مشكلة ايجاد زوجة

[مشكلتي]

سلام عليكم

انا شاب 31 سنة حاب نخطب
عايش مع امي فقط
لكني ليست لي عائلة ولا اخوة بنات يشوفولي عروسة وامي ليس لها اي خبرة في هكدا امور وهي اصلا لاتخالط النساء

المهم في ولايتي الفتيات مليانين في الشارع وقلت اشوف وحدة تعجبني واتكل على الله

وانا اتجول في الشوارع اجد فتيات ماشاء الله ويتبادلن معي النظرات والابتسامات لكني وفي كل مرة اقرر التكلم مع بنت اخاف تفهمني غلط واتراجع وانا ولله اريد الحلال لاني جربت مرة مع فتاة كانت تبادلني نظرات الاعجاب والابتسامات ولما دهبت للتكلم معها رفضت التكلم معي وهربت ولا ادري لما

:mad::confused::confused::confused::confused::conf used::mad:

سؤال للفتيات ماهي الطريقة الصحيحة لاصارح بها اي بنت باني اريد الحلال لاني اريد التكلم مع الفتاة اولا واعرف منها اد كان عندها حبيب او خطيب لاني اخاف ان اتقدم مباشرة لمنزلها وترفضني لان لها...........

ماهي الطريقة الصحيحة ولو اسال فتاة مادا اقول لها حتى لا تفهمني خطئ ولا تخاف مني ولا اريد منها طلب علاقة عاطفة او تعارف او رقم تلفون او حساب فايسبوك اريد ان اسألها فقط اد توافق على ان اتي لخطبتها


ارجوووووووو من الفتيات مصارحتي بعيدا عن الردود المملة التي لا تعكس فعلا شخصية الكثير من العضوات وان تكون الردود صريحة

:)

[/زهرة عصفور الجنة/]

بنات الناس لا تخطب في الشوارع يا اخي
مقياس الزواجلا يكون بمجرد ان تعجب بهيأة الفتاة
اليس حولك أصدقاء لهم اخوات اذهب الى امام مسجدكم ليدلك على عائلات لهم بنات محافظات
وربي يسهل عليك
اكثر من الدعاء/في صلاتك

[أم ابتيهال]

اسال عنها اذا كانت مخطوبة او لا ثم اذهب لخطبتها من والدها

[aymen01]

حاب تزوج مع وحدا تخزر و تضحك معاك

هذي سير عندها تجربه مادامها ما حشمتش

[nouna l maghbouna]

normal خويا حاول تتكلم معاها بادب و تفهمها نيتك
généralement اللي يتمسخر راه باين donc انت مادامك بوية صافية
شوف فيها وحدة ةعجبك راقبها ايامات و امبعد اهدر معاها اعرف وتش حاب تعرف و قولها توريلك دارهم ولا باباها و الله يهنيكم
سلام

[ايمان نور الجزائر]

ماشي هكااا الخطبة نتاع شارع
على الاقل...تشوف واحدة تعجبك لازم تسأل قبل عن اسمها عائلتها
هل هيا مخطوبة سيرتها واخلاقهاااااا
هذو قع قبل كلش شيء
من بعد ابحث عن وسيط يوصللها الخبر ويقولها فلان باغي يخطبك
مثلا احدى قريباتك بنات خالتك والا عمتك لي قراب ليكم
او اخت صديقك او زوجته مثلا يكونو يعرفوهااااا
واذا كانت موظفة يمكن تطلب الاذن للتكلم معها في مكان العمل

[كنوز البحار]

سلام اخي ..انا وحدة من الناس مانحبش يهدر معايا واحد البرا..او يطلب مني رقمي ...تلقاني نهرب نجري هههههههه...تبانلي احسن طريقة تبعها وين تسكن و كي تعرف دارهم سقسي عليها و مبعد تقدم لخطبتها ....وربي يسهلك اخي

[حورية38]

بنات الناس لا تخطب في الشوارع يا اخي
مقياس الزواجلا يكون بمجرد ان تعجب بهيأة الفتاة
اليس حولك أصدقاء لهم اخوات اذهب الى امام مسجدكم ليدلك على عائلات لهم بنات محافظات
وربي يسهل عليك
اكثر من الدعاء/في صلاتك
هدا الراي الاصح اخي فما بني على باطل فهو باطل والخطبة لاتتم في الشارع وعلاش ماعندكش اصحاب باخواتهم ولا بنات اقاربك او عمة تستشار او خالة او حتى ابناء عمومك تقدر تطرح الفكرة حاب نتزوج وراح يساعدوك في ايجاد بنت الحلال وتتقدم من الباب

