سؤال لأصحاب لاداس [الأرشيف] - منتديات الجلفة لكل الجزائريين و العرب

أسية24

2014-06-09, 13:17

السلام عليكم أن اليوم أعطاوني الكونترا باش نمضيها وقالولي جيبي ورقة من الكازورو وكاتبيلي الأجر مليون في الكونترا هل زادت وبالنسبة للكونترا عندما ندفعها خلاص نخلص الشهر تاع جوان لانها تبدأ من1جوان والبوانتاج مين نجيبه تاع لاداس هل هو نفسه تاع لانام وهل يخلصو جويلية وأوت إلي يخدمو في المدارس

أسية24

2014-06-09, 17:21

راهوم كدابين وسراقين تاع لانام عندي 4 اشهر مخلصونيش يقولولي موصلناش البوانتاج واما كي نروح للمؤسسة يقولولي بعتناه كرهنا من وجوه الخنازير

أخي عاود البوانتاج وأدفعه وتأكد في الصون بيرو بلي وصل البوانتاج تاعك وما تسكتش هل هذا الأشهر هوما الأوائل تاعك ملي بدات الكونترا؟ لأني أنا صراتلي وقالولي في الصون بيرو ماكيش مفاليديا عاودت دفعت قاع لي بوانتاج مع السودوسي وفوتوهم لي

المسعدية

2014-06-10, 12:20

....اولا الشهرية مليون مازادو فيها ماوالو ..وماتجيش كاملة ناقصة من خمسين ال ستين الف ...
...
.. وتخلصي من اليوم اللي بديتي فيه معناها انتي من 1 جانفي يحسبوهلك عادي ....
..
..اما منينتجيبي البوانتاج اكيد من عند المستخدم اللي مضيتي عندو اوراقك ...لاداس ماعندهاش علاقة بلانام لا من قريب ولا من بعيد ...
........
....سلااااااااااااااام .............

ام دينة

2014-06-10, 13:47

اولا الشهرية مليون بصح ينقصولك الضائب تولي 910000
ثانيا يحسبولك من 1 جان بصح يجي متاخر قادر 4 شهر او 5 باش تبداي تسلكي
ثالثا البوانتاج تجيبيه من المؤسسة اللي تخدمي فيها
رااااااابعا اللي يخدمو في المدارس يسلكو حتى على العطلة الصيفية

ام دينة

2014-06-10, 13:49

أسية24

2014-06-10, 21:32

اولا الشهرية مليون بصح ينقصولك الضرائب تولي 910000
ثانيا يحسبولك من 1 جان بصح يجي متاخر قادر 4 شهر او 5 باش تبداي تسلكي
ثالثا البوانتاج تجيبيه من المؤسسة اللي تخدمي فيها
رااااااابعا اللي يخدمو في المدارس يسلكو حتى على العطلة الصيفية

شكرا جزيلا على الرد العام الماضي تاع لانام ما فوتولهمش الخلصة تاع العطلة يعني لاداس يفوتو نورمال

ام دينة

2014-06-11, 09:48

نعم تخلصي من 1 جوان انا راني نخدم عون في المصالح الاقتصادية في متوسطة و انا ثاني مدايرة لاداس و نخلص حتى في العطل بصح يطولو برك