اللي طيابها بنين تدخل

[faithfulgirl]

سؤالي غبي مي قولولي كيفاش نتفنن في الطبخ و يولي طيابي بنين

[مريم بنت عمران]

عزيزتي سؤالك ليس غبي وانما لكي تكوني طباخة ماهرة يجب أولا أن تحبي الطبخ فمن يحب عمل يتفنن فيه تلقائيا ثانيا يجب ان تكوني صبورة، ثالثا اسألي أصحاب الخبرة ولا تيئسي ان فشلت في المرة الاولي.

[أناييس الربيع]

الطبخ فن وذوق ويدين كيما يقولها العجايز هههههههه لازم طيبي من قلبك

موش طيبي باه تتخلصي من وجبة وخلاص .

أول حاجة تسمي باسم الله في كل طيابك ولازم تكوني ملمة بكل مايخص الطبخ

مثلا درتي مرق بالخضار وديري فيها خمس لتر ماء أكيد جيك ماتنذاقش

لانو أصلا الخضار تطلق الماء أثناء طهيها

وكذلك التوابل لازم تكوني خبيرة في استعمالها وتنويعها كل أكل يخرج عليه توابل خاصة

وكشما تفكرت راني نقلك

وكذلك ديري في بالك ساعات ديري كلش ومايجيش أكل بنين ،

المهم حاولي كي ماجيكش حاجة بنينة ماتزعفيش ومع الوقت تنجحي

رانا كامل مبتدئين وهنا نحاول نستفيد من أراء وتجارب بعضنا

[bouchra hakerz]

انا فيا ديفو و عكس كل البنات اي حاجة اول مرة تنجح و ثاني مرة كارثة والله معرفت السبب و من ثم ننسى هاذيك الحاجة و نزعف ما نزيد نطيب هكا دايما

[faithfulgirl]

chokran akhawati 3ala nassa2i7kom w inchaalah net3awno w nwalou tabakhat mahirat rabi ya7fadkom

[" أبو عبود"]

انا رجل اقول لك إن الاكل لا يكون طيبا إلا إذا كان مكسبه حلال ولو كان خبزا وماء وإذا كان حراما فلا طيبة فيه ولو كان خروفا مشويا

[بسمة بكالوريا2011]

klass ma39oul ya akh riyadh wlh klam fi mahalou
w ya khtitou lazem 3lik thabi etyab w matefechlich men les recherches 3la koul 3afsa concernant tyab

[جزائري أصيل]

شكرا جزيلا لك ..........

[حمودية]

الطبخ فن و ممارسة

[أم احمد3]

انا فيا ديفو و عكس كل البنات اي حاجة اول مرة تنجح و ثاني مرة كارثة والله معرفت السبب و من ثم ننسى هاذيك الحاجة و نزعف ما نزيد نطيب هكا دايما


انا ثاني....هههههههههه حتى يتاكدو بلي الطبخ هايل ..يخرج ماتشي كما الاول
مي السبب يعود للنفس هل انت مرتاحة ام مستعجلة ام مقلقة على النهاية

على هذيك تصرى هكذاك

[تغرينية]

قولي بسم الله وحوسي على التوابل اللي تجي مع الخضار واللحم وشوفي علي الخضار اللي تتناغم مع بعضها

[faithfulgirl]

merci pour vos conseils...akiid el halal howa aham 7aja w makaltou bnina toujours

[shaydiaa]

نقولك على سر من أسرار الطبخ اللذيذ هو التقلية أي أنك لما تبداي في الطبخ خذي وقتك في تقلية البصل بلى ما تحرقيه ولما تمرقي ما تكثريش الماء جهد ما تغطي الخضر أو اللحم فقط

[شرشورة2]

التجربة خير دليل و في كل مرة تجربي تعرفي لي خاص من لي زايد الله يوفقك حنونة

[أم ضياء عبد الرحيم]

سؤالك في غاية الاهمية
و الله اعطاوك البنات نصائح من ذهب
و انا نقولك عن تجربة
اولا قبل ما تبداي ادعي ربي يوفقك و اعلمي ان العمل اتاعك في المطبخ هو لارضاء عائلتك و انت تاجرين عنه
ما تنسايش تبداي باسم الله و التسبيح و التهليل
لازم تحبي تتدخلي للمطبخ و تحبي الطهو
لازم ما تفشليش كي ما تنجحيش في وصفة و كي تجربي ديري كميات قليلة
ابداي بالاطباق المالحة قبل الحلوة لان الحلويات و التورتات تحتاج خبرة و مقاييس مضبوطة و تقنية
ديري كراس تكتبي فيه الوصفات بالتفصيل و كل مرة تجربي فيها الطبق و يجي مليح اكتبي واش الي ضفتيه جديد باه نجحلك او العكس
سجلي كل النصائح لكل طبق
كي اطيبي ديري كل مرة طبق ما تحاوليش اديري اطباق كثيرة ركزي على واحد و يجي مليح احسن و كي تتعلمي تولي تنوعي
نظمي وقتك في المطبخ و رتبي الادوات باه ما تضيعيش الوقت في البحث و حضري كل المقادير قبل ما تبداي في اي وصفة
طبقي الوصفة كيما راهي و ما تغيريش فيها و مع الخبرة تقدري تحطي لمساتك
المطبخ عبارة عن مخبر و الطبخ هو تفاعلات كميائية لازم تعرفي كل حاجة كيفاه تتفاعل مع باقي المكونات مثلا الخميرة واش لازملها باه تتفاعل مليح و اطلع لعجين الطماطم كيفاه تتخلصي من حموضتها الطريقة الصحيحة للعجن
الطبخ على نار هادئة كيما قالت الاخت الي اخره من المعلومات المهمة الي تسمى بالقواعد في الطبخ يعني تبني عليها كل الوصفات
و اخيرا لازم تجربي بزاف مهما اديتي نصائح و مهما هزيتي وصفات لازم تجربي بزاف باه تتعلمي و تعرفي اخطائك و تدي خبرة
ربي يوفقك و نشوفوا عن قريب وصفاتك في المنتدى

[bouchra hakerz]

انا ثاني....هههههههههه حتى يتاكدو بلي الطبخ هايل ..يخرج ماتشي كما الاول
مي السبب يعود للنفس هل انت مرتاحة ام مستعجلة ام مقلقة على النهاية

على هذيك تصرى هكذاك
شكرا اختي كي مديتيلي السر انا صح نستعجل في الطبخ المرة الاولى عادي و الثانية نزرب بزااااااااااااف :19:

[faithfulgirl]

بارك الله فيكم على النصائح و التفاعل ان شاء الله نطبقها و نولي نطيب خير منكن هههههه