الجزء 78 من واش طيبتي اليوم سموا بسم الله

[*جوهرة الجنة*]

السلام عليكم ياحلوين جمعتكم مباركة ماشاء الله عليكم تبرك الله خمسة وخموس عليكم كل حاجة تنسيك فلخرة ربي يدوم النعمة ابهرتونا

اختي ماري واش ركي ربي يشافيك ويشافي جميع مرضي المسلمين والله كل يوم ندعيلك

رني نتبع فيكم درجة درجة راني كي الخفاش ههههههه

[مرام 1987]

السلام عليكم ياحلوين جمعتكم مباركة ماشاء الله عليكم تبرك الله خمسة وخموس عليكم كل حاجة تنسيك فلخرة ربي يدوم النعمة ابهرتونا

اختي ماري واش ركي ربي يشافيك ويشافي جميع مرضي المسلمين والله كل يوم ندعيلك

رني نتبع فيكم درجة درجة راني كي الخفاش ههههههه

آلله يعيشك ويبارك في عمرك والله كيما قلتيها راني نتحسن إن شاء الله درجة بدرجة إن شاء الله فيهاخير
وانت واش راكي واش دايرة غداك؟؟

[بسمة الرمال]

بسمة تفضلي شوفي في هذا الرابط تلقاي تاع طومة ربي يذكرها بالخير راهي شارحة بالتفصيل الممل وادعيلي دعيوة خير ليا وليها
http://www.djelfa.info/vb/showthread.php?t=1485812
إن شاء الله نكون أفدتك

هذا هو
http://www.djelfa.info/vb/showthread.php?t=1414440

حبيبتي يا ماري ~ ربي يسترك و يعزك يا عزيزتي
ربي يعطيك ما تتمناي في هاذي الجمعة

[مرام 1987]

آمييييين يا ربي آمين من فمك لأبواب السماء
لا إله إلا الله محمدا رسول الله

[om inas]

مساء الخير جبتلكم عشاء البارح

بيتزا

http://www10.0zz0.com/2014/06/20/12/950868346.jpg (http://www.0zz0.com)

http://www10.0zz0.com/2014/06/20/12/605845009.jpg (http://www.0zz0.com)

وهذي بطاطا سوطي لالهام

http://www10.0zz0.com/2014/06/20/12/509799249.jpg (http://www.0zz0.com)

[om inas]

عصير الارونجينا لام اسلام هااااااااايل

http://www2.0zz0.com/2014/06/20/12/953995582.jpg (http://www.0zz0.com)

http://www2.0zz0.com/2014/06/20/12/720253037.jpg (http://www.0zz0.com)

وهذا لام اماني يذوب في الفم والنستلي انا خدمتو لام انس روووووعة

http://www2.0zz0.com/2014/06/20/12/525855876.jpg (http://www.0zz0.com)

[ام سهام 02]

السلام1
صح فطوركم
http://download.chatalkhaleej.com/uploads/14032691423.jpg
http://download.chatalkhaleej.com/uploads/14032691421.jpg
هذا Gراتان لليدي يعطيها الصحة ممممممم بنين عجب كامل افراد الاسرة حتى قالت لي بنتي عاوديه لنا في العشاء
http://download.chatalkhaleej.com/uploads/14032691422.jpg
و الحمد لله

[future maman]

جمعة مباركة

غدايا كسكسي

[بسمة الرمال]

http://up.shamoa.com/uploads/images/shamoa-a4e53e1194.jpg

مساء الانوار ~http://c1img.cyworld.co.kr/img/mall/effect2/nameicon/nameicon_122420.gif

