مشكلة ازعجتني

[nilly]

مشكلة ازعجتني بزاف كل يوم تزعجني كثر هي مشكلة شيخي اب زوجي

هو انسان مليح بصح خفيف بزاف . كل يوم يعيرني عجوزة ولا ميقولش اسمي نوضي يا لعجوزة اقعدي يالعجوزة .المشكل انو انا منقدرش ندير الخمار في الدار كلما ندير الخمار يجي شيخي ينحيه ميخلنيش كامل نلبس خمار هو يكره الخمار ويعيرني كي يشوفني بيه يقولي لازم تشكرني كي نحيلك الخمار وليتي عجوزة بيه ويبدا يستفزني ويضحك علي

شحال من مرة بينتلو بلي الخمار فالدين واجب بصح هو ميحبش يسمع ويبدا يضحك يالعجوزة ياماما
وملي لبست الجلباب ولى كتر يعيرني حتى في المرة الاخيرة قال لمرتو كي نروحو البحر منكريوش خيمة عندنا خيمة فدار ندويها معنا هو يقصد الجلباب .وواحد المرة قالي لوكان نشد زلاميت نشعله في الجلباب نتاعك علبالك دقيقة واحدة راح تشعل كامل فيك وراني نبدا نتخيل كيفاه تحرقي .
حتى عجوزتي متحبش الجلباب بصح هي متعيرنيش كيما شيخي.
المزح نتاعو ولا ثقيل بصح انا منقدرش نخسرلو الهدرة لانو كبير ونحترمه وثاني علبالي بلي حنين بصح تصرفات نتاعو خرجت عن الحدود
وراجلي كلما نقولو يقولي مدخلنيش فالوسط خليني على برا
وعجوزتي كلما نقولها تقولي عندو الحق راكي تباني انت لعجوزتي وانا الكنة ديالك

[إسـرآء كـوثــر]

لآ حول و لآ قوة إلآ بالله العلي العظيم


وآش نقولك أختي اصبري "ان الله مع الصابرين"

ربي يفرج عليك ان شاء الله
أختكـ

[نارينا]

ههههه فكرتيني يانيللي بقصة امرأة غير محجبة وابنتها المحجبة .............ماذا بعد الجلباب يانيللي ؟؟ المكوث في البيت ام لازال الوقت يادكتورة ....الن يتعارض جلبابك مع عملك وخاصة وان اختصاصك ليس ككل الاختصاصات...؟؟.........................
المهم لاتعيريه اهتماما فهو شيخ كبير .....اما مسألة لبس الخيمار أمامه ...أنا أعتقد أنه ليس واجبا فهو حماك ......على حد علمي

[nilly]

لآ حول و لآ قوة إلآ بالله العلي العظيم


وآش نقولك أختي اصبري "ان الله مع الصابرين"

ربي يفرج عليك ان شاء الله
أختكـ





شكرا اختي ادعيلي

[nilly]

ههههه فكرتيني يانيللي بقصة امرأة غير محجبة وابنتها المحجبة .............ماذا بعد الجلباب يانيللي ؟؟ المكوث في البيت ام لازال الوقت يادكتورة ....الن يتعارض جلبابك مع عملك وخاصة وان اختصاصك ليس ككل الاختصاصات...؟؟.........................
المهم لاتعيريه اهتماما فهو شيخ كبير .....اما مسألة لبس الخيمار أمامه ...أنا أعتقد أنه ليس واجبا فهو حماك ......على حد علمي

واش بيك نارينا ملي كنت 18 سنة وانا لابسة حجاب شرعي وزعما كاين الفرق بين الحجاب شرعي والجلباب؟
انا عندي مكنش برك الجلباب نحبه معلبليش علاه اما المكوث في البيت نقدر نتخلى عن العمل بصح تعرفيني نحب نخرج نحب نضحك نحب نفرح نحب ملدات الدنيا املا باه نتصور روحي ماكثة في الجدران الاربعة راح نهبل وتبقاي نتي زورني في دار المهابل ومتخلينش ويجبيلي بقلاوة نحبها بزاف

[loubna 91]

هل يجوز إظهار الشعر أمام والد الزوج؟
وجزاكم الله خيراً...

