مشكلتي

[مشكلتي]

السلام عليكم
اليوم حبيت نفرغ قلبي ونحكيلكم حكايتي وياريت نلقى عندكم حل
انا تعرفت على واحد وكانت بينتنا علاقة حب مراحش نقول طاهرة لأنو محرمة لكن كانت بالهاتف وجامي جتمعت بيه وحدنا
مرت 9 اشهر وصراولنا بزااااااااااااف مشاكل ولحق لخبر لماما ودارت المحال باش تفرقني عليه وماقدرت والناس كامل وقفوا ضدنا
المهم بعد ذيك المدة جا خطبني سأل بابا عليهم عجبوه قبل ومدني في فترة الخطوبة صراو بزاااااااف مشاكل بيني وبينو هو الحمد لله عندهم الرزق لكن باباه زوج بمرأة أخرى وخلاهم يخدمو في رزقهم بصح مايخلصوا وااااالو انا قلبي وجعني ديما نعيط على الخدمة قتلو هاذي ماشي حالة انا مانقبل يصرف عليا خوك ياتكون راجل وتنوض تخدم وإلى خلاص وكاين يعقبني ويقولي يفرج ربي واصبري وانا نرجع نسكت
ومن بعد رجع نشوف بلي خاوتو يعاملوه على اساس انو طفل صغير ولا انسان جايح ماكنت عندو كلمة في دارهم قتلو قالي لالا يبالك زدت سكت عليها
ومن صحابو هدرو في شفري انا كنت متوقع يدير حاجة على جالي مادار والو وقعد يحكي ويقصر معاهم عادي مرة قتلو لوكان جا خويا راهو قتلهم قالي انا انسان مانحبش المشاكل قتلو انت مذلول وعقبتها وقعدت تكوي في قلبي
وكان ديما يكذب عليا
المهم قرب العرس بابا تقلق قالي وينهم بيت شيخك باش نحدو التاريخ انا قتلو قول لباباك بسيف باش عيط باباه لبابا قالو راني رايح لفرنسا كي نرجع نتفاهمو راح ورجع أسبوع كامل ماعيط ولا عيطلو بابا وتلقاو حدو التاريخ ( ملاحظة تلقاو في قراج بيت شيخي ماقدر حتى يطلع بابا لدار )وكامل فرحنا وبدينا نوجدو
بعدها بيومين عيط بابا قالو مراحش ندير العرس في اوت حتان اكتوبر مزال مافتلناش الكسكاس ومابنترناش الدار بابا قالو ميش سبة قالو الشيخ انا ندير في اكتوبر وانت دبر راسك بلهجة تاع عجبك الحال عجبك ماعجبكش اخبط راسك ومن بعد كوبا وطفة التيليفون
بابا غاضاتو قالك ذلني انا قلت لبابا خلاااص
عيطلهم بابا قاللهم خلاااص مبقاش مكتوب عندنا وسي راجلي قاعد غير يبكي مادار حتى موقف عيط خوه لكبير ومرت خوه زعما يحاولو بابا وماما قالولهم وااااالو
المهم زعما يصبرو في وليدهم كذبو عليه قالولو رانا درنا جماعة ورحنا وماحبوش يحلوللنا الباب
والله ميش فاهمة اذا ضلمناهم تعيشو شيخوا عليا
اسفة طولت عليكم لكن قلبي معمر حاولت نختصر

[~~نهال~~]

يا ختي
انسان ماقدرش يحكم في قراراتو و يسيرو فيه هوما كيفاه تتوقعي يفيق لروحو ؟ و ديجا كي باباك دارولو جاست او ماينساهش
اكي تشوفي خوه الكبير و يهدر
و هو مكسر يهدر
مادامك تحكمي في قلبك اكي تمشي و تكرهي لذا خليها على ربي
الليم اعندوش شخصية يديفوندي على روحو
غير ماتتوقعيش يديفوندي عليك

[مُﭔﭥسـّمہ دائمًا ツ]

هذا العريس غير ناضج ..


والاخير الخيرة فيما اختاره الله واتوكلي على ربي وانساي
اصلا البداية غير موفقة ..
والافضل ان تبني علاقة الزواج على الحق والشرع
وما بني على باطل فهو باطل

ربي يعوضك بالاحسن وربي بعد عنك هذا الامر ليعطيك فرصة ويجازيك بالافضل باذن الله كوني على يقين

[مراد سابقا6]

الرجل الذي لا يغير على عرضه ليس برجل

أنصحك بالتوقف الآن

[○•ميسون•○]

السلام عليكم

أولا إستمعي لنصيحتي و نصيحة الإخوة و انسي هاذ الخاطب

أختي حاجة صعيبة أنو الراجل ما يكونش عندو كلمة و هاذالشي راح يأثر في حياتك المستقبلية

معناتها يكون مصيرك ما بين اهل زوجك و ليس زوجك و هاذ الشي صعيب و قد يؤدي لمشاكل ينجر عنها طلاق

لذا أنصحك بنسيانه فلو كان أهله يريدونك لما فعلو كل هاذا معكم و أنتي تفهمين قصدي

واعرة الراجل لي ما عندوش كلمة ما يقدرش يدافع على نفسو كيفاش راح يدافع عليك ؟؟فكري بعقلك ليس بقلبك

[doba]

هذا العريس غير ناضج ..