جبتلكم الاطباق لتأهلت بهم في مسابقة { سفرة الذوق و الابداع

http://www.up.djelfa.info/uploads/140327023973631.jpg

شيش طاووق بريحة الفحم ~ و الصوص الرهيب نتاعو

http://www.up.djelfa.info/uploads/140327028320781.jpg

شربة عدس احمر

http://www.up.djelfa.info/uploads/140327036496631.jpg

سلطة الطبقات ~ بطاطا ~ سلاطة ~ بيطراف

http://www.up.djelfa.info/uploads/14032704328361.jpg

التحلية ~ محلبي

http://www.up.djelfa.info/uploads/140327046606571.jpg


~~~~~~~~~~~~~~~~~~~~~~~~~~~~~~~~~~~~~~~~~~~~~~~~

البنات دبرو عليا نحط الوصفات في قسم الاطباق و لا المسابقات http://i892.photobucket.com/albums/ac129/LoveIsTrick/Smiles/shy/x1nf6d.gif

http://up.shamoa.com/uploads/images/shamoa-a4e53e1194.jpg

[طالبة الجامعة]

السلام عليكم
ام سهام 02 كيفاه درتي هذاك الخبز

[chez biba]

السلام1
صح فطوركم
http://download.chatalkhaleej.com/uploads/14032691423.jpg
http://download.chatalkhaleej.com/uploads/14032691421.jpg
هذا gراتان لليدي يعطيها الصحة ممممممم بنين عجب كامل افراد الاسرة حتى قالت لي بنتي عاوديه لنا في العشاء
http://download.chatalkhaleej.com/uploads/14032691422.jpg
و الحمد لله

بصحتكم ام سهام كلش يشهي يعطيك الف صحة

[طالبة الجامعة]

السلام1
صح فطوركم
http://download.chatalkhaleej.com/uploads/14032691423.jpg
http://download.chatalkhaleej.com/uploads/14032691421.jpg
هذا gراتان لليدي يعطيها الصحة ممممممم بنين عجب كامل افراد الاسرة حتى قالت لي بنتي عاوديه لنا في العشاء
http://download.chatalkhaleej.com/uploads/14032691422.jpg
و الحمد لله

يعطيك الصحة ام سهام 2 على الوصفات رجاء كيفاه درتي الغراتان:)

[مرام 1987]

صح غداكم
بسمة حطي الوصفات في قسم الأطباق الرئيسية نضن هكذا
طالبة الجامعة هذيك الغراتان راهي كتبتها ليدي البارح ارجعي بالصفحات درك تلقايها
الحمد لله الذي أطعمنا وسقانا وجعلنا مسلمين

[مرام 1987]

أطباقكم ما شاء الله تسيل اللعاب ربي يديمها نعمة علينا وعلى جميع المسلمين
بسم الله الذي لا يضر مع اسمه شيئ في الأرض ولا في السماء وهو السميع العليم

[ناهدوران]

صحة غذك مارى و ربي يشفيك و دعيتلك من قلبي يوم الجمعة

[مرام 1987]

صحة غذك مارى و ربي يشفيك و دعيتلك من قلبي يوم الجمعة

الله يعيشك حنونتي وربي يبارك فيك وفي وليداتك وتشوفيهم في أعلى المراتب

[مرام 1987]

يعطيك الصحة ام سهام 2 على الوصفات رجاء كيفاه درتي الغراتان:)

تفضلي الرصفة بقلم الحبوبة ليدي نحبها بزاااااف بزاف
أم سهام ـــgـراتان الخضر
تحبي ديريها مقلية أو مفورة لك الاختيار

درنا فيه >>> حبة كبيرة بطاطا مقطعة مربعات مقلية + 1فلفل حلو مقطع مربعات مقلي +2 كوسة قطع ضغيرة مقلية +حبة باضنجان مقطع صغير تاني ومقلي ،،،وشريحة من صدر دجاج مشوية برك في المقلاة بـ(ملح + فلفل اسود + م ص زيت) ومن بعد كي يطيب قطعيه قطع صغيرة

تخلطي المكونات كامل في وعاء + كرام فراش أو علبة ياؤورت طبيعي ،وإذا، ماشي متوفرين // تعوضيهم بالحليب عادي
+ البيض على حساب الخليط يمكن 3 حبات + م ص موطارد + ملح + فلفل اسود

تدهني المول بالمارغارين وترشي عليه لاشابلوور يعني وحطي الخليط في المول /// من فوق ديري فروماج رابي ودخليه يطيب ~~~ بالصحة ان شاء الله

>>> كي تحبي ديري الخضر مفورة نفس الطريقة لكن الخضر مفورة (( انا ندير جلبانة وجزر وشوفلور وبطاطا ونزيد فروماج طري ابيض

[omomnia15]

سلام حبوبات نشالله راكم ملاح وجمعة مباركة للجميع وبصحتكم واش كليتو وواش طيبتو وواش حليتوا كل وحدة باسمها
ام ماجد اسمحيلي البارح طلبتي قراتان الخضر راهي نفس طريقة ليدي وجي بنينة وخفيفة تهبل انا حتى في رمضان نديرها وخطرات نحشيها فالديول كالخبزة جي تهبل راجلي يعيطلها المدانية قالي كاين العنابي وانت هذي كيما انت ونشالله تقوليلي كيفاش الطريقة تع الحشاوش تع الشربة نديرهم فالمجمد خايفة يخسرولي رمضان مزال وليك الشكر
بلا ماننسئ فطورنا كي العادة كسكس باللحم واللبن وكملت انا والبنات الميناج الي بقالنا بقالي نكسي الكوزينة اذا خيطتلي لوستي واذا مكاش نشري وكتحلية عندي مثلجات ههههههه دائمة الحمد متخافيش اشريت الشونتي بلاسكر ودرت الفلان مراهمش حلوين وربي يخليك نشالله

[omomnia15]

سلام ماري راني نشوفيك وحدك واش فطرتي متقوليليش فلفل مقلي راهو ماشي مليح بزاف راهو يهلكلك المرارة والكبد ديري الروز بانواعه وديري الكرانتيكا كيما قاتلك وحد الاخت وبدلي مرة على مرة وربي يجيبلك الشفا نشالله في هذه الايام المباركة نسقسيك تصومي ولا مانعك الطبيب كي حالتي

[natacabell]

مساءكم سعيد و جمعة مباركة للكل يعطيكم الصحة كلكم على واش طيبتو بارك الله فيكم

ام اناس ب الشفاء على امك طهورة ان شاء الله و عيد ميلاد سعيد لزوجك و تارت تع الشمولاطة هايلا بزاف صراحة انتي فور في لي تارت و بيزا ممم
عطر حنونتي لاباس على يماك و الله دعيتلها مع الصباح ربي يشفيها ان شاء الله عندك الحق تتقلقي
ام سهام خبزك يغرني هههه
بسمة ممممم الله يبارك
om inas سربيلي شوية عصير انا ختك يعطيك الصحة
ماري كاشي نهار ديري كوراج حنونة و طيبينا حاجة شعال راني حابة نشوف طيابك على بالي شاطرا و عندك العزيمة
كاين اخوات مراهمش يبانو ان شاء الله المانع خير:منذكرش الاسماء نخاف ننسى بصح راكم كامل في بالي حقا مازال مكملت النتواياج مازالت الكوزينة:sdf::sdf::sdf: واعععععع تفضلوا درت غريبية
http://im56.gulfup.com/o2gnTs.jpg

[omomnia15]

نتقبل بصحتك الغريبية والكوزينة كي الغولة انا نقيتها وخملتها عندي 15 يوم وعاوتها اليوم ربي يكون في عونك كمليها وتهناي باش ترتاحي قبل رمضان

[natacabell]

نتقبل بصحتك الغريبية والكوزينة كي الغولة انا نقيتها وخملتها عندي 15 يوم وعاوتها اليوم ربي يكون في عونك كمليها وتهناي باش ترتاحي قبل رمضان


