يا فرحة ما تمت

[حكاية منسية]

سلام عليكم
جيت نفرغ قلبي انصحوني لانني اتعذب حقيقة
منذ عام تعرفت على جارنا حبينا بعضانا ماتتصوروش السمانة هاذي جا خطبني يماه و عمتو ماعجبتهمش و انا بدون كذب و الله جمييييلة اللي يشوفني يخطبني
و السبب الحقيقي عمتو حابة تزوجو بوحدة من العائلة و وسوست ليماه
هو زعف و دار حالة في البيت قالهم نتزوج بيها ولا لالا
في الليل انا نحكي معاه جا بابا قال ليما جاني بابات الطفل و قالي مكانش مكتوب
قتلو واش قال بابا تشوكا بلا مايسقسيوه ردو لبابا لجواب

بعد كل هذا باختصار رايحة نشرحلكم الحالة :
هو: يتعذب و راه يحلل في يماه باه تقبل خاطر قالي كي مانرضيش والديا شكون نرضي
و انتي اصبريني اليومين هاذو نفريها مانيش حاب نسمح فيك و في حبنا
انا: راني نتعذب قادرة نصبر عليه و هو علابالي ضك يرضي والديه و يقبلو لكن المشكل
علابالي كون يوليو بابا ميش رايح يقبل خاطر قالولو المرة الاولى مكانش مكتوب
انا نحبو و هو اكثر و في زوج رانا نتعذبو واش ندير؟

[البوسعادية]

ربي يفتح عليك يا اختي
ويفرح قلبك وقلب هدا الشاب ويجمعكم ببعض ياااااااااااااااااااارب

[dalal 28]

الخيرة فيما اختاره الله ربي يفرج عليك

[سهيلة2013]

ربي يفرح عليك

[رثاآء]

وشكون اللي قالك عمته وسوست لامه؟؟
بالاك هذا مكتوب رب العالمين...ماراكمش عابيين برواحكم باللي الشي اللي راكم ديرو فيه حرام؟
و en plus تحكو في الليل ..اختي الهدرة تع الليل تجيب التهاليك والدصارة
واللي ماراهو ليك غير يعييك
توبي لمولاك وخطيك من العلاقات خارج نطاق الحلال

[رحيق الروح]

السلام عليكم....نتوما راكم تمشو في حاجة حلال و ربي ان شاء الله يسهلهالكم ...................ادعي ربي لانو كلشي بيديه و ممكن بين يوم و ليلة تتحل كل مشاكلكم و اذا كان خير ليك و كنتي خير ليه ربي يقربكم لبعضاكم و كلشي مكتوب ربي

[منار المنتدى]

السلام عليكم
أخشى أنّ ما تقومين به غير جائز أختي الكريمة. لا يمكن أن يكون الحل عن طريق المكالمات الهاتفية خلسة عن الأهل. إن كان صادقا في مشاعره، وتمسك بك فسيعمل المستحيل لاستمالة أهله للقبول بك، و إلاّ فلا داعي لبناء قصر من الأوهام.
ثم من أدراك، لعلّ الخير في هذا القدر، من يدري؟
ربي يوفقك في حياتك

[bellaluna]

أختي تأكّدي أنّه لو كان هذا الشاب من نصيبك فلو اجتمع الإنس جميعا لن يستطيعوا تغيير القدر..
فأكثري الدّعاء و الإبتهال لله سبحانه و تعالى و ربي يفرحكم و يهنيكم يا رب..

[نارينا]

ربي يفرج عليكم ادعي وانتظري ماستحمله الايام القادمة

[*جوري*]

مكرر في قسم مشكلتي + مكانه الأنسب هناك