[fella111]

سلام عليكم

انا شاب 31 سنة حاب نخطب
عايش مع امي فقط
لكني ليست لي عائلة ولا اخوة بنات يشوفولي عروسة وامي ليس لها اي خبرة في هكدا امور وهي اصلا لاتخالط النساء

المهم في ولايتي الفتيات مليانين في الشارع وقلت اشوف وحدة تعجبني واتكل على الله

وانا اتجول في الشوارع اجد فتيات ماشاء الله ويتبادلن معي النظرات والابتسامات لكني وفي كل مرة اقرر التكلم مع بنت اخاف تفهمني غلط واتراجع وانا ولله اريد الحلال لاني جربت مرة مع فتاة كانت تبادلني نظرات الاعجاب والابتسامات ولما دهبت للتكلم معها رفضت التكلم معي وهربت ولا ادري لما


:mad::confused::confused::confused::confused::conf used::mad:

سؤال للفتيات ماهي الطريقة الصحيحة لاصارح بها اي بنت باني اريد الحلال لاني اريد التكلم مع الفتاة اولا واعرف منها اد كان عندها حبيب او خطيب لاني اخاف ان اتقدم مباشرة لمنزلها وترفضني لان لها...........

ماهي الطريقة الصحيحة ولو اسال فتاة مادا اقول لها حتى لا تفهمني خطئ ولا تخاف مني ولا اريد منها طلب علاقة عاطفة او تعارف او رقم تلفون او حساب فايسبوك اريد ان اسألها فقط اد توافق على ان اتي لخطبتها


ارجوووووووو من الفتيات مصارحتي بعيدا عن الردود المملة التي لا تعكس فعلا شخصية الكثير من العضوات وان تكون الردود صريحة

:)

؟؟؟؟؟؟؟؟؟؟؟؟؟؟؟؟؟؟؟؟؟؟؟
تشوكي علابالك يا أخ .

[malako5000]

الزواج ولا صعيب ,,,, و الدليل رددودكن

vraimenent tchokit ..... niveau ta3 les filles trop bas

[oussmina]

يا أخي موضوع الخطبة لا يكون بهذه الطريقة أنك تتكلم مع فتاة في الشارع أنا عن نفسي ما نقبلش أني نتكلم مع أي شاب بهذه الطريقة حتى لوكان على حسن نية حاول تفتح موضوع رغبة زواجك لأصدقائك مع أحبابك أومع زملاء العمل أنك تبحث عن فتاة بمواصفات التي تريدها لنية الزواج أكيد تلقى مساعدة أخي
أكثرمن الإستغفاروربي يرزقك بزوجة صالحة إن شاء الله

[aroua]

واش من عصر راك
مانعرف منك بالصح ولا حاب تحط موضوع وخلاص
الحلال بين والحرام بين
ماسهل ربي غير طريق لحلال مي ماشي في الشارع

[YouCefo_dz]

د فتيات ماشاء الله ويتبادلن معي النظرات والابتسامات
+تقول فتيات ماشاء الله!!!!!!!! سبحان الله!!!!!

[بلسم غرام2018]

هدا الراي الاصح اخي فما بني على باطل فهو باطل والخطبة لاتتم في الشارع وعلاش ماعندكش اصحاب باخواتهم ولا بنات اقاربك او عمة تستشار او خالة او حتى ابناء عمومك تقدر تطرح الفكرة حاب نتزوج وراح يساعدوك في ايجاد بنت الحلال وتتقدم من الباب

سلمت اناملك

[aymen01]

normal خويا حاول تتكلم معاها بادب و تفهمها نيتك
généralement اللي يتمسخر راه باين donc انت مادامك بوية صافية
شوف فيها وحدة ةعجبك راقبها ايامات و امبعد اهدر معاها اعرف وتش حاب تعرف و قولها توريلك دارهم ولا باباها و الله يهنيكم
سلام

قلتيلي مديرة خاصة

وين قريتيها هذي نتاع روح يهدر معاها نورمال و يعرف وش تحب من بعد يجي يخطب

عندك هذي نونا دير عليها علامة اكس راك تشوف في العقلية نتاع البنات وين وصلت

[ام ياسين187]

يا ااخي بنات الشارع تتبادل معاك الإبتسامات ومع غير ....البنت تخطبها من ابوها انت إنطق كلمت باغي نتزوج قدام صاحبك عمتك خالتك وشوف ذا ماحاولوش يساعدوك