عليها اللي ليقيتيني نخمم اليوم الجمعة مادرت والو غدوة بادن الله نصبح عليها هاد ليامات واش نقولك طبت و الله يكون في العون

[أم ضياء عبد الرحيم]

سلام حبيباتي واش احوالكم
بصراحة ماراجعتش بالصح مانخافش عليكم عارفة وشكون مخلية ورايا
اليوم كنت في دار بابا ماما مريضة والله روحت وانا متقلقة عليها ربي يشفيهالي والله راني نكتب ونبكي



مساء الخير بنات
]عطر ربي يشفيلك امك يا رب و يعافيها من كل بلاء يا رب
بسمة ما شاء الله راني نستنا في الوصفات بفارغ الصبر
انا اليوم درت طعام بالخضر
و البارح درت المثلجات
http://www.up.djelfa.info/uploads/140327671683321.jpg
و العشا دبروا عليا واش ندير خلصتلي القضيا غدوة ان شاء الله نقضيو شوفوا عندي شوية بطاطا وبيذنجان واش نقدر ندير بيهم مع العلم ماعنديش الفرماج عني غير كريم فريش و ما عنديش لحم هيا دبروا عليا

[مرام 1987]

سلام ماري راني نشوفيك وحدك واش فطرتي متقوليليش فلفل مقلي راهو ماشي مليح بزاف راهو يهلكلك المرارة والكبد ديري الروز بانواعه وديري الكرانتيكا كيما قاتلك وحد الاخت وبدلي مرة على مرة وربي يجيبلك الشفا نشالله في هذه الايام المباركة نسقسيك تصومي ولا مانعك الطبيب كي حالتي

يسقسي عليك الخير والغدا تغديت شكشوكة بصح ما عجبتنيش ما نحبهاش كليت الفقوس والبيض والحمد لله المهم شبعت ههههههه
ايه مام انا قلت لماما واقيلا الفلفل عاد يوجعني ما عليش ناكلو ساعة على ساعة برك
والصيام صراحة ما نصومش عندي ثلاث سنين ما صمتش والطبيب ما نعني بويسك صمت قبل العام لي فات صمت يومين والثالث رجعت من القبر مت وحييت والله ربي كريم ربي يعوضنا صحتنا ونصوموا إن شاء الله
وبصحتك الكسكس

[ladymillion]

السلام عليكم ، جمعة مباركة ان شاء الله
صح قهوتكم واش راكم بخيييير ؟
راني راحعت كلش يعطيكم الصحة كاااااامل // بإنتظار الكوزينة الجديدة والخيرات الله يدومها علينا وعليكم

هذا غدانا محجوبة طومة لي بلي العجين وانا طيبتها

http://im57.gulfup.com/wp0Jkg.jpg (http://www.gulfup.com/?bpGt21)
http://im57.gulfup.com/yjvUd4.jpg (http://www.gulfup.com/?3oqYPC)

[مرام 1987]

نوال ربي يكون في عونك وازربي كملي النتواياج باش ترتحي كيما قالتلك أم أمنية
وإن شاء الله كي نرتاح تشوفي حنة يديا يا رب
جيادا نقولك اقليلهم الفريت والباذنجان وهني راسك هههههههه

[omomnia15]

جيادا بصحتك الطعام والمثلجات واش من طريقة درتي والعشا ديري بطاطا بالكرام فراش تع الهام قوليلهم يعطوك الرابط انا وياه منتفاهموش ههههههه
ماري ربي معاك حنونة معليش ربي عطانا الرخس خرجي على الايام تع رمضان وتعياي وتصومي

[مرام 1987]

ايمانوووووو اممممممم بصحتكم المحاجب وربي يديمها نعمة
صح قهوتكم يا بنااااات

[omomnia15]

ليدي المحاجب يشهو بصحتكم طايبين يهبلو بصح نسخف ولا نقعد راني غير نزيد فالوزن وحدة من لانسولين يخليني نجوع وزيد الي نشوفها نديرها

[أم إناس]

مساء النور اخواتي
نتقبل حنونه انت لي اممممممممممموالله يخليك والقاطو امممممممم وش درتي قاطو غريبه اواواو المهم بصحتك والله يعينك على الميناج
ام امنيه بصحتك الكسكس وبصحتك
جيادا بصحتك المثلجات خرجولك امممممممم يعطيك الصحه
ليدي حنونه المحاحب اممممممممممم يشهو انا نحبهم بصح زوجي وااالو يصمط عليا
ماري حنونه وشراكي والله يشافيك
عطر حنونه ربي يشافي الولدة يارب
ام ايناس بصحتك العصير
ام سهام الخبر روووووعه تسلمي
بسمه الرمال اطباق روووووووووووعه ماشاء الله
درت صابلي ريهام البنه امممممممممم بنيييينه وبعد نحط الصور في الكوزينه الجديدة ان شاء الله

[مرام 1987]

جيادا تفضلي
http://www.djelfa.info/vb/showthread.php?t=1611293
بطاطا بالكرام فراش تاع إلهام

[مرام 1987]

اهلا أم إناس صح قهوتك

[أم ضياء عبد الرحيم]

نوال ربي يكون في عونك وازربي كملي النتواياج باش ترتحي كيما قالتلك أم أمنية
وإن شاء الله كي نرتاح تشوفي حنة يديا يا رب
جيادا نقولك اقليلهم الفريت والباذنجان وهني راسك هههههههه
ههههه صدقتي انا قلت قبل ما نقلي نسقسي لعلاه كاين طريقة اقتصادية
جيادا بصحتك الطعام والمثلجات واش من طريقة درتي والعشا ديري بطاطا بالكرام فراش تع الهام قوليلهم يعطوك الرابط انا وياه منتفاهموش ههههههه
ماري ربي معاك حنونة معليش ربي عطانا الرخس خرجي على الايام تع رمضان وتعياي وتصومي

يسلمك ام امنية المثلجات درت الي في الرابط هذا و البطاطا تاع الهام فيها الدجاج و انا ماعنديش حالتي نروح نقليهم و نهني روحي
http://www.djelfa.info/vb/showthread.php?t=1305218

[أم ضياء عبد الرحيم]

جيادا تفضلي
http://www.djelfa.info/vb/showthread.php?t=1611293
بطاطا بالكرام فراش تاع إلهام

تسلمي ماري ربي يشفيك يا رب

[natacabell]

ليدي المحاجب اووووو كان جيتي تسكني قدامي درتيهم كيما يحب الخاطر يعطيك الصحة
جيادا ممممم المثلجات هاتي هادا واش يليق مع هاد السخانة يعطيك الصحة
ام ميتا شكرا لكي على حسن الاستضافة يعطيك الصحة

[طالبة الجامعة]

يعطيك الصحة mary1987 على الوصفة نجربها ان شاء الله

[omomnia15]

صح قهوتكم وينكم يا بنات راني نشوف السخانة فشلتكم امشطوا ياخي مزال رمضان وواااااااااااااااااااااااااااااااااااااش عشاكم

[ladymillion]

ماري حبوبة الله يسلمك ويااااااااارب يارب يااارب من كل قلبي الله يشافييييك ويعافيك عاجلا وترتاحي حبيبتي الله يكون معاك

ام امنية لانسولين يجوع صح وتسخفي كلى كلشي اتحكمي في الاول في نفسيتك وديري روحك ماتسخفيش بزاف بلاك تنقصي شوي وتتهناي من لانسولين الله يشافيك حبيبتي

ام اناس الله ييشافي مريضكم يارب راكي ديري في القاطو ؟؟

[ام سهام 02]

السلام عليكم
ام سهام 02 كيفاه درتي هذاك الخبز

و عليكم السلام
http://www.djelfa.info/vb/showthread.php?t=1581245

[أم إناس]

ليدي حنونه راني ريح ل باريس عند خال امي مريض ريح نزورهم وقلت ندرلهم القاطو يحطوه مع القهوة للضياف لي يجو عندهم مارهمش لاهين يطيب
