مشكلة اجتماعية خاصة

[أميرة البستان]

سلام عليكم جمعة مباركة على الجميع
حابة نحيك حكايتي خاطاك كرهت بصح ديما نقول الحمدالله
انا صغيرة في دار وعمري 19 سنة مشكلتي مع أختي لكبيرة ديما حمدالله حنايا 4 في دار وماما وبابا ختي لتحت لكبيرة تزوجت وكانت بسبب اختي لكبيرة خاطاك ديما تعيط وعندي أخ واحد والواحد هو الله
ختي هادي ديما تحب تعايرني وتقلي يا حمارة وكي منجيبش مليح نقلهم ونصارحهم ديما لعياط في دار مع ماما وبابا وتوصل سعات لضرب وانا نجبد روحي خاطاك منحملش ونبكي تحت لفراش هادي ختي كما قلت ديما درلي مشاكل مع دارنا سيرتو ماما لقربة ليها بزاف انا بابا جامي حسيت بيه ولا حسيت عندي اب خاطاك ديما برى وهو سعات يجي سكران وهادا شي خلاني منحبوش منقلش نكرهو بصح منحبوش كما ماما مامانا هي كلشي هي لأب هي لجدة هي لعم .... كلش هي لحياة ودنيا بعد ربي سبحانو ماما ديما تروح لدزاير لأنو فاميلتها ثما مهم ختي هادي سامطة والله منكرها بصح سامطة الله غالب تحب تبين روحها ملاك قدام ناس وسيرتو قدام والديا وانا عادتي نسكت بصح خلاص حنطرطق وعلى هادا شي خلاني نكتب هنا هادو ليومين ماما في دزاير املا غير انا وياها في دار apar بابا وخويا ديما في لخدمة هي تروح تخدم صباح وكي تجي ديما تعيط وتلقى غير سبا ليوم صباح نضت نشرب قهوة وانا جامي نشربها بلا ماما من راحت ماما مناكل منشرب مليح مهم راسي وجعني قلتلها كاين قهوة سخونة قاتلي كاينى تشرب ودير خبز وزبدة متمسيش لحلوى قتلها انا منكلهاش مع صباح حلوى مشربتش لقهوة غاضتني لجاست لدارتها واحد ساعة رحت لفريكو جبت لحلوة نسخنا في ميكرو أوند جات قاتلي متشبعيش يا حمارة رجعت لحلوة وسمطتها من بعد انا نخمل في غرفة ديالي جاتني قاتلي ماما حتحبسك من لقرايا وتعودي خداما ههههههه تشفي وانا نقرى حمدالله طلعت للباك بصح معلباليش غير انا لتحبني نقعد في دار ويعروني ناس ونقلهم صراحة انا مع واحد 5 شهر وناويني صح لحلال قالي هادي ليامات نجي وجامي لحكيتلو على دارنا ولا ختي ديما نشكرها بصح اان تعبت ومليت ودمعة على عين غير تسل بلا والو نقعد نمشي نبكي تقولي حاجة غايضتني سعات نحب نعيط غير نسبب بصح نصلي ونقرى قرآن وتجي تقول اييييه زعما تقرى قرآن وهي دير حوايج وتكذب وراني علبالي بيها بكلش واش راهي دير بصح جااااااااااامي لرحت لمام ولا بابا وقلتلهم وهيا تكذب من ورى ضهري وتقول دارت ودارت بصح ديما نقول حسبنا الله ونعم الوكيييييييييييييييل أعطولي حل نقول لماما كلش علبالي بلي ماما تقول حبا تبين روحها خطرة خرجت من دار ومن بعد غير ماما بعتتلي ميساج قاتلي بنتي ارجعي راني نحبك ونخاف عليك رجعت وصمطت كلش
ساعدوني على وجه ربي مقدرتش نكتب في مشكلتي ومعلباليش علاه سااااااااااااااعدوني بلييييز وراني حابة هادا لراني معاه يجي ويخطبني في اسرع وقت
واسمحولي طولت وانا نكتب

[~~ أغيلاس ~~]

