احتاااااااااجكم

[imi plage]

صباح الخير عليكم جمعة مباركة ان شاء الله
بو عندي مشكل في حياتي وملقيتش احسن منكم باش توجهوني وتنصحوني وان شاء الله منطولش عليكم بالهدرة
عندي 22 سنة في عمري كنت مع ولد خال ماما هادي تقريبا سنة وشوي وهذا طبعا كنا في علاقة جدية في هاذيك المدة وقبل مايطلبوني دارهم ويهدرو مع والديا سمعت وقتها بلي ولد عمي هدر ليماه وقالها كان غير تشوفيهالي بويسك على حساب ماهدرتلي ماما بلي عجبتو ومقدرش يهدر معايا ومن بعدها قلت لولد خال ماما واش راهو صاري, بعدها بيامات قاتلي ماما بلي راهم هوما تانيك جاو يحوسو عليك لولدهم وقاعدا تقنع فيا على ولد عمي بويسك نهارها ماما كانت طايرا من الفرحة وقاتلي والله فرحت كي جاو هدرولي عليك وبلي مايتعابش انا رجعتلها بلي راني نحوس على ولد خالك وولد عمي مرانيش قابلا بيه مي والله ماما تشوكات قاتلي علاش عليك يا بنتي تفرطي في ولد عمك على جال هذاك ومكانتش قابلا بيه بعدها رجعت ماما لمرت عمي بلي مراهيش حابا ترتبط درك ولافامي تاعنا قع معجبهمش الحال كي عمومي كي عماتي لانهم كي سمعو مع لول كان عاجبهم الحال وبابا من يومها تبدل خلاص مولاش كيما قبل وكل مايجي يهدرلو خال ماما عليا كل خطرى يطلعلو بسبى وميعطيلوش الكلمة اللخرى. وماما قاتلي بلي باباك مادامك مقبلتيش بولد عمك عمرو لرح يعطي من لافامي .المهم كنت كل نهار نهدر فيه مع ولد خال مالما نكتشف عيوبو لي مقدرتش نتاقلم معاها وندمت نهار لي فرطت في ولد عمي على جالو وقتلو كل واحد يمشي في الطريق لانو كنت علابالي بلي نهايتنا كيفاش رح تكون.المهم علابالي بروحي بلي غلطت ومعرفتش كيفاش ناخذ القرار في هذاك النهار مي والله راني نادما اشد الندم لاني مرضيتش والديا ومقدرتش نكمللهم فرحتهم والله حبيت نرجع الضحكه لبابا لي بلاك راحت في سب نتاعي وحبيت نهدر مع ماما ونقولها الا تقدري تقولي بلي هاذا وين فاقت بروحها مي معرفتش كيفاش .تعيشو عاونوني والله تعبت من التخمام في هاذ الموضوع(نسيت مقتلكمش بلي حكاية ولد عمي عندها 3 اشهر اسكو ساي فات الوقت ومنقدر ندير والو) فرحوني ربي يفرحكم ان شاء الله وتبخلونيش راني نتسنى في ردودك

[imi plage]

20 مشاهدة ولا رد علاش عليكم

[naamane3]

ما لقينا مانقولو
هدرنا مرة ومرتين والف مرة
ياو اخطيوكم من العلاقات الغير شرعية
اخطيوكم من هاذا اللي يسميوه الحب
اخطيوكم من تقليد المسلسلات التركية
راهي تدمر لكم حياتكم وحياة من تتزوجون به
وانتم لا حياة لمن تنادي
بقالنا غيرنقولو ربي يهدينا ويهديكم
وربي يجب الخير

[bellaluna]

من رأيي و لقطع الشك صارحي أمّك و وضحي لها الأمور و إن كان هناك طريق لخطبتك لابن عمّك سيظهر و إن لا ربّي يسهلك في ما أحسن.

[imi plage]

ما لقينا مانقولو
هدرنا مرة ومرتين والف مرة
ياو اخطيوكم من العلاقات الغير شرعية
اخطيوكم من هاذا اللي يسميوه الحب
اخطيوكم من تقليد المسلسلات التركية
راهي تدمر لكم حياتكم وحياة من تتزوجون به
وانتم لا حياة لمن تنادي
بقالنا غيرنقولو ربي يهدينا ويهديكم
وربي يجب الخير

شكرااا جزيلا على الرد مي انا مغلطتش وممشيتش في طريق الحرام وكنت قدام ربي وعبادو وفي زوج تقدمو لاهلي

[imi plage]

من رأيي و لقطع الشك صارحي أمّك و وضحي لها الأمور و إن كان هناك طريق لخطبتك لابن عمّك سيظهر و إن لا ربّي يسهلك في ما أحسن.


ربي يحفظك ويخليك ان شاء الله

[imi plage]

والله كنت ننتظر في ردودكم اموا تنقصو عليا شووووي مي 100 مشاهده وردين فقط ريحوني وان شاء الله ربي يريحكم

[bila86]

لا بأس عليك أختي لم تكن هناك ردود كثيرة لكثرة
مواضيع مثل حالتك لأنها نوعا ما حساسة
فهمت من مشكلتك أنك أصبحت لا ترتاحين لإبن خال أمك وندمت لرفض إبن عمك ولكن إن فات الأوان أم لا؟؟؟؟
الجواب لن تلقيه هنا يا أختي
استخيري ربك وتذرعي له أن ينير دربك وأن يرزقك زوجا صالحا يسترك ويحافظ عليك
فإن كان إبن عمك هو من كتبه الله أن يكون طرفك الآخر فسيسهل الله لكما السبيل
وإن لم يكن إبن عمك فلا تحزني وانتظري نسيبك وتفائلي خيرا

[نارينا]

أختي راني جيت نرد معليش قولي لماماك وافهميها هي اقرب انسان ليك باللي راكي ندمت وحابة تدي ولد عمك ..تعيط فالاول وتغضب ومباعد تجي فصفك ....ادعي ربي برك ميكونش ولد عمك عرف باللي راكي حابة ولد خال ماماك ...تعود مسألة كرامة ثم ....ربي يهنيك اختي

[tahri_dvb]

أنت مزال عقلك صغير وقرارتك غير عقلانية . ناس بكري يقولو لأكبر منك بليلة أكبر منك بألف حيلة والديك هوما الصح كنت تبعي رايهم ماعليش مزال ما فاتش الوقت 3 أشهر مكان والو ياك ولد عمك ما خطبش خلاص تكلمي مع أمك وهي تعرف تتصرف ما تنسايش احكيلها كلش وخوذي رايها .