فهمتني حنونه مشي ليا.والله يعيشك

[مرام 1987]

وينكم يا بناااات ولا تديرو في عشاكم ربي يعينكم
وينهي مولات الكوزينة الجديدة

[ilbeldelmondo]

معاكم ايماااااااان
ام أناس علابالي ماشي ليك الله يعاونك واش من وصفة صابلي دريتي والغربية تاني ؟؟؟
نتاكابااال الله يسلمك لحبيبة لوكان جيتي جارتنا ماشي خسااارة في اي وحدة فيكم حبيبتي
الساحة فااااااضية ههههههههه شكون لي تتكرم وتفتح الكوزينة الجاية

[ناهدوران]

ام اناس رابى يشفى مرة خالك سلمى عليها

[طالبة الجامعة]

عشانا كسكسي بالدجاج

[أم إناس]

ليدي. اييييه ايمان. حنونه درت صابلي تاع ريهام لي بالزيت. وغريبيه مادرتش قسمة العجينه على زوج واحد صابلي بالمربي والآخر درتله نواة كوكو كربع ثمثم ضرك ماعنديش الصبر ونخدم القاطو المتحوف. هههههه والحمدولله
العشاء ان شاء الله لباني باللحم الدجاج
الله يخليكم اخواتي ناهدوروان خال امي يعني خالي
طالبه بصحتك الكسكس .

[ناهدوران]

اختي ام اناس ليك وحشة كبيرة والله من كثرة المناج عدت مانركزش وسلميلي عليه و ربي يجعلو الشفاء ااااااااااااااااااااااااااامين

[طالبة الجامعة]

شكرا ام سهام نجربو ونرجعلك بالخبر

[ladymillion]

يعطيك الصحة ام انااااااااااااس وربي يتقبل منك وبصحتهم ،،، الله يشافيه ويعافيه

صح ليكم واش راكم طيبوا للعشا مسبقااااااا

[طالبة الجامعة]

أم إناس الله يسلمك تعيشي

[ladymillion]

طوكيو قولينا واش من حاجة مفرحاتك هههههه باينة درتي حاجة في الكوزينة وعجباتك بزاف هيا قولينا

[طالبة الجامعة]

ما اخبار رمضان وتحضيراتو معاكم ان شاء الله تصوموا بالصحة والهنا
ان مانيش موالفة نطيب صح لاني مانعرفش مليح بالصح هذ العام عولت باش نخلعهم بكاش اكلة ولا زوج
ومعولة لى قلب اللوز على راس القاءمة جربتو وجا هايل واش نقول

[tokio hotel]

حبيبتى ليدى يعطيك الصحة رانى فرحانة كملت النيطواياج انتاع الكوزينة

[ام سهام 02]

العفو طا لبة الجامعة انشاء يعجبك.
ام اناس يعطيك الصحة على الصابلي وربي يشفي خا لك
ليدي بصحتكم المحاجب ممممم راني طبقت الغرتان شفتيه

[ladymillion]

طالبة جامعية يعطيك الصحة اختي كي راكي طيبي وان شاء الله في رمضان هذا اللهم بلغنا إياه يالصحة والطاعة ،،، تنورينا باطباقك وماشي مرة ولا زوج لازم ديما ولو حاجة خفيفة واكيييييييد راح تتعلمي اكثر من المنتدى ورانا كامل نتعلمو من بعضانا

طوكية آآآآآآآآ عندك الحق الكوزينة مليحة للتلباز والنيتوياج واااعر ويتعب قبل ماتبدايه ههههههه يعطيك الصحة حتى حنا كملناه عندنا 15 يوم والحمد لله

بالنسبة للتحضيرات يما شرات لفريك صفاتو ونقاتو ومانعرف واش دارتلو كامل ههههه مانعرفلوش ،،،، وشرات التوابل اللازمة / وبرك هاذ الساعة مزال ماكملناش نشريو شوي حوايج وبالبراكة

ام سهام إييييييييه شفتو بصحتكم مكانش لي ماياكلوش هههههههه بسيط وسهل حقا انتي درتيه باللحم المفروم ؟؟؟ نسيت نقولك بواش عندك ديريه وتقدري حتى ديريه بدون اي لحوم/// يعطيك الصحة ومشكورة على الثقة لحبيبة بالصحة ليكم

[ladymillion]

حقا لبنات فكرتني طالبة جامعية في قلب اللوز نتاع ليليا باللبن درتو مرتييييين ومانجحلييييش مانعرف علاااااااااه ونتبع المقادير وتبعت النصائح نتاع ام رامي بصح بعد ماطيبتو وسقيتو على 3 مرات يتنفخلي ويتشقق مافهمتش علاه ويجيني معجن ومكدس في بعضاه ؟؟؟ بلييييز لي تعرف تقولي

[أم إناس]

صح عشاكم اخواتي
درت ليباني والحمدولله بالدجاج والسلاطه والطماطم وصوص مايناز او سموراي وفرماج مربع

http://www.m5zn.com/newuploads/2014/06/20/jpg//4b82d5616640856.jpg (http://www.m5zn.com/out.php?code=15383352)

http://www.m5zn.com/newuploads/2014/06/20/jpg//fa9a7df161379f6.jpg (http://www.m5zn.com/out.php?code=15383351)

http://www.m5zn.com/newuploads/2014/06/20/jpg//901e1c9a5845815.jpg (http://www.m5zn.com/out.php?code=15383350)
طوكيو. صح عشاك ويعطيك الصحه على الميناج وبصحتك والله راني كل يوم نتهدد على الكوزينه بصح واعععععععع
ام سهام. حنونه صح عشاك
طالبه جامعي الله ا يسلمك وبصحتك الكسكس
ليدي حنونه صح عشاك.
ناهدوران. يتوحشك الخير والله يعينك ويعطيك الصحه

سبحان والحمدولله

[أم إناس]

تصبحون على الف خير
اييييه ليدي راني غير انا وياك في الكوزينه
سلمي على طومه ياسر ياسر
سهرة وليله سعيدة
سبحان الله والحمدولله ولا اله الا الله والله أكبر

[tokio hotel]

صح عشاكم اخواتي
درت ليباني والحمدولله بالدجاج والسلاطه والطماطم وصوص مايناز او سموراي وفرماج مربع

http://www.m5zn.com/newuploads/2014/06/20/jpg//4b82d5616640856.jpg (http://www.m5zn.com/out.php?code=15383352)

http://www.m5zn.com/newuploads/2014/06/20/jpg//fa9a7df161379f6.jpg (http://www.m5zn.com/out.php?code=15383351)

http://www.m5zn.com/newuploads/2014/06/20/jpg//901e1c9a5845815.jpg (http://www.m5zn.com/out.php?code=15383350)
طوكيو. صح عشاك ويعطيك الصحه على الميناج وبصحتك والله راني كل يوم نتهدد على الكوزينه بصح واعععععععع
ام سهام. حنونه صح عشاك
طالبه جامعي الله ا يسلمك وبصحتك الكسكس
ليدي حنونه صح عشاك.
ناهدوران. يتوحشك الخير والله يعينك ويعطيك الصحه

سبحان والحمدولله

شكرا اختى ام اناس روعةطيابك حبيبتى
رانى نحوس على كيش الدجاج يا انتاع فلة يا نينا جربتها و نسيت فيها غير دجاج و بيشاميل و جبن من بعد نحط الصور بلاك تعرفوهم و ربى يعينك على الكوزينا هى اصعب حاجة و من بعد كل شى ساهل :mh31:

[tokio hotel]

اختى ليدى صورت مشترياتى بلاك نحطهم فى الكوزينة لجديدة شريت لفراميج على قول الهام و الطحينة و الروز بسمتى باش نجرب وصفة الهام كى تحطها راهى غايبة انشاء الله يكون المانع خير
و اشريت الطن برقوق زبيب و لفريك نقيتو و الباقى ساهل

[أم ضياء عبد الرحيم]

ladymillion ممممممممممم سخفتيني تسلم الايادي و يعطيك الصحة
أم إناس ربي يشفي خالك يا رب وبصحتكم العشا
