الفلسفة !! الله يفرجكم

[هيـفاء]

السلام عليكم
الله يفرححححكم قولولي
كدا تحــــــــــطولي في الفلسفة

ربي يعطيهالكم حاجا كبييييرة

//////////

الشائع بين الفلاسفة أن أصل المفاهيم الرياضية أساسها الواقع العقلي
غير أن هدا الطر وجد له طرحا آخر منافيا له يقول أن أصل المفاهيم الرياضية أساسها الواقع الحسي ، و هو طرح صحيح ندافه عنه و نتبناه و لنا مبررات دلك
فكيف نُدافع عنهو ماهي حججنا ؟



-يقوم منطق هده الاطروحة بزعامة دافيد هيوم و جون ستيوارت ميل على أن المفاهيم الرياضية من الواقع الحسي و دلك من مسلمات تتمثل بحجج
الطفل ادا بدأ بالعد فهو يستخدم يده
الدوائر المرسومة في أدهاننا تمثل الواقع التجريبي
غير أن هدا الطرح وجد له خصوم سقولون على أن المفاهيم الرياضية أساسها العقل مثل أفالطون و ديكارت ، الدين يقولون على أن مفاهيمها كالدوال و اللوغاريتم و النهايات هي نابعة من العقل و لا يمكن تطبيقها على أرض الواقع ، المفاهيم الرياضية ليست قابلة للتغيير مثل 1+1= 2و هي ليست تجريبية )فد يحتمل الخطا '

و لا يمكن أي يكون 1+1=شيئ آخر غير 2
قال ديكارت ان الأفكار بالفطرة

الا أن هدا القول ( أساسها من العقل ) له سلبيات و انتقادات
ادا كانت الرياضيات من العقل لكان الطفل الصغير يعرف تلك المفاهيم (( النهايات الدوال ... (( دون اعتماده على مراجع "
قال ستيوارت ميل "" الدي يولد و هو فاقد للحاسة لا يمكن أن يدرك ماهو مترتب عن تلك الحاسة ""

الأشياء التي حولنا هي أشكال هندسية كالمثلثات تمثل الجبال في الواقع ، الدوائر المرسومة في أدهاننا تمثل أقراص الشمس في واقعنا
كما قيل أحد الفلاسفة "" لو تاملنا في الواقع لرأينا أن الأشكال التي حولنا هي اشكال هندسية "




*بالرغم من نلك السلبيات الا أن طرح هده الاطروحة "" المفاهيم الرياضية أساسها الواقع الحسي "" صحيح ندافع عنه و قد برهننا عن دلك
قال أحد الفلاسفة (( لا يمكن أن يكون شيئ في العقل مالم يكن شيئ في الواقع الحسي ((

قال دافيد هيوم ان الخطوط مستوحات من الطبيعة

[زكرياء ابن الجزائر]

هي البنية صحيحة ، المعلومات مليحة بصح مكاش تعمق كامل شحال جاتك م صفحة ؟

[هيـفاء]

زوج صفحات و نصح خويا =''(

[زكرياء ابن الجزائر]

مليحة المهم انا حساب ما شفت تضمني فوق عشرة ،

[هيـفاء]

مليحة المهم انا حساب ما شفت تضمني فوق عشرة ،

يعني ؟ ربي ينجحك قولي كداش

[سيف 1]

السلام عليكم ورحمة الله وبركاته

عدد الصفحات لا يلعب دورا كبيرا في النقطة
بقدر ما يكون الفرق في الحجج والبراهين
التي توظف في المقالة.

قد تتحصلين على 12 أو 13 في هذه المقالة
ان شاء الله

بالتوفيق للجميع ان شاء الله

[زكرياء ابن الجزائر]

سيف ، كل واحد كيفاش يشوف عدد الصفحات اذا كان الواحد ميخطلش برك و يحط افكار جديدة دون التكرار يضمن فوق 14 اذا كتب الورقة المزدوجة كاملة و اتحدى واحد يكتب صفحتين يتحصل اكثر من 14

[Wiem4]

okhti kol ostad kifah ysah hadi rahi philo marahich math bah ta9adri tchofi chehal tadi
nch tadi mlih

[نعمة القدوس]

