تسجيل الدخول

مشاهدة النسخة كاملة : ساعدونييي

modest girl
2014-06-09, 09:33
عندي كاوكاو ماهوش مقلي نحب نخدم بيه شباح الصفراء ( اللوز غالي)
هل نقليه قبل ولا نخدم بيه هكاك
ونعتولى الطريقة بالمقادير عندي حوالي كيلو كاوكاو
awladi
2014-06-09, 09:41
راني ديت سؤالك للكوزينة لي عندها أي فكرة راهي تدخل تساعدك انا عمري مادرتو موفقة حنونة
أم ياسين الزهراء
2014-06-09, 10:11
اختي ماننصحكش ديريها بالكوكاو راهي ماتجيش مليحة وادا حبيت تجربي حطي الكوكاو في الفور شوي يبس ماتحمرهيش ومنبعد نحيلو القشرة وارحيه وديريلو الطريقة العادية تاع شباح الصفرى وكثري زاست تاع القارص
ikhlasse25
2014-06-09, 14:46
موفقة اختي
سرور2
2014-06-09, 17:42
وشنه تقصدي بشباح الصفرة راني مفهمتكش ممكن توضحكي

ممكن عندو اسم اخر عندنا
almazalina22
2014-06-09, 19:00
حبيبتي انا جربتها مرة بالكوكاو جات هااااااااااااايلة بصح كيما قالت ام ياسين ديري الزاست بزاف وهذي طريقتي
كوكاو محمص شوية مالازمش يحمار واذا عندك المقشر سخنيه شوية برك باش تروح الرطوبة برك وكيلي 3كيلات كوكاو وكيلة سكر وارحيه مع بعض مليح وسيريه وزاست القرص+قرصة ملح فقط للنكهة +فاني +ولمي بصفار البيض حتى تولي عجينة شادة روحها خليها ترتاح حوالي 2ساعة ثم ابداي شكليها على نيلو سمك 2سم او اكثر انت واش تحبي ثم بالمول قطعيها اشكال مختلفة قلب او وردة او مثلث واغمسيها في بياض البيض ضربيه شوية برك باش يتحل واقليها في مقلى ما تلصقش وحطيها تقطر ثم نقيها من الشوائب نتاع البيض وعاودي اقلي بنفس الطريقة كيما تحبي 2 او 3 مرات وكل مرة نقيها من الشوائب وخليها تبرد وحطيها في بورت مونجي واللى المجمد وكي تطيبي طاجين الحلو حطيها مع الاخير تغلي مرة او زوج باش تاخذ بنة المرق مممممممم رووووووووعة حقا خليها تديكونجلا قبل
انا عجبتني ان شاء الله نكون افدتك ودعوة في ظهر الغيب واذا جربتيه حطيها نشوفها هههههههههه سلالالالالالام
fatimazahra09
2014-06-10, 16:34
اختي ما ديريش شباح الصفرة بالكوكاو ... رايح يجيك يابس ... الكوكاو ما يتلقش الزيت نتاعو كيما اللوز
صاريلو كيما مقروط اللوز المسكر
كاش مرة شفتيه ندار بالكوكاو؟
اما الكوكاو في باقي الوصفات ننصحك تقليه اصفر حق ما طيرلو القشرة نتاعو و لاكان مقشر مادابيك
ديريلو المعطر والملون الغدائي عطر اللوز رايح يجي افضل ... طبعا في الحلويات
MINA-NINA16
2014-06-10, 16:50
اختي اتفق مع الاخوات وشباح الصفرة اسم طلقوه على اللوز كي يجي شباب و مشبح طبسي اللحم لحلو
تقدري تخلي الكاوكاو لرمضان ان شاء الله ديريه سيقار بالعجينة ولا بالديول او صامصة