انا للعشاء درت بنصيحة ماري قليت البطاطا و البيذنجان و درتلهم صوص تاع الطماطم و زدتلهم البيض
الحمد لله على النعمة
صحا عشاكم كامل و تصبحوا على خير
في امان الله

[أم ضياء عبد الرحيم]

اختى ليدى صورت مشترياتى بلاك نحطهم فى الكوزينة لجديدة شريت لفراميج على قول الهام و الطحينة و الروز بسمتى باش نجرب وصفة الهام كى تحطها راهى غايبة انشاء الله يكون المانع خير
و اشريت الطن برقوق زبيب و لفريك نقيتو و الباقى ساهل




بصحتكم المشتريات اختي تصوموا بالصحة و الهناء

[om inas]

وينك يا ام اسلام واية باش تحلي الكوزينة

[tokio hotel]

شكرا حبيبتى جيادا
عشانا بيتزا

[ladymillion]

صح عشاكم حبيباتي
انا كليت محجوبة قبيل لعشية هههههههه اضحكوا وعاودوا عليا كي الدبدوبة ودوركا عيييت نتحرك ،،، درت شوي خل التفاح في نصف كاس ماء وشربت

طوكيو يعطيك الصحة على التحضيرات مممممم تحضيرات رمضان عندها نكهة خااااااصة وممتعة ماتعبيش منها سبحان الله /// فكرتيني حتى يما شرات الطون بزاف لقاتو صولد في السوبيرات جابت منو ومزال تشري حوايج خفاف ونديروا شباح الصفرة وشرات طومة العجينة المورقة من عند صديقتها ، وبعثتلنا اختي الهريسة حضرتها هي /// الحمد لله وبلاك كي تتفتح الكوزينة الجديدة نصور حتى أنا اسيدي هههه

جيادا الله يسلمك حبيبتي

[انتصار فاطنة]

صح عشاكم كامل
ايمان كيفك وكيفها طومة خيتي اعطني رابط مدونة طومة تعيشي

[oum radja]

السلام عليكم
صحا عشاكم وبصحتكم كامل واش طيبتو
ام ايناس التارت تاعك سخفتني وماخلات فيا والو بليييييييييييييز الطريقة بالتفصيل الممل لي تارت هوما نقطة ضعفي هههههه
والمحاجب تاني ههههههه مزيا مارانيش نتوحم
انا عشايا طعام بالمرقة بقالي من الغدا

[ladymillion]

اختي السعييييييييدة بجدارة الله يسعد أيامك يارب اسمحيلي كنت نصلي طولت عليك

هاهو الرابط أختي
http://tomaworld.over-blog.com/

[omomnia15]

مساء الخير مزالكو هنا قلت نلقاكم رحلتو عشايا شكشوكة بالخضروصح عشاكم

[omomnia15]

ام ايناس بصحتك ليباني بالجاج

[omomnia15]

راهي الحالة راقدة منعرف علاش نروح نرقد تصبحو بخير

[بسمة الرمال]

lمساء الخير و العافية

صح عشاكم كامل ~ ربي يجعلها ديما عامرة

جبتلكم عشايا تاع اليوم ~ بصح خفت انو الصفحة تتغلق

المهم درت روز و طماطم محشية

http://www.up.djelfa.info/uploads/140329814557041.jpg


http://www.up.djelfa.info/uploads/140329817838441.jpg

و هاكو حلو معايا

http://www.up.djelfa.info/uploads/140329821400491.jpg

سلام حبيباتي

[ladymillion]

ام امنية كيما قلتي الحالة راقدة انا قاعدة فوق الكرسي نستنى فيهم وجات بسمة بالخير نتاعها ماشاء الله علييييييييييك تحفة صح عشااااك /// ماتقوليليش هاذيك البطيخة انت لي رشمتيها ؟؟

[بسمة الرمال]

ليدي ~ اكيد انا بصح بالدلاع تجي خير و تقدري تتحكمي فيها كيما تحبي حبيبتي

[انتصار فاطنة]

شكرا ايمان
بسمة ما شاء الله عليك فنانة

[ام سهام 02]

مساء الخير وصح عشاكم

عشايا شربة من الفطور سلاطة و دلاع والحمد لله

[zahra30]

مساء الخييييير وجمعة مباركة للجميييييع وربي يدوم النعم ويشفي كل مريض عاجلا غير اجل ياااارب
راني راجعت شوية راكم :19::cool: 4444444444444 ماشاء الله عليكم وتسلم الايادي وكل وحدة باسمها ووزعت الميداليات الايونات ;):mh31::mh31:
اليوم غدانا محجوبة المطلوع من يدين اختي الكبيرة ربي يحفظها عندها ذوووووق خااااص وراني صورتها غدوة نحطها ان شاء الله اذا اقدرت والعشى مرقة زاليقو بالبطاطا والدجاج وكسرة وسلاطة ودلاع وعصير والحمد لله
ام ياسوووووو اعييت نتلاقى معاك مبروووك العتبة عليكم وربي يجعلها عتبة خيييير وبركة وصحة وهناء عليكم ياااارب :mh31::mh31:


حبيبتى ليدى يعطيك الصحة رانى فرحانة كملت النيطواياج انتاع الكوزينة




مبروووك الفرحة وربي يدومها اختي طوكيو ههههههه وربي يعينك على المهرجانات وراني نستنى في الفرحة الكبيرة انتاع بنتك ان شاء الله :mh31::mh31::mh31:
نسيت لينا ربي يشافيك حنونة وينجح العملية وترجعيلنا باحلى الوصفات ياشهد معسل وشكرا على النقاش ممممممممممممممممم

ام امنية هذاك الداند في الكسكاس واش درتي بيه خخخخخخخخخخخخ تقرعيج

دائمة الحمد توحشتك واش احوالك ربي يعينك من الميناج للاجتماعات حقا بصحتك لاكوب نتاع الطاهر ههههههههههه رانا في الهوا سوا واش احوال اسينات سلامي ليها

ام ياسين مبروك العتبة للمرة المليون رايحة نتوحشك سلمي عليها ام ماجد وام تاج

زهرة على سلامتك واش احوالك وسلامي للاهل الله يبارك الاطباق روووووووووووعة والتحلية اروع

ام ايناس كل عام وانت وزوجك وعائلتك بالف خير وتارت ممممممممممممممم خير من المحلالالالات بمليون مرة بصح قوليلي باش حشيتيها مممممممممم
واش احوالك والبنوتات

زادتني الرشتة طبقي المفضل ممممممممممممممم روووووووعة

ام رياض ممممممممم اطباقك تهبلني بصح ماكيش تدخلي بزاف سلامي ليك

سرور انا نذوبها في بان ماري ونزيدله بلملعقة حليب ونخلط رايحة تنكمش بصح ما تخافيش ابقاي تزيدي بالملعقة الحليب حتى تولي تبرق والحليب حسب كمية الشكولا

ام ميتا توحشناك وان شاء الله تعذريني راني ندخل بلاطاي

الله يسلمك ويحفظك يالحبيبة وربي يعييينك على السخانة اذا ما روحتيش مواااااح :mh31::mh31::mh31::mh31:

ام أناس، الله يسلمك حنونة وبصحتكم الرشتة راهي تشهي، يعطيك الصحة على كل طيابك


زهرة ربي يشفي بنتك وان شاء الله ترقد لك الليلة خطراش المرض يقوى عليهم غير في الليل

almazalina شكرا عزيزتي الله يسلمك وان شاء الله يجيك مليح المطلوع ويعجبك

Ladymilion بصحتك الحلوة راهي تشهيييييييي، هادوك الطبقات تاع القاطو ولا كرام باتيسياغ ولا راني غالطة


اللهم بلغنا رمضان وتقبل منا

شكرااااا على الدعوة حبيبتي وربي يشفي جميع مرضى المسلميييين يااارب

[بسمة الرمال]

البنات انا دبرت غدايا تاع غدوة

لبن و رخساس ان شاء الله

هاهي لبانتي الحبيبة

