Tartelettes الوردة

[fatimazahra09]

السلام عليكم ..... ومن الورد ماناش خارجين ......ههههه...... ربي يدومها .
http://www.up.djelfa.info/uploads/140276575598981.jpg

عندي وصفة جميلة لحلوة سميتها تارتولات الوردة ....ساهلة وغير مكلفة نوعا ما ....تحب الاتقان برك مع شوية صبر مارايحينش تندمو عليها ... جيكم معسلة وطرية ودوقها رائع .....و اول وهلة كي تشوفوها تطنو انها مزينة برقـــــائق اللوز.....
مقاديرها :
عجينة التارتولات :
ديري 250 غ زبدة طرية تظربيها بالخلاط الكهربائي مليح مع 125 غ سكر ناعم حتى تولي قريب بيضاء اللون عاد ضيفيلها 3 صفار بيض ( البياض خبيه في كيس بلاستيكي ديريه في الكونجيلاتور و مركي بالفوتر عليه رقم 3 هاكدا كي تبغي ديري مرانغ وحدهم للاطفال ماعليك غير تجبديهم من قبل وديري لكل 1 بيض 1 م سكر عادي كبيرة و ضربي بالخلاط وزيدي 1 م ك مايزينا و الملون بودرة من الاحسن لا درتيه ديريه في الاول مع البيض قبل مع يطلع اما السائل تقدري ديريه في المرحلة الاخيرة كي يطلع طبعا مع الدوق لي تبغيه وعمريها في لابوش ادوي وعملي خطوط طوال على ورق الزبدة و لا وريدات ودخليهم يطيبو في فرن متوسط كي تشوفيهم حمارو من تحت نحيهم و خليهم يبردو ... مالازمش يتلونو من فوق و خليهم يبردو و رايحين ينشفو....و ييبس السطح نتاعهم و اكيد ولادكم رايحين يموتو عليهم .هههههه..... هانا خرجنا كامل من الموضوع ..لكن ماعليش ماتسالوني والو لا بياض بيضة لا زوج ...ههههههه)
بالوحدة ترمي في الخليط حتى تشوفيها ماكانش تزيدي الثانية ثم الثالثة ... وتزيديلها 1 م ص فاني نتاع الميزان... باش تبقى ريحتها خليها في الاخير و حبسي هنا بالخلاط وارواحي شمري على دريعتيك العزاز وابداي مع الفرينة غيـــــــر بالشوية وماتنسايش قرصة .... قرصة برك نتاع خميرة الحلوى ... ماشي باش تخمر وتنتفخ العجينة لكن باش جيك خفيفة وماشي مدكوكة و كملي بالفرينة حتى تحسيها عجينة قابلة للتشكيل ... ديريها في كيس بلاستيكي و بداي شكلي كرات بحجم لمول نتاع التارتولات لي عندك ومن الاحسن يكونومتوسطين و مدورين يجوك يهبلو كيما هادا لي في الصورة القطر نتاعه 4 سم و العرض 2 سم .... المهم ارفدي بيدك مباشرة من الكيس شوية بحجم حبة المشمش او اقل وشكلي كرات و ابسطيهم في لي مول مباشرة و اقرصيهم في الاسفل باش مايهبطوش في الطياب ... وماتخافيش ... مايبقاوش لي سيكاتريس من بعد ....هههههه
تحضير الحشو :
و تكوني من قبل وجدتي حشو... خلطي فيه زوج عبار نتاع الكوكاو مقلي اصفر برك مقدار 500غ مع عبر نتاع نواة كوكو 250غ....اطحنيهم مع بعض رايح ليدام نتاع نواة كوكو يتلق في الكوكاو ويجيك حشو طري وخفيف و يجي يبان كيما اللوز خاصة لا زتيلو معطرو ملون اللوز مارايحاش تفرا .....ههههه .....و بالطبع ديري الفاني 1 م ص و معطر وملون اللوز لي في الصورة هادا خرج جديد و كاين شحال من عطر ولون فيه ... هادا هايل ديري 1 م ص منو فقط .
و زيديلهم 1 عبر سكر قل اصبع و خلطي مليح بيدك وضيفي البيض بالوحدة ... ديري 1 بيضة كاملة و1صفار ... وشوفي لاكان تلمت ماتزيديش ... ولا خاصها لاكان دوبليتي المقادير زيدي 1 بيضة كاملة ...بالشوية لا يجرالك الحشو
تتفلطحلك الحبة ويخسر الديكور من فوق .....لازم يجي الحشو شاد روحو وماشي يابس وماشي يسيل ....
هادي العقدة تصلح حتى لحلوة الدزيريات لي موحال تخدميها بكاوكاو وحدو صاريلها كي مقروط اللوز المسكر ... لانها رايحا جيك يابسة .... ديري نفس طريقة الحشو و لابات نتاع الدزيريات ديري هادي عجينة الديكور هي نفسها .....ننصحك برك خليهم يرتاحو قبل ما طيبيهم ..و التعسال كيف كيف ... وانشاء الله نديرلها موضوع وحدو و نوريلكم طريقة تزيين مختلفة ... انشاء الله ...المهم نرجعو نكملو.... شكلي كريات بحجم حبة الجوز و حطي فوق كل عجينة حليتيها في المول نتاع التارتولات كرة وحدة و اضغطي شوية قيس ما تابلاتيها برك .....

