اقتراح.......حلويات العيد [الأرشيف] - منتديات الجلفة لكل الجزائريين و العرب

ام مهدي 03

2014-06-09, 16:41

كل شهر رمضان فى الايام الاخيرة نبداو حلويات العيد ووقتنا كامل نقضيوه فى التحواس على الوصفات والتجارب وهكدا حتى يلحق العيد.......
ومن بعد انا كل عام يغيضونى ال10 الاواخر ونقول رمضان الجاى ان شاء الله ما نخليهمش.....ويجى شهر رمضان ونفس الحكاية
واش رايكم خواتاتى لكان نديرو ورشات كيما نتاع الكروشى راهم ناشطات الله يبارك وانتقلت العدوى تان لجماعة الخياطة راهم بداو يوجدو للصيف
عمبالى تقولو مازال العيد لكن هداك هو الوقت باه نحطو الوصفات ونخيرو والى جربت القاطو من قبل تحطنا الكيفية والتطبيق واحنا علينا نطبقو فى وقت محدد. هكدا ما نودروش الوقت فى التحواس والتجارب ونعاندو على بعضانا
نتمنى تعجبكم الفكرة ونلقاو تفاعل فى امان الله

nadoush.1984

2014-06-09, 17:00

مشكورة على الفكرة حتى أنا سبقلي و طرحت نفس المشكل و يشرفني نكون اول واحدة ترد عليك
تعرفي مع السخانة و الوقت يلحق بسرعة في رمضان نحب دايما على الاقل نحدد نوعين او ثلاثة نكون مجربتهم من حيث الوقت و الكمية اللي تقطع و حتى التعب خاصة راني خدامة و منشورش من الخدمة حتى الرابعة مساءا ما نلحقش حتى للفطور
راه في بالي بعض الحلويات منها جديدة عليا و منها متعود كل عام نعملها و راني حتى نوجد في الليمول تاع سيلكون و غيرها اذا لقيتها نعمل الحلوى اللي في بالي و اذا مالقيتهاش نغير القائمة
اقتراحي نبداو بالبقلاوة تعرفي بلي تحتاج خدمة بزاف و كل وحدة ممكن تزينها بشكل اللي تحبه
مابقالي غير نقولك مشكورة مرة أخرى على المبادرة الطيبة و ان شاء الله نتفنو في تحضير حلويات العيد

ام مهدي 03

2014-06-09, 17:24

والله عجبنى ردك اختى وان شاء مع يزيد تفاعل الاخوات نبداو فى اقتراح الوصفات
وان شاء الله كيما قلت اختى نتفننو فى حلويات العيد ويكون عيد مميز ومايتنساش

tamimkougi

2014-06-09, 18:58

أختكم الملتزمة بإذن الله,,السلام عليكم أخواتي الطيبات ,,شكر الله جهودك الطيبة أختنا الكريمة ام مهدي و فكرة جيدة بانسبة لإقتراح القاطو ان شاءالله يكون رمضان مبارك و حلوياتنا ولا أطيب و شعارنا التميـــــــز ,,صدقيني أختي ـ عن نفسي ـ كل رمضان نبدا نعمل الحلويات من يوم 12رمضان و دائما نعمل تقريبا تسع أو عشر أنواع ,أكثر وقت عملي الصباح الباكر و صدقيني يكفيني الوقت نختم القرآن أكثر من مرة و نشفع ف الليل في بيتي و نقيم الليل,,رب يوفقنا لطاعته اجمعين,,مثلا نبدا نخدم الحلويات اللي تصبر "القنيدلات بدون حشوـ و اللوزة والفراشة اللي قوالبهم حديد ـ والصابلي بدون تزيين,,,," وفي الأسبوع الثالث من رمضان نبدأ نحشي و نزين و نحضر أنواعي الباقية أللي ما تصبرش,,وبالنسبة لهذا العيد إذا كنا من الأحياء فكرت نعمل البقلاوة و قاطو لمدلل لأخت كريمة نسيت اسمها و قاطو قلوب الماس لأختنا باتيلا رب يحفضهم و قاطو le pain d'epices لسليمة يعلى و مقروظ النقاش و نزيدو نشوفو مع جديد الأخوات في المنتدى ,,ورب يوفق الجميع

ام الرميصاء

2014-06-09, 19:28

اللهم بلغنا رمضان،وكل عام ونحن من الله أقرب،الفكرة رائعة وسوف يتفاعل معها الجميع بإذن الله.

** موحدة 02 **

2014-06-09, 19:56

قلوب الالماس عجبني بززززززززززززززززززززاف و معولة نديرو
لكن انت وش قصدتي نبداو الدورة من درك و نخبو الحلويات للعيد و اللا كيفاه ؟؟

tamimkougi

2014-06-09, 20:01

الملتزمة بإذن الله,,أختي موحدة سلم الله عليك أظن أختنا أم مهدي تقصد نتبادلو الأفكار وأنواع الحلويات باه ندّو فكرة مسبقة قبل العيد و أيضا نحاولو ما نخلوش تحضير الحلوى حتى الأيام العشرة الاخيرة ـ نحاولو نستغلوها كتر في الطاعات و رب يتقبل منا جميعا ـ

