درتي الميناج تاع رمضان؟

[امال مارية]

السلام عليكم ورحمة الله
جارتي ام لثلاث ابناء ربة بيت من مدة كل مرة اخت زوجها الكبرى تسال زوج جارتي الي هو اخوها زوجتك دارت الميناج تاع رمضان او لا وكل مرة يجاوبها لا ما دارتش البارح دارت له حالة كيفاش مرتك ما دارتش الميناج حتى لدرك هادي مش مرى طلقها وجيب استادة دخلك الدراهم ودارت له نهار احمر جاء الزوج معمر يعيط على زوجته وعلاش ما درتيش الميناج حتى لدرك؟؟وبدا يصرخ ويهدد فيها؟؟؟جارتي المسكينة عيطت لاختها باش تعاونها تحكم اولادها الثلاثة الصغار والليل كامل وهما يمسحو في الحيوط تاع الدار وغسلو الزرابى و اواني البيت كامل قاتلي ما رقدناش حتى 3 تاع الصباح مسكينة خافت يطلقها على جال الميناج تاع رمضان؟؟؟ في الصباح قالها الزرابى عاودي اغسليهم ما زالهم فايحين؟؟؟ راح تعاودهم المسكينة انا ما فهمت والو هدي نظافة والا جهل؟؟؟؟لكم التعليق اخوتي

[optimism]

السلام عليكم
وتستمر ,,,,,,,,,,,,,,حكايا ,,,,,,,,,,,عش تشوف؟؟؟؟؟؟؟؟
شكرا ,,,,,,,,,,,,,,,,امال

[أم أماني أريج]

الله يهدي ماخلق
قوليلها لجارتك تصبر و تحتسب الأجر و ربي يفرج عليها .

[غربة أهل السنّة]

وعليكم السّلام ورحمة الله وبركاته
الله المستعان,,
من المفروض على أيّ زوج أو زوجة أن يتكلمّا عن أسرار البيت ولو كانت بسيطة جدّا وهذا من أهم العوامل التّي تساعد على سعادة الحياة الأسريّة
و على كلّ من الزّوج والزّوجة أن يتمتّع بقوّة الشّخصيّة و يا حبّذا أن يحتفظ الآخرون بآرائهم لأنفسهم
ليس عيبا أن تؤخّر المرأة التنظيف ما قبل رمضان لأنّه ليس واجب علينا لا بالكتاب ولا بالسنّة
بل الواجب على المسلم أن يكون بيته دائما نظيفا و التّنظيف ما قبل رمضان هو مجرّد عادة فقط

و أكرّر نصيحتي: على كل أخت ان تختار زوجا يتقّي الله فيها,, فليس من السّهل التّلفظ بالطّلاق لأتفه الأسباب, فهذا ميثاق غليظ ولو كان كلّ إنسان يطلق زوجته لسبب تافه لانهار المجتمع و الله المستعان.

تقبّلي مروري أختي

[samirabahi]

هو في الاصل ماشي راجل حتى يحرشوه يجي يعيط على مراتوا يا خيييييييييي راجل الله يكون في عونها.

[pro24]

القصة أوضحت الأسباب "جهل والعصبية وتخلف "
دائما نساء سبب المشاكل
واذا عرف السبب بطل العجب …
مكر النساء هو سبب مصائبنا....(نافذة السموم)
سيندم هذا المتخلف على السماع لتلك المتوحشة ...(المجنونة بامتياز)
لا لعشرة احترم ولا لزوجة...........
ألا لعنة الله على الجهل والتعصب والتخلف وعلى مكر النساء
دائما اقول
ربي يحفظن من مكركن

[~أمة الله~]

عيش تشوف !!!
لا حول ولا قوّة إلا بالله ...ربّي يصبّرها

[أم مبين]

لله في خلقه شؤون الله يهدينا أجمعين

[nilly]

اول مرة نعرف بلي كاين ناس تدير ميناج لرمضان
ياخي نورمالمو الميناج للعيد برك

[نارينا]

هههههه ضحكت على المرا مسكينة للفجر وهي تغسل وتحك .....جاتني القصة فيها بلاهة شوية ......هي علاش مادارتش الميناج من قبل ؟؟؟ هو علاش يسمع لاختو؟؟ الاستاذة ديما داخلة فالنص راهي تستنا فيهم يقرروا برك ..........غريب أمرهم .......والله مزال نضحك .......

[little smile]

انه الجهل بعينه ,,,,,,,,,,,,,,,,,,,و للأسف عيش تشوف

[bellaluna]

المشكل موش في ميناج رمضان المشكل في أخت زوجها التي تودّ خراب بيت أخيها..
بالنّسبة لنا في العائلة منذ خلقت في هذه الدّنيا نقوم بـــ:

- ميناج دخول الرّبيع
- ميناج الصّيف
- ميناج قبل رمضان
- ميناج العيد الصّغير و الكبير
- ميناج المولد النّبوي الشّريف.

[ailemak]

أحنا تاني نديرو لميناج تاع رمضان و نسميوه شعبانة ههههه زعمة كي نكونو في شعبان
أما بخصوص القصة, هل هذا رجل باش يدير على راي إمرأة???? و تاني, زوجته علاش ماديرش شعبانة نرمالمو ماتسناش راجلها يقولها

[biologie2001]

هدا ماشي راجل

[naamane3]

رجل اوشيئ احمق

[جويرية الإيمان]

مش العيب في الراجل أو زوجتو

فكثير من الرجال يسمعون لتحريض الأخت أو الأم و المقصود طبعا هو الكنة

أما الزوجة فواضح أنه مغلوب على أمرها

أما حكاية ""ميناج رمضان ""فليس قانونا نحن ملتزمات به

فال"ميناج" نقوم به تقريبا كل يوم أو كل أسبوع و ليس شرطا أن نخصه في مناسبات

يعني المرأة تترك بيتها غير نظيف طوال عام كامل و تنتظر قدوم رمضان لعمل "الميناج" أظن الأمر غير معقول .