السلام عليكم؛

ادعي لأختك بالزوج الصالح،

و 19 سنة متخليهاش و متعوديهاش تعيّط عليك، المرة الجاية لو تحاول تعيّط عليك عيطي عليها و ارفعي صوتك قد ما تقدري حتى تركبيلها الخلعة في قلبها ههه، هذه تجربة ناجعة و يعيطولها الهجوم قبل الدفاع،

جربيها مرات و مرات،،،،، تبدا تعيط عليك و تهينك وقفيها عن حدها،،،،،،، السكوت في هذه الحالة ضعف،

متولفيهاش تهينك،

الانسان بكرامته،

الطفل الصغير و غير مسموح أن يصرخ في وجهه الكبار حتى لا تتأذى شخصيته فما بالك بشخص كبير،

فيما يخص راكي معا واحد و ناويكي للحلال قالوها قبل بزاف و صاروا في عداد الغارقين في الوحل،

توبي لربك و إذا كان يريد الخير اعطيلو عنوان المنزل،

لا تتساهلي في المنكر و الحرام و لا تغتري بكثرة الهالكين و الهالكات،

موفقة .

[أميرة البستان]

ربي يخليك ويجازيك خويا انا سعات نعيط ونقلها ربي يخرجها فيك وهي يجو يخطبوها وتتكبر ودكة ولات تحوس عليه وربي ميكتبش ولكان نعيط تروح لبابا وتقلو شوف طفلة مشي متربيا وراك عارف تزيد في لهدرة ويجو ويعيطو عليا

[نورسين.داية]

السلام عليكم

مشكلتكي عزيزتي قضية قوة شخصية بمعنى أنك انتي صاحبة الحل .....يعني لا تتركي للغير أن يتطاول عليك ....و حقك ...لازم تديه بكل مستحقاته ....
و الصمت و عدم الرد هو الذي يترك للغير إنطباع أنك سهلة المنال ......

عزيزتي لا تعتقدي أن الزواج مهرب .....فمشكلتك بسيطة بالمقارنة مع واقعنا المعاش ......
وفقكي الله

[أميرة البستان]

السلام عليكم

مشكلتكي عزيزتي قضية قوة شخصية بمعنى أنك انتي صاحبة الحل .....يعني لا تتركي للغير أن يتطاول عليك ....و حقك ...لازم تديه بكل مستحقاته ....
و الصمت و عدم الرد هو الذي يترك للغير إنطباع أنك سهلة المنال ......

عزيزتي لا تعتقدي أن الزواج مهرب .....فمشكلتك بسيطة بالمقارنة مع واقعنا المعاش ......
وفقكي الله

مممممممممكن يا ختي نورسين.داية تمدلي طريقة باه نكون قوية في الشخصية

[سماحة الاسلام]

السلام عليكم
اخيتي العزيزة انصحك ان لا تدخلي في صراع مع اختك
لا تصرخي عليها بل اضحكي و قولي لها انت اختي حبيبتي
انت اكبر مني و تعرفين احسن مني و انا في حاجة لك
ارجوك لا تصرخي في وجهي و تكلمي معي بهدوء
انا ساستمع اليك و حاولي ان تكسبيها صديقة
و ان تستشيريها و تحكي لها همومك
ستتحول معاملة اختك معك بلا شك
في البداية سيكون الامر صعبا لكن تاكدي ستتحول
معاملتها السيئة الى حسنة و صراخها الى حنان
فقط بادري و لا تتركي الشيطان يدخل بينكما
و لا تعامليها بمثل معاملة الغرباء و رد الصراخ بالصراخ و الاذى بالاذى
و انت لست في حرب حتى تتصوري انها ستهزمك بل انت في بيتكم
و يجب عليك المحافظة على هدوءه و دوام روابط المحبة بين اهله
و اصبري على اختك و احتسبي الاجر
اما الذي تكلمت عنه فاحذرك منه انت صغيرة و تعيشين تحت ضفط نفسي قد يجعلك تخطئين
اقطعي علاقتك به و ان كان صادقا سيسعى الى اتمام الخطوات بالحلال
سلام

[نورسين.داية]

مممممممممكن يا ختي نورسين.داية تمدلي طريقة باه نكون قوية في الشخصية

عزيزتي قوة الشخصية ليست وصفة ....أو ما شابه ....لكن هي عبارة عن تغيير طريقة التعامل مع الظروف التي يوضع فيها الإنسان ...يعني عبارة عن أسلوب يتعامل به الإنسان مع الغير ...لكن عليه ان يعزم و يصر على موقفه مع النتيجة الإيجابية و ليست الهدامة ....المهم في هذا كله أن يكون فعلا على صواب ..... و لا يؤدي أقرب الناس إليه .....مثل الوالدين ..........

