خلاص [الأرشيف] - منتديات الجلفة لكل الجزائريين و العرب

مشاهدة النسخة كاملة : خلاص

رانيا 1990

2014-06-07, 21:31

كما موضح في العنوان سأبدا بالتحضير لبكالوريا 2015 من الآن لان تاع 2014 راحت
ايماجينيو يا جماعة حليت في الفيزياء الموضوع تاع الاسترة طبعا هذا التمرين مشفتش فيه لاني لا علاقة
زعما عولت على تاع الناقلية لقيت روحي رقم 2 هذاك مشفتوش خلاص و مخدمتش بيه و كل علاقاتي خرجو غالطين تمرين كامل طار
بدون ذكر اني جاوبت في التمارين لي بقات كل واحد سؤال .
باختصار كي حسبت الناتج تاع نقاطي في هذي المادة حسب التصحيحات خرجت 3 جبت 3 في الفيزياء واش يطلعها هذي
و المات نجيب حوالي 5
قولولي ضرك واش ندير في عمري
على حسب خدمتي لازم يقيمو عليا الحد

biba_g

2014-06-07, 21:37

رانا كيفكيف.مابقى غير نستناو النتيجة ومن بعد ساهل الحال.
.
انا خدمتي ضرك نحضر العايلة الكريمة نفسيا باش مايتصدموش مع الاخر + الاساتذة من عندي ...... ربييهديهمْ خاصة الرياضيات وخذوني من سنة اولى ثانوي وانا نعاني وعرفتها تخلاص هكا .

Bac 2015 yes we can 3la zahri

حميد أبو نوفل

2014-06-07, 21:39

وما توفيقي الا بالله ، الخير فيما اختاره الله ،

رانيا 1990

2014-06-07, 21:41

yaaaaaaaaaaaaaaaaaay bac 2015 i will pretend that i care

yasmine-algerienne

2014-06-07, 21:42

يا ختي الباك ويلا ماجاش العام هذا يجي العام الجاي إن شاء الله نورمال وين راه المشكل؟ هكذا راكي تمرضي علابالك؟
صدقيني رانا كامل هردناها بصح هانا صابرين وربي يكون معانا إن شاء الله
وزيد نقلكم حاجة بكل صراحة أغلبيتنا ماراجعناش دروسنا من بداية السنة كاين اللي خلاّ حتان بقالو 3 أشهر باش بدا وكاين لي خلاّ حتى بقات سمانة للباك وباش بدا يراجع يعني خلينا حتان تراكمت علينا الدروس وبدينا نشكو ونبكو ...

لبؤة جزائرية

2014-06-07, 21:46

اللي كاتبها ربي هديك هي انا تاني عاودت مرتين وهاد السنة الثالثه يعني تغلبت بش وليت نقدر نحل المواضيع والحمدلله
لازم الصبر والواحد مايقنطش روحو
والفايده في الصحه والعايله

حميد.ص

2014-06-07, 21:50

بالتوفيق ان شاء الله

samah samou

2014-06-07, 21:59

{ قُل لَّن يُصِيبَنَآ إِلاَّ مَا كَتَبَ ٱللَّهُ لَنَا }
يا اختي والله ماتعرفي الخير منين يجيك رحمة ربي واسعة ..خلي املك بالله دائما كبيير و قولي "اللهم انا لا نسألك الا القضاء و انما نسألك اللطف فيه" و اذا كان ربي شايفنا فيه خير انا ندوه و ادا كان العكس .... و الحمد لله راضيين بقضاء الله بحلوه و مره .سلام

رانيا 1990

2014-06-07, 22:02

شكرا على المرور الكريم
لكني فعلاااااااااااا محطمة

الدرة المصونة‎

2014-06-07, 22:09

يا أختي انا كذلك كيفك

لكن الآن احنا ندعوا و توكلوا على ربي

بعدما تظهر النتيجة نحضر معاك و نستفادوا من أخطأنا علابلي اذا جبتوا مانجيبش معدل مليح و احنا نأمنوا بالقضاء و القدر خطرش احنا درنا المستحييييييييييل و كل ماهو من عند الله الا وهو خير لنا ( فإن بعد العسر يسرا )

وربي معانا

المتفآئلة

2014-06-07, 22:11

رانا على الهوااااااااااا سوااااااااا

لكن الحمد لله

biba_g

2014-06-07, 22:13

رميساء خولة

2014-06-07, 22:13

راني نغلي والله راح ننفجر راهي على العالي ربي سبحانه

رانيا 1990

2014-06-07, 22:14

اللهم لك الحمد كما ينبغي لجلال وجهك و عظيم سلطااااااااااااانك
لكن ان ايعقل ان نجاح 12 سنة بامتياز ينتهي هكذا ؟؟؟؟؟؟؟؟؟؟؟؟
لا أصدق بالفعل غريبة

shy'n

2014-06-07, 22:26

انا ايضا قررت اعادة البكالوريا آخر مرة

ندا نحفظ في الصيف باش نكمل خاطر هدي المرة مانبلوكيش

XicaWapa

2014-06-07, 22:33

بكل ... والله نفس الشعور و نفس التخمام ، انا تاني عربية درت بزاااف اخطاء ، علووووم كارتة .. زيد حالتي النفسية انفجرت بالبكاء في منتصف الامتحان + ضغط كبير لا جبت 8 ولا 9 اني مليحة ... في فيزياء + مات حدث و لا حرج .. 5 و 3 كيما قلتي .. واش بقا ؟؟ واش رايح يطلع هادو ؟؟ فرنسية 13 على الاكتر .. اجتماعيات شوي شوي .. اسلامية و انجليزية معامل 2 واش رايحين يديرولي ؟؟

كرهت ، كرهت ، كرهت ..خلاص ..لكان جبت نجيب 10 ولا .. وانا تاني بديت من دركا نحضر في العايلة نفسيا .. لانهم كانو طامعيين في 16 ولا على الاقل 14 .. لكان هاد الشيء محال ، محال ..