ام مهدي 03

2014-06-09, 21:29

قلوب الالماس عجبني بززززززززززززززززززززاف و معولة نديرو
لكن انت وش قصدتي نبداو الدورة من درك و نخبو الحلويات للعيد و اللا كيفاه ؟؟
ههههههههههههه والله ضحكتينى يا اختى
انا قلت ما نقعدوش روتار مى ما شى معناتو نبداو ذرك
نبداو نحطو الافكار ومع يلحق رمضان نكونو خيرنا واش حبينا ومن بعد نبداو التطبيق

ام مهدي 03

2014-06-09, 21:32

tamimkougi

2014-06-09, 21:49

الملتزمة بإذن الله,,رب يجازيك كل خير ختي ام مهدي و رب يوفقنا للتميز في الــطـــاعات والـحلويــات.,اللهم آميـــــن

fatimazahra09

2014-06-09, 21:51

... très bonne idée ... mes nous les femmes .... comme vous le s'avez toutes ... hata ykoulou ghadwa laid nahabssou mandirouch
et defois hata ykoul alah akbar
merci encore

ام مهدي 03

2014-06-09, 22:11

... Très bonne idée ... Mes nous les femmes .... Comme vous le s'avez toutes ... Hata ykoulou ghadwa laid nahabssou mandirouch
et defois hata ykoul alah akbar
merci encore
على هدى يا اختى لى قلت نعملو فى شكل ورشات باه نتقيدو بالوقت المحدد
تعرفى العمل فى جماعة يعلم الانضباط
ربى يوفقنا فى تحقيق الفكرة

idron0

2014-06-09, 22:18

يعطيك الصحة

همسة مشاعر

2014-06-09, 22:35

ربي يقدرنا ويبلغنا رمضان متخافوش نصوموه ونطيبو القاطو كيما كل عام

بريق الدجى

2014-06-09, 23:16

مشكلتك هي نفس مشكلتي يا اختي ام مهدي ، كل عام نقول العشر الأواخر نتعبد فيهم كما ينبغي لكن نلقى روحي الوقت سرقني و زيد اولادي صغار نتعب معاهم
نتمنى هذا العام يكون أحسن بتشجيع منكم و بتكاثف الجهود مع بعض ان شاء الله
و عجبتني افكار الاخت الملتزمة بادن الله راح نسرق شوية منهم بعد اذنك
و راني متابعة الموضوع معكن
اللهم بلغنا رمضان

** موحدة 02 **

2014-06-09, 23:29

[QUOTE=ام مهدي 03;1056639770]ههههههههههههه والله ضحكتينى يا اختى
انا قلت ما نقعدوش روتار مى ما شى معناتو نبداو ذرك
نبداو نحطو الافكار ومع يلحق رمضان نكونو خيرنا واش حبينا ومن بعد نبداو التطبيق
[/QUOTE

ههههههه خسارة عليك تضحكي عليا انا حاكمني الزهايمر و عندي تأخر في الفهم ياخي انت قلتي ورشة و اللا وش ؟؟؟:rolleyes:
المهم راني فهمت بللي نخلو هاذ الصفحة للاقتراحات بررك يااااااااااااااااك ؟؟؟

tamimkougi

2014-06-09, 23:30

الملتزمة بإذن الله,, حيّاك الله وبيّاك أحتي الكريمة بريق الدجى رب يحفضك و يعطيك الصحة والعافية ويعينك في تربية اولادك ـأنا عندي طفل واحد ثلاث سنوات ـ و مرات نضطر نقّصر معاه من أجل القيام بالصلاة والطاعات وقراءة القرآن والذكر ووووو,لذلك الحل الووحيد أنّوض الصباح بكري أكيد ولدي يكون راقد و نقوم بالشي اللي ناويته,,و مرات ما نرقدش القايلة نكمل الشغل الناقص,,,لكن بفضل الله ومنته كل عام نمشي بهذا النظام و الله نصيب راحتي و نكمل اشغالي قبل الوقت ـ سبحان الله رب يطرح بركته في الوقت والعمل ـو رب يوفقنا

بيلسان11

2014-06-09, 23:31

بارك الله فيك أختي أم مهدي على الفكرة حتى أنا بديت نحوس .أنا باذن الله ناوية ندير قاطو رولي ما يطيبش , و قاطو الفرماج و قاطو الياوورت تاع سهام الخير و قاطو القضيفة تاع الأخت فلة و مازال قاعدة نخمم واش ندير و ان شاء الله نستفيد من اقتراحاتكم و ممكن تغيرولي رأيي و نبدل خلاص .

أم شروفة

2014-06-10, 07:24

أنا رمضان هذا عندي خاص ان شاء الله في 27 طهور وليدي وراني نخمم من الان وش ندير حلويات

بريق الدجى

2014-06-10, 08:53

الملتزمة باذن الله
ربي يخليلك وليدك و يحفظهولك نعم هذا هو الحل النهوض بكري و العمل في الوقت لي يكونو الاولاد نايمين بارك الله فيك و في جهدك و أعانك على شكره و عبادته

