تسجيل الدخول

مشاهدة النسخة كاملة : مساعدة عاجلة رجاءا في تحضير برنامج لضيوف قادمون بعد غد


مريم يوسفي
2014-06-18, 10:32
السلام عليكن و رحمة الله و بركاته

مريت من هنا لأتجول في اقسام الطبخ لكي تكون لي فكرة عن ما ساطبخه لضيوفي القادمون بعد غد
و لكثرة الأفكار أحس نفسي مبعثرة و لم اعرف لحد الان ان احدد البرنامج واااااااااعععععععععععع

ارجو منكن ان تساعدونني في البرنامج
الضيوف متكونون من 3 نسوة و رجلان

اريد برنامج ثري و غني بعيدا عن الشربة و البربوشة

مبدئيا أفكر في لا بيري كطبق رئيسي و قلي الستاك و الكبدة
و اريد ان اضيف البوراك و لي كيش
و سلطات
لكني غير مقتنعة بتجانس افكاري

ارجوكن اعطوني افكاركن و ساكون ممنونة و شكرا

منى العلم نور
2014-06-18, 10:40
انا والله ماني عارفة البوراك لازملو شربة في نضري لابيري نع مشاوي اومقلية وتقدري تنحي شوي كبدا واللحم وتخدميلها صوص كيما كمونية صوص لا بيري تقدري ديري دجاج محشي يعني صدر تحشيه بجبن وزيتون و ديريه بشومينيو وزيتون تقدري سلق ديريه فالكوشة محشي بالجبن او اللحم المرحي طاجين حلو كوكا الكيش صح فكرة راعة ثاني بنيون بصح ديريه مالح وتحشيه باي شيء تحبيه هذي الافكار الي عندي

مريم يوسفي
2014-06-18, 10:46
انا والله ماني عارفة البوراك لازملو شربة في نضري لابيري نع مشاوي اومقلية وتقدري تنحي شوي كبدا واللحم وتخدميلها صوص كيما كمونية صوص لا بيري تقدري ديري دجاج محشي يعني صدر تحشيه بجبن وزيتون و ديريه بشومينيو وزيتون تقدري سلق ديريه فالكوشة محشي بالجبن او اللحم المرحي طاجين حلو كوكا الكيش صح فكرة راعة ثاني بنيون بصح ديريه مالح وتحشيه باي شيء تحبيه هذي الافكار الي عندي


يا عمري يعطيك الصحة حنونة ربي يجازيك
صح مام انا مش مقتنعة بفكرة البوراك مع البيري
لكن حابة نديرهم وخلاص هههههه و في نفس الوقت مش حابة ندير الشريبة
مع لي رمضان قرب نسأل الله ان يبلغنا اياه

فكرة المقبلات تاع البوراك و لي كيش راهي لاصقتلي في الراس
و هي في الاصل تمشي مع السوائل مثل الشوربات
لكن ما عرفت واش ندير

لأنو الضياف بايتين و في الليل راح ندير شخشوخة
بقالي في الغدى واش ندير؟؟؟؟؟؟؟؟؟؟؟

انتظر المزيد من الافكار و الوصفات
ربي ينورلك دربك خيتي

مريم يوسفي
2014-06-18, 11:10
ما رأيكن في حساء الجبن هل ممكن ان ارافقه ببوركاك محشي بالبطاطا و الجبن ؟؟؟

مريم يوسفي
2014-06-18, 11:45
لا تنسوني من اقتراحاتكم انا بالانتظار

روح مراد
2014-06-18, 13:08
أختي ممكن تقدمي أي حساء خفيف
حساء الجبن، الخضر ، سمك
تقدري ديري حساء الجبن و لكن مع بوراك فيه جبن و زيتون و معدنوس راه يجي بزاف خفيف
تقدري ديري كيش دجاج مثلا و ترافقيها بسلاطة خضراء
تقدري تعملي دجاج في الفرن مرفوق بخضر سوتي
حوت في الفرن ، دولمة خضر في الفرن عليها جبن مبشور كذلك منظرها راقي جدا

أم ضياء عبد الرحيم
2014-06-18, 13:21
مساء الانوار اختي ممكن ديسوسي زوج دجاجات و تحشيهم نهار من قبل و تخبيهم و غدوى من ذاك تحمريهم في الفور و المرق الي ينزل منهم اديري بيه روز بالكركم يجي هايل و كثري السلطات لانه سخون الحال و المقبلات عندي مواضيع لعلاه يفيدوك يجيو خفاف خصوصا كي راح اديري شخشوخة للعشاء
هذا رابط لي كانبي مقبلة ساهلة و مانديش الوقت
http://www.djelfa.info/vb/showthread.php?t=1607199
و هذا رابط البيشاميل رول و الميني بطبوط
http://www.djelfa.info/vb/showthread.php?t=1604799
نتمنى نكون فدتك و اذا لقيت حاجة اخرى نحطها

أم تيم الله
2014-06-19, 10:03
السلام عليكم أختي الشربة لازم لا بغى رمضان قريب **** اللهم بلغنا رمضان يارب**********
ضيفي معاها بوراك أو كيش أو شوسون صغار .
بالنسبة للبيري هي طبق جيد و لكن ليس للضيوف أنا نفضل تقدمي المشاوي نتاعك مع بطاطا مقلية و مايونيز.
ديري حميس و حرريه شوية مع سلطة منوعة خبز الدار أو مطلوع إلا عندك الوقت .
و بالنسبة للشخشوخة أنا ننصحك ديريها في الغداء لأنها ثقيلة في العشاء و الأطباق الأخرى دريهم في العشاء يعني أعكسي menu نتاعك.
و بالتوفيق ان شاء الله و كاش حاجة رانا في الخدمة أختي
ومننساش بما أنو في معازيمك كاين نساء أكدي على النظافة و الديكور في التقديم لأنو حنا النساء عندنا التدقيق على الرجال