عجينة الديكور :
ديري عجينة بـ 300 غ فرينة و حطي في وسطها 75 غ زبدة دايبة و شوية فاني وحكي مليح بيدك ولميها بماء الزهر حتى تولي عجينة متماسكة ....ديريها في كيس تريح 5 د .
وحليها في ماشينة البقلاوة رقم 6 قطعي دوائر صغار بأي حاجة تقطعلك ولا ماكانش تقدري تستعملي بوشون قارورة المسك .......( الله يطيب روايحنا بريحوانشاء الله)
و ارفدي كل دائرة و حطي السكين مقلوب في وسطها تماما بحيث تثنيها على زوج بلا ما تقطعيها وتحطيها مباشرة في حاشية الحبة و انتي حاملة دايما السكين بشكل مائل وكملي واحدة امام اختها و حاولي كي تحطيهم دخليهم شوية بالسكين وفتحي الثنية و كي تكملي عاودي شوفي مليح وافتحي باقي الدوائر لي تغلقو.
هنا في هادي المرحلة لاكان نشفلك سطح الحشو حطي صباعك في بياض البيض ومشي على كامل السطح و لااستعملتي البانسو ما ترفديش بالحفاني .......حق ما يلصقو الوريدات برك و اقسمي حبة كرز حمراء او خضراء وننصحك لا درتي كمية كبيرة من هادي الحلوة خلطي الاتنين .......قلت اقسميها على اثنين و حطيها في الوسط و اظغطي عليها شوية ..
http://www.up.djelfa.info/uploads/140276586396541.jpg
http://www.up.djelfa.info/uploads/140276601639171.jpg
http://www.up.djelfa.info/uploads/140276597090651.jpg
http://www.up.djelfa.info/uploads/140276605340141.jpg
http://www.up.djelfa.info/uploads/140276608538581.jpg
http://www.up.djelfa.info/uploads/140276612134821.jpg
خليهم يريحو على الاقل 7 ساعات و من الافضل اخدمي حلوتك في الحشية و خليها تبات باش يبقى الشكل نتاعها على حالو .. وفي الصباح دخليهم يطيبو 180درجة في فرن محمى مسبقا ....حتى تشوفي لابات نتاع التارتولات خدات لون دهبي فاتح والوريدات كدالك يكون لونهم دهبي قليلا من فوق نحيهم مالازمش يحمارو ...
خرجيهم تكوني موجدة من قبل العسل نتاعك : ديريه بشاربات : حطي فيها كيلة سكر وكيلة و نصف ماء على ناراحسبيلهم من بداية الغليان 10د او ملي تحطيهم فوق النار 15 د كي طيب طفي عليها و ديري كيلة منها ضيفيلـــــــــها 1 م ص عطرماء الزهر مع كيلة عسل نات مافيه والو...خلطيهم مليح ... وعسلي الحلوة نتاعك مباشرة و من الاحسن غير يخرجو ويبردو 5 د ابداي نحي وعسلي( ويكون خليط العسل والشاربات بارد طبعا ) وحطي في كسكاس يقطرو ....
ديريهم في لي كيسات نتاع الدونتال وزيديلهم لــكيسات على حساب دوقك انا نستعمل بزاف البيض ......نحب نخدم بيهم لان كل نوع نتاع حلوة ديريها فيها تبان بشكل رائع ... راهم كاين نتاع المادلان يجو كبار ...خاطي هوما ...هادو صغار عليهم ....المهم دري شوية باييت اليمونتار فضية او دهبية فوق نصف حبة الكرز المجففة .......ويبقى دايما الاختيار ليك ..وكيما يقولو
....المهم تكون عجبكم الوصفة انشاء اللهLes gouts et les couleurs ne ce discute pas
...... و بصحتكم و انشاء الله تستغلو هادي الانواع لقدمتها مأخرا في حفلات نجاح ولادكم انشاء الله واعراسكم وختاينكم و اعيادكم وكامل افراحكم ....يا رب دومها فرحة .......انشاء الله.........وكلشي مبروك ...
ماتنساونيش في دعوة نتاع خير من القللللللللللللللللللللب عندي تسوا الدنيا وما فيها .........سلامي الحار.