أتمنى أني أفدتكي بشيئ عزيزتي

[أميرة البستان]

السلام عليكم
اخيتي العزيزة انصحك ان لا تدخلي في صراع مع اختك
لا تصرخي عليها بل اضحكي و قولي لها انت اختي حبيبتي
انت اكبر مني و تعرفين احسن مني و انا في حاجة لك
ارجوك لا تصرخي في وجهي و تكلمي معي بهدوء
انا ساستمع اليك و حاولي ان تكسبيها صديقة
و ان تستشيريها و تحكي لها همومك
ستتحول معاملة اختك معك بلا شك
في البداية سيكون الامر صعبا لكن تاكدي ستتحول
معاملتها السيئة الى حسنة و صراخها الى حنان
فقط بادري و لا تتركي الشيطان يدخل بينكما
و لا تعامليها بمثل معاملة الغرباء و رد الصراخ بالصراخ و الاذى بالاذى
و انت لست في حرب حتى تتصوري انها ستهزمك بل انت في بيتكم
و يجب عليك المحافظة على هدوءه و دوام روابط المحبة بين اهله
و اصبري على اختك و احتسبي الاجر
اما الذي تكلمت عنه فاحذرك منه انت صغيرة و تعيشين تحت ضفط نفسي قد يجعلك تخطئين
اقطعي علاقتك به و ان كان صادقا سيسعى الى اتمام الخطوات بالحلال
سلام



يعطيك ألف عافية عندي ختي لمتزوجة قاتلي هكا بصح هي لالا ضرتني كتر سعات منحبش نقلها انا نقلها صحبتي وهكا تقلي ايه وتمدلي لحل من بعد نقلها بيناتنا متصدق تروح لماما وتقولهالها ولا لبابا وتمعنيلو هكا ولا تقلي ايه صحباتك ومنعرف وتبعي فيهم هادا شيء خلاني خطرة نخرج من دار وظلم ديالها

[نارينا]

أعتقد ان مشكلتك تكمن في أنك في مرحلة تكوين وبناء الشخصية ولحد الان البناء لازال غير صلب ويحتاج لوقت يتعرض فيه للشمس ليكون اكثر صلابة .
أختك أعتقد ان ماتقوم به موجود بين جل الفتيات في العائلات الجزائرية ....أي انها تحس بانها أكبر منك واكثر تجربة فتمارس عليك سلطة وهمية ....حاولي فرض وجودك بطريقة سلمية وتجاهلي استفزازاتها وسترين كيف ستندم وتحس ببلاهة ماتفعله ......دمتي بخير ....على العموم هي مشاكل مراهقة وتمر وفي الاخير تصقل شخصيتك انت

[pro24]

عادي
خليها تهدر
كلولي واشربي عادي
لا تكترثي لكلامها
فوالله لا يسمن ولا يغني من جوع
دعيها تقول وتفعل ما تشاء
وانت افعلي ما تشائي
المهم ربي يكون في العون

[حورية38]

العينات من هاد النوع كتر وتعجبك الكل يعرف خرايبها لكن تقولشي تسحرهم ينساو كلش ويشوفوها ملاك طاهر والله عندنا عينة من هاد النوع وانا نسميها سوسة لكن ما تخافيش ربي خير يجي نهار ويكشف خرايبها وربي يفرج همك ويرزقك من ابوابه الواسعةالفرج الاكييييييييييييد

[دروب التابعين]

