مساعدة بالبيت ...نفاق ...سرقة....غدر....وتظاهر بالمحبة

[ل..ب..ن..ى]

السلام عليكم ورحمة الله تعالى وبركاته

حبيت نحكيلكم على قصة صرااات البارح

واش حتى من جهتكم كاين امور مثل هده ؟؟؟

راح نبدا :

عائلة صغيرة
الاب عامل والام عاملة
ما يرجعوش الوالدين حتى ال5 تاع المساء
وعندهم اولاد
ولازم يجي شخص يعتني بهم
اثناء غياب الوالدين ...

بحث الوالدان عن مربية لاولادهما
كل مرة واحدة عاود ينوضوا المشاكل وتروح ويحوسوا على وحدخرا

والمشاكل تاع الفراق تقريبا دايما نفسها

السرقة ...!

المهم : مرة جات واحدة
وكانت المربية للطفل الاصغر
وكانوا فوقه 3 بنات يقراووا
بصح صغارات كلهن

وهده المساعدة كانت تعس الطفل برك
يعني لا تنظيق لا اعداد الفطور لا والو

مرت سنوات وسنوات
والام تعتبر البنت كاحدى بناتها
يعني ادا اشترت اي حاجة لبناتها
تشري للمساعدة المثل

الفتيات كانوا مرات يروحوا يقولوا لامهم حاجات
واش هما هاد الحاجات ؟؟
كانوا يقولوا لامهم
ماما فلانة راهي تسرق
هي اللي رفدت هاديك الحاجة وهاديك الحاجة
وووو
والام كانت دايرة ثقة عمياء في البنت
وما تامنش بناتها لانهن صغيرات

وتقول بالاك كانوا يلعبوا بها ولا وطاحتلهم
ولا تودرتلي وما فقتش بها

مرت سنين وسنين
كبرت البنات ومارجعوش يخبروا لامهم في حال وجود سرقات
يسكرتوا برك

حتى ليوم امس
21-07-2009

كانت كل العائلة بالبيت
ورات البنت الكبرى كالعادة تلك المساعدة
تخبئ شيئا في محقظتها

راحت عند الوالدة قالتها
ماما عيطي للبنت تشوف واحد القش كانت الوالدة قد اشترته
فراحت البنت الكبرى الى محفظة المساعدة
واخرجت منها المسروق
البنت الكبرى في عمرها 22 سنة وراح تتزوج بعد اسبوع

قالت واش نخبر ماما والكل ولا نخليها حتى تروح ونقول ؟

شاورت اخواتها وقررت تخليها تروح دون اي تانيب

راحت قالتها للوالدة
قالتلها ماشي المرة الاولى اللي ديرها راهي خالية الحالة

قالتلها الوالدة ايوا صايي المهم ..المسروق..راه رجع
خليها ...ربي يهديها

نقاش ونقاش ونقاش

وقررت بعده الاخوات يديرولها عفسة

في الصباح خرجت الام تقضي
وجاءت المساعدة
التي لم يعد لها عمل مند 5 سنوات
لان البنت الصغرى في 18 من عمرها
ولكنها تاتي لغرض اخر ..اكيييد

المهم وضعن لها مسجل
في احدى الغرف
وراحت الكبرى تتكلم معاها
قالتلها voila voila
راني نعرف كلش واش هو ما كنتش نهدر
خاطر ماما ماعلاباليش واش درتيلها باش تحبك كامل هاك ...!

مااردت اطلاعكم عله ردة فعل المساعدة ...!
والله جد محيرة !!

لم تنكر اي شيء
ولم تعترف بشيء
لم تدافع عن نفسها
ولم تبكي كما كانت تفعل دائما
لم تطلب السماح

يا رب ....!

هل هي انسان ام مادا ؟
لا ضمير ؟؟؟؟؟

وكانك تكلم الحيطان ربما تحاول الدفاع عن نفسها

وعندما انتهى الحديث
قالت شيئا واحدا فقط :
قالت : ومادا بعد ...!
اشياء اعجبتني فاخدتها
مادا الان ؟؟؟

وااااااو ...!

والله لم ارى انسانا بهده الجراة
والوقاحة في حياتي

ههههه مادا بعد ...!
طردت من البيت وقتها
وسمعت الام التسجيل
يعني الحوار الدي دار بينهم
وقالت نوكل عليها ربي


واش رايكم في ناس درتوا فيهم خير كبيييير
وترباااووووا بيناتكم
وغدروكم طول حياتكم

هل عالمنا وحشي ام مادا ؟؟؟

مادا نعيش نحن ؟؟

هل هي سنوات ال2009 ؟؟

يا رب استرنا

عقوا على الاطالة

ولكن وددت الوصول الى فكرة مفادها :

عسوا رواحكم
وماديروا الثقة في اي شخص
عائلتك برك اللي تحبك
غيرها .... سلم على الحيطان


