احتاج نصائحكم و دعاءكم

[مشكلتي]

السلام عليكم ورحمة الله وبركاته
وددت ان اطرح مشكلتي والتي سببت لي عقدة نفسية وفقدت بسببها ثقتي بنفسي الا وهي وزني فانا ازن 45 وطولي 160 وجربت كل شي لزيادة الوزن ومافادني شي زيادة على ذلك كلام الناس الجارح منهم من يقول لي واش بيك راكي يابسة واخرى تقول لي انت نحيفة علابيها ماخطبوكش وماكانش اللي يشوف فيك وانا الحمد لله على قدر من الجمال والاخلاق وماكثة بالبيت الا ان نحافتي عكرت صفو حياتي اصبحت اتفادي الخروج في المناسبات لكي لااسمع كلام يجرحني ومع حلول رمضان انحف كثيرا الى ان اصل الى 40 مع انني اكل الا ان وزني يبقى ثابت ..ممكن تنصحوني بدواء او وصفة طبيعية فعالة لزيادة الوزن

طلب اخر ارجوكم ان تدعولي بالزوج الصالح الطيب وان يكون نصيبي احسن مما يظنون

وفي الاخير اشكر كل من مر من هنا ودعا لي بخير

[مراد سابقا6]

أذهبي عن الطبيب

ليجري لك فحوصات شاملة

لربما لديك نقص الحديد............................الخ

المهم بعد الفحص وإذا لم يكن لديك مرض خاصة الأمعاء والمعدة

هذيك هي سحليتك معندك ما ديري أقنعي بروحك

[la perle rima]

السلام عليك اختي قولي الحمد لله اللي صحتك مليحة و لاباس عليك المشكلة فقط انك انت رقيقة و باغية تزيدي و انا سمينة و باغية ننقص صح هاد الأمر يأثر على نفسيتك بكلام الناس و نظرتك لروحك حاولي تشغلي روحك بحوايج اهم و اطلعي في النت و قراي صوالح يطلعولك المورال ربي يرزقك الزوج الصالح ان شاء اله

[دمعة جراح]

السلام عليكم
شوفيي اختي لازم تزوري طبيب باش تكشفي على الغدة الدرقية خطراش هي ممكن تسبب زيادة في الوزن او نحافية

وتاني جربي هذي الخلطة ودعيلي ودعي لبنات تاع المنتدي امانة
باطة كبيرة تاع معجون كرطوس +4 مغارف كبار حلبة مرحية+قرعة سيروهبتاجيل خلطيهم وكولي كل مرة وداومي عليها 3 أشهر
وتاني على عاشرة و خامسة بيضة مشرشمة
بربي ان شاء الله تلقاي نتيجة
وامانة دعيلي ودعي اكامل اعضاء امانة

[فريال العلمية]

ه‍هههه اختي و الله غير راكي في نعمة ما تعرفيش قيمتها
اتمنى نكون كيما نتي
انا كنت سمييينة و عمل رجيم قاااسي باش شينت و دوكا كن ناكل واحد غرام زيادة نزيد ب كيلو غرام
يا اختي ما ديريش على هدرت الناس انابسسببهم جاتني فقد الشهية العصبي و قريب مت و الله يا اختي كاين لي يحبو لبنات المشيانات
و خمي مليه نتي يمكن تاكلي كلش بلا ما تخافي
انا يا اختي خوفا على وزني ولات عندي عقدة نفسية من الماكلة كن نصوم شهر منجوعش و تعقدت من بع الماكلة لي عندي عامين مكليتهاش كيما البطاطا المقلية ذوقها نسيتو كيفاش عامل
العشاء عندي عام منتعشاش كل رمان ندير رجيم باش نزيد نشيان و كل منشوف في روحي في لمراية نحس روحي مزالني سمينة رغم اني عادية و الحمد لله
جاوني امرا لا تعد و لا تحصى
احمدي ربي اختي راكي في نعمة والله كي تستمتعي بالماكلة عندك الدنيا و ما فيها
و ديريشرعلى الناس والله اراء الناس غاية لا تدرك والله
ادعيلي نجيب الباك اختي
شكرااا

[pomaria_aindefla]

الي سمين ما في خير و لي رقيق ما في خير كولي المايوناز كولي ليفريت كولي العجائن بالجبن

[mimish]

انا سمينة وحاببة نقص ....مقدرتش حتى نبدا ريجيم
كارهة حياتي الكل يقوقولي بزاف لازم تنقصي شوية....راكي تاكلي بزاف..ولو كان تشوفيني تقولي نورمال .....بصح واش ديري ارضاء الناس غاية لا تدرك ...هذه واحدة
والانسان مايعجبو العجب
ارضاي بوزنك ارضاي بحالتك ...راكي هايلة معندك مشكل ظهر معندك مشكل ركبك من الوزن الزائد.....متلهثي كي ديري شغل
احمدي ربي
وربما كي تتزوجي تزيدي شوية مي مادابيك تبقاي كيما راكي اللي تتزوج وتسمن تبان كبيرة في العمر ...سقسيني انا نقلك عن تجربة
....وان شاء الله يعطيك ربي زوج صالح قد نيتك ويقبل بيك كما راكي.......مع انك هايلة ...لازم ديري ثقة بنفسك