[sissou nrdn]

يعطيك الصحة جاك هايل شهيتيني

[Maria dadi]

يعطيك الف عافية

[.1....2....1.]

ما شاااااااااء الله حلوى توووب وجديدة ومتميزة يسلموووووووووووووووووو حبيبتي

[fatimazahra09]

يعطيك الصحة جاك هايل شهيتيني

جربيه ورايح يعجبك ويعجب ضيافك انشاء الله
شكرا حبيبتي

[fatimazahra09]

يعطيك الف عافية

الله يسلمك حبيبتي
حتى نتي ياتيك الصحة :mh31:

[fatimazahra09]

ما شاااااااااء الله حلوى توووب وجديدة ومتميزة يسلموووووووووووووووووو حبيبتي

ام يسرا غاليتي ..... شكرا على التقييم الشخصي ...
نوع من الحلوة حقيقة قديمة عندي .... و الله و باءذن الله .... نعاود نراجع كل ارشيفاتي و نحاول نحط قدر المستطاع من الوصفات وساعة على ساعة راني نحط الجديد .....:D:D:D:D:D:D:D
عندي مشكل مع الصور
كن راني كل يوم نحط زوج ........لكن كل حاجة بوقتها الله يقدرنا انشاء الله
سلام:mh31::mh31::mh31::mh31::mh31::mh31::mh31::mh3 1::mh31::mh31::mh31:

[سهومةج]

الللللللللللللللللللللللله ايبارك
والله صباح قلت لاختي فاطمة الزهراء ما حطت والو اليوم
راني كل يوم نستنى جديدك واصلييييييييييييييييييي روعة والله روعة
ربي يعطيك ما تتمناي و يفتح ربي في وجهك كل بيبان الخير و يعلي شانك ف الدنيا و الاخرة
نحسك ناس ملااااااااااااااااااح بزاف والله نحبك بلا ما نعرفك شكرا ع الوصفة تهببببببببببببببببل

[scorpionoir1982]

تححححححححححححححفة ربي يحفظك

[oumibni]

يعطيك صحة ،

[bella12]

يعطيييييييييييييك الصحة انا لعشية خلطت درت ك و ك ي ز و مبعد نحط كيفاااه جااني

[ikhlasse25]

ما شاء الله عليك اختي اكيد ندعيولك من القلب
لانك كل ما تقدميه راه من قلبك الصافي النقي
ربي يبشرك بالجنة يا رب

[fatimazahra09]

الللللللللللللللللللللللله ايبارك
والله صباح قلت لاختي فاطمة الزهراء ما حطت والو اليوم
راني كل يوم نستنى جديدك واصلييييييييييييييييييي روعة والله روعة
ربي يعطيك ما تتمناي و يفتح ربي في وجهك كل بيبان الخير و يعلي شانك ف الدنيا و الاخرة
نحسك ناس ملااااااااااااااااااح بزاف والله نحبك بلا ما نعرفك شكرا ع الوصفة تهببببببببببببببببل

سهومة حبيبتي :1::1::1::1::1::1::1::1::1:

يحبك ربي والنبي يا اختي
المحبة في الله مليحة بزاف بزاف
انشاء الله نكون عند حسن ظنك وظن كل المشاركات في هاد المنتدى
وانشاء الله دعواتك تلحق ... محتاجة ليها كتير .......
سلام

[fatimazahra09]

ما شاء الله عليك اختي اكيد ندعيولك من القلب
لانك كل ما تقدميه راه من قلبك الصافي النقي
ربي يبشرك بالجنة يا رب

ياتيك الصحة حبيبتي ....حابة نوصل كل فكرة عندي صحيحة و مانخليش فكرة صنع الحلوة حاجة خاصة بالمحترفين فقط
كل وحدة عندها فكرها وخيالها الواسع وخاصة ارادتها لي توصلها وين راهي باغية
وانا باغية دعوة خير فقط
وراهي لحقتني
الله يسترك ويحفظك ورمضان مبارك مسبقا :mh31::mh31::mh31::mh31:

[fatimazahra09]

تححححححححححححححفة ربي يحفظك

انشاء الله تجربيه ونقولك انا تحفة
الله يحفظك :mh31::mh31::mh31::mh31::mh31:

[fatimazahra09]

يعطيييييييييييييك الصحة انا لعشية خلطت درت ك و ك ي ز و مبعد نحط كيفاااه جااني

حكمت الاخيرة ........ومنبعد نحط كيفاه جاني .... فهمت انك رايحا جربيه
فرحت بزاف و نستنى الصور انشاء الله:1::1::1::1::1::1::1::1::1::1:

[fatimazahra09]