تحيتي


سلاااام

[ثائرة الجبال]

إن أنت أكرمت الكريم ملكته ..... وإن أنت أكرمت اللئيم تمردا
والمخفي أكثر بكثير
دمت متميزة سيدتي

[بوبكر28]

سلاااااااااااااام

ختى بوقوسا يعطيك الصحة
نقلك حاجة لارغم من لؤم المساعدة
إلا ان سؤالا في قلبى
هل إطلعو على احوال هاته المساعدة التى تعمل لديهم
الن نستطيع اننقول انها ربما سرقت لان الحياة ارغمتها ؟؟
انا لا ادافع عنها هنا
لكننى
التمس لها عذا ربما نجهله


المهم يا ختى بوقوسا
انضن الحالة واضحة
لما يكون كلا الزوجين يعمل
الحمد لله انا مصير اولاد هذه العائلة بخير عكس عائلات اخرى
لكن هذى احدى نتائج غياب الام عن وضيفتها الحقيقية ....بيتها وبيت اولادها

ولا تقتلو اولادكم خشية املاق نحن نرزقهم واياكم ..............نضن فهمتى قصدى

نرجو للمساعدة
نحاولو نعرفو الاسباب
واذا وجدناها مستمتعة بالسرقة ليس إلا
فنقول
إتقى شر من احسنت اليه

[ل..ب..ن..ى]

شكرا لمروركما

واش نقولك اخي بوبكر

البنت من عائلة لا باس بها
خرجت للعمل لانها بطلت الدراسة

وزيد في هاديك العائلة والله ماكان خصها والو
وانا شاهدة على ما اقول

يعني لا مبرر للسرقة

ثم انها كانت تحصل على كل ما ترغب به
لما تجرات وغدرت باهل الملح الدين اطعموها
؟؟؟

اكيد غرها شيطان ولكنها
كانت اوقح منه
لانها فعلت اشياء اكثر من هده

لا اود التطرق لها

احداها ولا اود الاكثار
محاولة التفرقة بين البنت التي ستتزوج وزوجها
بابشع الطرق ...!

ومحاولات عديدة لتفريق العائلة

ربما لانها كبيرة ولم تتزوج بعد ...!
ام ربما لاسباب انتقامية في نفسها
لا يعلمها سواها وربها

فيما قلت اخي عن عمل الام
انا في مواضيع عديدة بالمنتدى
كنت مع فكرة عمل المراة
لانها اصبحت بعملها
عاملا ضروري للنهوض بالاسرة

خاصة في بلادنا

خلصة واحدة مادير والو


شكرا على المرور الطيب

تحيتي


سلااااام

[أمـــ الجزائرـــــــــال]

عندك الحق اختي لبنى

هادا هو الزمان لي وصلنا ليه خلاصت النية لازم نعسو رواحنا ........

الله يجعل الخير ان شاء الله


شكرا على الموضوع

[س..ع..ي..د]

ان اكرمة الكريم ملكته وان اكرمة اللئيمة تمرد
هدى انسانة لئيمة ولا تعرف كيف ترد الجميل وعليكي ان تعلمي ان مهما تخبات الحقيقة سياتي يوما لتضهر وواضح ان هده المراة سرقت عدة مرات حتي جاء اليوم الدي ظهرت فيه علي حقيقتها....
وفي الحقيقة هدا ليس امر غريب في 2009 لانه زمن الخيانة والغدر ...والخ..الا من رحم ربي .
شكرا لكي علي الموضوع اختي ل.....ب......ن...ى.......

[AMARAGROPA]

السلام عليكم ورحمة الله وبركاته .

اليد لي تودك بالربح ما تودها بالخسارة .

يعني عمرك ما تعض اليد لي إمتدتلك .

ربي يهدي ...

سلام...

[نورالدين17]

يا حسراه تغيرت كل المثل والمبادئ وماعاد الواحد منا يأتمن الى الآخرين...............

[اسد الاسلام81]

والله اختي هذي مشكلة كبيرة وقد تسببت الكثير من هذه العاملات في خراب البيوت......الله يهدينا ...مشكورة اختي على الموضوع .......

[كان يا مكان]

و اسفاه البنت هذي سرقت برك الحمد لله ما دارتش حاجة اخرى اكبر من السرقة
بارك الله فيك اختي على الموضوع

[سلاف26]

الله يهديها المهم يتركوها تروح لحالها و يغلقوا الموضوع للأبد و لا يفضحوها لأن الستر من أخلاقنا
مشكورة أختي بوقوصة على الموضوع و ربي يستر من الوقت لي رانا فيه

[ل..ب..ن..ى]

شكرا لمروركم الطيب

ربي يهدي ما خلق!!


سلااااااااااااام

[الـ^ـسَّــآآحِـ^ــرْ ،]

وجب عليهم فضحهها ،،، لأن ردة الفعل منها كانت ببساطة جرأة كبيرة ووقاحة .