~~~~~~~~~~~~~~~~~~~~~~~~~
http://www.up.djelfa.info/uploads/140330068605431.jpg

[دائمة الحمد]

اهلين زهرونة وبصحتك المحجوبة وربي يطول في عمر اختك ويعطيها صحتها
رحت لدار خويا حفلة السنكيام تاع بنتو عاملة امها حوايج 444 ماقدرتش نصور عارضة الغاشي بكثر ة
عملت جي وسلاد فروي ثم قهوة وحلويات و ومن بعد عصيدة الزقوقي وفي الاخير تاي ومكسرات
راهي اول فرحة نجاح ليها ربي يوم افراح الجميع
اخواتي هوما لي نضمو وسربو انا قلشوني قالولي اقعدي مع الضياف والله جات من عندهم زادت حلفت عليا مرت خويا
كي روحت لعشا عملنا سلاطة بطاطا وبقاو لي مونشو من البارح سخناهم يهبلو تقولشي جدد
غدوة اذاكنا من الاحياء عندي شوية اعمال نكملهم بنتي تقرى لي كور نعول على روحي
تلاقيت باسينات عند خويا راهي تسال عليكم الكل

[انتصار فاطنة]

بسمة امالة نجي نتغدى عندك نموت على اللبن الممخوض جديد وزيدي حطي فيه شوي اكليل وعرعار واذا تكرمت وعملتينا بسيسة بالدهان ما عندي ما نقول الدنيا وا فيها

[دائمة الحمد]

بصحتك بسمة تهنيتي

[دائمة الحمد]

انا غدا بحول الله عملت الكسكسي اليوم بزايد غدوة نطيب المرقة برك ونعاود نسخنو

[بسمة الرمال]

بسمة امالة نجي نتغدى عندك نموت على اللبن الممخوض جديد وزيدي حطي فيه شوي اكليل وعرعار واذا تكرمت وعملتينا بسيسة بالدهان ما عندي ما نقول الدنيا وا فيها