واللي عمر الورقة المزدوجة
مع العلم أنو خطو صغير
ولكن ماحط حتى مقولة تاع فيلسوف
(( مقارنة تاع الموضوع الأول ))
واش تقدروا تقولوا في ورقتو ؟
(( حابة برك نقطة تقريبية باه نحسب المعدل هههههه ))

++

أختي
والله الفلسفة غير صعيبة باه تتوقعي النقطة تاعك فيها
ان شاء الله بالصح تجيبي مليح فيها

[سوسو 1]

ياربي راني مخلوعة كيفاش ندير باه نحي هذا الخلعة

[نعمة القدوس]

شهّدي واستغفري يا ختي

دركا راهو قريب يخلص التصحاحح
ان شاء الله خير

[عادل عبد الله]

السلام عليكم ان شاء الله اختي يحصل خير .
أخت نعمة قدوس نعطيك نقطتك في الفلسفة وان شاء الله كي تظهر النتيجة قوليلي يلا نيشان ولا لا إذن نقطتك راها 15.5 والله أعلم وان شاء الله تكون كثر فقط راي بالتوفيق لك اخت نعمة

[aniscarbone]

gatli mon prof double feuille maymodolhach a9al min13

tafaali

[نعمة القدوس]

السلام عليكم ان شاء الله اختي يحصل خير .
أخت نعمة قدوس نعطيك نقطتك في الفلسفة وان شاء الله كي تظهر النتيجة قوليلي يلا نيشان ولا لا إذن نقطتك راها 15.5 والله أعلم وان شاء الله تكون كثر فقط راي بالتوفيق لك اخت نعمة



ششكرا لك أخي
بالصح راني خاطيني صاحبة الموضوع
ولا راك قصدك على ردي ؟

[عادل عبد الله]

واللي عمر الورقة المزدوجة
مع العلم أنو خطو صغير
ولكن ماحط حتى مقولة تاع فيلسوف
(( مقارنة تاع الموضوع الأول ))
واش تقدروا تقولوا في ورقتو ؟
(( حابة برك نقطة تقريبية باه نحسب المعدل هههههه ))

++

أختي
والله الفلسفة غير صعيبة باه تتوقعي النقطة تاعك فيها
ان شاء الله بالصح تجيبي مليح فيها



راني راد اختي على مين قلتي واش تقدروا تقولو في ورقتوا

[نعمة القدوس]

راني راد اختي على مين قلتي واش تقدروا تقولو في ورقتوا




قصدي على روحي

أنت علمن قصدك ؟
(( سامحني راني عدت بطيئة فهم ))

[عادل عبد الله]

قصدي على روحي

أنت علمن قصدك ؟
(( سامحني راني عدت بطيئة فهم ))


لا والله عادي اختي الكريمة ، أقصدك أنت أختي نعمة

[م͠ږ ﯾ̣̐ـــــــ۾ ☺1̣̣̝̇̇6̥]

قصدي على روحي

أنت علمن قصدك ؟
(( سامحني راني عدت بطيئة فهم ))



hhh khtii ni3ma ma2amenntich rahou fewellek lAàkh b no9ta hayla tfa2li khiir w nchlh tdjiibiha ya rab

[نعمة القدوس]

لا والله عادي اختي الكريمة ، أقصدك أنت أختي نعمة




آه فعلا ؟

من عدد الصفحات تقدر تتنبأ بالعلامة
!
(( كون تضهر العلامة كيما قلتلي هههههه .. ماعلاباليش واش قادر يصرالي ههههه ))
بالصح كيفاه ؟
هكذا الأساتذة يصححوا ؟ من عدد الصفحات !
مايحاسبوش إذا التلميذ ما دعمش بأقوال ؟
مع العلم أن المقالة اللي درتها ماكتبتهاش تماما كيما حافظتها
تفلسفت كيما يقولوا
(( أني مانيش مصدقة علابيها نهدر بزاففف ))

[نعمة القدوس]

hhh khtii ni3ma ma2amenntich rahou fewellek laàkh b no9ta hayla tfa2li khiir w nchlh tdjiibiha ya rab



هيه والله غير ماني مصدقة
بالصح مادابينا يعاونونا فيها

ان شاء الله كامل ندييو علامات ملاح فالفلسفة
(( الأخت صاحبة الموضوع رانا نطلعولك فالمورال ))

[عادل عبد الله]

حتى أنا في الفلسفة حطيت غي من راسي بقالي في ورقة الإجابة نصف فارغ ، هي الأساتذة كي يصحوا يعتمدوا على لب الموضوع وسلامة اللغة خاصة لب الموضوع ان كانت المعلومات تصب في سياق المشكل المطروح قادر الواحد يكون عامل غي شوي يعبي نقطة شابة ، الله يوفقك اختي .