أم شروفة
مبروك مسبقا على وليدك بالصحة و الهنا ان شاء الله

أما على اقتراحاتي العام هذا ان شاء الله نقرر من قبل واش راحا ندير حلويات و نشري المقادير قبل رمضان و نجهز اللوز اذا كنت رايحا نعمل حلوى باللوز و نشري لي مول و الطوابع لي نحتاجهم ، هكذا مبعد نخدم الجلوى فقط و مايضيعليش الوقت في التفكير و التدبير باذن الله تعالى

tamimkougi

2014-06-10, 09:02

الملتزمة بإذن الله,,وإيّاك اختي بريق الدجى رب يحفضك و أهل بيتك الكرام

ألف مبروك أختي أم شروفة الختان والعاقبة لقرايتو ان شاءالله

أم هبوبة

2014-06-10, 10:10

نعم يا أختي أنا دايما نحتار في وصفات حلويات العيد كل يوم نبدل قائمة و نقعد اليوم غدوة اليوم غدوة حتى نرقى بقات
للعيد أيام و نبدى نجري و نعمل في القاطو صباح للبكرى و في الليل لكن ما يجي العيد حتى نكون فشلت
لكن هدي المرة و بفضل وصفات الأخوات في هدا المنتدى الرائع راني حابة نجرب وصفات راني مدونتهم وخاصة وصفات الأخت أم أماني
و الأخت كوثر و نلم نأشر على القائمة النهائية راني نحطها إن شاء الله .
إن شاء الله يدخل علينا رمضان بالصحة و العافية و يبلغنا العيد بفضله تعالى .

Sasau

2014-06-10, 10:44

Fikra mliiiiiiiiiiiiiiiiiiiiha. Rani Maaaaaaaakom

la perle rima

2014-06-10, 10:54

السلام عليكم أنا راني نخمم نديره من درك و نكونجليه لخاطرش الحمان بزاف عندنا و منعرف واش رايكم ؟

تغرينية

2014-06-10, 10:57

بارك الله فيك منكم نستفيد اقتراحي نديروا حلويات الصابلي للانه راه الصيف والقاطوا ييبس نوجدوه يبقا غير التزيين نخلوه في الايام 17و18و 19 الحلويات المعسلة مانفدروش نسبقوا بيها لانها تنشف هدا اقتراحي

تغرينية

2014-06-10, 10:58

السلام عليكم أنا راني نخمم نديره من درك و نكونجليه لخاطرش الحمان بزاف عندنا و منعرف واش رايكم ؟

تكونجليه بلا ما تزينبه

الصبر الجميل

2014-06-10, 13:53

السلام عليكن اخواتي اسمخولي ندخل انا العام الماضي خدمة الحلوى 10 ايام قبل رمضان و حطيتها في الكونجيلاتور و الله جات روعة و خرجتها نهرين قبل العيد كاني الان خدمتها روعة روعة و ارتحت من هم الحلوى في العشرة الاخيرةالحمد لله العام هذا اذا سمحت ظروفي المادية راح نعاود العملية ان شاء الله و نخمم نخدم المعمول بحشوة المكسراة وحلوة الترك وصابلي من اي نوع و غريبة الحمص و قلوب الشوكولا بالبيمو و بقلاوة بعجينة الفيلو ان شاء الله طبعا ربي يعاوني و يعاونكم آمين

FATIHA131

2014-06-10, 14:16

rana kamél m3ak okhti

ام مهدي 03

2014-06-10, 16:28

مساء الخير اخواتى. اسمحولى هدا وين قدرت ندخل النت ماكانتش من البارح هدا وين ولات
ام شروفة مبروك على بنك مسبقا
بريق الدجى انا تانى ولادى صغارالكبير 5 سنين والثانية 3 والصغيرة 9 شهر راكى تتصورى وزيد يتعاندو. بصح هدا العام ان شاء الله حابة نطهلا فى كل شىء
اختى الملتزمة واش رايك نديرو برنامج لكل شىء فى رمضان ومن فضلك ادا قدرتى تكفلى انت ببرنامج قراءة القران

tamimkougi

2014-06-10, 16:46

الملتزمة بإذن الله,,الله يمسيك بالخير ختي ام مهدي عُدتي والعود أحمد,,الحمد لله شفت كيفاه موضوعك لاقى تفاعل خياتنا ربي يححفضك و يحفضهم و يثقل بهذا العمل الطيب ميزان حسناتك ,,آمين

tamimkougi

2014-06-10, 17:03

الملتزمة بإذن الله,,الله يكون في عونك ويتمم عليكم نعمة الصحة والعافية ختي ام مهدي و بريق الدجى ووو ,,في العناية بالأولاد أنا بطفل واحد مارانيش ملحقة,,بالنسبة ليا عاملة يعني موالفة بالنواض بكرري و الحمدلله عطلة الصيف يجي فيها رمضان ,وتوقيت القرآن ـ بالتنسيق و دعم من صديقة روحي و أختي في الله "دمعةخشوع نورةباتنة" رب يحفضها و يشافيها, , الصباح الباكر جدا نقرا شوية ثم ندخل للمطبخ "أنا من الناس أللي يطيبو الجزء الكبير الصباح" أولا باه نلقى وقت أكتر للعبادة في القايلة وثانيا بسبب السخانة نتاع الجو نحس روحس الصباح أنشط, و على الساعة 12 نخرج من الكوزينة و نسيّق الدار كاملة و نروح نصلي الظهر مع القرآن, مرات نرقدشوية بعد العصر و مرات لا, و لعشية نرجع للكوزينة, وف الليل نشفع ,, أهم حاجة اما ما نسهرش بهزا في رمضان "و نزيد نصلي القيام,,والله المستعان