مرحبا بك عزيزتي ~ تشرفيني ~ و الله نمخضو على جالك دقيقة الي توصلي فيها :mh31:
بصح كيفاه العفسة نتاع الاكليل و العرعار

~~~~~~~~~~~~~~~~~~~~


بصحتك بسمة تهنيتي

الله يسلمك حبوبتي ~ و الله اكبر هم على قلبي كلمة واش نطيب غدوة

[دائمة الحمد]

تصبحن بالف خير

https://encrypted-tbn3.gstatic.com/images?q=tbn:ANd9GcR2iG75t6YEL_0mD6NaHr9dizfQKCQVD-itXqXWXzObf3idbRWQ

[(امي جنتي )]

اله يبارك زين و همة .

[R I A D]

السلام على من اتبع الهدى

نهاركم زين و جيوبكم معمرين

صباحكم نور و هناء

الحمد لله الذي احيانا بعد ما اماتنا و اليه النشور

[ام سهام 02]

صباح الخيرات والانوار.

ام رياض نهارك مبروك ويعطيك الصحة على الادعية حبيبتي

[R I A D]

ام سهام حبيبتي الله يسلمك و نهارك مبروك و كل يوم و انت من الرحمن اقرب


طوكيو نهارك سعيد و طيب

اللهمّ انّا نسالك الهدى و الغنى و العفاف و التقى

[ام سهام 02]

ام رياض بارك الله فيك كيخرجو نتائج الامتحانات قولي لنا نفرحو معك
طوكيو صباحك فل شاطرة دبرتي الفطور يعطيك الصحة

[أم إناس]

السلام عليكم
صباح النور ام رياض. وشراكي ووليدك كيفلش راه مع الامتحانات ولا خلاص ربي ينجحهم والبارح مادرتيش
ام سهام صباح الفل
طوكيو صباح الياسمين
نهاركم مبارك

[tokio hotel]

صباح الخير ام اناس قريب رمضان و مازال ما خملتيش كوزينتك الا تحبى نجى نعاونك

[omomnia15]

صباحكم فل وورد وياسمين يا احلى حبايب
ام رياض وشراكي حنونة هذي غيبة عليك
ام سهام نهارك مبروك
ام اايناس راكي مليحة قليلهم اليوم نكمل الكوزينة
طوكيو صباح الانوار صح درتي لفطور شاطرة واش درتي والبقية واش فطوركم الكوزينة طولت مفتحتش
انا عندي شكشوكة تع البارح ونزيد نقلي فلفل دلاع والحمد لله راني رايحة للسوق نشري ريدو للكوزينة ولا قماش واش لقيت وليدرا للغطا وكاش ما نلقى نموت على الشريان هههههههههه اتهلاو فالكوزينة

[oum radja]

صباح الخير عليكم
اللهم صلي وسلم على الحبيب المصطفى

[دائمة الحمد]

صباح الانوار يومكن سعيد
ام رياض ام سهام ا ام اناس ام امنية طوكيو ام رجا نهاركم زين وبصحتكم واش راح طيبو وواش راح تشرو
غدايا بحول الله كسكسي مازالي غير البلاكار ونكمل الكوزينة عولت نكسيها غير الخياطة عملتها بيها كي كانت اسينات تخيط كنت متهنية
راهي الكونكسيون عاملة بينا حالة هذا وين رجعت
مولات الكوزينة الجديدة مازال ما ظهرتش ان شاءالله اليوم تبان

[أم إناس]

طوكيو هذي اليومين ان شاء الله نخدمه. تعرفي كوزينتي صغيره بصح معمر حوايج راني حاب لكيدي بزاف حوايج. به نخدمه براحتي وتسهل عليا الخدمه.
ام امنيه صباح الزهور
ام رجاء صباح النور
داءمة الحمد غاليتي صباح الخير والعافيه راني طيبت الصابلي تاع ريهام وجاء اممممم درت 6بيضات وقسمة العجينه وأخد درته بالمربي والآخر بالنواة كوكو جاتني كنيت مليحه مازال نخملهم في البلاتو. وبعد نصورهم
الغداء ان شاء الله كروك ميسيوووووووو للبنات وانا سلاطه والحمدولله

[oum radja]

غدايا اليوم باذن الله محاجب اذا جابلي السميد لمليح
وسلاطة وفاكهة

[ام سهام 02]

اام امينة بصحتك واش رايحة تشري
ام رجا صباح النور _ ام اناس غير بلعقل على روحك راك حامل حافظي .
دائمة الحمد بصحتك الخرجة تع البارح وربي يقدرك ويسهل لاسينات
انظن عطر كانت رايحة تفتح الكوزينة او ام اية.

[دائمة الحمد]

ام اناس حتى انا عجب العائلة قاطو رهام وزاكي تتهني مدة من فطور الصباح
ان شاءالله الوالدة راهي بخير وربي يجيب الشفاء لخالك وتروحي وترجعي بالف خير
بوسيلي لبنات

[دائمة الحمد]

ام سهام عطر كانت راح تفتح كوزينة النجاحات ومن بعد كي قالو الاخوات ام اسلام راح تفتح تاع تحضيرات رمضان
ولت قالت انحل لي بعدها تكون خرجت نتائج الاهلية والباك

[أنواار الإيماان]

صبااااااااااااح انوار النبي عليه الصلاة والسلام على حبيباتي في الله

[oum radja]

البارح درت قلب اللوز تاع ليليا
http://im46.gulfup.com/md0DtD.jpg

ايس كريم الهام اية من نهار شفت الوصفة ماولاش يخطيني

http://im85.gulfup.com/wrjz10.jpg

http://im72.gulfup.com/mxjKKl.jpg

مربى المشماش على طريقة ام محمد تاج درت كمية قليلة مازال مادرتش المهرجان ههههههههه
http://im76.gulfup.com/WsAyHT.jpg

اسفة اذا كانت الصور رديئة راني نصور بالتخبية راكم تعرفو لي تسكن مع العايلة

[oum radja]

تبقاو على خير نروح نطيب غدايا

[ناهدوران]

صباح الخير ام رياض ربي ينجح اوليدك

[ناهدوران]

ام رجا صباح النور تكليهم بي صحة

[ناهدوران]

دائمة الحمد صحة فطورك

[دائمة الحمد]

صباح الانوار ناهدوران ان شاءالله راكي بخير ليك وحشة كبيرة
راهي الكونكسيون مهبلتنا تجي ربع ساعة وتروح بالساعتين

[أم ماجد]

http://im76.gulfup.com/WsAyHT.jpg


اممممممممممممممم روعة
احنا المشماش مازال غالي عندنا للاسف

[ladymillion]

صح غداكم حبيباتي وصح غداكم
الكوزينة مزالت مفتوحة شكون لي راح تفتح كوزينة جديدة راهي قريب تتغلق هاذي

المهم غدانا درت حمص ام كوثر من نهار درتو وحنا معتامدينو يموتوا عليه

http://im86.gulfup.com/vxXO50.jpg (http://www.gulfup.com/?0aF4GL)

[oum radja]

السلام عليكم
صحا غداكم

[oum radja]

ام ماجد المشماش حنا تاني مازال غالي عندنا بالصح انا دايما نفرز الحبات لي طريين بالزاف نطيبهم مربى

[لؤلؤة 25]

ya3tiiiiiiiiiiiiiiiiikom saha kamel welah rana net3almou menkom bezaf rabi yej3alha f mizan hassanatkommmmm

[Amina minette]

Laddy million والله سخفتيني فيه، بالاك غدا ان شاء الله نديرو ، قوليلي شحال ديري كمية الحمص ؟ un bol yekfi?

[انتصار فاطنة]

صح غداواتكم كامل