[نعمة القدوس]

أنا نصحتني بنت عمتي
قالتلي جامي تكتبي مقالة حافظتها
كيما راهي
قالتلي اتفلسفي
سع تفلسفت !
ان شاء الله مايحاسبوناش بزاففف
المواد الأدبية كون نخدموا فيهم مليح رايحين يعاونونا فالمعدل

بالصح نشكرك خويا
طلّعتلي المورال
ان شاء الله تجي العلامة كيما قلتلي
حتى هي معامل زوج
ربي يحفظك ويوفقك أنت تاني

[عادل عبد الله]

وإياك اختي الكريمة ، بارك الله فيك ورفع الله قدرك ، وفقك الله في البكالوريا بالمعدل الذي تتمنينه ان شاء الله .

[م͠ږ ﯾ̣̐ـــــــ۾ ☺1̣̣̝̇̇6̥]

هيه والله غير ماني مصدقة
بالصح مادابينا يعاونونا فيها

ان شاء الله كامل ندييو علامات ملاح فالفلسفة
(( الأخت صاحبة الموضوع رانا نطلعولك فالمورال ))


lol
ncclh ya rabii

[سماح 2]

مممممم علاه من وقــــــتاه يحــاسبوا ع عدد الاورااق ؟؟

أنـــــا درت ورقة تــــــاعي برك عمرتهــا ومــازدت واالو == الموضوع الثاني +


راه مــافيهش هدرة يـــــــاسر ,,,,,,
++

عجبتني المقــالة تع صاحبة الموضوع لكـــــــــن حبذا لو طولتي شوية في المقدمــــــة وما بديتيش بالفكرة الشائعه يعني لازم يكون تمهيد بالاول عن الرياضيات وتعريفهــا مثلا ,,,,,

والحجج الشخصيــــــة

أعتقـد أنك تجاوزت الحجج الشخصيـة وكذلك أين هو الموقف الثاني ...أنصار النزعه العقلية؟؟ ونقدهم ,,, ؟ الي هو عرض منطق الخصوم ونقده

المهم ان شـــــاء الله خير

بالتوفيق لكم =)

[ملكة الامتياز]

واللي عمر الورقة المزدوجة
مع العلم أنو خطو صغير
ولكن ماحط حتى مقولة تاع فيلسوف
(( مقارنة تاع الموضوع الأول ))
واش تقدروا تقولوا في ورقتو ؟
(( حابة برك نقطة تقريبية باه نحسب المعدل هههههه ))

++

أختي
والله الفلسفة غير صعيبة باه تتوقعي النقطة تاعك فيها
ان شاء الله بالصح تجيبي مليح فيها



الاقوال لا تهم جداا كونتي قادرة تحطي قول واحد في معناه الصحيح يكفي دلك
+ الأمثلة وشرح الأفكار والتعمق يخلي الأستاد يعطيك علامة ممتازة ان شاء الله تدي علامة ممتازة وتأكدي بأن الاستاد ماش رايح يقرالك المقالة تاعك بالحرف يشوف غير المقدمة وباه بديتي في الموقف الاو والثاني ( هدا ادا درتي الطريقة الجدلية + يشوفلك التركيب والخاتمة ) ويحط العلامة

[نعمة القدوس]

الاقوال لا تهم جداا كونتي قادرة تحطي قول واحد في معناه الصحيح يكفي دلك
+ الأمثلة وشرح الأفكار والتعمق يخلي الأستاد يعطيك علامة ممتازة ان شاء الله تدي علامة ممتازة وتأكدي بأن الاستاد ماش رايح يقرالك المقالة تاعك بالحرف يشوف غير المقدمة وباه بديتي في الموقف الاو والثاني ( هدا ادا درتي الطريقة الجدلية + يشوفلك التركيب والخاتمة ) ويحط العلامة