اشعر بالعار و الجبن و الضعف .. بابا و ماما كان عندهم امل كبييير فيا .. بصح والله عيييت و درت لي عليا .. الله غالب

والله المورال في الحضيض ..

رانيا 1990

2014-06-08, 08:25

انا نحمّل الاسآتذة كل المسؤولية وخآصّـة تع ليكور يلعبو بينا
التجار ..الفيزياء الاسترة درناها في 20 دقيقة يشيخ بينا
انا لي غبي درت الثيقة فيهم ولا والله ما نديرهم
والله ما يربح لي يتاجر بالعلم ويخدع في الناس
و خاصة اساتذة المواد العلمية
وخاصة اساتذة السنة الثانية ثانوي طربقوني نفسيا قبل الباك
والله ما نسمحلهم دنيا وآخرة ربي يجيبهالهم
انا تعبت نفسيا ..ياسر خلاص
ما نعاودوش يا ولوكان نديه بـ 10
وياو يمدو فيه بلاش
إلا إذا ماديتوش هذاك حكاية آخرى

شفت كامل قالو الأسترة ما طيحش و حنا نتبعو برك
فيما يخص الإعادة يا خويا نظن لازم تعاود و الله عار نقراو بعشرة علاه يعني الغاشي يضرب 16 17 يديرو طب و صيلدلة و حوايج ملاح و حنا نتخبطو في 10 هذا لانجحنا
أنا بربي نعاودو مستحيل منعاودش فنيت عمري في القراية و منبعد الحضيض
يا لطيف يا ربي
استغفر الله لا حول و لا قوة الا بالله

طالع هابط

2014-06-08, 10:55

والله نفس الشيء
تخيلي اما to من البينان باش نيدر 0.08 رحت درت 0.8 كل شيء بعده راح غلاط حتى تمرين النووي
الفيديو ندي كاش 3 او 4
قررت نعاود العام الجاي خلاص
ولازم نغلطو باش نتعلمو ولي مايغلطش مايتعلمش

la duchesse

2014-06-08, 10:58

ورود العلم

2014-06-08, 11:19

انا عادتي نحب لقراية نموت عليها ونجيب معدلات ممتازة مي هذا العام الباك كرهني فيها ..كنت نتمنى ندي معدل عالي وندير حاجة مليحة مي اذا كتب ربي سبحانه وماديتش علامة عالية بصراحة مش مستعدة نعاود والله غير تعبت نفسيا وعقليا
.و الله اعلم ممكن بعد النتيجة نبدل رايي ..لكن حاليا قررت المعدل لنديه نكتفي بيه ومدايرة في راسي انو هذاك هو المكتوب.. مي حاجة مليحة اذا كان العبد عندو القدرة والحماس باه يعاود لانو في الاعادة افادة وكل مرة يزيد يكتسب معارف اكثر واكثر لان العلم بحر ومخطئ من يظن انو كي يدي 18 ولا 19 في الباك راه صايي ولاعالم بالعكس مهما اقتربنا من بلوغ القمة في العلم فهي كل مرة تبتعد عنا..ربي ان شاء الله يوفقنا وما علينا الا الصبر والتوكل والشكر والحمد..

ورود العلم

2014-06-08, 11:23

~ راني نشوف بلي قاع حنا لي قرينا و تعبنا كملت علينا mal غريبة كرة الباك vraiment ...مام انا جاوني الاساتدة للدار و يسقسو و معولين عليا على 16 اللي جبتها فال bac blanc وفالاخير 6 و يا الله ادا لحقتها ....حتى نجي نقول علاه يا ربي علاه و نفيق مع عمري نقول ربي عادل و مافيه غير الخير ......صعيبة بزاف مي ربي فيه الخير

صح والله ماعلابالنا وش مخبيلنا ربي سبحانه ...رحمة ربي وسعت كل شئ وهو اعلم بنا وبحالنا ومقسملنا الارزاق بالعدل وكل واحد في هذا العالم عندو مكانتو المهمة مش لازم كلنا نكونوا اطباء ..المهم ان نتقن العمل الذي نكون فيه ونرتضيه في سبيل الله عز وجل ..والله انا متفائلة جدا ومتوكلة على رب سبحانه

soulef 1995

2014-06-08, 11:57

ya rab ma trayahche t3abna batl

هند95

2014-06-08, 12:08

اخوتي اللي طايحلوا المورال يدخل هنا
http://www.djelfa.info/vb/showthread.php?p=1056622469#post1056622469