ماهذا يا اميرة البستان
انتي تثيرينا غضبي
قوليلي وين تسكني
ظركا نجيك
مانسمح للحتى واحد يعايرك ولا يمسك بشعره
واش
كي ولات كبيرة عليك تحقرك
قوليلي وين راكي فلخريطة نجيليك نكتلها ختك هاذي
هذا ظلم
علاه ياسيدي تقلك حمارة
هذا ظلم ويجب ان تقف عند خدها
روحي قوليها للماماك ومتخافيش منها
وباباك ربي يهديه
والله انا ااكل شعري من الغضب
اسفة اااسفة اااسفة كون جات قدامي نوريلها
هذي باينة تحب الدبايز
شوفي اختي الحلوة الصغيرة كي تلقاي قاطو كوليه
ديري وش تحبي وماتقيميهاش خلاص
واذا تعزرنت عليك اعضاء المنتدى راهم هنا
قولينا وحنا نورولك خطة للاطاحة بهذه الاخت الشريرة

[naamane3]

كنت سأجاوبك بما استطيع
لكني لما قرأت قولك (نا مع واحد 5 شهر وناويني صح لحلال)
بطلت ومانيش رايح نجاوب

[sali-sali]

السلام عليكم

بكل بساطة و بلا ماتكبري الحكاية

تجاهليها

خليها تحكي حتى تكره ... الهدرة بااااطل
تحاسبك على الاكل و الشرب .. يا خي والديك هوما يصرفوا .. كولي وزيدي لا دخل لها

بالنسبة لاباك ادعي ربي يهديه

كل ما بسطتي المشكلة .. راح تلقاي الحل

[بلسم غرام2018]

مع الاخت ما رينا نفس الراي
وحبيبتي دعي عنك هدا الشخص الي راكي معاهذ
والله ما يفيدك وانتي تخدتيه بحتا عن الحنان وهروبا من الواقع الاليم
راكي مزالك مراهقه ومزالك صغيرة ومتعرفيش صلاحك ننصحك خليه
والا نويك صح يتقدم وحدو ويكمل للحلال
وننصحك قرايتك متضيعيهاش فشهادتك سلاحك في هده الدنيا

[khawla.ch]

ربي يكون معااك اختي من وين تلقااايها من الاب ولا الاخت....
المهم ربي يوفقك ركزي على حاجة وحدى الي هي قراايتك و رضاااا والديك
ولا يهمك من اختك هي الاكبر و تحس انك مسؤوولة منهاا ...مرة على مرة وصليلها فكرة انك انتي كبرتي و مبقيتيش صغيرة
و حاولي تبينيلها انك بحااجة لرايها حتى في حاجاات تافهة شااوريهاا بالهف و من بعد ديري راايك نورماال....
و ربي يصبرك و نورك.........

[dalal batna]

الحل الوحيد سمطيها يعني خليها تحكي حتى تغلب هاذاك هو دواها ربما هي عندها عقد نفسية.أخطيك منها وحاولي تفرضي روحك في الدار هكذا تكسبي احترام الجميع لكن باللتي هي احسن

[اغادير]

ياااااااااااااااااااا أختي نقلك حاجة,,,,,,, انت صغيرة والمشاكل هادي في كل دار............ وإذا زاد الشي عن حده انقلب الى ضده.............

يعني

اصبري على أختك، وعامليها بكل احترام كولي اشربي العبي,,,,,,,,,,,,,,,,, ديري واش تحبي وإذا هدرت معاك ماتخليهاش تتجاوز حدودها,,,, اشكيها لامك مرة ومرتين وثلاثة.... حتى تتغير... وإذا ماتغيرتش ..بدلي طيبتك الى شراسة......

[صمت الوجود]

والله يا اختي خوفتيني عليك ماعرفت ننصحك لاندعيلك .مازلتي صغيرة وهذا الي راكي تسني فيه يخطبك ممكن مش حابتيه لكن هارة من داركم ليه وتندمي لما تعيشي معاه وتصبح االمعيشة مع أختك جنة


غير فكري الدنيا تخوف والمسؤوليات كبيرة والدليل انك مازلتي ملتصقة بماماك حتى في شرب القهوة

[tahri_dvb]

هذا الشاب كذاب لي قالك حابك للحلال سقسيني أنا على خدعهم وأساليبهم.

نوصيك أقتنعي بالشخص قبل كل شيء ونحي من راسك فكرة تتزوجي باش تهربي من داركم وزيد مزالك صغيرة على زواج .