[nouna l maghbouna]

قلتيلي مديرة خاصة

وين قريتيها هذي نتاع روح يهدر معاها نورمال و يعرف وش تحب من بعد يجي يخطب

عندك هذي نونا دير عليها علامة اكس راك تشوف في العقلية نتاع البنات وين وصلت

يا خويا مادخلش خدمتي في التعليقات تاعي
نرجع للموضوع يا اخي نظن الاعمال نيات و راني علابالي واش راني نقولي و اذا انا غلطت رانا خاوة انت صححلي ياخي هاذي هي الدنيا ولا؟
انا قتلو اهدر معاها هي قبل pck عندي حبيبتي كان واحد حاب يخطب كيما هذا الاخ راح direct لباباها و هي كانت تحب واحد و في سن تاع زواج باباها زوجها سيف عليها
على هاذي قتلو اهدر معاها هي قبل

و نصيحة حاول ماتكونش قاسي في تعليقاتك
سلام

[aymen01]

يا خويا مادخلش خدمتي في التعليقات تاعي
نرجع للموضوع يا اخي نظن الاعمال نيات و راني علابالي واش راني نقولي و اذا انا غلطت رانا خاوة انت صححلي ياخي هاذي هي الدنيا ولا؟
انا قتلو اهدر معاها هي قبل pck عندي حبيبتي كان واحد حاب يخطب كيما هذا الاخ راح direct لباباها و هي كانت تحب واحد و في سن تاع زواج باباها زوجها سيف عليها
على هاذي قتلو اهدر معاها هي قبل

و نصيحة حاول ماتكونش قاسي في تعليقاتك
سلام




الاسلام قال روح اخطب من الباب مشي تلقاها في الطريق تروح ليها انت هكا تشجعي في الداري تروح تهدر مع البنات

اذا هو نيتو صافية في الزواج كاين ناس نيتهم مهيش صافية

تحب واحد او ماتحبوش هذي مشكلتها عندها لسان ترفض و تستنى هذا حبيبها اذا جا يخطب

[sali-sali]

السلام عليكم
وانت علاااااااااه تصارح الفتاة و تحكي معاها... عجباتك وحدة روح لدارهم ...
شوف احدى معارفك ولا صحابك اذا عندهم بنات للزواج
او اي بنت كانت تدرس معاك و تعرف اخلاقها

ربي يرزقك الزوجة الصالحة

[ahmed 31]

والله عند قراءة بعض الردود أحس أني أنا من يعيش في كوكب آخر أو الإخوة راهم في عالم غير عالم لي رانا عايشين فيه،
هذه راها مشكلة أغلب الشباب في وقتنا هذا، ولا تنسوا أن الناس معضمهم لا يحبون التدخل في أمر البحث عن زوجة لإجتناب المشاكل في المستقبل إلا أقرب الأقربين،
على العموم أخي ما عليك إلا الدعاء و إذا رأيت فتاة و مبدئيا أعجبتك ما عليك إلا معرفة مكان إقامتها و السؤال عليها إن كانت مخطوبة أو لا و عن دينها و أخلاقها و تربيتها و إن كانت بنت رجال فما عليك إلا الإستخارة و التوكل على الله.
فيما يخص الفتيات اللتي يبادلنك الإبتسامة أستسمحك و لكن الذي يريد الحلال لا يبادل الفتيات الإبتسامة، و هذه الفتاة التي تسمح لنفسها بالإبتسامة مع من هب ودب فلا تصلح لتكون زوجة و أم،
يبقى هذا رأيي الخاص،
الله يوفقك أخي ويوفقنا أجمعين في إيجاد هذا الكنز المفقود.
تقبل مروري.

[رجوت عفوك]

بكل بساطة كي تعجبك كاش وحدة ( ماشي تتخنزرو في بعضاكم هههه) اولا راقبها ..

سقسي عليها فالحومة و في مكان دراستها او عملها مليح مليح ..

اذا كانت سيرتها مليحة وماكانتش مخطوبة .. روح لبابها قبل ( ما تشقيش يماك حتى الدار ونتى ماكش sur ) قولو راني حاب نخطب بنتك اذا

قبل بيها و نعم ( حدد معاه موعد باش تشوفها الوالدة الكريمة وتقدر تقعد معاها تسقسيها اذا راهي قابلة وعلى الامور الاساسية . إلخ ) إذا

ماقبلش لبنات راهم بزاف .....

life is so easy