يعطيك صحة ،

ياتيك الصحة حتى نتي :mh31::mh31::mh31::mh31::mh31::mh31:

[lalmi12]

ماشاء الله ربي يخليلك يديك

[fatimazahra09]

[QUOTE=lalmi12;1056690407]ماشاء الله ربي يخليلك يديك[/QUOT
انشاءالله حبيبتي :mh31::mh31::mh31:

[islam1aya]

روووووووووووووووووووووووووعة هايلين

[MINA-NINA16]

امممممم يعطيك الصحة يشهو عدوك التارتولات راني ديت حبة بارك الله فيك جعلها الله في ميزان حسناتك

[لميس اميرة]

يعطيك الف صحة اختى

يعجبوني مواضيعك و مشاركاتك باين عليك حرة لحراير اللهم بارك

فيانتظار مزيد من الابداع

[crono]

ما شاااااااااء الله يسلموووووووووووووووووو حبيبتي

[fatimazahra09]

روووووووووووووووووووووووووعة هايلين
انتي لي روعة
بارك الله فيك :mh31::mh31::mh31::mh31::mh31::mh31:

[fatimazahra09]

ما شاااااااااء الله يسلموووووووووووووووووو حبيبتي


الله يبارك في عمرك
يشرفني كتير زيارتكم لصفحاتي
و شرف كبير ليا
نشكركم على تشجيعكم
سلامي الحار ليكم :mh31::mh31::mh31::mh31::mh31::mh31::mh31::mh31:

[fatimazahra09]

امممممم يعطيك الصحة يشهو عدوك التارتولات راني ديت حبة بارك الله فيك جعلها الله في ميزان حسناتك

ادي كامل البلاتو
ماشي خسارة فيك
شكرا عى التعليق :mh31::mh31::mh31::mh31::mh31:

[ام حمزة22]

الله يبارك ماشاء الله

[fatimazahra09]

يعطيك الف صحة اختى

يعجبوني مواضيعك و مشاركاتك باين عليك حرة لحراير اللهم بارك

فيانتظار مزيد من الابداع

يا الزوالي والفحل
بارك الله فيك
انشاء الله نكون عند حسن ظنك وظن المشاركين
بارك الله فيك
سلام :mh31::mh31::mh31::mh31::mh31::mh31:

[fatimazahra09]

الله يبارك ماشاء الله

الله يبارك في عمرك اختي
الله يحفظك

[idron0]

يعطيك الصحة

[ichrak03]

444444444444444444444

[fatimazahra09]

444444444444444444444

merci bcp
c'est ters gentil :19::19::19::19::19::19:

[nanou blastro]

بارك الله فيك

[louli2007]

ya3tik sahha

[fatimazahra09]

بارك الله فيك

الله يبارك فيك ان شاء الله

[fatimazahra09]

ya3tik sahha

الله يسلمك اختي
بارك الله فيك

[ام كوكو]

يعطيك الصحة روعة

[idron0]

يعطيك الصحة

[LINA 97]

بارك الله فيك اختي

[ام سهام 02]

رررررررروعة يعطيك الصحة

[sandra didou]

شكراااااااااااااااااااااا

[zodiac47]

هايل أختي بصح العفسة تاع بوشون قرعة المسك بزاف أنا إذا صبرت على حبة راني مليحة تعيشي شوفيلي عفسة أخرى في بلاصتهم ... لوز إيفيلي ... لعجينة شكليها شريط و دوريه ... عفسة أخرى.:sdf:

[ريتاج العمر]

هاااااااااااااااااااااااااااااايل يعطيك الصحة اختي


44444444444444444444

[ام ندى 87]

يعطيك الصحه اختي وبارك الله فيكي شرحك نابع من قلب طيب هادا شيء واضح

[MAMISSA]

444444444444444444444444444444444444444

[leilaz]

الله يبارك تحفة تحفة ربي يعطيك ماتتمناي اختي

[اسمهان79]

راااااااااااااااااااائعة
الله عليكي عليها كنت نحوس
تسلم الايادي ويبارك فيك وفي صحتك حبيبتي

[ام فضيلة]

رووووووووووووووووووعة بمعنى الكلمة ربي يعطيك ماتتمنى ويفتحلك بيبان الخير

[أم محمد تاج]

رووووعة روووووووووووووووووعة تسلمي

[touta :)]

تحفةةةةةةةةةةةةة

[تقوى اماني]

4444444444444444444444444444

[fatimazahra09]

شكرا لكن اخواتي
بار ك الله فيكن وفي دعواتكن

[~رآقية بأخلآقي~]

راااااااائعة ما شاء الله

[عازفة الناي]

واااااااااااااااااااااااااااااو يهبل و رااااااااااائع

[فاتي 05]

مشكورهيييييييييييل حنون