اريد طريقة لمساعدة صديقتي ار جوكم

[ملوكة الجزائرية]

اهلا اصدقاء مودعين السنة الثالثة متوسط , عندي صديقة كانت متفو قة في دراستها في السنة الاولى متوسط لكنها حينما انتقلت للسنة التانية متوسط اصبحت ترافق صحاب السوء وتهتم بجمالها و ملابسها:sdf: ونسات كامل قرايتها حتى جابت 10 المعدل وهي حبت تتحسن في المعدل ولعلمكم انها عندها امكانيات في ان تحقق معدلا رئعا وانها عضوة في المنتدى وهي تتابع الموضوع طوال الوقت ارجوكم ساعدها ووجهوها لكي تتحصل على معدل يرضيها ويرضي والديها . وجزاكم الله كل خير

[اخت الرجل]

يا صديقتي انا نقها ولاه ماتصيب غي قرايتها كي تكبر وحقيقة نفرح انا كي نجيب معدل ونشوف كل الناس تطمح لتكون مثلي وشوفي حتى حاجة ماهي صعيبة ونعطيلك قصة ادهشتني ولم تجري الا في بضعة ايام شوفي بنت خالتي كنت انا متفوقة عليها يعني يضرب المثل بي وهي كانت تجيب المعدل 13 14 فقط حتى نخلعت بمعدلها للفصل الثالث 17 خلعتنا كول وماشاء الله وراني متمنيتلها المزيد والمزيد وربي يوفقها ويوفقك يا اختي وراني نقلك حتى حاجة ماهي مستحيلة تقدري على كل شي بس بارادتك وماتتكليش على حتى واحد لانوا معضم الناس لي تجيب 19 او18 في الاخير عند الامتحان الفردي ممكن تهبط وممكن ماتربحش وغي لول بارح وانا نشاهد في الجزائر 3 دارو حصة نتاع العائلة دارو فيها على التفاجا من الامتحانات واحدى المستشارات حكات قصة بنت كان معدلها لا ينزاح عن 9 المعدل وتقريبا 10 لاكن لاسباب في امتحان الابتدائي جابت المعد 4صدق او لاتصدق تفاجات ولم اصدق
المهم انا نقلك يا عزيزتي شوفي اصحاب السوء وين يروحو في اخر المطاف وين يدوك

[ملامح خجولة.]

انا نقلها مدامك ذكية تقدري تعوضي صحبتي كانت تجيب 17 تفاجأت دات 17 ربي يبارك
لازم تقرا ماتصيب غير قرايتها

[أميرة النجاحْ]

يا اختي كيما قالو انفال و منار متلقاش غير قرايتها و راه كل واحد عندو اصحاب مريقلين وكاين لالا بصح منتبعوهمش صداقة صبا ح الخير و مساء الخير فقط لذلك انصحك بقطع العلاقة مع اصحاب السوء و الالتهاء بدراستك و بناء ارادة قوية تجعلك من الاوائل و الارادة هي الصح و لازم ترجعي تقراي لان القراية هي التي تحددلك مستقبلك

[poupy]

نقلك حاجة ختي اللي خاف نجا هكا يقولو عندك فرصة ذهبية للتجديد ونزيد نقلك والله كي فقتي ربي باغيلك الخير حطي على راسك وانسي هاد الصحبات

[poupy]

واللي عند ربي مش بعيد المهم انك عرفتي الغلطة ويني درك ابداي من جديد

[ملامح خجولة.]

والله هبة عجبني كلامها المهم كي فقتي درك لي عندوا ارادة مستحيل يطيح
ربي يقول اسعى يا عبدي وانا نسعة معاك وماكانش حاجة اسمها المستحيل

[poupy]

اكيييييييييييييييييييييد هادا شي مؤكد سئل احدهم ما الحكمة قال ان تميز بين الصحيح والخطا وانت عرفتي الغالط ورح تصححيه بربي ان شاء الله المرة لجاية تجي واقولي ديت المعدل اللي في خاطري

[♥.رونق الايمان.♥]

انا ننصحها ما تركز غير على قرايتها لانو هي اساس المستقبل
و ادا ركزت على حاجة خرى رح تندم بالتاكيد

[poupy]

ايه بلا قراية مش حياة

[layanedz]

اعجبني الموضوع عندي زميلة نفس قصة صديقتك انتظريني غدا وسأجيبك واعطيك رأيي الان مستعجلة

[poupy]

انا انتظر رايك ليان

[أميرة النجاحْ]

انا عندي بزاااااف صحابات كيما هاك بصح مصتنصحوش حتى الىن

[layanedz]

كانت لي صديقة من الابتدائي وكي طلعت للمتوسطة جابت 14 ومباعد بدات تهبط هل تعلمين السبب السبب هو صديقاتها السيئات فالصاحب ساحب حتى اخذت 10 و9 صدمت ولكنها لم تتعلم من خطئها كنت دائما انصحها لاكن لا جدوى لذلك المفتاح هو صديقاتها نبهيها عن صديقت السوء

[ترانيم الامل]

ليان رحتي للمسابقة

[layanedz]

ايه الحمد لله جاوبت

[poupy]

الحمد لله ليان ان شاء الله تكوني خدمتي

[layanedz]

الحمد لله على كل شيئ المهم اني اجتهدت في الحفظ ان نجحت فمبروك وان لم انجح فلا يهمني المهن انا ناجحة عند الله عز وجل لاني اجتهدت وطبقت الاحاديث حين حفظتها

[poupy]

عندك الحق ليان

[ملوكة الجزائرية]

شكرا لكم جميعا لقد افدتم صديقتي جدا ارجوكم لنترك الموضوع للنقاش لا للدردشة

[*فريال*]

انا رايي هو ان تتخلى عن صديقات السوء و مثل ماقالت ملاك صباح الخير و مساء الخير يكفي و ان تبحث عن صديقات مجتهدات ليدعموها و يشجعوها و يجب عليها الاهتمام بدراستها و ان تبذل كل قصار جهدها و ان لاتفقد الامل فهناك دائما فرصة ثانية و عليها ان تستغلها فالارادة تهزم كل شيئ و بالاضافة انها تملك امكانيات كبيرة فيمكنها ان تحطم حاجز المستحيل و الاهم هو انها ادركت خطاها و بالتالي ارجو ان تعملي على نصيحتي و تاخذي معدل يرضيك
ـــــــــــــــــــــــــــــــــــ
تحياتي

[poupy]

اختي نظن خذيتي النصائح درك ما على صديقتك الا التنفيذ

[ملوكة الجزائرية]

ضديقتي تشكركم وقالت لازم في العام الجاي نخدم ونبتعد عن صديقات السوء شكرا لكم كثيرا

[poupy]

your welcom

[layanedz]

ربي يوفقها وينجحها وان شاء الله تدير قلب وتتبدل