أنا درت الموضوع الأول
ودرتو مقارنة
وماكنت حافظة فيه حتى قول
علابيها مادرتش
(( أصلا ندمت اللي مادرتش الموضوع الثاني، كنت حافظة فيه أقوال وأمثلة والسؤال تاعو باين ))

بالصح بانتلي روحي شرحت بزاففف
والله أعلم

شكرا أختي

ان شاء الله برك نديو علامة تساعدنا فالمعدل
وبارك الله فيك على تطلاع المورال

ربي يوفقك أنت تااني

[زكرياء ابن الجزائر]

على الاكثر تروح 4 نقاط لغياب الاقول الفلسفية و الله اعلم المقدمة الخاتمة و في كل اوجه المقارنة لازم اقوال و الله اعلم

[زكرياء ابن الجزائر]

مستحيل انسان يحفظ مقالة و يكتبها كيما راهي او هههه مستحيللل صعيبة جامي لحفظت مقالة

[ملكة الامتياز]

أنا درت الموضوع الأول
ودرتو مقارنة
وماكنت حافظة فيه حتى قول
علابيها مادرتش
(( أصلا ندمت اللي مادرتش الموضوع الثاني، كنت حافظة فيه أقوال وأمثلة والسؤال تاعو باين ))

بالصح بانتلي روحي شرحت بزاففف
والله أعلم

شكرا أختي

ان شاء الله برك نديو علامة تساعدنا فالمعدل
وبارك الله فيك على تطلاع المورال

ربي يوفقك أنت تااني


المهم مقالتك صحيحة و ماخرجتيش عن الموضوع أتمنى لكي علامة ممتازة :)

[زكرياء ابن الجزائر]

الاقوال مهمة جدا ههههههه راني نقلق في نعمة

[ملكة الامتياز]

مستحيل انسان يحفظ مقالة و يكتبها كيما راهي او هههه مستحيللل صعيبة جامي لحفظت مقالة

نعم معك حق و ان فعلت دلك مستحيل أن تتدكر شيئا يوم الامتحان من المقالة

[نعمة القدوس]

كاين ناس تحفظ المقالات
وحفظ المقالات يكون في صالح أولئك الذين ليسوا
ذوي رصيد لغوي غني

أنا الصراحة حفظت بالاك 5 مقالات
وكلها رؤوس أقلام
وفي الامتحان نطلق العنان لمخيلتي
واللي حفظتو طاح
وان شاء الله برك مانندمش على الخدمة هادي ههههه

(( أعتذر من صاحبة الموضوع درتلها نقاشات ))

[نعمة القدوس]

حتى أنا نتمنالك يا أختي علامة ممتازة
(( بما أنك ملكة الامتياز ههههه ))

++
زكريا
تقلق فيا ؟؟ ههههههههه
عندك الحق
لقيتلي نقطة الضعف تاعي ههههه

[ملكة الامتياز]

حتى أنا نتمنالك يا أختي علامة ممتازة
(( بما أنك ملكة الامتياز ههههه ))

++
زكريا
تقلق فيا ؟؟ ههههههههه
عندك الحق
لقيتلي نقطة الضعف تاعي ههههه



علامة ممتازة في الفلسفة لا أظن دلك درت تحليل نص عمرت الأوراق هكاك برك وبالاك المنهجية غالطة خلاص نبدى نقط روحي من تحت التسعة

[نعمة القدوس]

كيفاه هادا تطلعي المورال للغاشي
وتهبطيه لروحك ؟

وأنت قلتيها بفمك (قصدي بالكلافيي تاعك هههه)
بالاك المنهجية غالطة
وكي عادت هك .. مالا بالاك صحيحة !!
والله ماتدري
ممكن تعجبهم الفلسفة تاعك !

