مساعدة في تطبيقي لقلب اللوز بالبن

[nesrinwarda]

السلام عليكم،
طبقت وصفة قلب اللوز بالبن بدقة لكن ما شربتش الشاربات و قعدت يابسة. رب اخليكم ساعدوني

[nesrinwarda]

الله يهديكم ما كاين حتي رد,
مع العلم هذي اول مشاركة.............

[عيشة عبدو]

باللبن اوالبن
إذا كان لبن نجيبلك الوصفة وشوفي واش زدتي ولا نقصتي

[om djawad]

أختي بلاك مخلتيهش يريح أنا جربتو جاني روعة

[Omrihem]

اختي لازم تكون قلب اللوز سخونة وتصبي الشاربات علي ثلاث دفعات مشي دفعة فريدة والشاربات طيبيها كيما ذكرت الاخت ليليا في لوصفة وانشاء الله تصلحلك المرة الجاية انا جربتها شحال من مرة و تخرجلي هايلة

[nesrinwarda]

خليت نص ساعة اريح

[الأميرة الجزائرية]

أختي هل أضفتي كمية كبيرة من ماء الزهر إلى المكونات ؟؟

[om djawad]

كي تشربيه خليه على أقل 6سوايع باه يتشرب مليح

[nesrinwarda]

ما عرفتش شحال نزيد ما زهر

[nesrinwarda]

كيفاش لازم يكون

[om djawad]

أنا زدت كاس تاع تاي ماء الزهر

[ريتاج تيارتية]

بلاك عجنتيه بزاف قصدي كي درتيه في البلا مافركتيهش خبزتي فهمتي كيما قالولك يلاق يريح قبل لا دخليه للفور
وثانيك يلاق تشربيه وهو سخون على ثلاث مرات وين ماتشربيه دخليه للفور وهو سخون وطافي

[om djawad]

http://www.djelfa.info/vb/attachment.php?attachmentid=76900&d=1398006990

[ريتاج تيارتية]

انا كي خدمتو خدمتو في الليل على غدوا من داك كليناه هو يلاق كي يتشرب يقعد على الاقل 6 سوايع

[nesrinwarda]

لما اضفت مازهر خليت ريح ثم كي رحة نحط في السنيوة حسيت ناشف زتل شوية ما زهر ممكن هن الغلطة.

[nesrinwarda]

واش من سميد إستعملت

[fatimazahra09]

سلامتك اختي ربي يهدينا ان شاء الله .... انا هاداوين دخلت وشفت ندائك ........هاكي هاد الرابط وتبعي بالحرف الواحد وديري الشاربات ب 300 غ في 1 لتر ماء وكي يبدا يغلي احسبي 10 د فقط واطفي وزيدي مقار 1 كاس تاي ماء زهر ....هادا الشاربات تكوني موجداتو قبل ما تبداي تخدمي في قلب اللوز ...باش تصبيه بارد على قلب اللوز سخون مباشرة بعد ما تخرجيه ... ديري الشاربات في قارورة ماء معدني واثقبي البوشون باش تعرفي روحك راكي تشربي في كامل المساحة
هادا قلب اللوز موحال تراطيه ...باءدن الله
جربي وراني هنا اي سؤال ...راني في خدمتك ان شاء الله
http://www.djelfa.info/vb/showthread.php?t=1597518

[nesrinwarda]

شكرا أخت رب إن شاء الله يجازيك كل خير.
هذ اول مرة نطيب فيها قلب أللوز وإن شاء الله نعاود مرة أخرى.
حبيت نعرف نوع السميد ماعنديش فكرة واضحة

[أم أحمد عبد الصمد]

صورة السميد المستعمل سميد متوسط سيما راهي حاطة صورتو في الوصفة
إن شاء الله يلا كتب ربي نجربو غدوة إن شاء الله ، للأسف لحد الأن مازال مجربتوشكنت ناوية نجربو هذا الويكاند لكن ملقيتش سميد

[nesrinwarda]

شكرا أختي على الرد رب إن شاء الله يجازيك كل خير.

[شرشورة2]

راهو يخرج هايل تبعي الوصفة بحدافيريها و انشاء الله هذا المرة تخرجيلنا قلب اللوز نتاع الحلواجي

[fatimazahra09]

شكرا أخت رب إن شاء الله يجازيك كل خير.
هذ اول مرة نطيب فيها قلب أللوز وإن شاء الله نعاود مرة أخرى.
حبيت نعرف نوع السميد ماعنديش فكرة واضحة

السميد هو سفينة نصف غليظ
http://www.djelfa.info/vb/attachment.php?attachmentid=80033&d=1401216134
و لا ما لقيتيش ديري مولاكس كيس 25 نصف غليظ او حتى سفينة غليظ 25 كلغ ما كانش فرق كبير وهاد الرابط رايح يساعدك في الصور ...
انشاء الله تجربيه وماتندميش عليه حبيبتي http://www.djelfa.info/vb/showthread.php?t=1597518
اقراي الوصفة حتى للاخير ورايحا اكيد تستفادي

[fatimazahra09]

راهو يخرج هايل تبعي الوصفة بحدافيريها و انشاء الله هذا المرة تخرجيلنا قلب اللوز نتاع الحلواجي

قوليلي برك شرشورتي جربتيه؟ ووينو شاربات عملتيه ؟

[طالبة الجامعة]

السلام عليكم،
طبقت وصفة قلب اللوز بالبن بدقة لكن ما شربتش الشاربات و قعدت يابسة. رب اخليكم ساعدوني


راني جربتو وخرجلي يهبل واش نقولك بصح باللاك ماخلتيهش يريح
وبلاك ماشربتيهش مباشرة بعدما خرجتيه مباشرة من الفرن:)