MINA-NINA16

2014-06-10, 17:45

اللهم بلغنا رمضان والله فكرة هايلة و كيفاش نبداو بالصور و الوصفات ولا كيفاش:confused::confused::confused:

tamimkougi

2014-06-10, 17:55

الملتزمة بإذن الله,,حياك الله أختي mina وش رايك اختي الوصفات تحاولي تجمعيهم من الأن في كراس باه في رمضان يكون الوقت أكتر للقرأن والذكر,,نقولك أختي وما تضحكيش عليا عندي دفاتر كل عام نكتب فيها وصفات شاملك كاملة لثلاثين يوم مثلا نعمل هكا .,
ـ اليوم الاول ...............
ـ اليوم الثاني ,,,,,,,,,,,,, وكل رمضان نجبد دفتر رمضان الماضي و نحاول نتذكر وش طيبت و ننقص على روحي شوية تفكير,,وأكيد دايما كاين التجديد خاصة في منتدانا الطيب و مع اخواتنا المبدعات,,,,,,,,,,نتمنى نكون أفدت ولوبالقليل,,,و تسمحلي ام مهدي رديت في بلاصتها,,رب يحفضها في الحضوروالغياب,,,

ام مهدي 03

2014-06-10, 19:16

اختى الملتزمة راكى قايمة بالدور واكثر بارك الله فيك
المهم الموضوع يبقى متجدد والصفحة مفتوحة للجميع
واش رايكم اخوات نبداو نحطو الصور ونخيرو مع بعض. ولا واش قلتو

ام مهدي 03

2014-06-10, 19:20

نحاولو نعتمدو على التنويع فى حلوياتنا من حيث الشكل واللون.....
يعنى مثلا مانديروش 2 قاطوات بالشيكولة ولا زوج ما يطيبوش وهكدا.....

tamimkougi

2014-06-10, 19:29

الملتزمة بإذن الله,,أنت الخير والبركة اختي ام مهدي ,,للأسف أنا ما نعرفش نحط صور و روابط ان شاءالله خياتنا يفيدو اكثر مني في الصور

ichrak03

2014-06-10, 19:34

والله فكرة

tamimkougi

2014-06-10, 20:09

الملتزمة بإذن الله,,نعم اختي أهم حاجة كيما تفضلتي و قلتي اختي ام مهدي التــــــــــــنـــــــــــوع في الحلويات
مثلا العم الماضي انا حضّرت : عين الجمل "في بلاصة البقلاوة"ـ قنيدلات النيسلي ـ مقروظ النقاش ـ قاطو les grains de café ـ قاطو براوني البيمو للأخت الكريمة وهرانية ـ صابلي ام اماني ـ المعمول ـ les ourssins ـ كورني بالقطايف محشيين ـ قاطو اللوزة أللي بقوالب حديد ـ صراحة أنا ما ما نحبش نحضّر حلويات القلاصاج " عييت نقنع روحي بيهم و ما قدرتش " قبل ما نتزوج كنت مرة على مرة نديرهم بصح الأن وااااالو .

ام مهدي 03

2014-06-10, 22:00

ما نعرفش قاطو عين الجمل ممكن تهدرينا عليه اختى ملتزمة

ام مهدي 03

2014-06-10, 22:12

البنات واش رايكم فى صابلى البيضة نتاع ام امانى.انا ما جربتوش لكن اختى داراتو كى زيدت وعملت عقيقة جا هايل سيرتو كى زادت حطاتو فى طبق حلفا بزاف من المعاريض حسبوه بيض نتاع الصح

...................
http://www.up.djelfa.info/uploads/140243443649781.jpg

ام مهدي 03

2014-06-10, 22:48

لبنات واش رايكم فى صابلى التاج

http://www.up.djelfa.info/uploads/140243662384511.jpg

اذا تفقنا عليه نبداو نشريو المول من ذرك

http://www.up.djelfa.info/uploads/140243665365151.jpg

ام مهدي 03

2014-06-10, 22:51

هيا تصبحو على خير غدوة رانى مسافرة بكرى .نروح لعشية
رانى عيانة مى الله غالب ساهرة مع بنتى الصغيرة
درك نزيد ندور شويا فى الاقسام الاخرى

tamimkougi

2014-06-10, 23:06

الملتزمة بإذن الله,,دخول خاااص لاختي ام مهدي رب يحفضك قاطو عين الجميل للعزيزة الغالية lina 11 و كاين من يسمية قاطو المشطة عجينته تشبه نتاع البقلاوة و نجوزوها في المشط باه تاخذ النقش و في الوسط نحطو حبة لوز,,,إذا كنت حابة تشوفيه اكتبي في قوقلقاطو عين الجمل و يعطيك بهزا وصفات و صور و إذا بغيتي الوصفة غدوة ان شاءالله نكتبهالك,,,في امان الله وليلتك سعيدة

ام ايمان16

2014-06-10, 23:26

تشاراك البيمو

راجية غفران ربها

2014-06-11, 00:57

حبيباتي سلام اﻷه عليكم و رحمته و بركاته
و اﻷه راني مع هذي الفكرة ﻷنني عندي مناسبة و حابة ندير القاطو و.نكونجليه

سؤالي هو ويناه القاطو لي يتكونجلا
علابالي بلي تاع أسكر قلاسي لالا و راهو في بالي قاطو ام اماني لي يشبه الاوريو بكريمة الزبدة هل يتكونجلا ؟؟؟؟؟!!!