[lololala]

السلام عليكم
شوفيي اختي لازم تزوري طبيب باش تكشفي على الغدة الدرقية خطراش هي ممكن تسبب زيادة في الوزن او نحافية

وتاني جربي هذي الخلطة ودعيلي ودعي لبنات تاع المنتدي امانة
باطة كبيرة تاع معجون كرطوس +4 مغارف كبار حلبة مرحية+قرعة سيروهبتاجيل خلطيهم وكولي كل مرة وداومي عليها 3 أشهر
وتاني على عاشرة و خامسة بيضة مشرشمة
بربي ان شاء الله تلقاي نتيجة
وامانة دعيلي ودعي اكامل اعضاء امانة


بارك الله فيك ممكن تقوليلي واش هي علبة كرطوس وربي يجازيك خير

[kholode]

يا اختي متخليش النخافة تسببلك مشكل نفسي
وحاولي تقنعي نفسك بان انها ليست السبب في الزواج او غيره
ربي يرزقك بالزوج الصالح انشاء الله

[حنين40]

ربي معك وسبب نحافتك انتظار الزوج المستقبلي روحي عطل روحك باي خدمة نافعة وانسي هم الدنيا النحافة احيانا نعمة

[naamane3]

راكي مريضة بكلام الناس
الا تعلمين ان ارضاء الناس غاية لا تدرك
عيشي حياتك عادي
واقنعي بما رزقك الله تكوني اغنى الناس
وما تخمميش نهار تتزوجي تولي قد الفيل

[oumhana]

راكي في نعمة و معلابالكش السمنه مرض ولوكان غير نولي نوزن كما انت عيشي حياتك خليك من هدرة الناس لو كان تسماني يقولولك آه ككنت رقيقة خير إملا عيشي حياتك وخلي الناس تهدرالسكات هام مشي سكتين غير متتقلقيش.ربي يرزقك بالزوج الصالح و الذريه وتولي كما wagon

[nano ziaya]

يا أختي النحافة ماش عيب .انا كنت نحيفة بزاف كيفك ولا اكتر منك جربت شحال من حاجة ومافدتش فيا ومن بعد قاتلي أختي على وحد الوصفة يديروها النساء الحوامل وش نقولك با اختي انا ضك دايرة ريجيم ههه وزيد انا تزوحت وكنت نحبفة بزاف وصلت 28 سنة باه تزوحت بقيت نصلي وندعي في ربي وداومت نقرى في سورة البقرة يوميا وبدون انقطاع حتى والله يا أختي سورة البقرة سحر.لا حبيتي الوصفة نمدهالك

[بعيدة المنال]

حبيبتي أن نقتارح عليك الحلبة يقولوا بلي مليحة لفتح الشهية وأنا ما ننصحكش بالأدوية الكيماوية أما بالنسبة للزواج ربي يرزقك الزوج الصالح للي تحلمي بيه وما هيش أفار نتاع سمانة ولا نحافة هي أفار نتاع مكتوب برك هادا ماكان
ربي يكون معاك ختي

[catia]

اختي الكريمة النحافة ليست عيب ولا حرام اما الناس لا يرضون عن اي احد فالسمينة ايقولو عليها بقرة والنحيفة عود ووو اختي ثقي في نفسك ولا يهمك احد والله هو الخالق وعليك بزيارة الطبيب لكي تتاكدي من سلامة بدنك من اي مرض وهذا هو الاهم وعليك بممارسة الرياضة واكل الحلبة مطحونة 3 ملاعق يوميا(ملعقةصغيرة) اي ملعقة قبل كل وجبة واكل النشويات وباذن الله سيزداد وزنك وستتزوجين وتتجبين وتتغير نظرتك للحياة

[اسم مرا]

انا ثاني رقيق وزني كان 43 درت الهبتاجيل + كونفتير نتاع الكرموس + الحلبة كولي صباح و المساء باذن الله راح تلقاي النتيجة وربي يرزقك بولد الحلال

[imi 1600]

ختي نقولك.. لحاجة لولة لازمك تشوفي طبيب باش تعرفي السبب
وزيد عيشي حياتك خمي غير فلحوايج لملاح لي عقبتيهم ولي جايين ان شاء الله لحياة مليحة وتستاهل لواحد يعيشها
و خليك من هدرة الناس بلاك ادي هي لي مرضاتك هك
وان شاء الله يجيك ولد لحلال لي ينسيك فهدرتهم كامل هههه
levure de biere (خميرة البيرة)
هادي تفيدك بزاف باش تزيدي فوزنك تلقايها فأي صيدلية و عندها فوائد بزاف تاني وادا حبيتي تعرفي كتر شوفي ف عمي قوقل هو يقلك كلشي :19:

[جواد رامي]

لّسَلّآٍمٌ عٍلّيِگٍمٌ آٍخٍتٍيِ هًنًآٍگٍ طَرٍيِقٍـٍة هًيِ آٍنً تٍتٍنًآٍوَلّيِ آٍلّرٍزُ بُشگٍلّ گٍبُيِرٍ وَ عٍدًمٌ آٍلّحًرٍگٍـٍة گٍثَيِرٍآٍ وَ آٍلّسَهًرٍ لّسَآٍعٍآٍتٍ مٌتٍٲخٍرٍهً وَ آٍتٍمٌنًى لّگٍ آٍلّتٍوَفُيِقٍ

[مُﭔﭥسـّمہ دائمًا ツ]

السلام عليكم
قال رسول الله صلى الله عليه وسلم : (( إن الله لا ينظر إلى أجسادكم , ولا إلى صوركم , ولكن ينظر إلى قلوبكم ))

اختي انتي جميلة في نظر الله بقلبك وافعالك واش تسحقي من عند الناس ؟؟ راي الناس لا يأخر ولا يقدم شئ
صدقيني حتى لو كان تديري خلطة وتسمني لا قدر الله تسمني بزاف راح يعايروك بالسمينة يقولولك واش داكي كنتي هايلة!!! على حاطر هذو هوما الناس اكبر ابتلاء للمؤمن ((إذا أحب الله عبداً ابتلاه فإن صبر اجتباه، وإن رضي اصطفاه وإِن سخط نفاه وأقصاه)) واش تحبي تكوني ممن صبر ورضى ولا من سخط ؟


لازم ترضي بنفسك وتشوفي في المراية وتقولي انا عجبتني روحي بزاف وماكاين حتى كلام يأثر فيا وحياتك متوقفش على عريس ولا زوج انت ذات مستقلة جميلة بذاتك ماشي هو اللي راح يزيد في جمالك

روحي للطبيب ديري فحوصات وشوفي حالتك الصحية ربما هي اعراض مرض لا قدر الله في هذه الحالة اشتغلي بصحتك وخليك من الناس
ثم روحي للطبيب اخصائي تغذية هو يفحص حالتك ويعطيك الحمية المناسبة لجسمك تبعيها باش تزيدي الوزن اللي راكي حاباته

ربي يرزقك الزوج الحلال والطيب الذي يعينك على دينك وتكونين له ملكة تعينه على دينه وبارك الله فيكما وعليكما بكل خير ويزقكما الذرية الصالحة التي تقر عينكما


ثم كاين هذا الحديث الذي احبه جدا تدبري فيه جيدا :

عن أبى هريره قال : قال رسول الله -
صلى الله عليه وسلم :

ان الله اذا أحب عبدا دعا جبريل فقال : انى أحب
فلانا فأحبه ، قال : فيحبه جبريل ، ثم ينادى فى السماء فيقول : ان الله
يحب فلانا فأحبوه ،
فيحبه أهل السماء ، قال : ثم يوضع
له القبول فى الارض ،

واذا أبغض عبدا دعا جبريل فيقول : انى أبغض فلانا
فأبغضه ، قال : فيبغضه جبريل ، ثم ينادى فى أهل السماء ان الله يبغض فلانا
فأبغضوه ، قال : فيبغضونه ، ثم توضع له البغضاء فى الارض






-القبول يعني ان يحبك أغلب خلق الله لان الله احبك ورضى عنك ..هل هناك معنى اجمل من هذا يا اختي بالله عليك : ) ♥

[somsom1515]

حبيبتي أن نقتارح عليك الحلبة يقولوا بلي مليحة لفتح الشهية وأنا ما ننصحكش بالأدوية الكيماوية أما بالنسبة للزواج ربي يرزقك الزوج الصالح للي تحلمي بيه وما هيش أفار نتاع سمانة ولا نحافة هي أفار نتاع مكتوب برك هادا ماكان
ربي يكون معاك ختي
صح كيما قاتلك الاخت الحلبة مفيدة جربيها مع كأس حليب يوميا و مرحية مغرف حلبة في كأس حليب

[راضية بالقضاءو القدر]

السلام عليكم يا أختي أحمدي ربي على هذه النعمة يوجد أشخاص يسيل لعابهم و لايستطيعون أكل أي شئ و كل ذلك بسبب السمنة أو خوفا من زيادة الوزن و إياك و تناول الأدوية دون إستشارة الطبيب و ربي يرزقك و جميع بنات المؤمنين أزواج صالحين

[*نسيبة*]

احمدي الله اختي

انا مثلك والحمدلله راضية ... ع العكس تماما فرحانة لانني نحيفة خاصة لما اشوف بنات سمان ... الله لا تبلانا

احمد الله على النعمة الي راني فيها صحتي بخير وعافية

والزواج اختي قسمة ونصيب

الله يرزقك من حيث لا تحتسبين