الإجابــة
الحمد لله والصلاة والسلام على رسول الله وعلى آله وصحبه أما بعد:

فإن والد الزوج من المحارم الذين يجوز للمرأة أن تظهر زينتها أمامهم إذا أمنت الفتنة لقوله تعالى: وَلا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنّ [النور: 31].
والله أعلم.

[loubna 91]

والد الزوج محرم لزوجة ابنه
هل يجوز لزوجتي أن تصافح والدي ؟.

الحمد لله
نعم، يجوز ذلك ، لأن الرجل إذا عقد على امرأة حَرُمَ عليها أبوه ، وابنه من غيرها ، وحَرُمَ عليه أمها ، وابنتها من غيره .
وهذا يسمى التحريم بالمصاهرة .
ودليل تحريم والد الزوج على زوجة ابنه قوله تعالى في ذكر المحرّمات من النساء : ( وَحَلائِلُ أَبْنَائِكُمُ الَّذِينَ مِنْ أَصْلابِكُمْ ) النساء /23
فحليلة الابن وهي الزوجة حرام على والد زوجها

[نارينا]

واش بيك نارينا ملي كنت 18 سنة وانا لابسة حجاب شرعي وزعما كاين الفرق بين الحجاب شرعي والجلباب؟
انا عندي مكنش برك الجلباب نحبه معلبليش علاه اما المكوث في البيت نقدر نتخلى عن العمل بصح تعرفيني نحب نخرج نحب نضحك نحب نفرح نحب ملدات الدنيا املا باه نتصور روحي ماكثة في الجدران الاربعة راح نهبل وتبقاي نتي زورني في دار المهابل ومتخلينش ويجبيلي بقلاوة نحبها بزاف

ههههههه لا لا نيللي بعيد الشر عليك من الهبال انا اصلا ماللي شفتك كثيرة الدخول الى هنا عرفتك انسانة طيبة وصالحة .....اصلا اللي يحبوا تضياع الوقت معندهمش وقت لهكذا اماكن ...........منجيكش لسبيطار حنونة .....نجيك للدار خير ...بارك الله فيك يانيللي واصبري مدامك على الحق

[loubna 91]

انا درتلك الفتوى هدي في حال كان شيخك برك كاين بصح لو كاينين خوتو عندك الحق تحطو

[nilly]

انا درتلك الفتوى هدي في حال كان شيخك برك كاين بصح لو كاينين خوتو عندك الحق تحطو

لا لا عندو اخ واحد بصح مات صافي مكاين غير شيخي برك بصح اختي كاين ليقول بلي حرام

[إكليل]

ربي يكون معاك أختي نيللي رديهاله بضحكة و ما تلقيش روحك خلاص .و ثاني شيء أختي إذا كان أولاده غير موجودين معاك في البيت فأبو زوجك محرم بالنسبة ليك و أعتقد أن مجرد لباس محتشم كافي يعني ما تكوني مغطية و لا معرية .

و ربي يجازيك على صبرك

[nilly]

ههههههه لا لا نيللي بعيد الشر عليك من الهبال انا اصلا ماللي شفتك كثيرة الدخول الى هنا عرفتك انسانة طيبة وصالحة .....اصلا اللي يحبوا تضياع الوقت معندهمش وقت لهكذا اماكن ...........منجيكش لسبيطار حنونة .....نجيك للدار خير ...بارك الله فيك يانيللي واصبري مدامك على الحق

شكرا نارينا بصح صح صح حابة نزوجك لخويا باه تكوني قريبة علي وهكدا راح نهبلك شوي انتي بزاف عاقلة

[إكليل]

لا لا عندو اخ واحد بصح مات صافي مكاين غير شيخي برك بصح اختي كاين ليقول بلي حرام


هذه أيات الحجاب أختي

(وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىٰ عَوْرَاتِ النِّسَاءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ ۚ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ)


و هذا رابط تفسير الأيات
http://www.alro7.net/ayaq.php?aya=31&sourid=24

[loubna 91]

لا لا عندو اخ واحد بصح مات صافي مكاين غير شيخي برك بصح اختي كاين ليقول بلي حرام
اني عطيتك دليل من القران كانش دليل كتر من هدا