المهم راني نقيت الدأر و نحيتها من الطريق و مازأل القاطو نكملو و نتفرغو لضيفنا العزيز على قلوبنا اﻷهم بلغنا اياه يا رب
الف مليون شكر على الموضوع و ننتظر ارائكن يا الغاليات

ام ايمان16

2014-06-11, 03:55

سؤالي عن القاطو كي تكونجليوه

كي يقعد اكثر 6اشهر في الونجيلاتو نقدرو ناكلوه نورمال او لازم نرميوه

دائمة الحمد

2014-06-11, 07:38

صباح الخيرات للجميع فكرة هايلة
حبيت نجاوب عزيزتي منال
انا نكونجيلي كلش الا قاطوات الطلية ماحبيتش نجربهم
القاطوات ساك كي نعود نسحقهم للمساء نخرجهم الصباح يوليو جدد
والقاطوات المعسلة نفس الشئ نخرجهم قبل بوقت فقط لما نحب نقدمهم نزيدهم شوي عسل دافي باش يقعدو يبرقو
ونفيدكم بطريقتي لينكونجيلي بيها القاطو نهز بورت مونجي نظيف نذرذرفيه شوي مستخلص الفاني بودر ونحركو باش يعم عليه ونبدى نحط في طبقات القاطو وما بين كل طبقة وطبقة نعمل البلاستيك هذاك لي نفرشوه الي طابل يبقى جديد
نتمنى افدتكن ولو قليلا وكي نزيد نتفكر نرجع

ام كوكو

2014-06-11, 07:48

بارك الله فيك حبيبتي ام مهدي فكرة رائعة

راجية غفران ربها

2014-06-11, 08:04

شكرا لك يا الغالية دأئمة الحمد على التوضيح
قوليلي حنونة القاطو تاع سكر قلاسي لي نمرغدوه فيه ما يصرالو والو و الف شكر ليك

دائمة الحمد

2014-06-11, 08:10

منال حلويات السكر قلاس انا جربت المعمول نخرجو قبل بوقت يبقى كيما راه

algerienour

2014-06-11, 08:30

bonne idee

ام مهدي 03

2014-06-11, 19:31

مساء الخير لبنات واش راكم
اخت منال ربى يكمل المناسبة بالصحة والعافية
اختى دائمة الحمد شكرا افدتينا بالمعلومات انا جامى كونجليت لى قاطو
حبيبتى ام كو كو واش راكى هدى غيبة من ايام المسابقة كانت ايامات هايلة
اختى تفاحة انا جاتنى 6 شهر بزاف سيرتو القاطو يكون فيه البيض والخميرة الى تعرفو بانها تصنف كائن يعنى مع الوقت يزيد يتفاعل والله اعلم .ان شاء الله يزيدو يفيدونا الاخوات

ام ملاك و عبدو

2014-06-11, 20:26

مساء الخير على الجميع انا عضوة جديدة ما عنديش بزاف و حبيت نشارك معاكم انا القاطو جامي ولا درتو في الكةنجيلاتور خاطر اللي نخدمو ناكلوه خاطر نسكن بعيدة على دارنا و دار ناسي و الجيران ما كان بيناتنا خلطة يعني قيس قيس بصح هاذ العام راني نخمم ندير البقلاوة و المقروط و القطايف قبل رمضان و نكونجليهم اذا يصلح قولولي و نعسلهم ولا لالا وشكرا

tamimkougi

2014-06-11, 20:57

الملتزمة بإذن الله..سلام الله عليكم اخواتي الطيبات حبيت نفيدكم بأن أختنا الكريمة alison رب يحفضها و يوفقها و يسعد قلبها بما تتمنى وأكثر قد و ضعت وصفة قاطو رووووووعة اسمه :قاطو النيستلي " صورة ووصفة في موضوع وش طيبتي ,,,أكيد راح تغيرو فكرة الصابلي العادي وتعتمدو الوصفة,,حاولو تبحثو ع الوصفة في الصفحات الاخيرة,,,وبالصحة والراحة عشاء الجميع

tamimkougi

2014-06-11, 22:52

الملتزمة بإذن الله ,,حيّاك الله اختي ام ملاك وعبدو,,أنا العام الماضي عملت كورني بالقطايف و خبيتهم في الكونجيلاتور سمانة بلا ما نحشيهم هكذا نصحوني خبيرات الحلوى,,,وبالفعل من بعد لقيتهم كيما راهم,,,نتمنى نكون أفدت ولو بالقليل,,وفقك الله

ام مهدي 03

2014-06-11, 23:00

مساء الخير اخوات .اختى ملتزمة رانى حوست على القاطو ومالقيتوش ممكن تقوليلى وين صفحة

tamimkougi

2014-06-11, 23:14

الملتزمة بإذن الله,,حياك الله اختي ام مهدي ,,القاطو حطاتو أمس أظن أبداي حوّسي عليه من الصفحات الثمانينات حتى آحر صفحة ,,رب يوفقك

tamimkougi

2014-06-11, 23:22

أختــــــــــــي الــقاطـو راه فـــي صــفحـــــــــــــــة 90 ...بالتوفيق

الجزائرية 2010

2014-06-11, 23:25

لقيت بعض الاخوات هنا يقولو بلي يكونجليو القاطو
كيفاه تحطوه في الكونجيلاتور؟
ولا كيفاش؟؟؟؟
رجاءا فهموني؟

tamimkougi

2014-06-11, 23:39

الملتزمة بإذن الله،،حياك اختي الجزائرية نعم كاين بعض الحلويات تقدري تخدميهم مسبقا قبل العيد او أي مناسبة و تخبيهم في لي بوات أو porte mangè و تخبيهم في لكونجيلاتوغ,,وبالتوفيق

