//--*** ::لا داعي لان نكون منافقين او محللين بقلمي ادخل ....***--

[(( ضياء الدين ))]

السلام عليكم ورحمة الله وبركاته اما بعد
لقد شهدنا خسارة المنتخب الجزائري اليوم صحيح قد يرى البعض ان مستوى المنتخب تراجع او يرى البعض ان هذه ليست الطريقة المعهودة من طرقه ولكن تريثو ليكن في علم الجميع ان هته هي احسن خطة للعب ضد بلجيكا ولو تمعنتم جيدا لادركتم ان اي فتحة صغيرة كاانت ستودي بالمنتخب وهذا ما شهدناه في فترات المباراة وكيف كان البلجيكيون يترقبون اي هفوة وهذا ما كان بالفعل عندما سجل الهدفان الاول هفوة م الدفاع اما الهدف الثاني فقد جاء عن طريق هجمة معاكسة استثمرت في هدف ولو رايتم معي ان تلك المرتدة كانت فائثة السرعة ما جعل الجناح الايسر فارغا فما ادراك لو ان المنتخب لعب الطريقة الهجومية
1- اسباب الخسارة في رايي : حسب ما شاهدت لقد كانت التغييرا من طرف الناخب ليست في محلا خصوصا باشراك مدحي لحسن الاكثر من سيئ فقد كان مردود وسط الميدان جيدا بقيادة كارل و بن طالب وكذا تايدر الا ان ادخال لحسن فتح تلك المنطقة ما اعطى حرية كبيرة للبلجيكين الذين استطاعو التحرك وكذلك كان المفروض ان يدخل الناخب احد اللاعبين جابو او براهيمي الذان لديهما القدرة على المراوغة والتوغل في الاطراف من اجل تقديم العرضيات ل المهاجم سليماني كما ان ادخال سليماني في رايي غير معقول فكيف لك ان تلعب على الاعرضيات مع دفاع فارع الطول يضم فان بايتن وكذلك كومباني الذان يجيدان لعب الكرات الهوائية كما لاحظنا ان اللاعب لم يقدم اي اضافة ولو حتى بمنظومة تكتيكية صحيحة وبالمقابل فان التراجع المبالغ فيه في الشوط كان احد اسباب الضعف ولكن المهم ان المنتخب ادى ما عليه افرحونا في شوط وبارك الله فيه
2- لا يجب علينا ان نذم المنتخب مستواهم اعلى بكثير وسنرى ان شاء الله اداءهم في المباريتين المتبقيتين سيكون احسن باذن الله
3- ان كنت مشجعا حقيقيا فساند المنتخب رابحا او خاسرا واما ف لا فالبلجيكيون رغم ان منتخبهم كان متاخرا في الشوط الاول الا اننا شاهدنا جماهيرهم تضحك وتبتسم وتعقد الامل عليه حتى حققو المطلوب وكذلك المفروض ان يكون المثل من جانبنا ان شاء الله ينفوز في المباريتين المتبقيتين اداءا ونتيجة وسيكون الفوز باذن الله
123 فيفا لالجيري ;)

[ريحانتي]

صحيح نبقى يحبو المنتخب رايحين و لا خاسؤين

بصح يا خويا فريق 90 دقيقة و هو فالدفاع بزاف كان باين راح يسجلو علينا
تراجعنا بزاف المدافعين تاوعنا فشلو يا خويا تحطمو
كان المفروض يدخل براهيمي و لحسن و غيلاس من بداية الشوط الثاني
المدرب هو لي خسرنا المباراة يخطة الدجاجة

1 2 3 فيفا لالجيري

[(( ضياء الدين ))]

الخطة سليمة اخي الا ان التبديلات كانت خاطئة خصوصا بادخال لحسن مازال الامل :)

[isra 23]

عندك الحق
نظن تاني بلي مطصفي مهدي كان غايب و الي كان مغطيه هم فاغولي و المشكل انو نسا بلاستو صح مصطفى مهدي فالشوط الاول دار مقابل لاباس بيها مي فالشوك 2 تعب
دخول سليماني كان خالط خاطر هو ثقيل فاللعب و اللاعبين تع البلجيك رابيد بزاف
خروج كارل مجاني كان غالط خاطر كان ههو لي يغطي بوقرة كي يطلع لللاتاك
ممكن اذا دخل براهيمي ولا جابو كان تكون النتيجة غير هذه والله اعلم

[(( ضياء الدين ))]

>معك حق اخراج مجاني ليس في محله و سليماني لاعب ( متواضع )

[isra 23]

صحيح نبقى يحبو المنتخب رايحين و لا خاسؤين

بصح يا خويا فريق 90 دقيقة و هو فالدفاع بزاف كان باين راح يسجلو علينا
تراجعنا بزاف المدافعين تاوعنا فشلو يا خويا تحطمو
كان المفروض يدخل براهيمي و لحسن و غيلاس من بداية الشوط الثاني
المدرب هو لي خسرنا المباراة يخطة الدجاجة