و ربي يكون في عون الجميع و يقدرنا على صيام شهر رمضان .

[flower13]

المناج راه كل يوم مش غير لرمضان لكن واش دخل المراة في بيت الزوجة بففففففففففف عيش تشوف

[liyna_24]

لا حول و لا قوة الا بالله

[حمـ السلام ـمة]

لا حول و لا قوة الا بالله

[ام إثري]

سبحان الله
الميناج نتاع رمضان الميناج نتاع المولد نتاع الرييع .........................................
يعني الواحد يدير ميناج بالمناسبات وهو الاساس في ديننا النظافة والترتيب يوميا
لا حول ولا قوة الابالله
كي الراجل كي اختو كي مرتو
الراجل يسمع لي يهدرو يروحويطبق نورمالمومرتو ام ثلاث ولاد راها اقرب الناس ليه

والاخت ربي يقطع هذا النوع نتاع الاخوات لي يديرو المشاكل( كون راحت دارت ميناج لقلبها الساع قبل مادير الفتنة في دار خوها

والزوجة ماعندهاش فم تعرف تهدر بلعت لسانها


والاستاذة علاه بركدخلوها في النص علاه غير هي لي تخدم وتجيب دراهم

لاحول ولاقوة الا بالله الناس هبلت

[نسائم الصباح]

لا حولا ولا قوة إلا بالله .مالقيتش وش نقول .غير وكيلها ربي لي حبت تخرب البيوت

أما الرجل فهو إمعة (باعععععععععععععععععع ) لوكان جاء رجل صح يقلها حنا نطهروا قلوبنا ونشحنوهم بالحب والطعات لهذا الشهر الفضيل
مش الديار .
الديار كل يوم يتنظفوا

[ريتاج 09]

القصة أوضحت الأسباب "جهل والعصبية وتخلف "
دائما نساء سبب المشاكل
واذا عرف السبب بطل العجب …
مكر النساء هو سبب مصائبنا....(نافذة السموم)
سيندم هذا المتخلف على السماع لتلك المتوحشة ...(المجنونة بامتياز)
لا لعشرة احترم ولا لزوجة...........
ألا لعنة الله على الجهل والتعصب والتخلف وعلى مكر النساء
دائما اقول
ربي يحفظن من مكركن

لمادا كل هدا التحامل على النساء أليست أمك إمرأة و أختك إمراة هل ترى أمك و أختك من الماكرات أم نظرتك إليهن تختلف عن نظرتك إلى النساء الأخريات أنا أرى هدا التعميم على كل النساء جهل

[سميرة2]

ربي يعينها ويهديد قريب يولي لميناج عيد وطني

[ايمان نور الجزائر]

هادي تالية فيهم
.............................
وتستمر المكائد ربي يهدي ما خلق

[100000100001]

عيش تشوف ............. ولينا في زمان كل من هب و دب يحكم في المراة في دارها ربي يكون في عونها مسكينة

[رثاآء]

هذا لا جهل ولا وسواس بالنظافة هذا هو التبهليل بأم عينه!!
والزوجة الله يصلحها دير الميناج كي يدخل شعبان!!واك ما راهي لا خدامة لا والو..ولا مين جات في الطلاق؟
ولا الراجل وسيد الرجال يتحرش..اغير الحيوانات اكرمكم الله اللي يتحرشوا "الناس يغلبوني وانا نغلب خيرة اختي"
ولا الاخت لالة مولاتي..ما لقات ما دير تقابل في الناس اللي دار الميناج واللي مادارش
لا حول ولا قوة إلا بالله
الله يهدينا ويهدي الامة الاسلامية جمعاء

[زوجة الغول]

هههههههههههه
حتى أمي في البيت راهي غير مع ديرو الميناااااااااااااااااج تاع رمضان
دارنا نظيفة لاباس بيها منذ شهر درت الفاتحة تاعي وكلشي نظفناه بصح لازمنا نعاودو:confused:
وزيدي يا ختي في العادات كل مناسبة سيرتو الدينية يدار الميناج ونشريو لماعن جدد مام عندنا
وهي لازمها تدير أي حاجة تخطر ببال راجلها بلا ما يقولها حاجة عادية انها تدير الميناج الحاجة لي مش عادية انو يتبع هدرة من والا
فهمتي ؟
هي تدير الميناج وتربي راجلها باش ما يوليش يحل وذنيه لكل من هب ودب
هاذي هي

[abdoustar]

حقيقة


الرجل الجزائري

حقار سيرتو مع المرا

[شرشورة2]

صراحة هادا ما هوش راجل تعمر و يجي يفرغ المراة اولى بشؤون بيتها هي تعرف ولا ينقصها نظافة و لا لا الحمد لله انا اخوات زوجي كي يشوفوني نخدم يقولولي علاش راكي تهدي في صحتك كلشي راهو 444444444444444 الله يجيب الخير

[miriamsara]

لا حول و لا قوة إلا بالله ربي يهديه و يحننهم على بعضاهم

[○•ميسون•○]

هاذا المخلوق لو كان جا راجل ميخليش أختو تسيطر عليه أو تتدخل في حياتو أصلا
مش راجل الله غالب