الجزائرية 2010

2014-06-12, 10:28

لكن يا اختي كانو قواطو
كي تخدميهم وديريهم في الكونجيلاتور يرجعو يابسين

tamimkougi

2014-06-12, 10:38

الملتزمة بإذن الله,,,صدقيني اختي جزائرية أنا ما عمري ما كونجليت القاطو ,برك العام الماضي اول مرة درت كورني القطايف كونجليتهم بدون حشو,,,لكن انا نسمع بللي القاطو كيما الصابلي و البقلاوة معسلة و حلويات اخرى تقدري تكونجليهم و ما يصرالهم والو,,,والله المستعان

ام ملاك و عبدو

2014-06-12, 14:15

اختى الملتزمة بدين الله شكرا لكن ما قلتيليش القطايف عسلتيهم ولا لالا و المقروط نعسلو ولا لالا لخاطر عجوزتي قالتلي على المقروط ما نعسلوش حتى نجبدو واش رايك و شكرا مرة اخرى

fifi tery

2014-06-12, 15:00

قلوب الالماس عجبني بززززززززززززززززززززاف و معولة نديرو
لكن انت وش قصدتي نبداو الدورة من درك و نخبو الحلويات للعيد و اللا كيفاه ؟؟
انا ايضاااااااااا اعجبتني كثيراااااااااا

سهيلة21

2014-06-12, 15:05

السلام عليكم صح القاطو في اواخر رمضان يتعب وزيد يلهي على العبادة عجبتني فكرة نوجدو القاطو قبل انا نفضل نكملو قبل 20 رمضان ونكونجلوها هكا نتفرغو للعبادة في العشر الاواخر بالنسبة ليا انا عندي 2 اولاد الكبير عامين و 7 اشهر والتانية 8 اشهر في رمصان انا كي نوض صباح نوجد كلش نطيب ونوجد السلاطة نقطع الدلاع نوجد البوراك بصح العشية نطيبو تقريبا تبقا لي غير حاجة قليلة نديرها في العشية وزيد نغسل مواعيني ونقي كوزينتي نتلاقا بالضهر نصلي ونقرا القران بالنسبة للملابس بعد الافطار نغسل المواعين لي فطرنا فيهم نسيق وندير الماشينة نغسل الملابس كي نكمل نريح ونبدا التراويح اسمحولي طولت الحديث حبيت نشارككم بطريقتي ننصحكم طيبو الصباح اما بالنسبة للقاطو عجبني قاطو صابلي البيضة ونزيد بقلاوة ومقروط الشهدة عجبني تاني قاطو النسكافي للاخت فايزة 44
اللهم بلغنا رمضان لا فاقدين ولا مفقودين
اللهم بلغنا رمضان واعنا فيه على الصيام والفيام والقران
وفي الاخير حبيت نفيدكم بهادي المعلومات وصلتني من احد المواقع
http://im56.gulfup.com/bDX3nZ.jpg

tamimkougi

2014-06-12, 16:11

الملتزمة بإذن الله,,العفو أختي أم ملاك وعبدو أنا كونجليت القطايف بلا ما عسلتهم ,,أما المقروظ نعرف جارتي كي تخدم المقروظ تكونجليه بلا ما تعسلو..رب يوفقك

بريق الدجى

2014-06-12, 16:24

السلام علكم و رحمة الله و بركاته
مرحبا بكن جميعا
- لكل من تسأل على المقروض انا موالفة نكونجليه
كي يطيب نخليه يبرد شوية يعني تروحلو برك السخانة لي بزاف و نكونجليه بلا مانعسلو يبقى حتى 3 اشهر مايصرالو والو
لأني ماعنديش العايلة بزاف كنت في العيد الصغير ندير بلاطو تع الكوشة تع برا و كي يطيب نقسمو و نصف البلاطو نخبيه للعيد الكبير يبقى جديد
- البقلاوة تاني جربت نكونجليها و بقات جديدة
هذا عن تجربة

ام ملاك و عبدو

2014-06-12, 17:24

شكرا لكم جميعا انا راني نخمم ندير صابلي و قاطو بالشيكولا وواحد مايطيبش وقاطو بالطلية يعني من كل بستان زهرة ربي يدخلو علينا بالصحة و الهناء

tamimkougi

2014-06-12, 18:56

الملتزمة بإذن الله,,أخواتي رب يقدّرنا على صيام شهر رمضان إيمانا واحتسابا و يتقبل منا صالح الأعمال,,ومن بين هذه الأعمال ان شاء الله "الــصــدقــة " مثلا عندما نحضروا الحلويات بكميات بهزا ما ننساوش نذّوقوا الجيران و ندخلوا الفرح على الأطفال الأيتام وووو,,,خاصة اننا نحاولو نتقنوا حلوياتنا و نحّبوا تكون بأبهى حُلة إذا لازم نتصدقوا مما نحبوا ــــــــــــــ قصة وعبرة : كان سيدنا عمر بن الخطاب رضي الله عنه دائما يتصدق بـ"السكر" فلما سألوه لما تتصدق بالسكر بالذات ؟ قال: لانني أحبــه,,ألم تسمعوا قول الله تعالى :"لن تنالوا البر حتى تنفقوا مما تحبون " ـــــــــــــــــ والله المستعان