1 2 3 فيفا لالجيري


لا لا الخط كانت سليمة تحب تعلب بخط هجومية مع البلجيك و الله تخرج ب 10-0 كي والو سيرتو الدفاع تاعنا ناقص
و بدليل انو فالشوط 1 كي لعبنا اللور مامركاوش و كي حلينا شويا لا ديفونس ف الشوط ال2 مركاو 2 و الحمد الله الي ماحليناش اللعب من الاول تع الشوط الثاني سينو مصيبة

حنا نتمناو انو نحدثو الفارق مع الروس و كوريا سيرتو انو الروس عندهم مدرب مليح مي اللاعبين تاعهم ماشي خير من تعنا

و في الاخير الي فات مات و 3.2.1 فيف لالجيري توجور رابحين و لا خاسرين

[isra 23]

>معك حق اخراج مجاني ليس في محله و سليماني لاعب ( متواضع )

هو الحاجة لي مليحة فيه انو يتبع البالون مي ديما لازملو واحد يخطيه و يكون رابيد كيما محرز و سوداني وشفنا مين يلعبو مع بعضاهم يديرو حالة و غيلاس تاني الي قادر يحل لا ديفونس تع المنافس بجسمو و بالسرعة تاني

مجاني كي خرج خلط كبير خاطر هو مدافع و ينجم يلعب فالميليو و جسمو يخليه يدير بريسينغ على المنافس و ما يخليهش يكرز فاللعب و يولي المنافس يرمي فالبالون بلا تركيز نجمو نقول انو يكسر اللعب

انا انثى ولست ذكر

هذا مارايت والله اعلم و لا ننكر ان سليماني لا عب جيد و لكن ليس في مباريات كهذه

[(( ضياء الدين ))]

ههههههه انثى ولكن لسانك سليم لديك خبرة لا باس بها اما فيما يخص الموضوع فكرة القدم اليوم تعتمد على السرعة ادخال لاعبين يجيدون المرتدات هو اساس الفوز

[isra 23]

ههههههه انثى ولكن لسانك سليم لديك خبرة لا باس بها اما فيما يخص الموضوع فكرة القدم اليوم تعتمد على السرعة ادخال لاعبين يجيدون المرتدات هو اساس الفوز

اقول فقط ما اراها و ان لم اقل ذلك اكون قد ظلمت احدهم

اكيــــــــــــــــــــــــــــــــــد السرعة اساس الفوز مع الخطة دفاعية طبعا خاصة في مبارة مع منتخب مثل بلجيكا لا ننكر انه منتخب كبير و لا عبوه كبار ايضا يعني لازم لاعبين عندهم السرعة كيما قلت انت كيما براهيمي يعني نجمو نحطوه ف الدرجة تانية صح هو سريع مي يميل اكثر للهجوم يعني يكون مفيد لينا مع روسيا و سيرتو مع كوريا ج الي يلعب ياسر على السرعة و الياقة البدنية ( هذا التعليق تع تبديلات المدرب)

الخطة الي دخل بيها حاليلوزيتش فالشوط ال1كانت فالمستوى مي التبديلات كانت خالطة
من رأي كون دخل في بلاسة مصطفى عيسى ماندي و خلى كارل مجاني
ممكن كون مادخلش سليمان واكتفى بغيلاس و لقى بلاسة لبراهيمي يعني غيلاس رابيد وبراهيمي تاني كانا قدرين نمركيو بهجمة مرتدة كي خرج محزر كان عندو الحق خاطر عيا براف بن طالب و حليش وبوقرة و غلام و مبولحي كانوا فالمستوى و مجاني تاني لعب في اكثر من بوست واحد مممممممـ تايدر خدم بزاف و كان فالمستوى تاني فاغولي لعب فالدفاع اكثر وسيرتو بن طالب كان بزاف فور هذا رايي الخاص
والله اعلم

[لوجين]

سعدان الجزء الثاني......... 11 دفاع
أول لاعب في التاريخ يدير كونترا تاك على الفريق تاعوا
مهدي مصطفي كارثه بكل المقاييس
فاغولي سجل هدف ومازدناش شفناه
سوداني معزول + هو خارج مجال التغطية
تغييرات حاليلوا كارثية رغم أنوا ما يتحملش مسؤولية اللاعبي في وقت الصح دائما يخيوه
حليش + بوقرة + مبولحي كثر خيرهم كون ما هم النتيجة كانت تكون أثقل
والتبرير دائما واحد .... معندناش خبرة.... لا عبين صغار ........... وقتاه يكون عندهم خبرة ..... التاهل والفوز بالمباريات الودية ماعندوا حتلى معنى وفي وقت الصح م كان والوا.......كأس العالم 2010و كأس إفريقيا و كأس العالم 2014 نفس السيناريوا ونفس الشيءراح نشفوه في كأس إفريقيا 2015
1.2.3
VIVA L'algerie
الجزائر أكبر من مباراة كرة قدم

[كلمة و ابتسامة]

