اجروا عاونوني يامبدعات المنتدى بسكو راني عولت على الكوزينة

[MiSs Pink06]

سلام
شوفو انا ليوم شفت وحد الموضوع تع وحد البنت نتيجتي او تدير ماكلة هباااااااااااااااااااااااال مالا كلاني قلبي او غرت قلت كيفاش نتيجتي طيب عفايس خير مني مالا درت القلب او عولت في هدا رمضان يسموني الكوزينة و الى الامام سر........المهم بلا ما نقعد نهدر حبيت تورولي لي تعرف او لمولات الموضوع لي هي sirina-angel او غيرها من المبدعات دياولنا في هاد المنتدى يورولي هاد الاكلات التالية :
احم احم......
اولا.....الخبز الايطالي
ثانيا...........حساء الجبن
ثالثا......مادا بيك توريلي هادي الشربة تع الرشتة انا جامي شفتها مي عولت نديرها او كونترا على يما لي قاتلي متجيش شابا مي على حساب واش شفت تجي بنينة بسكو انا تاني نكره شربة فارميسال
رابعا او مزال للقدااام .....مثلثات محشية بالجبن
خامسا...يالنجي شامي ...لي طول عمري نحلم ناكلو مي هاد المرة على يديا نشاء الله
سادسا......الكبة الشامية
سابعا......سلطة رولي
ثامنا......طاجين الخوخ
تاسعا.....فريكاسي تونسي
عاشرا.....بطاطا وجاج في اكياس الشواء
طاجين الجبن



تعيشو ماتبخلونيش بسكو لاول مرة حابة ندخل للكوزينة وندير الراي ونفرح ميمتي مسكينة نتمنى من قلبي تساعدوني بسكو قصدتكم او متغلقوش الباب في وجهي ربي يخليكم
سلام راني نستنى في ردودكم

[lilii7179]

سلام انا نقدر نوريلك الكبة الشامية على خاطر كليتها و تعلمتها في سوريا
المقادير: 250 غ برغل
250غ لحم مرحي
بصلة صغيرة مرحية
ملح فلفل اسود
للحشو : بصلة صغيرة مرحية, 250 غ لحم مرحي, ملح, فلفل اسود, كمشة صنوبر محمص, كمشة فستق (pistache) مرحي خشين, كمشة جوز مرحي خشين (concassé)
بالنسبة للحم المرحي السوريين يزيدولو كمية من شحم الغنم, انا شخصيا جاني فيه ليدام بزاف , استغنيت عليه و جاتني مليحة
الطريقة:
تنقعي البرغل لمدة نصف ساعة في الماء ثم صفيه مليح لازم يقطر من الماء, و تخلطيه مع البصل المرحي و التوابل, و هنا السر انك لازم تعاودي ترحي كلشي في الرحاية تاع اللحم لعدة مرات , انا شخصيا نستعمل الروبو.تتحصلي على عجينة
بالنسبة للحشو : ذبلي البصل في شوية زبدة ملح , فلفل اسود, اضيفي اللحم (نفس طريقة البوراك) ثم المكسرات .
و تبداي تشكلي كويرات تحفريها في الوسط و تعمريها بالحشو و تغلقي و تعطيها شكل الكبة المعروف. اذا كانت العجينة تلسق في يدك بلي يدك ب شوية ماء. كي تكملي اقليها , و بالصحة و الهناء.
انا اول مرة حضرتها كنت خايفة لا تتحل كي نحكها في الزيت , لكن النتيجة كانت رائعة

[lyzzabel]

حساء الجبن للخت faizarbh
http://www.djelfa.info/vb/showthread.php?t=1151491

طاجين الخوخ او طاجين التفاح راهم بنفس الطريقة و نفس الوصفة للاخت المستغفرة
http://www.m5zn.com/newuploads/2014/06/12/jpg//795382855b1838a.jpg
http://www.m5zn.com/newuploads/2014/06/12/jpg//f462db9a31baee2.jpg
كمية من البطاطا طيبيها كيما لابيري ديريلها شوي زبدة وخليها تشد روحا في الثلاجة
لحم مرحي طيبيه بالثوم ملح ابزار قرفة كي يطيب اعجنيه بفرماج لافاش كيري و كربعيه
ومن بعد خذي كمية من البطاطا واحشيها بكرة اللحم
ومن كوريها مليح وديريها باني و اقليها
وقدميها مع صوص بلونش


طاجين الجبن lady million من قناة سميرة
http://www.m5zn.com/newuploads/2014/06/12/jpg//d799a0496de7aca.jpg
بالنسبة للطبقة الاولى

تخفقي 4 بيضات + ملح + فلفل أسود + جبن مبشور كمية مليحة + كريمة طازجة+ خميرة الحلوى +كمية من معدنوس أنا مدرتوش مايشتيوهش دارنا (( انا زدت من عندي م ص موطارد )
جيبي مول الكيك أو أي مول ادهنيه بالزبدة وضعي فيه خليط البيض وحطيه يطيب في حمام مائي كيما لفلون نتاع الفور (( هو اساسا سماه فلون هاذ الخليط )) يطيب 20د هكذاذ