ياسيدي المهم أرجو أن تتحصلي على علامة ترضيك
هكا خيير
(( أني نتمهبل ))

[زكرياء ابن الجزائر]

انا ندي 18 قولوا الله يبارك

[ملكة الامتياز]

كيفاه هادا تطلعي المورال للغاشي
وتهبطيه لروحك ؟

وأنت قلتيها بفمك (قصدي بالكلافيي تاعك هههه)
بالاك المنهجية غالطة
وكي عادت هك .. مالا بالاك صحيحة !!
والله ماتدري
ممكن تعجبهم الفلسفة تاعك !

ياسيدي المهم أرجو أن تتحصلي على علامة ترضيك
هكا خيير
(( أني نتمهبل ))

والله 10 جد كافية لي باه المعدل مايهبطش بزااف وخلاص :1:

[نعمة القدوس]

انا ندي 18 قولوا الله يبارك

الله يبارك !
خمسة وخمووس ههههه



والله 10 جد كافية لي باه المعدل مايهبطش بزااف وخلاص :1:
ان شاء الله أكتر من عشرة
على الأقل شويا تفرحي

[Faraoula Fraise]

أختي صاحبة الموضوع أتوقع 12 و ان شاء الله أكثر

نعمة ان شاء الله 16 أو 17 لأن أستادتي قالتلي في مقالة المقارنة الأهم هو المضمون

[نعمة القدوس]

إيييييييه يا فيروز
بزااففف .. بزافففف !
ماش لهاد الدرجة !

يااو 15 تهرّجني هههههه
أصلا 15 هي البلافون تاعي
(( بالصح مايمنعش أننا نطمعوا شويا ههههه ))

ربي يوفقنا جميييعا

[Faraoula Fraise]

ههههههههههههه لا يا أختي عليك انتي مش بزاف

لأني شفت فالمدونة طريقة تعبيرك فالمقالات و عجبتني بزاف

راني قلت الله يبارك متخافيش

[نعمة القدوس]

أني حشمت

مشكورة أختي على حسن الظن
ان شاء الله وعلاش لالا ؟

لينا جميعاً

[وردة المتفائلة]

إيييييييه يا فيروز
بزااففف .. بزافففف !
ماش لهاد الدرجة !

يااو 15 تهرّجني هههههه
أصلا 15 هي البلافون تاعي
(( بالصح مايمنعش أننا نطمعوا شويا ههههه ))

ربي يوفقنا جميييعا




ان شاء الله يا نعمة تد ي 15 في الفلسفة وعلاه لالا ولا نقلك ان شاء الله المعدل كاااااامل 15 ولي راكي حابة اكثر ربي يعطيك اللي في بالك
ربي يوفقك يان شاء الله ويوفقنا جمييييييع

[سيف 1]

سيف ، كل واحد كيفاش يشوف عدد الصفحات اذا كان الواحد ميخطلش برك و يحط افكار جديدة دون التكرار يضمن فوق 14 اذا كتب الورقة المزدوجة كاملة و اتحدى واحد يكتب صفحتين يتحصل اكثر من 14

لدي أصدقاء كتبوها في صفحتين كما قلت وتحصلوا على 13.5 وهناك من تحصل على 12
يا اخي الحجج لها دور كبير في التأثير على النقطة وليس عدد الصفحات

وشكرا :)

[*Mahmoud*]

أنا خيّرت الموضوع الثاني وزدت حتى صفحة إضافية وعمّرتها حجج وأقوال وأمثلة وفي العام نقاطي في الفلسفة لم تنزل عن 15 ....أخطونا برك من الهدرة نتاع الخرطي اللي ينقص الصفحات يعطوه واللي يكثر يزيروله ....المهم في المضمون والأسلوب الفلسفي والمنهجية .

[موتي ولا دمعة أمي]

والله غير خوفتوني انا في المقالة تاعي الموضوع الثاني حطيت كامي المعلومات اللي درناهم في الدفتر وزدت تفلسفت لكن خطي صغير شوية مكملتش الورقة المزدوجة يعني مايعطونيش نقطة مليحة حتى ولوكان المنهجية صحيحة ارجوكم افيدوني انا على حساب منعرف الصح في المضمون ماشي تكمل الورقة المزدوجة ولا واش اخوتي

[زكرياء ابن الجزائر]

خاوتي ان شاء الله تجيبو كامل علامات ممتازة :]