ام مهدي 03

2014-06-12, 23:04

السلام عليكم البنات هدا وين قدرت ندخل .النت هبلتنى هاذ ليام

ام ملاك و عبدو

2014-06-13, 11:26

صباح الخير على الجميع وين راكم يا الحراير وين راهم الحلويات اللي رايحين تديروهم ان شاء الله

ام مهدي 03

2014-06-13, 22:21

مساء الخير وين راكم يا لحراير. ولا بطلتو فى الفكرة

ام مهدي 03

2014-06-13, 23:04

هيا نبداو على البقلاوة الى متفقين عليها كامل
واش رايكم نحطو صور لانواع البقلاوة ونخيرو

ام مهدي 03

2014-06-14, 09:32

صباح الخير عليكم كامل
هيا اخوات حطونا افكار على البقلاوة .كل وحدة تقولنا على عجينتها وكيفاه ديرها

tamimkougi

2014-06-14, 11:03

الملتزمة بإذن الله,,السلام عليكم و أسعدالله صباحكم بكل خير اخواتي الكريمات..
ـــــــ دخول سريع و خروج أسرع ـــــــــــــ لظروف العمل ــــــــــــ
عجينة البقلاوة : أربع كيلات فرينة سيم ـ قرصة ملح ـ كيلة مش مليانة سمن ـ ماء زهر ======== لازم ترتاح العجينة
الحشو : بنوعين أو أكثر" لأن هذه وصفة بقلاوة الطبقات " ,,وكالعادة ثلاث كيلات حشو بكيلة مش مليانة سكر +قرفة +ماءزهر

tamimkougi

2014-06-14, 11:35

الملتزمة بإذن الله,,ندهن الصينية بالسمن ثم نعمل ست طبقات ندهن بالسمن الذايب بين كل وحدة ثم نعملو الحشو الاول لوز ثم الحشوالثاني جوز "و تقدري تزيدي حشو بيستاش " ثم تواصلي طبقات العجينة خمسة أو ست طبقات ثم التزيين حسب الرغبة ,,,والباقي معروف ,,,,,,,,,,بالتوفيق,,,أستودعكم الله

ام مهدي 03

2014-06-15, 18:00

مساء الخير اخوات
اختى ملتزمة يعطيك الصحة راكى قايمة بالواجب وكثر
بالنسبة للبقلاوة راهى كيما الوصفة نتاعك غير انى ندير 4 طبقات من تحت و3 من فوق

tamimkougi

2014-06-15, 19:25

الملتزمة بإذن الله..بارك الله فيك أختي ام مهدي ـــــــــــ طريقتك مثل طريقة أمي في عدد الطبقات 4/3
أخواتي ننصحكم تشوفو صفحة الأخت الغااااالية alison صفحة // حلوياتي المتواضعة // كاين قاطو les marons صراحة تُـــــــــــــحفة
و رب يوفق الجميع لما يحب و يرضى ــــــــــــــــــــ سلام

om rofida

2014-06-15, 22:00

وشراكم كلكم وشرايكم انا عجبني قاطو البيضة بالنوازات قولولي رايكم

راجية غفران ربها

2014-06-15, 23:49

لبنات بصحتكم واش اقترحتو و ربي يوفقكم يأ رب

راجية غفران ربها

2014-06-15, 23:54

راني بديت نطيب القاطو و درت تاع النقاش لاهلوبة و جأني الشكل شوي شوي بوؤوحبيت نمرغدو في سكر قلاسي بصح خفت مايحش لانو ماهوش سخون واش ت44444

راجية غفران ربها

2014-06-16, 08:23

لبنات وين راكم جأوبوني

دائمة الحمد

2014-06-16, 09:10

منال صباح الانوار عزيزتي شوفي حطيه في بلا وعاودي سخنيه واعمليلو السكر قلاس ذرك يتغطى الشكل وما يبانش

khoulod

2014-06-16, 10:37

شكرا
لكي
جزيلا

ام ملاك و عبدو

2014-06-16, 10:40

صباح الخير على الجميع انا راني بديت بالمقروط لعشية ان شاء الله نطيبو و نخبيه

Fatima fato

2014-06-16, 10:45

و الله فكرة هايلة و انا نوافقك الرأي

أم هبوبة

2014-06-16, 15:00

راني فكرت و عملت لائحة أولية بإدن الله للقاطو لأنه ممكن يكون فيها تغيير من حيث الزيادة أو الحدف
صابلي عل 2 أنواع صابلي النيسلي و النوتيلا و صابلي بإفيلي نتاع اللوز لأم أماني
قاطو الكبريس - قاطو اسكندرانيات - مقروض معسل - قاطو الجنجلانية في مول السليكون راني رايحة أعتمد وصفة صليحة البسكري من قناة سميرة - قاطو باقلاصاج راني رايحة نعمله لأول مرة - و قاطو قلوب اللألماس ثاني راه عاجبني ممكن نديره و قاطو الكورنيفليكس لأم سامي .