[naamane3]

شكرااا جزيلا على الرد مي انا مغلطتش وممشيتش في طريق الحرام وكنت قدام ربي وعبادو وفي زوج تقدمو لاهلي
(كنت مع ولد خال ماما هادي تقريبا سنة وشوي وهذا طبعا كنا في علاقة جدية)
هذه تعتبر علاقة غير شرعية يعني انك ارتكبتي حراما حتي ولم يقع بينكما شيئ
ولذا ابتلاك ربك بابن عمك كي يعاقبك عن فعلتك
ولو انك قطعت هذه العلاقة وتبت منها واستغفرت الله كثيرا من اجلها
لتاب عليك واصلح حالك وبعث لك من هو اصلح لك ولدينك ولدنياك وآخرتك

[imi plage]

لا بأس عليك أختي لم تكن هناك ردود كثيرة لكثرة
مواضيع مثل حالتك لأنها نوعا ما حساسة
فهمت من مشكلتك أنك أصبحت لا ترتاحين لإبن خال أمك وندمت لرفض إبن عمك ولكن إن فات الأوان أم لا؟؟؟؟
الجواب لن تلقيه هنا يا أختي
استخيري ربك وتذرعي له أن ينير دربك وأن يرزقك زوجا صالحا يسترك ويحافظ عليك
فإن كان إبن عمك هو من كتبه الله أن يكون طرفك الآخر فسيسهل الله لكما السبيل
وإن لم يكن إبن عمك فلا تحزني وانتظري نسيبك وتفائلي خيرا




اشكرك من اعماق قلبي لتفهمك معي وان شاء الله ربي يجيب لي فيه الخير

[imi plage]

(كنت مع ولد خال ماما هادي تقريبا سنة وشوي وهذا طبعا كنا في علاقة جدية)
هذه تعتبر علاقة غير شرعية يعني انك ارتكبتي حراما حتي ولم يقع بينكما شيئ
ولذا ابتلاك ربك بابن عمك كي يعاقبك عن فعلتك
ولو انك قطعت هذه العلاقة وتبت منها واستغفرت الله كثيرا من اجلها
لتاب عليك واصلح حالك وبعث لك من هو اصلح لك ولدينك ولدنياك وآخرتك
ماعليش اخي الفاضل رح نوضحلك شيء اضن انك لم تفهمني جيدا انا قلت انو ولد خال ماما بعثلي واليه وهدرو مع دارانا شعال من خطرى واضن لم يكن هنااااك سبب كافي لكي تتهمني في ان العلاقة،هي علاقة محرمة وغير شرعية كما ذكرت سابقا.

[الناصر لدين الله]

لم لا تستعيني بأحد أقربائك من العائلة يكون وسيط بيناتكم
يعني يروح ولا تروح لوليد عمك يهدرلو يقول لو يعاود يتقدم

[imi plage]

لم لا تستعيني بأحد أقربائك من العائلة يكون وسيط بيناتكم
يعني يروح ولا تروح لوليد عمك يهدرلو يقول لو يعاود يتقدم

ان شاء الله رح نعمل كيما قتلي مع انو الموقف لي رح نكون فيه شوي صعيب عليا.جزاك الله كل خيرا اخي

[ana hia]

م روحي لعمتك تروح لعمك و مرت عمك تقلهم راكي حابة تتزوجي بيه .... و راكي قابلة باش تتزوجو ...... عادي العمة نضن احسن من عمك و لا ولاادهم شوي ترتاحيلها فهمتيني ........ و هاكذا هاكي فريتيها ....... عادي ما تتقلقيش ربي يفرج يا خيتي بسطيها تتبسط ...... ما تكثريش التخمام و انتي عندك الحل في ايدك شوفي لوكان جا براني لوكان قلنا صح صعيبة باه ترجي ليه و هذا بن عمك دمك و لحمك

جايحة ايا خلاااااص اضحكي و فرجي لى روحك و الله ما تستاهل الزعاف لهاذي الدرجة

[* عبد الجليل *]

السلام عليكم
اختي الكريمة واش نقولك غير ربي يسخرك الزوج الصالح اللي يكون فيه الاب والاخ والابن والزوج الطيب
علابالك دايرة غلطة معا ولد عمتك لي طلبك نهار الاول وماقبلتيش وديتي في راي ولد خالة يماااااك وماراكيش مرتاحتلواااا
درك روحي ليمااااك هي اقرب وحدة ليك صارحيها بكلش واحكي لباباك واحسن شيئ تكون العمة تخبرهم انك كنتي مترددة
وتقولهم يرجعوا يطلبوك من جديد
ولا مشكلة في ذلك لانكم اهل واقاارب
ولكن يبقى كلش شيئ بيد الله قدر ومكتوب استخيري لله عزوجل وادعيه واستغفري لخطاياااااك
الله يفرجها ان شاء الله
وفقنا الله واياكم لما يحبه ويرضاه
سلام