نقول لبسمة كي يتمخض اللبن نحط فيه شوي اكليل وعرعار وهما رايحين يطلقو بنة عظيمة تذكرنا بالبوادي

[ladymillion]

Amina minette (http://www.djelfa.info/vb/member.php?u=519025) اختي والله انا ندير عيني ميزاني على حساب افراد العايلة كيما اليوم درت حوالي رطل وكي نشمخو بليلة قبل يتنفخ والكمية تتضاعف

[kiya]

مساء الخير لبنات
وش راكم نتمني تكونو كامل لاباس
اليوم تغدينا شخشوخة
لبنات شكون رايحة تقتح الكوزينة الجديدة

[ladymillion]

Kiya رانا نستناو ههههههههه
مانعرف عطورة , ولا ام اسلام وآية وحدة منهم الحالة راقدة من لبارح سكووووووت تام هههه

بصحتك الشخشوخة لحبيبة

[لحن الحياة.]

سلاااااااااااااااااااااااااااااااااام
كون ماجاتش عيب نفتح انا الكوزينة 79 هههه
وشرااااااااااااااااااااااكم وين رااااااااااااااااااكم

[omomnia15]

مساء الخير وصح قهوتكم انا قلت نلقاكم في كوزينة جديدة معليش كل عطلة فيها خير عشايا مقرون بالصوص حمرا والفويومداشي

[أم ماجد]

ام ماجد المشماش حنا تاني مازال غالي عندنا بالصح انا دايما نفرز الحبات لي طريين بالزاف نطيبهم مربى
هههههههههه تضحكي عليا كون نقلك انا منين نجيبوا المشماش نجري للكيس الحبات الطريين بزاف ولمطبزين نغسلهم وناكلهم مباشرة :1::1::1::1:

[طالبة الجامعة]

السلام عليكم عدنا والعود احمد وبلقياكم نسعد
ladymillion راني جربت قلب اللوز تاع ام اماني جا يهبل واش نقولك وهادي هي الوصفة
6 كيسان سميد
3 كيسان سكر عادي
كاس لبن
كاس زيت
كاس اتاي ماء الزهر
شوية فاني
رشة ملح
وتخلطي مليح وتخليه يرتاح مدة معينة اومبعد ديريه في سنيوةوخليه يطيب
اشعليلو النار من تحت اوكي تشوفي اطراف القلب اللوز تحمرو اشعلي الجهة الفوقانية تع الفور حتى يتحمر او كي يطيب سقيه مبائئرة بالشربات
وبعدة مدة زيدي سقيه ثانية وخليه يشرب مدة 6ساعات كاملة
واخيرا بالصحة والهناء

[ladymillion]

طالبة جامعية مشكوووووورة حبيبتي وليت نخاف نزيد نديرو هههههههه
كنت معتمدة نتاع ام رامي وهذا كيعاد ديريه في يوم سهل
جزاك الله كل خيييييييييييير

[طالبة الجامعة]

الله يسلمك وعلاه لا لا كي نعرف ماشي خسارة ladymillion
بصح نبهك بلي الصوامعية تزيدلو الحليب ( كاس)

[طالبة الجامعة]

وكيما قلتي رانانتعلمو هذا امر عادي:):):)

[ladymillion]

جزاك الله كل خير لحبيبة
ان شاء الله نزيد نشوووووف تقول راح ندير مشروع هههههههه بإذن الله نزيد نديرو ويارب يصلحلي وممكن الدشيشة لي درت بيها ماهيش مليحة والعلم لله ههههههه راح نحصلها في الدشيشة لي ماشي مليحة خخخخخخخ
والله في قلبي كل مانشوفكم درتوه نسخف

مشكورة بزااااااااااف على الاهتمام

عشانا دارت اختي لي مونشون /// الحمد لله

[طالبة الجامعة]

يادرا وقتاش تنفتح الكوزينة الجديدة

[طالبة الجامعة]

جزاك الله كل خير لحبيبة
ان شاء الله نزيد نشوووووف تقول راح ندير مشروع هههههههه بإذن الله نزيد نديرو ويارب يصلحلي وممكن الدشيشة لي درت بيها ماهيش مليحة والعلم لله ههههههه راح نحصلها في الدشيشة لي ماشي مليحة خخخخخخخ
والله في قلبي كل مانشوفكم درتوه نسخف

مشكورة بزااااااااااف على الاهتمام

عشانا دارت اختي لي مونشون /// الحمد لله


انجاز عظيم واشبيك جربيه وعلى ضمانتي
ان سيرت تع شكارة سميد بصح المرة الجاية نجرب الدشيشة تاع مولا moulin :)

[طالبة الجامعة]

عشانا شربة ان شاء الله

[طالبة الجامعة]

حبيت نسيي الياغورت المنزلي بصح خفت

[ladymillion]

ان شاء الله اختي طالبة جامعية (( قوليلي اسم نوليو ناديولك بيه يكون سهل ههه)) وبصحتكم الشربة لحبيبة

راهي ام ماجد جربت مرة ياؤورت منزلية مانعرف نتاع من اذا راهي هنا تفيدك ان شاء الله

اليوم وحدة ماحطت لحلو نتاع القهوة / بغيت برك نعرف وين راحو لبقية
ياليت يجيو يفتحو كوزينة جديدة انامن لبارح وانا نستنى الدعوة راقدة

[ladymillion]

طالبة لقيتلك موضوع لاخت دارت ياؤورت وحطت 3 روابط شوفيهم

http://www.djelfa.info/vb/showthread.php?t=1417596&highlight=%ED%C7%C4%E6%D1%CA+%E3%E4%D2%E1%ED

[ام سراج وملاك]

السلام عليكم يعطيكم الصحة كامل ماشاء الله يعطيكم الصحة اختي ام اناس شفتك تحوسي على غروبية معليهش لاشة فات الحال عليها بلاكش تعجبك هاذي لغروبية مالفة نديرها وتجي بنينة بزاف
المقادير هي : 500غ زبدة اي نوع + 2 مغارف كبار سكر ارطب+2 مغارف كبار كاكاو + 2 مغارف كبار ماء الزهر + كاس كاوكاو مقلي ومرحي + كاس جيلاجلانية مقلية + فرينة تلمي بيها لعجين
تشكلي حربوش وتقصي مقروطات وتطيبيهم كي يطيبو وهوما سخونين تمرمديهم في سكر الارطب مرتين من الاحسن ديري السكر في صاشي ومرمديهم فيها وديريهم في لي كيسات مباشرة هكذا يجيو

http://im57.gulfup.com/SFlski.jpg

[طالبة الجامعة]

اسمي فاطمة الزهراء

[طالبة الجامعة]

طالبة لقيتلك موضوع لاخت دارت ياؤورت وحطت 3 روابط شوفيهم

http://www.djelfa.info/vb/showthread.php?t=1417596&highlight=%ed%c7%c4%e6%d1%ca+%e3%e4%d2%e1%ed


شكرا اختي بارك الله فيك:)

[طالبة الجامعة]

ladymillion حبيت نسقسيك راني شفت موضوعك الخاص بالكاشير في قسم المقبلات والسلطات اذا كانت مضمونة اكديلي باش نجربها

[om inas]

هيا بنات شكون تتشجع وتحل الكوزينة والله ملينا من الانتظار

[selma2013]

مساء الخيرات واش بيها الكوزينة مهجورة وين غابو الفحلات كامل

[omomnia15]

مساء الخير وصح عشاكم مزالت الكوزينة غير متفتحتش وين راهم المشرفات يجو يفتحو وحدة ولا خلو عطر تفتحها

[kiya]

مساء الخير
اذا حبيتو نفتح الكوزينة انا

[oum anas 69]

السلام عليكم ورحمة الله وبركاته
كيا أفتحي كوزينة جديدة للأسف رايحة نغلق هادي أوكي