والاخير الخيرة فيما اختاره الله واتوكلي على ربي وانساي
اصلا البداية غير موفقة ..

[حضنية28]

نصيحة يا اختي انساي الشخص هذا
مكتبش ربي بيناتكم
ابداي صفحة جديدة تكون نضيفة ومبينية على اسس صحيحة
يا اختي الخيرة فيما اختاره الله

[سماح 2]

أعذريني ع قولي لكــنْ أعتقــــدْ أنه غيــر قــادر على تحمل المسؤولــية حتــى

كيف له أن لا يدافع على نفســـــه ويقف ع رجليه ؟

الا اذا كــان هوّ الّي مــا حــابش يديكـ ْ

سلاآآآآمْ

[walddz]

في رايي غير أخطيك منوا إنسان ماهوش صاحب قرار
و أنتِ ما كيش مقتنعة بيه 100%
و لا يغرك الرزق....

[knives66]

هذي هيا تلحوا روحكم على اشباه راجل وتجوا تشكوا انت خيرته تحملي مسؤوليتك

كون جاك راجل لدار ترفضيه بصح بتلفون تقبلوا

هذي اخرتها

[abdouillizi]

وانا ارى اختي انه انسان جيد ان كان خلق و دين لكنه مغلوب على امره و لايستطيع ان يجبر والده على شيئ ان كان سيء الاخلاق
انا اعرف شخص تطلقت زوجته و تيتم اولاده بسبب اخلاق اباه وعدم تفهم اهل الزوجة رغم ان الزوج اراد استمرار زواجه و كدالك الزوجة
ارجوا ان تفهمي امكي الفكرة حيث انه لا يمكن له ان يجبر اباه على شيء

[aymen01]

تستاهلي

رايحين طيرو تقسرو و تحبو و تتلقاو قبل الزواج

[امال الاسلام]

السلام عليكم ورحمة الله
اختي اسمعي مني هذه الكلمات لانها من اخت لك
انا تعرفت على واحد وكانت بينتنا علاقة حب مراحش نقول طاهرة لأنو محرمة لكن كانت بالهاتف وجامي جتمعت بيه وحدنا
مرت 9 اشهر وصراولنا بزااااااااااااف مشاكل
1_ ا اعترفت انها محرمة وان الجميع وقف ضدك ولكنك واصلت العلاقة

ولحق لخبر لماما ودارت المحال باش تفرقني عليه وماقدرت والناس كامل وقفوا ضدنا
2- علمت امك بالموضوع ورغم هذا واصلت ولم يثنك احد حتى امك

في فترة الخطوبة صراو بزاااااااف مشاكل بيني وبينو
3- يعني هل كنت تنتظرين ان تكون الامور على ما يرام وامك غير راضية
ومن صحابو هدرو في شفري
4- يعني زوج المستقبل و لا يغار على زوجته شرفه وعفته
اختي في الله
بداية اي علاقة محرمة ستكون نهايتها هكذا فلا تخدعي نفسك وتتظاهري بالبراءة لانك اخطات و الاجدر بك ان تعترفي بالخطا
اختي في الله
كيف سمحت لنفسك ان تغضبي امك من اجل........... وفي الاخير سيتركك ويذهب ..........انه العقوق اخيتي
اعترفي بذنبك امام الله لانه شديد الانتقام ولا تظني انك اخطات في حق اين كان انه الله
اسال الله ان يوفقك ويهديك ويرزقك الزوج الصالح الذي يسترك ويخاف عليك ويكون لك سترا في الدنيا و الاخرة

[somsom1515]

أختي هذا مكتوب معليش لازمك تصبري و أكيد فيها خير و نظن ربي هناك منهم ربي شافلك الخير

[lalib40]

فلم هــــــــــــــندي

[راضية بالقضاءو القدر]

السلام عليكم واضح من كلامك أختي أن عائلة خطيبك من العائلات التي تسود فيها سيطرة الأب لدرجة تمحى فيها شخصية بقية أفراد العائلية و ما دام أنك إخترتيه فعليك تحمل ذلك أما قضية الإنفصال أو الإستمرار فأنت الحكم الوحيد فيها لأن جميع الآثار المترتبة على هذا الزواج من سعادة إنشاء الله أو شقاء ستمسك لوحدك في الأخير ربي ينورلك طريقك و يوصلك لطريق الفلاح

[hamzagolf6]

الله يجيب الخير

[malako5000]

كي نقرأ هذو القصص ,,,,,,,,, نقول نبقا عازبة خير