# quoi qu'il passe on reste unis victoire ou défaite ... allez les verts
malgrés galbi wja3ni — optimiste.

[isra 23]

سعدان الجزء الثاني......... 11 دفاع
أول لاعب في التاريخ يدير كونترا تاك على الفريق تاعوا
مهدي مصطفي كارثه بكل المقاييس
فاغولي سجل هدف ومازدناش شفناه
سوداني معزول + هو خارج مجال التغطية
تغييرات حاليلوا كارثية رغم أنوا ما يتحملش مسؤولية اللاعبي في وقت الصح دائما يخيوه
حليش + بوقرة + مبولحي كثر خيرهم كون ما هم النتيجة كانت تكون أثقل
والتبرير دائما واحد .... معندناش خبرة.... لا عبين صغار ........... وقتاه يكون عندهم خبرة ..... التاهل والفوز بالمباريات الودية ماعندوا حتلى معنى وفي وقت الصح م كان والوا.......كأس العالم 2010و كأس إفريقيا و كأس العالم 2014 نفس السيناريوا ونفس الشيءراح نشفوه في كأس إفريقيا 2015
1.2.3
viva l'algerie
الجزائر أكبر من مباراة كرة قدم

انا نظن انو مهدى مصطفى دار مباراة لاباس بيها فالاول مبعد عيا و الي كان مغطيه هو فاغولي على هاديك ما شفناهش
سوداني كان يكسر اللعب ساعات سيرتو كي تطلع البالون عندهم كان يدير عليهم بريسنغ
من رايي ان الخطا هو الخطا و لا يوجد تبرير له الا اصلاحه في المرات القادمة و الفوز فالمبارايات الودية يعطي دافع لللاعبين و انسجام و للاعبين يتعرفوا على االطريق لعب كل واحد منهم بالاضافة انو المباريات الودية خلاتنا فالمرتبة 22 عالميا الاولى عربيا و افريقيا
بالنسبة لكاس افريقيا نقولك تفائلوا خيرا تجدوه ليست مقولتي وانما هي حديثه صلى الله عليه و سلم

نتمني ان نكون محاييدين اكثر نحكم على ما نراه و ما تمييزه عقولنا لا قلوبنا

و شكرا

[ريحانتي]

يا ختي اسرا مشي نحلو الدفاع كان المفروض نزيرو وسط الميدان نخفو شوية الضغظ على الدفاع مايقدرش اي مدافع فالعالم يشد 90 دقيقة و الفريق الثاني طايح عليه فالهجوم

[لوجين]

انا نظن انو مهدى مصطفى دار مباراة لاباس بيها فالاول مبعد عيا و الي كان مغطيه هو فاغولي على هاديك ما شفناهش
سوداني كان يكسر اللعب ساعات سيرتو كي تطلع البالون عندهم كان يدير عليهم بريسنغ
من رايي ان الخطا هو الخطا و لا يوجد تبرير له الا اصلاحه في المرات القادمة و الفوز فالمبارايات الودية يعطي دافع لللاعبين و انسجام و للاعبين يتعرفوا على االطريق لعب كل واحد منهم بالاضافة انو المباريات الودية خلاتنا فالمرتبة 22 عالميا الاولى عربيا و افريقيا
بالنسبة لكاس افريقيا نقولك تفائلوا خيرا تجدوه ليست مقولتي وانما هي حديثه صلى الله عليه و سلم

نتمني ان نكون محاييدين اكثر نحكم على ما نراه و ما تمييزه عقولنا لا قلوبنا

و شكرا
لي قلتوا هو الواقع لي نهربوا منوا المرتبة 22 ما عندها حتى معنى إذا كانوا في وقت الصح ما يربحوش
وأنا نتمنى يصححوا الأخطاء ويربحوا ونرحوا لكأس إفريقيا ونديوها وكل شيء
الواقع شيء آخر إذا في كل مرة نحوسا على تبرير لشيء الذي لا يبرر عمرنا ما راح نتقدموا

[raoufnina]

123 فيفا لالجيري

[اغادير]

نقولكم منتخبنا ونعرفوه................... ديما وقت الجد راااااااااااااااااااااااااااااقد كهو كالمدرب

[isra 23]

لي قلتوا هو الواقع لي نهربوا منوا المرتبة 22 ما عندها حتى معنى إذا كانوا في وقت الصح ما يربحوش
وأنا نتمنى يصححوا الأخطاء ويربحوا ونرحوا لكأس إفريقيا ونديوها وكل شيء
الواقع شيء آخر إذا في كل مرة نحوسا على تبرير لشيء الذي لا يبرر عمرنا ما راح نتقدموا

انا مكنتش نبرر انا قلت واش شفتو مي المباريات الودية كانو مهمين كيما قتلك و ما دابينا ندوا كاس افريقيا وما دابينا نطلعو للدوزيام تور ان شاءالله

[(( ضياء الدين ))]

ان شاء الله الاداء احسن في المباريات المقبلة