و إن شاء الله نصوموا رمضان بالصحة و نعيدوا بخير و على خي
ما نطلبوا غير الصحة و الله يتقبل منا الصيام و القيام

ranim rama

2014-06-16, 16:26

ربي يجازيك و بارك الله فيكي

لؤلؤة 25

2014-06-16, 17:28

oui c vrai nchalah net3awnou kamel w njibi wassafat mlah

ام مهدي 03

2014-06-16, 21:59

مساء الخير لبنات .واش راكم؟
خواتاتى اذا بدينا ذرك القاطو كيفاه نخبوه فى الثلاجة ولا لازم يتكونجلا

ام مهدي 03

2014-06-16, 22:07

لبنات القاطو لى قالت عليه الاخت ملتزمة هدا هو
http://www.up.djelfa.info/uploads/14029527189171.jpg

ikhlasse25

2014-06-16, 22:38

والله يا اختي فكرتك رائعة لازم علينا نكونوا اكثر نظام لانه شهر كريم شهر الرحمة والمغفرة
اللهم اعنا على صيامه وقيامه لا فاقدين ولا مفقودين

ام مهدي 03

2014-06-17, 18:48

مساء الخير .اين انتن؟

ام مهدي 03

2014-06-18, 14:31

سلام لبنات. وين راكم؟
قلونا كشما بديتو

بريق الدجى

2014-07-04, 19:39

السلام عليكم و رحمة الله و بركاته
صح رمضانكم
صيام مقبول و ذنب مغفور ان شاء الله
انا مانسيتش الموضوع و لكن انشغلت شوية و اصبح دخولي المنتدى قليل
لي عودة باذن الله

tatadamizour

2014-07-05, 09:39

صباح الخير عليكم وصح صيامكم وفطوركم
انا شخصيا مانكونجليس القاطو غير نكملو ياكلوه و بصحتنا
انا رايحة ندير كما موالفة سمانة قبل العيد نبدا و خاصة اني السمانة الجاية رايحة نختن لولادي وحابة اذا كتب ربي ندير وعدة صغيرة بعد العيد ان شاء الله لاني ماعندي اي اقرباء هنا في فرنسا
معولة ندير صابلي قاطو الجلجلان بالنيسلي لام اماني راني جربتو شحال من مرة كورني باللوز منقوشين ،عرايش ، وراني نسنى كاش فكرة من عندكم
نخليكم على خير وصح فطوركم

طالبة الجامعة

2014-07-05, 11:34

فكرة مليحة وعلاش لالا
انا في بالي نديرلهم كعيعات وعرايش وقوب الجلجلان ومانعرف واش نضيف

اغادير

2014-07-05, 13:07

انا دوك نخمم غير كيفاه نكمل الايام الباقية
http://upload.z4ar.com/files/43253.gif

sara160349

2014-07-05, 13:44

سلام لبنات وشراكم عندي سؤال و هو انو انا في اوت ان شاء الله نولد و عجوزتي راحت للعمرة تجي بعد العيد ب 15 يوم طلبت مني قاطو الملفوف لام اماني و لمخبز لام اماني ايضا و بما انو نكون ولدت ان شاء الله طلبت مني نعملهم في النصفية تاع رمضان و نخبيهم فالفريجدار ماشي لكونجيلاتور تعيشو لي تعرف تجاوبني ما يصؤالهم والو شهر ولا اقل

بريق الدجى

2014-07-09, 23:34

تخافي تدير فيهم ريحة الفريجدار و نتمنى البنات يفيدوك أكثر مني
ربي يسلكك على خير و تجي عجوزتك بالسلامة

ام مهدي 03

2014-07-10, 14:50

مساء الخير لبنات .صح رمضانكم
انا كنت غايبة على المنتدى هدى مدة غير اليوم لى قدرت ندخل. سارة ربى يسلكك على خير وتروح عجوزتك بالف صحة
بريق الدجى نظن لكان القاطو يتحط فى العلب الكبيرة ويتغطى بورق الالمنيوم ما تجيش فيه ريحة الثلاجة .لكن المشكل الى يصرا انو اذا طول يصوف

عيدة نور الهداية

2014-07-10, 15:21

اذا حبيتي تخبيه وتخليه يبقالك كأقصى حد وميصرالوا والوا ديريه في بوغت مونجي وديريه في الكونجيلاتور وقبل متسحقيه اجبديه بنص نهار يولي كأنك دوكا طيبتيه ونفس الذوق ميتبدلش ,,,,,,,,,,,,,,هذي قالتهالي لي راني نقرى عندها في الحلويات في جمعية علمتنا كفاش نخبوه
,,,,,,,,,,,,,,,,,تحياتي للجميع ورمضان مبارك

أم امتنان

2014-07-10, 23:40

جبتلكم قاطو جديد هو اشبه بمقروط عش النحلة لكن مختلف شوي انا متتبعة بصمت وشكرا على الموضوعhttp://www.antiahla.com/2014/03/blog-post_15.html

imane-droit

2014-07-10, 23:44

السلام عليكن حبيباتي شكون لي قائمة باش تشري صوالح القاطو تحطلنا انا راني حايرة واش نشري كيما كل مرة

imane-droit

2014-07-10, 23:47

انا نقولكم لائحة الحلويات لي غادي نديرها انشاء الله
مقروظ
سابلي حبة فوق حبة
سابلي شوكولا
بقلاوة بلابات فيلو
صامصة بلابات فيلو و اللوز
العرايش
المشوك
و طورنو لجداتي انشاء الله و كاش قاطو مايطيبش بالنواد كوكو