[تراتيـل صبــح]

السلام عليكم ورحمة الله وبركاته
لا حل لكِ أختي سوى الصبر والتحمل
فمهما كان هو أب زوجك وأيضاً انسان كبير في السن
لكن الحل الذي سأقدمه لك سيبدو غريباً لكن جربيه إن شئتِ
حين يعايركِ أب زوجك ويقول لكِ تبدين عجوزاً
لا تنزعجي بل ابتسمي وقولي له: شفت عمي ولا عمري 60 سنة واضحكي
ولو قال عن جلبابك خيمة لا تنزعجي أيضاً -حتى لو كنتِ في قمة الغضب -
وقولي له: ههه ايه خيمة من النوع الرفيع :)
جربي مرة واثنين وسترين أنه حين يلاحظ عدم غضبكِ سيتوقف
-هذا حسب نظرتي للأمور-
هو ما يريده أن تنزعجي ومع كل مرة يزعجك فيها حتى تستسلمي وتفعلي ما يريدون
أنتِ على حق فاثبتي عليه
وخذي والد زوجك على قد عقله
جربي وأخبرينا بالنتيجة.
موفقة.

[نارينا]

شكرا نارينا بصح صح صح حابة نزوجك لخويا باه تكوني قريبة علي وهكدا راح نهبلك شوي انتي بزاف عاقلة

شكلرا يانيلللي على حسن الظن عزيزتي بارك الله فيك وربي يخلي الناس كل يهدروا عليك بالخير يارب ........عاقلة جبتيها صح يانيللي هكا يقولوا الناس بصح شوفي ربي واش يقول :):rolleyes:

[khawla.ch]

لا اله الا الله محمد رسوووووول الله ...نورمالموا يفتخر بيك على خااطر تصوني في عرضوا و تشرفيه قدام الناس و هو ....استغفر الله ربي يجازيك كل خير اختي.....

[مريم الصابرة]

السلام عليكم اختي نيللي
إنت شيخك يقولها بنية ومزح ولو صح يكره الجلباب وربي يهديه لكن الاكيد مش قصدو يعايرك فقط حتى إنت تتقلقي وتغيري من نفسك واكيد هو يخمم في وليدو يقولك عجوزة حتى أنت تتنتبهي وفقط ولو راكي ماشية صح الخمار فالدار لازم وواجب لا استطيع تخيل نفسي بدونه فالبيت الفته جدا ولا اقوى على نزعه امام من يدخل بيتنا لهذا اقنعيهم انك مرتاحة فالجلباب والخمار وزوجك معه حق لا تدخليه بينيك وبين والده تكلمي أنت مع حماك فهميه وإلا تحملي وخليه عادي لو لما يقولهالك زعفي لكن دون ردة فعل وبالشوي يفيق إنو رجع يقلقك ماراحش يعاودها
ربي يهديه راجل كبير ووالد زوجك واش راحا تقوليلو ولو كان لازم عليه يفرح
بارك الله فيك

[samirabahi]

اصبري اختي عندي جدي والله غير كيف مراكي تقولي والله هادا حال الكبر يليقلك تساعفيه ماعليش دري كلي ماسمعتي والوا

[ايهان]

اصبري اختاه وكان الله في عونك

[أم معاذ أم معاذ]

أختي راكي غالطة في الحكم
شيخك من المحارم الدائمين
يعني كيما باباك
أمام غير المحارم ديري خمارك
و إدا استهزاؤو أيضا كي تعودي كاين غير المحارم ماتخليهش أولا ينحيلك خمارك أمامهم
و كي يمزح معاك ردي عليه بإبتسامة و قولو وش خصهم العجايز

[bouchra hakerz]

لا لا عندو اخ واحد بصح مات صافي مكاين غير شيخي برك بصح اختي كاين ليقول بلي حرام
ما يلزمش الواحد يبالغ في دينو باباه راهو كيما باباك خلاص نقولو حرام قدامو تديري الخمار واش معناها معناها يجوزلك للزواج؟ الله يهديك اختي راه كيما باباك لي يجوز للمراة في الزواج هو لي تتحجب قدامو