الطبقة الثانية
قلي الثوم مبشورة في شوي زيت + بصل مقطعة قطع صغيرة وقليهم مع بعض وزيدي عليهم كمية من لحم مفروم وصدر دجاج مرحي مليح وطيبيهم نصف طياب في المقلاة الكل مع بعض
التوابل ديري ( ملح +فلفل أسود + كمون + أنا زدت شوي كاري و قشور ليمون تعطي بنة هايلة للحم ) خليهم يطيبو نص طياب وزيديلهم شوي جبن طري و البيض هو دار 3 بيضات انا درت 2 كفاوني
كي طيب الطبقة الاولى اجبدي المول من الفور يبرد شوي وحطي طبقة رقيقة من الجبن انا درت جبن ابيض طري وزيدي حطي طبقة اللحم ومن فوق ديري جبن مبشور وحطيه يكمل الطياب في الفرن

هذا هو ( للأمانة الوصفة من قناة سميرة الشاف ((لطفي حيمر)) )

الفريكاسي التونسي للغالية ام انس69
http://www.djelfa.info/vb/showthread.php?t=1275256

نتمنى نكون ساعدتك و لو بالقليل و حظ موفق حبيبتي ;);)

[MiSs Pink06]

صحيتو ربي يخليكم او يعطيكم ما تتمناو مي نشاء الله يزيدو يعاونوني العضوات في الاطباق لي بقات

[MiSs Pink06]

سلام انا نقدر نوريلك الكبة الشامية على خاطر كليتها و تعلمتها في سوريا
المقادير: 250 غ برغل
250غ لحم مرحي
بصلة صغيرة مرحية
ملح فلفل اسود
للحشو : بصلة صغيرة مرحية, 250 غ لحم مرحي, ملح, فلفل اسود, كمشة صنوبر محمص, كمشة فستق (pistache) مرحي خشين, كمشة جوز مرحي خشين (concassé)
بالنسبة للحم المرحي السوريين يزيدولو كمية من شحم الغنم, انا شخصيا جاني فيه ليدام بزاف , استغنيت عليه و جاتني مليحة
الطريقة:
تنقعي البرغل لمدة نصف ساعة في الماء ثم صفيه مليح لازم يقطر من الماء, و تخلطيه مع البصل المرحي و التوابل, و هنا السر انك لازم تعاودي ترحي كلشي في الرحاية تاع اللحم لعدة مرات , انا شخصيا نستعمل الروبو.تتحصلي على عجينة
بالنسبة للحشو : ذبلي البصل في شوية زبدة ملح , فلفل اسود, اضيفي اللحم (نفس طريقة البوراك) ثم المكسرات .
و تبداي تشكلي كويرات تحفريها في الوسط و تعمريها بالحشو و تغلقي و تعطيها شكل الكبة المعروف. اذا كانت العجينة تلسق في يدك بلي يدك ب شوية ماء. كي تكملي اقليها , و بالصحة و الهناء.
انا اول مرة حضرتها كنت خايفة لا تتحل كي نحكها في الزيت , لكن النتيجة كانت رائعة




معليش تقوليلي وشنو هو البرغل بسكو منعرفوش او صحيتي على الوصفة

[MiSs Pink06]

مراكمش حابين تعاونوني مرسي عليكم

[الوردةالجورية]

اختي البرغل هو لفريك وانشاء الله الاخوات ايكملولك باقي الوصفات راني كيفك

[MiSs Pink06]

انشاء الله ختيتي

[MiSs Pink06]

من فضلكم المساعدة قبل رمضان

[MiSs Pink06]

ممكن تعاونوني بليييز

[منى ابراهيم]

سلام اختي نعرفها عليك راكي درتي القلب ننصحك جربي الوصفات غير بالعقل باش في رمضان اطيبيهم الله الله

[مرام 92]

سلام انا نقدر نوريلك الكبة الشامية على خاطر كليتها و تعلمتها في سوريا
المقادير: 250 غ برغل
250غ لحم مرحي
بصلة صغيرة مرحية
ملح فلفل اسود
للحشو : بصلة صغيرة مرحية, 250 غ لحم مرحي, ملح, فلفل اسود, كمشة صنوبر محمص, كمشة فستق (pistache) مرحي خشين, كمشة جوز مرحي خشين (concassé)
بالنسبة للحم المرحي السوريين يزيدولو كمية من شحم الغنم, انا شخصيا جاني فيه ليدام بزاف , استغنيت عليه و جاتني مليحة
الطريقة:
تنقعي البرغل لمدة نصف ساعة في الماء ثم صفيه مليح لازم يقطر من الماء, و تخلطيه مع البصل المرحي و التوابل, و هنا السر انك لازم تعاودي ترحي كلشي في الرحاية تاع اللحم لعدة مرات , انا شخصيا نستعمل الروبو.تتحصلي على عجينة
بالنسبة للحشو : ذبلي البصل في شوية زبدة ملح , فلفل اسود, اضيفي اللحم (نفس طريقة البوراك) ثم المكسرات .
و تبداي تشكلي كويرات تحفريها في الوسط و تعمريها بالحشو و تغلقي و تعطيها شكل الكبة المعروف. اذا كانت العجينة تلسق في يدك بلي يدك ب شوية ماء. كي تكملي اقليها , و بالصحة و الهناء.
انا اول مرة حضرتها كنت خايفة لا تتحل كي نحكها في الزيت , لكن النتيجة كانت رائعة


شكرا و بارك الله فيك