك اكثري من قول حسبي الله ونعم الوكيل

[تراتيـل صبــح]

ربي معاك أختي
خليها فترة تقعدي مع روحك وتخممي مليح
الزواج مش حاجة ساهلة!
ربي معاك

[☆دعـــــــاء☆]

أنصحك بالدعــــــــــــــــــــاء

[عذراء الجبل18]

ربي يكون معااااك ختيي

[بلسم غرام2018]

اللهم ااصلح و الطف بها
وهد زوجها و رده للحق ردا جميلا
ادعو الله في رمضان و اصبري

[la perle rima]

ربي يفرج عليك ختي و يهنيك ان شاء الله تنحل مشكلتك كيما قالولك صلي و ادعي ربي متفقديش الأمل

[mr.haki]

ربي يكون في عونك

[mimi souma]

ماتستنايش من عديم الاحساس يحس بيك قولي برك حسبي الله ونعم الوكيل
نعطيك نصيحة ختي تفيدك بزاف
اول حاجة ماتخليش دارك مهما يكون ابقاي على قلبهم خلي الظالم كل يوم يشوف وجه المظلوم
تاني حاجة كلما يديرولك حاجة قولي حسبي الله ونعم الوكيل بلا ماتبيني الضعف ديالك رانا في مجتمع كي يشوفو واحد ضعيف ياكلوه
ثالث ئي ربي عطاك نعمة راهي في كرشك اعتبريها دنيتك الى ان يهدي الله زوجك او ان يستشعر خطاه او يهنيك منو بدون رجعة
الغلطة الاولى مرريها تعاود تتكرر مرريها الثالثة ماتروحي لا لداركم لا ليماه وباباه كاين البوست بوليس روحي ديراكت اشكي بيه ماراناش في غابة ربي وصى المرا على راجلها ماشي معنتها ياكلها ويرخسها ويدير فيها واش حاب معاشرة بمعروف او تسريح باحسان ..........
بصح خاصة خاصة خاصة كوني قوية ماتكونيش حساسة بزاف هدا رزقك وهدا واش بلاك بيه ربي اصبري على ماعطاك ربي بصح كوني قوية يعني التفاهات اللي جيك من عند مواليه ماتعمريش بها راسك ...خوه شنف عليك نتي عينيك ماشافوهش اصلا كي جاز كوني قلبك بارد ربي ووليدك في بالك وبرررررررك اما الامور الكبيرة كيما قتلك ...... واتهلاي في روحك ماتخليش الكابة رفيقك الدائم كوني زهوانية متفائلة غير في خاطر نفسك اللي تتحاسبي عليها وفي خاطر هداك اللي في كرشك .......... البسي مليح وكولي مليح ماتهمليش روحك وشدي في صلاتك وكي يزعفك راجلك التزمي الصمت وقومي بواجباتك معاه فقط بدون تعبير على المحبة وخليه يحسك قوية قدامو بالصمت ديالك خليه يحس ماراكيش رايحة تقنطي علاجال قطرة حب مامدهالكش وخليه يحس بلي نتي انثى صح بصح يتجاوز حدودو كاين قانون يحمي الضعف الفطري
والله يا ختي لا يكلف الله نفسا الا وسعها مادام ربي عطاك هاد الشي عارفك راح تقدري تجوزيه وحطي قاعدة في راسك مهمة بزاف المرا امرها ربي تطيع راجلها بصح لوكان تعرفي شحال من راجل رايح لجهنامة غير علاجال معاملتو لمرتو تعرفي بلي وصى ربي علينا سبحانو كثرمن وصى على الرجال
ربي معاك ختي ودوك نبقى غير ندعيلك في هاد العواشير وصحا فطورك

[" أبو عبود"]

انت لم تذكري السرقة. كيف سرقك؟ ثم كيف يسرقك ثم يخاصمك؟

[imi02i]

كاين مثل يقولوه أمهاتنا : اللي يأمن الرجال كاللي دار الماء في الغربال
عليك بالصبر أختي واغتنمي هاته الأيام في الدعاء ... مع تيقنك بالإجابة
إن أحسست أن صبرك قد نفد.. إذهبي لبيت أهلك في صمت ودون أي قرارا حتى لا يحكم عنك بشيء .
رب ييسرلك أمرك ويصلح الأمور بينكما

[doba]

اللهم ااصلح و الطف بها