استفسار

[مشكلتي]

السلام عليكم مانطولش عليكم
انا اتخطبت من حوالي اسبوع اول مكالمة معاه قالي راكي خدامة ؟؟؟؟ قلت لا
قالي راني حابك تخدمي باه تديريلي طوموبيل راني عييييت من الطرونسبورررر
من هذاك النهار وانا تخمم هل هذا شيئ عادي ؟اول مكالمة يقلي هكذا
مع العلم اني متخرجة ومازال مانيش خدامة وهو ماهوش ناجح
وش رايكم رااااني عيييت

[العهد الرائع]

نظن مزحة سخيفة من طرفو
لانو الانسان الطماع لا يقول على نواياه من اول مرة
و الله اعلم

[GaMes23]

والله هدا حسب الطريقة اللي قالك بيها الكلام هدا يعني ادا كان يقصدو معناه هدا ماش راجل.

[لؤلؤة الرحمان]

السلام عليكم

انا اوافق الاخت العهد الرائع في قولها ربما انها مزحة

وقد التمستها ايضا حتى في طريقة كتبتك لها فلا تنظري للموضوع بطريقة جدية

ولاتتسرعي في اتخاذ قرار تندمي عليه فيما بعد دعي الايام تظهر لك نواياه الحقيقة .

[ولــــــــيد]

اعتقد انها مجرد مزحة

[وليد1990]

يا اختي فكري جيدا في طباع هذا الرجل هل هو من النوع المرح والمازح ثم ركزي في كلامه هل هو انسان مادي ويتكلم كثيرا عن المادة والعمل هل يتكلم معك عن عملك وامروك المادية انتي وشطارتك تقدري تحكميه من اللسان

[hajour]

الاحتكاكات الأولى يغيب عنها المزاح تماما. شوفي أختي حطي رجليك على الصح.

[ام ايمان16]

هاذي ماشي مزحة وقولك انو ماهوش ناجح يطرح عدة تساؤلات؟؟؟لاه قبلتي بيه؟هل هو خدام او لا ؟فكري مليح الزواج ماهوش مزحة او لعبة وديري صلاة استخارة ؟

[loubna 91]

بالاك مزحه انتي تاني قوليلو منيش حابه نخدم حابه نتا لي تصرف عليا و شوفيه

[ايمان نور الجزائر]

في اقرب فرصة رجعيلو المزحة نتاعو
قولو حابة نقعد في الدار وراجلي يصرف علياااااااااااااا
تم تعرفي الصح

[sara 97]

الاستخارة افضل حل
ولاتفسخي الخطبة بسرعه او تفكري حتى تتاكدي من نواياه

[منير265]

الايااام راح تبين ... فصبراااا

[abdelhamid24]

بصح ماقالش الماركة تاع طوموبيل اللي تجيبيها

قلتي المكالمة الاولى .غي كملي و شوفي المكالمات الجاية

ياك هذي خطوبة باش تتعرفي عليه

[sali-sali]

السلام عليكم
صح ضحكتيني ... من اول مكالمة يحكي كيما هكدا
كان عليك تجاوبيه وتقوليلو نستناك انت تدير الطوموبيل ...
الله اعلم حاولي تفهمي منو اكثر ان كانت مجرد مزحة

[نورسين.داية]

السلام عليكم

اختي لو كنتي موظفة كنت سوف أتقبل الفكرة لكن هنا السؤال يحمل معنيين ياإما يتمسخر يا إما هي الفكرة فعلا في دهنه ويختبر ك هل يتحقق غرضه أم لا ....

و الصراحة لا أستطيع أن أرجح أي فكرة ................... لأن الإنسان المادي يتبين من خلال طباعه و حساباته ......لا نستطيع الحكم عليه ....و اني وجب أن تعرفي دلك بنفسك ....من خلال الخطبة و تكاليفها ......في الهاتف ماهي المدة التي يستغرقها في الحديث معك .....يحسب بالساعة أو الكيلو هههههههههههههههههههههههههههههههههههههههه

المهم وفقكي الله

[naamane3]

بالاك مزحه انتي تاني قوليلو منيش حابه نخدم حابه نتا لي تصرف عليا و شوفيه
فكرة روعة بارك الله فيك